Vətəndaşların qəbulu cədvəlinə uyğun olaraq…

Azərbaycan Respublikasının kənd təsərrüfatı naziri Heydər Əsədov iyulun 14-də Şamaxı Rayon Kənd Təsərrüfatı İdarəsinin inzibati binasında Qəbələ, İsmayıllı, Şamaxı və Qobustan rayonlarının sakinləri ilə görüşəcək.Kənd Təsərrüfatı Nazirliyindən Azərtac-a bildiriblər ki, görüşdə iştirak etmək istəyənlər nazirliyə və Şamaxı Rayon Kənd Təsərrüfatı İdarəsinə müraciət edə bilərlər.xeber100.com

Nəqliyyat, rabitə və yüksək texnologiyalar naziri vətəndaşları qəbul edəcək

Nəqliyyat, rabitə və yüksək texnologiyalar naziri Ramin Quluzadə iyulun 7-də saat 12.30-da Şəki şəhərində Şəki, Oğuz, Qəbələ, Qax, Zaqatala və Balakən rayonlarının sakinlərinə göstərilən nəqliyyat, telekommunikasiya (o cümlədən internet, televiziya və radio yayımı) və poçt xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı vətəndaşları qəbul edəcək.xeber100.com

“Azəravtoyol” ASC-nin məlumatı

Astara rayonunda “Azəravtoyol” ASC tərəfindən Taxtanəkəran-Miki və Taxtanəkəran-Toradi avtomobil yollarının tikintisi işləri aparılır.ASC-nin mətbuat xidmətindən Azərtac-a bildirilib ki, çətin dağlıq relyefə məxsus kəndlərarası avtomobil yolu “Hirkan” milli parkının ərazisindən keçir.Uzunluğu 26 kilometr olan avtomobil yolu IV texniki dərəcəyə uyğun salınır. Burada layihəyə uyğun olaraq yol 2 hərəkət zolaqlı olmaqla ümumi eni 10 metr təşkil edir. Bura həmçinin 6 metr hərəkət hissə və hər bir istiqamət üzrə 2 metr çiyinlər daxildir.Layihədə bir aşırımlı dəmir-beton konstruksiyalı 1 ədəd avtomobil körpüsünün tikilməsi də nəzərdə tutulub. Körpü yolun 12,4-cü kilometrində yerləşəcək. Körpünün uzunluğu 28 metr, eni isə 6 metr olacaq. Görülən işlərə uyğun olaraq yolboyu atmosfer və dağ sularının ötürülməsi üçün müxtəlif diametrli suötürücü borular quraşdırılıb.Tikinti işləri tamamlandıqdan sonra sözügedən yola 134 ədəd yol nişanı və məlumatverici lövhə quraşdırılacaq, yol-cizgi və yol göstərici xətlərinin çəkilişi işləri aparılacaq.xeber100.com

II Beynəlxalq Tələbə Konfransı öz işinə başlayıb

İyulun 3-də Qusarda “Gömrük idarəçiliyində aktual məsələlər və çağırışlar” mövzusunda II Beynəlxalq Tələbə Konfransı öz işinə başlayıb.Azərtac xəbər verir ki, konfransa Azərbaycan da daxil olmaqla 31 ölkədən - Avstraliya, Avstriya, Belarus, Belçika, Bolqarıstan, Kamboca, Çin, Gürcüstan, Almaniya, Macarıstan, İslandiya, İran, İtaliya, Qazaxıstan, Laos, Litva, Makedoniya, Moldova, Filippin, Polşa, Rusiya, Seneqal, İspaniya, Türkiyə, Ukrayna, Birləşmiş Ərəb Əmirlikləri, Uruqvay, ABŞ, Özbəkistan və Vyetnamın universitetlərində gömrük ixtisası üzrə təhsil alan tələbələr, gömrük sahəsində ixtisaslaşan elm adamları, eləcə də məşhur gömrük mütəxəssisləri qatılıblar. Həmçinin konfransda 4 beynəlxalq təşkilatın (Dünya Gömrük Təşkilatı, Beynəlxalq Gömrük Universitetləri Şəbəkəsi, BP və “Easy Frontier”) nümayəndələri də təmsil olunur.II Beynəlxalq Tələbə Konfransı iyulun 5-dək davam edəcək.Xatırladaq ki, I Beynəlxalq Tələbə Konfransı “Gənclərin dialoqu - beynəlxalq gömrük əməkdaşlığının genişləndirilməsi yolu ilə potensialın artırılması” mövzusunda 2016-cı ilin iyun-iyul aylarında Qəbələ şəhərində keçirilib.xeber100.com

Növbəti əmək yarmarkası keçirilib

İyunun 30-da Neftçaladakı Mədəniyyət və İncəsənət Mərkəzində növbəti əmək yarmarkası keçirilib.Azərtac xəbər verir ki, rayon məşğulluq mərkəzinin təşkilatçılığı ilə keçirilən əmək yarmarkasında işsiz və iş axtaran vətəndaşlara 81-i dövlət, 209-u isə qeyri-dövlət sektoruna məxsus olmaqla, 290 iş yeri təklif edilib.Sakinlərin böyük maraq göstərdiyi yarmarkada çıxış edənlər əhalinin məşğulluğunun artırılması və vətəndaşların işlə təmin olunmasında bu cür tədbirlərin əhəmiyyətindən danışıblar.Gün ərzində davam edən əmək yarmarkasında iştirak edən 298 vətəndaşdan 82-nə işlə təmin olunmaq üçün müəssisə və təşkilatlara göndəriş verilib, 20 nəfər ictimai işlərə cəlb olunub.xeber100.com

“N” saylı hərbi hissədə “açıq qapı” keçirilib

İyunun 26-da Sumqayıtdakı “N” saylı hərbi hissədə Azərbaycan Respublikasının Silahlı Qüvvələri Gününə həsr olunmuş “açıq qapı” təşkil edilib.Azərtac xəbər verir ki,tədbir iştirakçıları hərbi hissədə yaradılan şəraitlə tanış olub, Daxili Qoşunların istifadəsində olan silah, zirehli texnika və avtonəqliyyat vasitələrinə baxıblar.Hərbi hissə ilə tanışlıq zamanı qonaqlar yeməkxanada əsgərlərlə birlikdə nahar ediblər.Tədbir geniş konsert proqramı ilə davam edib.xeber100.com

İqtisadiyyat naziri vətəndaşların müraciətlərini dinləyib

Mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu davam etdirilir.Azərtac xəbər verir ki, iyunun 23-də İqtisadiyyat naziri Şahin Mustafayev Qax şəhərində Zaqatala, Balakən və Qax rayonlarından olan vətəndaşları qəbul edib.Nazirliyin aidiyyəti struktur bölmələrinin rəhbərlərinin iştirakı ilə keçirilən qəbulda vətəndaşların müraciətləri nazir Şahin Mustafayev tərəfindən diqqətlə dinlənilib, bir sıra məsələlər yerindəcə həll edilib, digər müraciətlərin operativ araşdırılması və qanunvericiliyə uyğun həlli üçün nazirliyin müvafiq struktur bölmələrinə konkret tapşırıqlar verilib.İqtisadiyyat Nazirliyinin səlahiyyətlərinə aid olmayan məsələlərlə bağlı müraciət edən vətəndaşlara ətraflı izahat verilib, bu müraciətlər aidiyyəti strukturlara çatdırılması üçün qeydiyyata alınıb.Qəbula gələn vətəndaşlar sahibkarlıq fəaliyyəti, güzəştli kreditlərin verilməsi, bank olmayan kredit təşklatının Sahibkarlığa Kömək Milli Fondu ilə əməkdaşlığının genişləndirilməsi, istehsal və emal sahələrinin yaradılması, sosial və digər məsələlərlə bağlı müraciət ediblər.Eyni zamanda, qəbula gələn sahibkarların təklifləri müzakirə edilib, onların mineral su istehsalı, fındıq bağının salınması və fındıq emalı, buğda və qarğıdalı əkini sahələrinin, tingçilik və intensiv bağçılıq təsərrüfatlarının genişləndirilməsi, cins heyvandarlığın və damazlıq quşçuluğun inkişafı və digər sahələr üzrə investisiya layihələrinin güzəştli kreditlər hesabına maliyyələşdirilməsi barədə müvafiq göstərişlər verilib.xeber100.com

Maarifləndirici işgüzar forum keçirilib

Əmlak Məsələləri Dövlət Komitəsi (ƏMDK) torpaqlardan istifadəyə və onun mühafizəsinə dövlət nəzarəti tədbirlərinin gücləndirilməsi ilə bağlı respublika üzrə maarifləndirici işgüzar forumlara start verib. İlk belə tədbirlər iyunun 22-23-də müvafiq olaraq Qazax və Ağdaş rayonlarında təşkil olunub.Tədbirlərdə ƏMDK, yerli icra nümayəndələri, bələdiyyələr, aidiyyəti dövlət qurumlarının nümayəndələri, iri torpaq mülkiyyətçiləri və istifadəçiləri iştirak edib.Komitədən Azərtac-a bildirilib ki, forumun məqsədi torpaqlardan istifadəyə və onların mühafizəsinə dövlət nəzarəti tədbirlərinin səmərəliliyini artırmaq, görülən işləri təkmilləşdirmək, torpaqların təyinatı üzrə istifadəsinin təşkilində ƏMDK-nın fəaliyyətini dövlət orqanları, bələdiyyələr, hüquqi və fiziki şəxslərlə əlaqələndirmək, onların hüquq və vəzifələrini izah etmək, bu barədə ictimaiyyəti məlumatlandırmaqdır.xeber100.com

Mədəniyyət Paytaxtı layihəsi çərçivəsində…

“Gəncə - 2017” Müstəqil Dövlətlər Birliyinin Mədəniyyət Paytaxtı layihəsi çərçivəsində rusdilli balacalar üçün Gəncədə “nağıl saatı” təşkil olunub.Azərtac xəbər verir ki, Mərkəzləşdirilmiş Kitabxana Sisteminin uşaq şöbəsində keçirilən tədbirdə uşaqlara müasir rus ədəbi dilinin banisi Aleksandr Sergeyeviç Puşkinin həyat və yaradıcılığı haqqında məlumat verilib, əsərlərindən parçalar səsləndirilib.Dahi rus şairi, dramaturq Aleksandr Sergeyeviç Puşkinin həyat və yaradıcılığından danışan kitabxananın şöbə müdiri Ellada Rəhimova deyib ki, şair dünya ədəbiyyatına nəzm və nəsrlə yazılmış əsərləri ilə yanaşı, uşaqlar üçün aydın və səlis dillə ifadə olunan ibrətamiz nağıllar da bəxş edib. Ədibin nağıllarında acgözlük, xəsislik, yalançılıq kimi qüsurlar tənqid olunub, haqqın qələbəsindən, qəhrəmanların hər cür çətinliyə üstün gələrək sonda arzularına çatmasından söhbət açılır.Daha sonra uşaqlar “Balıqçı və balıq nağılı” əsasında çəkilmiş cizgi filminə tamaşa edib, əsərlə bağlı interaktiv müzakirəyə qoşulublar.xeber100.com

İqtisadiyyat naziri vətəndaşları qəbul edəcək

İyunun 23-də İqtisadiyyat naziri Şahin Mustafayev Qaxda Zaqatala, Balakən və Qax rayonlarından olan vətəndaşları qəbul edəcək. İqtisadiyyat Nazirliyinin mətbuat xidmətindən bildiriblər ki, qəbula gəlmək istəyən vətəndaşlar qeydiyyata alınmaları üçün İqtisadiyyat Nazirliyinin elektron poçt ünvanı  vasitəsilə müraciət edə bilərlər.Bununla yanaşı, vətəndaşlar İqtisadiyyat Nazirliyinin internet və "Facebook" səhifələrində xüsusi olaraq yaradılmış "İqtisadiyyat nazirinin şəhər və rayonlarda keçirilən qəbulu üçün müraciət" bölmələri vasitəsilə də qəbula yazıla bilərlər.xeber100.com