ADA Universiteti ixtisasartırma kursu təşkil edib

ADA Universiteti tərəfindən Azərbaycan Respublikası Xarici İşlər Nazirliyinin Naxçıvan Muxtar Respublikasındakı İdarəsinin əməkdaşlarının iştirakı ilə üçgünlük ixtisasartırma kursları keçirilib. Azərtac xəbər verir ki, kursun birinci günü adıçəkilən idarənin diplomatik heyət üzrə 13 əməkdaşına ictimai diplomatiya, diplomatik protokol və konsulluq xidmətinin yeni trendləri haqda ətraflı məlumat verilib. Kursun ilk təqdimatı ADA Universitetinin aparat rəhbəri Şəfəq Mehralıyeva tərəfindən olub. O, iştirakçılara ADA Universitetinin fəaliyyəti haqda ümumi məlumat verib, ictimai diplomatiyanın yeni trendləri, Azərbaycan milli kimliyi, diaspora yardım məsələləri barədə danışıb. Kursun davamı sual-cavab üzərində qurulub. İkinci gün universitetin əməkdaşları tərəfindən kurs iştirakçılarına ölkənin tanıdılması, mətbuata bəyanatların hazırlanması, diplomatik protokolun mahiyyəti və tarixi, diplomatik əlaqələr üzrə Vyana Konvensiyası, dövlət səfərləri haqda ətraflı məlumat verilib. Sonuncu gün ADA Universitetinin əməkdaşları Fəxrəddin Qurbanov, Hikmət Hacıyev, Şəfəq Mehralıyeva tərəfindən diplomatik protokol, diplomatik etiket və digər məsələlər barədə ətraflı söhbət açılıb. Bundan başqa media əlaqələri, diplomatiyada sosial medianın rolu da əsas mövzulardan biri olub. Yekunda iştirakçıların bilikləri qiymətləndirilib. Kursun ikinci mərhələsi oktyabr ayında keçiriləcək, kursu uğurla başa vuran iştirakçılara sertifikatlar təqdim ediləcək. ADA Universiteti tərəfindən bu qəbildən kurslar 2007-ci ildən keçirilir. Naxçıvan Muxtar Respublikasında isə belə tədbir ilk dəfədir təşkil edilib.xeber100.com

Hərbi pilotun xatirəsinə təyyarə abidəsi ucaldılıb

Qazax rayonunda ilk azərbaycanlı hərbi pilot, Birinci Dünya müharibəsinin iştirakçısı Fərrux ağa Qayıbovun xatirəsinə ucaldılan təyyarə abidəsinin açılışı olub. Azərtac xəbər verir ki, tədbiri rayon icra hakimiyyətinin başçısı Rəcəb Babaşov açaraq Fərrux ağa Qayıbovun keçdiyi şərəfli döyüş yolundan, göstərdiyi şücaət və qəhrəmanlıqlardan danışıb. Bildirib ki, F.Qayıbov 1916-cı il sentyabrın 12-də Qərb cəbhəsi qərargahının tapşırığı ilə Bornaya hücuma keçib, almanların mövqelərini darmadağın edərək külə döndərib. Onun təyyarəsinə hücum edən 4 alman qırıcısından üçünü partladıb. Lakin öz təyyarəsi də aldığı zərbədən yerə çırpılıb və igid pilot qəhrəmancasına həlak olub. Azərbaycanlı təyyarəçinin igidliyinə heyran qalan almanlar F.Qayıbovun nəşini onlara məxsus ərazidə göstərdiyi igidliyə layiq şəkildə, ehtiramla dəfn ediblər. Çıxış edənlər Fərrux ağa Qayıbovun keçdiyi döyüş yolundan, müharibədə göstərdiyi qəhrəmanlıqlardan ağız dolusu danışıblar. Sonda rayonun Yuxarı Salahlı kənd tam orta məktəbinin şagirdləri kompozisiya təqdim edib, hərbi vətənpərvərlik ruhunda şeirlər səsləndiriblər.xeber100.com

Cüdo üzrə açıq rayon birinciliyi keçirilib

İsmayıllı Olimpiya İdman Kompleksində Azərbaycan yığmasının XXXI Yay Olimpiya Oyunlarında qazandığı uğurlara həsr edilmiş yeniyetmə və gənclər arasında cüdo açıq rayon birinciliyi keçirilib. Gənclər və İdman Nazirliyindən Azərtac-a bildiriblər ki, yarışın keçirilməsində əsas məqsəd cüdo idman növünün təbliğ və inkişaf etdirmək, yeniyetmə və gənclər arasında ən güclü idmançıları müəyyən etməkdən ibarətdir. Yarışın hakimi Şəfaqət Bayramov tədbiri açıq elan edib. Sonra İsmayıllı Rayon İcra Hakimiyyəti başçısının birinci müavini Rövşən Ağayev, Cüdo Federasiyasının Regionlar üzrə Nəzarət Komitəsindən Tərlan Poladov, federasiyanın yarışlar üzrə Təşkilat Komitəsinin sədr müavini Şamil Sövzəliyev çıxış edərək idmançılara uğurlar arzulayıblar.xeber100.com

Pambıq sahələrindən yüksək məhsul gözlənilir

Prezident İlham Əliyevin ölkədə aqrar sektorun inkişafı ilə əlaqədar verdiyi tapşırıqlara uyğun olaraq, uzun illər fasilədən sonra Goranboyda ilk dəfə pambıq yetişdirilib. Bu günlərdə tarlalardan məhsul yığımına başlanılıb. Azərtac xəbər verir ki, rayon üzrə 200-dən çox fermer pambıq əkini aparıb və sahələrdə bol məhsul yetişib. Proqnozlara görə, hər hektardan 20-25 sentner məhsul gözlənilir. Rayonda pambığın satışı üçün tədarük məntəqəsi yaradılıb. Yığılan pambıq rayon ərazisində fəaliyyət göstərən qəbul məntəqələrinə kiloqramı 51 qəpikdən satılır. Goranboy Pambıq İstehsalı və Tədarükü Məntəqəsinin direktoru Siyavuş Qurbanov deyib ki, toplanan pambıq burada tam hazır vəziyyətə gətirildikdən sonra emal müəssisələrinə təhvil verilir. Bu günədək fermerlərdən 15 ton pambıq qəbul olunub. Məhsulun vaxtında yığılması və məntəqələrə çatdırılması üçün istehsalçıların sərəncamına 4 pambıqyığan maşın və 26 traktoru verilib. Bu il 2 min hektarda pambıq əkib yetişdirən Goranboy fermerləri gələn il əkin sahələrini 5 min hektara çatdırmağı planlaşdırırlar.xeber100.com

Beynəlxalq Sülh Gününə həsr olunmuş konfrans keçirilib

Lənkəran Mədəniyyət Mərkəzində şəhər icra hakimiyyəti və Dini Qurumlarla İş üzrə Dövlət Komitəsinin (DQİDK) birgə təşkilatçılığı ilə Beynəlxalq Sülh Gününə həsr olunmuş “Sülh- azadlıq, bərabərlik və ədalətdir” mövzusunda konfrans keçirilib. Azərtac xəbər verir ki, toplantıda çıxış edən DQİDK-nin Lənkəran bölgəsi üzrə şöbəsinin müdiri Qağayı Məmmədov bildirib ki, 1981-ci il noyabrın 30-da BMT-nin qərarı ilə 21 sentyabr “Beynəlxalq Sülh Günü” elan edilib. Qeyd olunub ki, sülh carçısı olan Azərbaycanda da 21 sentyabr geniş qeyd olunur. “Beynəlxalq Sülh Günü” ilə əlaqədar 21 avqust-21 sentyabr tarixlərində elan olunan “Sülh aylığı” çərçivəsində Lənkəranda da müxtəlif tədbirlər həyata keçirilir. Bu tədbirlərin keçirilməsində məqsəd Azərbaycanın sülhsevər ölkə olduğunu bir daha diqqətə çatdırmaqla, respublikamızda insan hüquq və azadlıqlarının müdafiəsinə böyük önəm verilməsini göstərmək, dövlətimizin humanist mahiyyətini dəyərləndirməkdir.xeber100.com

“N” saylı hərbi hissədə “Açıq qapı” günü keçirilib

Qurban bayramı münasibətilə Gəncədə “N” saylı hərbi hissədə “Açıq qapı” günü keçirilib. Azərtac xəbər verir ki, tədbirdə general-mayor Xaqani Cəbrayılov, polkovnik-leytenant Rasim Manafov, hərbi hissənin rəhbər heyəti, həmçinin gənc əsgərlərin valideynləri, ziyarətçilər, ictimaiyyətin və kütləvi informasiya vasitələrinin nümayəndələri iştirak ediblər.xeber100.com

“XXI əsrdə dünya elminin inteqrasiya prosesləri”…

“Gəncə - 2016 Avropa Gənclər Paytaxtı” layihəsi çərçivəsində Azərbaycan Milli Elmlər Akademiyası (AMEA) Gənc Alim və Mütəxəssislər Şurası və Gəncə Şəhər İcra Hakimiyyətinin birgə təşkilatçılığı ilə oktyabrın 10-dan 14-dək “XXI əsrdə dünya elminin inteqrasiya prosesləri” mövzusunda gənc alim və mütəxəssislərin beynəlxalq forumu keçiriləcək. Azərtac xəbər verir ki, bununla bağlı tədbirin Elmi Təşkilat Komitəsinin üzvləri sentyabrın 7-dən 9-dək Gəncə şəhərinə ezam olunublar. Təşkilat Komitəsinin üzvləri forumun rəsmi açılışı, tədbir çərçivəsində nəzərdə tutulan interaktiv müzakirə və elmi konfransın plenar, seksiya iclaslarının təşkil olunacağı məkanlar, eləcə də xarici qonaqların qarşılanması, yerləşdirilməsi və digər təşkilati məsələləri AMEA Gəncə Bölməsinin rəhbəri, akademik Fuad Əliyevlə ətraflı müzakirə ediblər. Həmçinin Yeni Azərbaycan Partiyası Gəncə Şəhər Təşkilatının qərargahında Gənclər Birliyinin, Azərbaycan Elmi-Tədqiqat Bitki Mühafizə və Texniki Bitkilər İnstitutunun, AMEA Gəncə Bölməsi Gənc Alim və Mütəxəssislər Şuralarının sədrləri, universitetlərin gənclər birliklərinin üzvləri, gənc tədqiqatçılar, magistrantlarla görüşlər keçirilib, forumun proqramı və detalları ilə bağlı fikir mübadiləsi aparılıb.

2015/2016-cı tədris ilinin yekunları müzakirə edilib

Lerik Rayon Mədəniyyət Mərkəzində keçirilən təhsil işçilərinin ənənəvi sentyabr konfransında 2015/2016-cı tədris ilinin yekunları və qarşıda duran vəzifələr müzakirə edilib. Azərtac xəbər verir ki, tədbirdə çıxış edən Lerik Rayon İcra Hakimiyyətinin başçısı Rövşən Bağırov təhsil işçilərini yeni tədris ilinin başlanması münasibətilə təbrik edərək rayonda təhsilin inkişafı, onun maddi-texniki bazasının möhkəmləndirilməsi sahəsində görülən işlərdən danışıb. Azərbaycan Respublikası Təhsil Problemləri İnstitutunun şöbə müdiri Pirəli Əliyev çıxışında təhsil sahəsində aparılan islahatlardan söz açıb, yeni dərs ilində qarşıda duran vəzifələrlə bağlı tövsiyələrini bildirib.xeber100.com

Regionların sosial-iqtisadi inkişafı…

Regionların sosial-iqtisadi inkişafına dair üçüncü Dövlət Proqramında müəyyən edilmiş tədbirlərə müvafiq olaraq Masallı rayonunun Xıl kəndinə 24 illik fasilədən sonra yenidən təbii qaz verilib. Azərtac xəbər verir ki, kəndin qazlaşdırılması üçün 52 min 700 poqonmetr müxtəlif diametrli borularla qaz xətləri çəkilib, hər bir evdə fərdi qaz sayğacı quraşdırılıb, 859 ailə “mavi yanacaqla” təmin edilib. Bu münasibətlə kənddə keçirilən mərasimdə çıxış edən Masallı Rayon İcra Hakimiyyətinin başçısı Rafil Hüseynov, “Azəriqaz” İstehsalat Birliyi Lənkəran Regional Qaz İstismarı İdarəsinin rəisi Rafael Novruzov, ictimaiyyətin nümayəndələri sakinləri əlamətdar hadisə münasibətilə təbrik ediblər. Kənd sakinləri onların məişət şəraitinin yaxşılaşdırılmasına göstərilən diqqət və qayğıya görə Prezident İlham Əliyevə minnətdarlıqlarını bildiriblər.xeber100.com

Referendumla bağlı zona seminar-müşavirəsi təşkil olunub

Sentyabrın 26-na təyin olunmuş ümumxalq səsverməsində (referendum) polis əməkdaşlarının xidməti fəaliyyətinin təkmilləşdirilməsinə dair Şirvan şəhərində zona seminar-müşavirəsi keçirilib. Azərtac xəbər verir ki, Mərkəzi Seçki Komissiyası (MSK) və Daxili İşlər Nazirliyi tərəfindən birgə təşkil olunan seminar-müşavirədə MSK-nın, nazirliyin, şəhər və rayon polis idarələrinin nümayəndələri və dairə seçki komissiyalarının sədrləri iştirak ediblər. Tədbirin keçirilməsində əsas məqsəd seçki qanunvericiliyinin və səsvermə günü polisin üzərinə düşən vəzifələrin və ictimai qaydaların qorunmasının izah edilməsi olub.xeber100.com