“Dini radikalizmlə mübarizə, milli mənəvi dəyərlərimizin təbliği”…

Azərbaycan Respublikasının Prezidenti yanında Gənclər Fondunun maliyyə dəstəyi ilə dini radikalizm və ekstremizmə qarşı yönəlmiş maarifləndirici tədbirlər çərçivəsində “Gələcək və İnkişaf” Gənclər İctimai Birliyi tərəfindən keçirilən “Dini radikalizmlə mübarizə, milli mənəvi dəyərlərimizin təbliği” adlı layihənin icrası yekunlaşıb.Azərtac xəbər verir ki, layihə Ağdam, Naftalan, Goranboy və Bərdədə reallaşdırılıb. Layihə zamanı iştirakçılara “Dini radikalizmə qarşı maarifçilik yolu ilə mübarizənin aparılması”, “Dini ekstremizmin törətdiyi fəsadlar” və “Zərərli vərdişlərin yaratdığı boşluq: problemlər və mülahizələr” kimi mövzularda seminarlar keçirilib.xeber100.com

İran Prezidenti din xadimləri ilə görüşüb

Azərbaycan Respublikasında rəsmi səfərdə olan İran İslam Respublikasının Prezidenti Həsən Ruhani avqustun 7-də Qafqaz Müsəlmanları İdarəsinin sədri, şeyxülislam Allahşükür Paşazadə və din xadimləri ilə görüşüb. İran Prezidentini salamlayan şeyxülislam Allahşükür Paşazadə qeyd edib ki, tarixi və dini tellərlə bağlı olan Azərbaycan ilə İranın əməkdaşlığı sülh və əmin-amanlığa, dövlətlərimizin inkişafına, xalqlarımızın rifahına xidmət edir. Diqqətə çatdırılıb ki, Azərbaycanda bütün dinlərin nümayəndələri bir yerdə sülh şəraitində yaşayırlar və ölkəmizdəki tolerantlıq dünya üçün nümunədir. Azərbaycan nadir ölkələrdəndir ki, burada vəhdət namazları qılınır. Qafqaz Müsəlmanları İdarəsinin sədri qeyd edib ki, Azərbaycanda İslam dininin abidələrinə xüsusi diqqətlə yanaşılır. Bu siyasətin əsasını ulu öndər Heydər Əliyev qoyub və dövlətimizin başçısı da bunu uğurla davam etdirir. Azərbaycana səfərindən məmnunluğunu bildirən İran Prezidenti Həsən Ruhani ölkələrimiz arasındakı əlaqələrin yüksək səviyyədə olduğunu vurğulayıb, münasibətlərimizin son illərdə xüsusilə inkişaf etdiyini deyib. Ali qonaq bildirib ki, İran Prezidenti seçiləndən sonra Azərbaycan Prezidenti ilə dəfələrlə görüşüb və bu da ölkələrimiz arasında münasibətlərin dərinləşməsində mühüm əhəmiyyət daşıyır. İran Prezidenti Azərbaycan xalqına sevgi hissi ilə yanaşdığını vurğuladı.xeber100.com

Təzəpir məscidi ilə əlaqədar Prezidentin Sərəncamı

Xalqımızın mənəvi dəyərlərinə, tarixi-dini və mədəniyyət abidələrinə həssas münasibət müasir Azərbaycan Respublikasının dövlət siyasətinin mühüm prioritetlərindəndir. Son illərdə qədim dini abidələrin, ziyarətgahların bərpası ilə bağlı silsilə tədbirlər həyata keçirilmiş, dini-memarlıq incilərindən Bibiheybət və Əjdərbəy məscidləri, Şamaxı şəhərindəki Cümə məscidi Dövlət tarix-memarlıq abidəsi, Gəncə Dövlət Tarix-Mədəniyyət Qoruğu ərazisində yerləşən “İmamzadə” kompleksi yenidən qurulmuş, Bakı şəhərində “Heydər Məscidi” kompleksi inşa edilmişdir. Ölkə müsəlmanlarının başlıca ibadət mərkəzi olan Təzəpir məscidində dövlətin dəstəyi ilə əsaslı yenidənqurma işləri aparılmışdır. Bununla yanaşı, XX əsrin əvvəllərində Bakı şəhərinin mərkəzi hissəsində, əhalinin sıx məskunlaşdığı ərazidə inşa edilmiş Təzəpir məscidi ətrafındakı yol infrastrukturunun hazırda köhnəlməsi və bir çox tikililərin qəzalı vəziyyətə düşməsi nəticəsində məscid yaxınlığında nəqliyyat vasitələrinin və piyadaların normal hərəkəti məhdudlaşmışdır ki, bu da yerli sakinlərin narahatlığına səbəb olmuş, dindarlar tərəfindən məbədin istifadəsini və ölkəmizin qonaqlarının həmin abidəni ziyarət etməsini xeyli çətinləşdirmişdir. Təzəpir məscidinin Azərbaycanın və ümumən Qafqazın mühüm dini mərkəzlərindən biri olduğunu nəzərə alaraq, Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram: 1. Azərbaycan Respublikasının 2016-cı il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Təzəpir məscidi kompleksinin ətrafındakı yol-nəqliyyat infrastrukturunun yenidən qurulması, ərazisinin abadlaşdırılması, məscidi ziyarət edənlər üçün parklama imkanlarının yaradılması işlərinin həyata keçirilməsi üçün “Azəravtoyol” Açıq Səhmdar Cəmiyyətinə ilkin olaraq 5,0 (beş) milyon manat ayrılsın. 2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin. İlham Əliyev Azərbaycan Respublikasının Prezidenti Bakı şəhəri, 5 avqust 2016-cı il .

Qafqaz Müsəlmanları İdarəsinin məlumatı…

Qafqaz Müsəlmanları İdarəsi (QMİ) Azərbaycanda Həcc ziyarəti ilə bağlı sənəd qəbulunun müddətini daha 10 gün uzadıb. QMİ-dən Apa-ya verilən məlumata görə, ziyarət üçün ayrılmış boş yerlərin hələ də dolmaması səbəbi ilə sənəd qəbulunun vaxtı iyulun 31-dən avqustun 10-a qədər uzadılıb. Boş qalan yerlər isə yalnız VİP ziyarət növü üçün nəzərdə tutulanlardır. Bu günə olan məlumata görə, bu yerlərdən 40-ı hələ də boşdur. Nisbətən ucuz ziyarət növü üçün ayrılan yerlər isə iyunun 30-dan artıq dolub. Qeyd edək ki, aprelin 1-dən Azərbaycanda Həcc ziyarətinə sənəd qəbulu başlayıb. Bu il ilk dəfə olaraq azərbaycanlı zəvvarlar Həccə yalnız biometrik pasportla gedə biləcəklər. Ziyarət Azərbaycandan sentyabrın 2-də başlayacaq, 18-də geri dönüş olacaq. Bu il Azərbaycandan gedəcək zəvvarlar üçün say limiti ötənilkindən az - 1500 nəfər müəyyənləşsə də, sonradan bu rəqəm daha da azaldılaraq 1040-a endirilib. Ziyarət zamanı daha yaxşı şəraitli hotellərdə qalmaq, bahalı yeməklərlə təminat, o cümlədən hotellərdə 4 nəfərlik otaqlarda yerləşmək 4500 dollar, nisbətən ucuz şəraitli, 6 nəfərlik otaqlarda qalmaq isə 3500 dollardır. Ziyarət haqqı bu il ilk dəfə olaraq bank vasitəsilə yox, nağd şəkildə QMİ-yə ödənilir. Dolların kursuna görə builki ziyarət xərcləri ötən illə müqayisədə təxminən 1000 manata qədər bahadır. Ötən il Azərbaycandan Həcc ziyarətinə 2400 zəvvar gedib, onlardan 3-ü Məkkədə dünyasını dəyişib və orada dəfn olunub. Ötən il həm də Həcc ziyarəti kütləvi insan ölümü ilə nəticələnən hadisələrin baş verməsi ilə də yadda qalıb. Azərbaycanda Həcc ziyarətinə sənəd qəbulunu yalnız QMİ aparır.xeber100.com

“Məhəmməd” filminin ekranlarda nümayiş olunacağı vaxt açıqlanıb

İranlı rejissor və ssenarist Məcid Məcidinin Məhəmməd peyğəmbər haqqında çəkdiyi “Məhəmməd” filminin ekranlarda nümayiş olunacağı vaxt açıqlanıb. Anadolu xəbər agentliyinin məlumatına görə, film oktyabrın 28-də ekranlarda nümayiş olunacaq. Peyğəmbərin uşaqlıq həyatından bəhs edən film iranlı və türk kino mütəxəssisləri tərəfindən ekranlaşdırılıb. Ümumi büdcəsi 30 milyon dollar olan filmdə İslam peyğəmbərinin üzü göstərilmir. Film “Əbraha ordusu” və “Fil” əhvalatları ilə başlayır. Qeyd edək ki, İslam peyğəmbəri haqqında indiyə kimi 40-dək film çəkilib.

Qafqaz Müsəlmanları İdarəsinin məlumatına görə…

Bu il dünya üzrə Həccə ziyarətinə yalnız milli aviasiyası ilə uçuşlar təşkil edəcək ölkə Azərbaycandır. Qafqaz Müsəlmanları İdarəsindən (QMİ) Apa-ya verilən məlumata görə, hazırda nümayəndə heyətləri ziyarətə son hazırlıqlarla bağlı Səudiyyə Ərəbistanındadır. Nümayəndə heyətindən bildirilib ki, bu il Həccə ziyarətinə yalnız milli aviasiyası ilə uçuşlar təşkil edəcək ölkə Azərbaycan olacaq. Bu il Azərbaycandan Həccə yola düşəcək zəvvarları gediş-gəliş uçuşlarını yalnız “Azerbaycan Havayolları” (AZAL) həyata keçirəcək. Həccə digər ölkələrdən gələcək zəvvarların isə qayıdış uçuşlarını Səudiyyə Kralı ailəsinə məxsus aviareyslər həyata keçirir. Bu şərt bu il yalnız Azərbaycana tətbiq olunmayıb. Qeyd edək ki, aprelin 1-dən Azərbaycanda Həcc ziyarətinə sənəd qəbulu başlayıb. Bu il ilk dəfə olaraq azərbaycanlı zəvvarlar Həccə yalnız biometrik pasportla gedə biləcəklər. Ziyarət Azərbaycandan sentyabrın 2-də başlayacaq, 18-də geri dönüş olacaq. Bu il Azərbaycandan gedəcək zəvvarlar üçün say limiti ötənilkindən az - 1500 nəfər müəyyənləşsə də, sonradan bu rəqəm daha da azaldılaraq 1040-a endirilib. Ziyarət zamanı daha yaxşı şəraitli hotellərdə qalmaq, bahalı yeməklərlə təminat, o cümlədən hotellərdə 4 nəfərlik otaqlarda yerləşmək 4500 dollar, nisbətən ucuz şəraitli, 6 nəfərlik otaqlarda qalmaq isə 3500 dollardır. Ziyarət haqqı bu il ilk dəfə olaraq bank vasitəsilə yox, nağd şəkildə QMİ-yə ödənilir. Dolların kursuna görə builki ziyarət xərcləri ötən illə müqayisədə təxminən 1000 manata qədər bahadır. Ötən il Azərbaycandan Həcc ziyarətinə 2400 zəvvar gedib, onlardan 3-ü Məkkədə dünyasını dəyişib və orada dəfn olunub. Ötən il həm də Həcc ziyarəti kütləvi insan ölümü ilə nəticələnən hadisələrin baş verməsi ilə də yadda qalıb. Azərbaycanda Həcc ziyarətinə sənəd qəbulunu yalnız QMİ aparır.xeber100.com

“Dini radikalizmə qarşı mübarizə tədbirlərinin təşkili”…

Ağdam rayonu Bənövşələr, Baharlı, Birinci Dördyol, İkinci Dördyol, Quzanlı məcburi köçkün qəsəbələrində Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Gələcək və İnkişaf” Gənclər İctimai Birliyi tərəfindən “Dini radikalizmə qarşı mübarizə tədbirlərinin təşkili” mövzusunda keçirilən layihənin icrası başa çatıb. Azərtac xəbər verir ki, qəsəbələrdə keçirilən tədbirlərdə “Gələcək və İnkişaf” Gənclər İctimai Birliyinin fəalları və könüllüləri ilə yanaşı, Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsinin müdiri Əlizadə Nəcəfov, Ağdam Rayon İcra Hakimiyyəti Başçısı Aparatının ictimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Mehman Mustafayev, rayon Gənclər və İdman İdarəsinin rəisi Elnur Əhmədov, ziyalılar, din xadimləri, ictimaiyyət nümayəndələri iştirak ediblər. Layihənin icrası zamanı iştirakçılara radikal dini qrupların və qeyri-ənənəvi təriqətlərin zərərli təbliğatının qarşısının alınması, onlara qarşı effektiv mübarizə aparılması və dini maarifçilik işinin düzgün metodlarla təşkili istiqamətində məlumat verilib, həmçinin gənclərin milli mənəvi ruhda tərbiyə edilməsi və düzgün maarifləndirilməsinin əhəmiyyətindən, onların radikal təsirlərdən qorumağın yollarından bəhs edilib. Keçirilən tədbirlərdə Dini Qurumlarla İş üzrə Dövlət Komitəsinin sifarişi əsasında çəkilən, dini radikalizmlə mübarizənin dini, psixoloji, hüquqi, siyasi və mənəvi tərəflərinin işıqlandırıldığı “Fitnə” sənədli filmi nümayiş edilib və film ətrafında müzakirələr aparılıb. Tədbir iştirakçılarına maarifləndirici kitabçalar paylanıb.  

Dini Qurumlarla İş üzrə Dövlət Komitəsinin sədri vətəndaşları qəbul edəcək

Azərbaycan Respublikasının Prezidenti İlham Əliyevin tapşırıq və tövsiyələrinə uyğun olaraq mərkəzi icra hakimiyyəti orqanları rəhbərlərinin bölgələrdə vətəndaşları qəbulu davam edir. Dini Qurumlarla İş üzrə Dövlət Komitəsinin sədri Mübariz Qurbanlı iyulun 27-də Balakən rayonunda Zaqatala, Balakən və Qax rayonlarının sakinlərini qəbul edəcək. Qəbul Balakən rayon Mədəniyyət Mərkəzində saat 10:00-da keçiriləcək.xeber100.com

Beynəlxalq konfrans keçirilib

20 iyul Qəbələdə Dini Qurumlarla İş üzrə Dövlət Komitəsi (DQİDK), Bakı Beynəlxalq Multikulturalizm Mərkəzi (BBMM), Müəllif Hüquqları Agentliyi və Azərbaycan Respublikasının Alban-Udi xristian dini icmasının birgə təşkilatçılığı ilə Qafqaz Albaniyası ilə bağlı “Alban Apostol kilsəsinin keçmişi və bu günü” mövzusunda beynəlxalq konfrans keçirilib.xeber100.com

Dini konfessiyaların prezidentə məktubu…

Azərbaycanda fəaliyyət göstərən dini konfessiyaların rəhbərləri prezident İlham Əliyevə minnətdarlıq məktubu ünvanlayıblar. Apa-nın xəbərinə görə, məktubda deyilir: "Multikultural ənənələrin və dinlərarası münasibətlərin inkişafına, dini qurumların problemlərinə həssas münasibətinizə və özəl qayğınıza görə Sizə minnətdarlığımızı bildiririk. Bu gün dinindən, dilindən, milli mənsubiyyətindən asılı olmayaraq, Azərbaycanın bütün vətəndaşları ölkəmizdə mövcud olan vicdan və dini etiqad azadlığından, dövlət-din münasibətlərindən və demokratik-hüquqi şəraitdən lazımınca yararlanırlar. Azərbaycanda müsəlmanlarla yanaşı, pravoslav, katolik, yəhudi, alban-udi və digər dini icmalar da milli-mənəvi dəyərlərdən sərbəst istifadə edir, ölkəmizin ictimai həyatında yaxından iştirak edirlər. Bu gün ümummilli lider Heydər Əliyevin banisi olduğu müstəqil və demokratik Azərbaycan Respublikası beynəlxalq aləmlə hərtərəfli inteqrasiya siyasəti həyata keçirir, nüfuzlu beynəlxalq və regional təşkilatlarda təmsil olunur. MDB müsəlmanları Məşvərət Şurasının, Qafqaz xalqları Ali Dini Şurasının iclasları, Dünya Dini liderlərinin beynəlxalq Sammiti Bakıda keçirilir və dinlərarası dialoqu, multikulturalizmi, sivilizasiyalararası əməkdaşlığı təcəssüm etdirir. Möhtərəm prezident, bu müraciəti imzalayanlar şəxsən Sizinlə görüşlərin dərin təəssüratını, özəlliklə son Ramazan iftarı zamanı çıxışınızdakı səmimi ünsiyyəti heç vaxt unutmayacaqlar. Siz həmişə dini icmaların problemlərinə diqqətlə yanaşmış, bizə maddi və mənəvi dəstək olmusunuz. Ümid edirik ki, Qarabağ problemi tezliklə beynəlxalq hüququn normaları çərçivəsində sülh yolu ilə öz həllini tapacaq, Uca Yaradanın köməyi və Sizin rəhbərliyinizlə Azərbaycan xalqı dünya miqyasında daha böyük uğurlara imza atacaq, haqqın qalibiyyəti Zati-alinizlə olacaq. Bu, bizim ümidimiz və Sizə ünvanlanan dualarımızdır". Məktubu Qafqaz Müsəlmanları İdarəsinin sədri Şeyxülislam Allahşükür Paşazadə, Bakı və Azərbaycanın arxiyepiskopu Aleksandr, Roma Katolik Kilsəsinin Azərbaycandakı apostolprefekturasının ordinarisi Vladimir Fekete, Azərbaycandakı Dağ yəhudiləri icmasının rəhbəri Milix Yevdayev, Avropa yəhudilərinin Bakı icmasının sədri Gennadi Zelmanoviç imzalayıblar.xeber100.com