Gürcüstan parlamenti dövlət büdcəsinə əlavə və dəyişiklikləri təsdiqləyib

Gürcüstan parlamenti 2021-ci ilin dövlət büdcəsinə əlavə və dəyişiklikləri təsdiqləyib. Büdcə gəlirləri 1 milyard 175 milyon lari artırılıb.Azərtac xəbər verir ki, Gürcüstan maliyyə nazirinin birinci müavini Giorgi Kakauridze parlamentin iclasında büdcəyə təklif olunan əlavələr və dəyişikliklər barədə məlumat verib. Bildirilib ki, əlavə dəyişikliklərdə ölkədə ümumi daxili məhsul istehsalının həcmi 3,4 faizdən 7,7 faizədək artacaq. Büdcə kəsiri isə 7,6 faizdən 6,9 faizə endirilib.Yeni büdcə zərfində hökumətin borcu 54,6 faiz nəzərdə tutulub. Bundan başqa, hökumət vergiləri 1 milyard 114 milyon lari artırıb. Dövlət büdcəsindən isə təxminən 19,5 milyard lari xərclənəcək.Bununla yanaşı, pandemiya ilə əlaqədar olaraq səhiyyə xərclərinə 446 milyon lari əlavə edilir. Hazırda bu rəqəm 846 milyon lari təşkil edir.xeber100.com

Rusiya Prezidenti Vladimir Putinin Qurban bayramı münasibətilə təbriki

Rusiya Prezidenti Vladimir Putin ölkə müsəlmanlarını Qurban bayramı münasibətilə təbrik edib.Azərtac xəbər verir ki, Rusiya Prezidenti millətlərarası razılığın, mədəni rəngarəngliyin qorunub saxlanmasında İslam dəyərlərinin əhəmiyyətini qeyd edib. V.Putin vurğulayıb ki, kökünü əsrlərdən götürən Qurban bayramı insanları xeyirxahlığa, ədalətə, imana çağırır.Prezident qeyd edib ki, bütün dünya dinlərinin təməlini təşkil edən bu yüksək humanist, mənəvi ideallar Rusiya cəmiyyətinin birləşməsinə xidmət edir.xeber100.com

İtaliya hökuməti Avropa Komissiyası ilə razılığa gəlib

İtaliya hökuməti illərdən bəri dövlət subsidiyaları hesabına ayaqda dura bilən “Alitalia” aviaşirkətinin yerini tutacaq yeni aviaşirkətlə bağlı Avropa Komissiyası ilə razılığa gəlib.Azərtac xəbər verir ki, “Italia Trasporto Aereo“ (ITA) adlanan yeni şirkət oktyabrın 15-də fəaliyyətə tam hazır vəziyyətdə olacaq və ilk uçuşlar da həmin ərəfədə baş tutacaq. Qeyd edilib ki, Avropa Komissiyası ilə əldə edilən əməli və balanslaşdırılmış razılaşma yeni şirkətin nizamnamə kapitalının artırılmasına da imkan verəcək.İtaliya mətbuatının məlumatına əsasən, rəsmi Brüssel və Roma arasında gedən danışıqlarda əsas mövzu yeni aviaşirkətin “Alitalia”dan tamamilə müstəqil olması olub. Əks halda “ITA” “Alitalia”nın indiyədək dövlətdən aldığı maliyyə vəsaitlərinə görə üzərinə öhdəlik götürməli olacaqdı. Bu da yeni yaranan şirkətin ilk gündən ağır maliyyə yükü altına girməsi demək olardı.İtaliyanın nəqliyyat naziri Enriko Cionannini bildirib ki, “ITA” ilə həm milli, həm də beynəlxalq bazarda rəqabət qabiliyyətinə və yüksək inkişaf perspektivinə malik yeni mühüm İtaliya aviaşirkəti yaranıb.xeber100.com

Türkiyə Böyük Millət Məclisində anım mərasimi keçirilib

Türkiyə Böyük Millət Məclisində (TBMM) 15 İyul-Demokratiya və Milli Birlik Günü ilə əlaqədar şəhidləri anım mərasimi keçirilib.Azərtac xəbər verir ki, Prezident Rəcəb Tayyib Ərdoğanın iştirak etdiyi mərasimdə əvvəlcə Türkiyənin dövlət himni səsləndirilib, şəhidlərin əziz xatirəsi bir dəqiqlik sükutla yad edilib.Sonra Türkiyə Prezidenti Rəcəb Tayyib Ərdoğan və TBMM-nin sədri Mustafa Şəntop çıxış ediblər.Çıxışlarda 2016-ci il iyulun 15-dən 16-na keçən gecə ölkədə legitim hakimiyyəti hərbi yolla ələ keçirmək üçün törədilən hərbi çevriliş cəhdinin səbəb və məqsədlərindən, bu xain cinayətin qarşısını almaq üçün Türkiyə xalqının göstərdiyi qəhrəmanlıqdan və şücaətdən danışılıb. Şəhid və qazilərin ünvanına xoş ifadələr səsləndirilib.Qeyd edək ki, tədbirdə ölkəmizi Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidovun rəhbərlik etdiyi, deputatlar Asim Mollazadə, Nigar Arpadarai, Nəsib Məhəməliyev və Erkin Qədirlidən ibarət heyət təmsil edib.xeber100.com

Moldovada keçirilən növbədənkənar parlament seçkilərində

Moldovada keçirilən növbədənkənar parlament seçkilərində ölkə Prezidenti Maya Sandunun rəhbərlik etdiyi “Fəaliyyət və Həmrəylik” partiyası qalib olub.Azərtac xəbər verir ki, Mərkəzi Seçki Komissiyasının ilkin nəticələrinə əsasən, seçki bülletenlərinin 97,21 faizi hesablanıb. Hesablamaya görə “Fəaliyyət və Həmrəylik” partiyası seçicilərin 49,76 faiz səsini toplayıb. Moldovanın sabiq prezidenti İqor Dodonun sədri olduğu “Sosialistlər” partiyası isə 29,38 faiz səslə ikinci yerdədir. İş adamı yəhudi əsilli İlan Şorun rəhbəri olduğu partiya 6,18, digər tanınmış iş adamı, həm də Rusiya vətəndaşı Renato Usatıyın partiyası isə 4,25 faiz səs toplayıb.Qeyd edək ki, Moldovada erkən parlament seçkilərində 20 partiya, iki siyasi blok və bir müstəqil namizəd iştirak edib. Moldova parlamenti buraxılanadək “Fəaliyyət və Həmrəylik” partiyası Moldova parlamentində 15 mandata sahib idi. Ən çox deputat yeri isə sosialistlərin əlində idi. Onlar 37 mandatla təmsil olunurdular.xeber100.com

Xorvatiyada ən yüksək təhlükə – qırmızı təhlükə kodu elan edilib

Xorvatiyada kəskin istilər səbəbindən ən yüksək təhlükə - qırmızı təhlükə kodu elan edilib.Azərtac xəbər verir ki, Zaqreb, Osijecko-Baranja və Karlovatska bölgələrində havanın temperaturu gün ərzində müsbət 40 dərəcəyə qədər yüksəlib. Zaqrebin bir sıra bölgələrində 39 dərəcə isti qeydə alınıb.Meteoroloqların proqnozlarına görə, istilərin bir neçə gündən sonra geri çəkiləcəyi ehtimalı var. Bununla belə, vətəndaşlara xüsusilə yaşlılara ehtiyac olmadıqda evlərindən çıxmağı məsləhət görülmür.xeber100.com

Rixter cədvəli üzrə 4.3 bal gücündə zəlzələ baş verib

İyulun 10-da Türkiyə vaxtı ilə saat 17:43-də (Bakı vaxtı ilə saat 18:43) İzmir vilayətinin Karaburun rayonunda Rixter cədvəli üzrə 4.3 bal gücündə zəlzələ baş verib.Azərtac xəbər verir ki, məlumatı Türkiyə Daxili İşlər Nazirliyinin nəzdindəki Fövqəladə Halların İdarə Olunması Agentliyi (AFAD) yayıb. Bildirilir ki, yeraltı təkanın episentri 7.06 kilometr dərinlikdə qeydə alınıb.Ətraf vilayətlərdə də hiss edilən zəlzələnin nəticəsi barədə hələ ki, informasiya yoxdur.xeber100.com

South China Morning Post qəzeti yazır…

Çin hökuməti təhlükəsizlik məqsədilə 500 metrdən yüksək binaların tikintisini qadağan edib.Azərtac South China Morning Post qəzetinə istinadla xəbər verir ki, hökumət, həmçinin hündürlüyü 250 metrdən çox olan binaların tikilməsini məhdudlaşdırıb. Yüz metrdən hündür binaların inşasına isə yalnız o hallarda icazə verilir ki, həmin rayonlarda yanğının sürətlə söndürülməsi üçün bütün lazımi şərait olsun.Qəzetin məlumatına görə, dünyadakı super göydələnlərin yarısı Çində yerləşir.

Litva hökuməti fövqəladə vəziyyət rejimi elan edib

Litva hökuməti Belarus ilə sərhəddə qanunsuz miqrant axını ilə əlaqədar ölkədə fövqəladə vəziyyət rejimi elan etmək qərarına gəlib.Azərtac xəbər verir ki, Litvanın daxili işlər naziri Aqne Bilotayte bununla əlaqədar fövqəladə əməliyyat üzrə operativ rəhbər təyin edilib.Litvanın Daxili İşlər Nazirliyindən verilən məlumatda bildirilib ki, sərhədçilər gün ərzində dövlət sərhədini qanunsuz şəkildə keçməyə çalışan 150 miqrantı saxlayıblar. Bu da əvvəlki sutkalıq göstəricilərdən təxminən üç dəfə çoxdur. Hazırda qeyri-leqal miqrantların yerləşdirilməsi məqsədilə 835 nəfərlik yer ayrılıb. Həmin yerlərdən 500-ü artıq tutulub.Carı ildə ümumilikdə 822 qanunsuz miqrant Belarus-Litva sərhədini keçməyə çalışıb ki, bu da 2020-ci illə müqayisədə on dəfə çoxdur.xeber100.com

COVID vaksinlərinin sayı 1,3 milyard dozaya çatıb

Çində vurulan COVID vaksinlərinin ümumi sayı həftə ərzində təxminən 9,2 faiz artaraq 1,3 milyard dozaya çatıb.Azərtac xəbər verir ki, bu rəqəmləri Çinin Gigiyena və səhiyyə məsələləri üzrə Dövlət Komitəsi açıqlayıb.Komitənin məlumatına görə, ölkədə indiyədək 1 milyard 296 milyondan çox peyvəndləmə aparılıb. Ötən sutka 12,8 milyon nəfər vaksinasiya edilib. Beləliklə, son 24 saatda koronavirus əleyhinə vurulan vaksin dozalarının miqdarı 1 faiz artıb. Ölkənin aparıcı mütəxəssislərinin fikrincə, ilin sonunadək Çində vaksinasiya səviyyəsi 80 faizə yüksələ və sakinlərdə kollektiv immunitet formalaşa bilər.Əhalinin bu il aparılan son siyahıyaalınmasına əsasən, Çin sakinlərinin (Tayvan, Honkonq və Makao xüsusi inzibati rayonları daxil olmaqla) sayı 1,44 milyard nəfərdir.Vaksinasiyanın statistikasını aparan "Ourworldindata.org" saytının iyulun 3-nə olan məlumatına görə, dünya üzrə koronavirusa qarşı vurulan peyvənd dozalarının miqdarı 3 milyard 160 milyonu ötüb. Ümumilikdə 13 ölkədə əhalinin sayından çox vaksin dozası vurulub.xeber100.com