“Boeing-737 MAX 8” təyyarələrinin uçuşları dayandırılıb

Efiopiyada “Boeing-737-8” təyyarəsinin qəzaya uğraması nəticəsində 35 ölkədən olan 157 nəfər həlak olub. Bu insidentdən sonra Çin hökuməti öz aviaşirkətlərinin sərəncamında olan “Boeing-737 MAX 8” təyyarələrinin uçuşlarını dayandırıb.Reuters agentliyi xəbər verir ki, qəzanın baş verməsi səbəbi hələ məlum olmasa da, Pekin 2016-cı ildən istifadəyə verilən və “Boeing-737” təyyarələrinin altıncı nəsli sayılan “Boeing-737 MAX 8”lərin uçuşlarının dayandırılması barədə qərar qəbul edib. Çin Mülki Aviasiya İdarəsinin bəyanatında deyilir ki, bu qərarın qəbul olunmasının səbəbi ötən ilin oktyabrında İndoneziyanın “Lion AIR” aviaşirkətinin də eyni markalı təyyarəsinin havada qəzaya uğraması ilə son insidentin bənzər olmasıdır.Ekspertlər ehtimal edirlər ki, ötən il baş vermiş qəzanın pilotun səhvi nəticəsində baş verdiyi məlum olduğundan, hələ ki, “Boeing”i ittiham etmək mümkün deyil. Bununla belə, Air China, China Eastern Airlines, China Southern Airlines kimi böyük aviaşirkətlərin daxil olduqları Çin mülki aviasiyası xəttə olan 90 ədəd “Boeing-737 MAX 8”lərin uçuşlarını dayandırıb.Çinin bu addımından sonra Efiopiya Hava Yolları da sərəncamında olan 4 ədəd “Boeing-737 MAX 8” təyyarələrinin uçuşlarını dayandırıb.Bundan başqa, bir neçə Şimali Amerika aviaşirkətləri də Efiopiyada baş vermiş qəzanın təhqiqatının nəticələrini gözlədiklərini bəyan ediblər. “Boeing” şirkəti isə həlak olanların ailələrinə başsağlığı verib və texniki kömək göstərməyə hazır olduğunu bəyan edib.xeber100.com

İsrail Müdafiə Ordusunun məlumatı əsasında…

İsrail hərbçiləri Qəzza sektorundan raket buraxıldığını qeydə alıb.Trend-in məlumatına görə, bu barədə İsrailin Müdafiə Ordusunun mətbuat katibliyi bildirib.Hava həyacana siqnalları Eşkol ərazisində işə düşüb.xeber100.com

6.0 bal gücündə zəlzələ baş verib

Filippin sahillərində 6.0 bal gücündə zəlzələ baş verib. Trend-in məlumatına görə, zəlzələnin episentri Davao şəhərindən 374 km şimalda, ocağı isə 57 km dərinlikdə yerləşib.Zəlzələ nəticəsində xəsarət alanlar və dağıntılar barədə məlumat verilməyib. Sunami təhlükəsi elan edilməyib.xeber100.com

“Forbes” jurnalı dünyanın ən zəngin insanlarının siyahısını açıqlayıb

ABŞ-ın “Forbes” jurnalı dünyanın ən zəngin insanlarının siyahısını açıqlayıb.İtaliya KİV-ləri xəbər verir ki, “Forbes”in hesablamasına görə, sərvəti 22,4 milyard dollar təşkil edən “Nutella” şokolad yağları istehsalçısı “Ferrero” şirkətinin rəhbəri Covanni Ferrero İtaliyanın ən varlı insanıdır. İtaliyalı biznesmen dünyanın ən zəngin insanlarının siyahısında 39-cu yeri tutub.Ən varlı italyanlar arasında ikinci yeri 19,8 milyard dollarlıq sərvətə malik olan eynək istehsalçısı “Luxottica” şirkətinin rəhbəri Leonardo del Vekkio tutur. Onun ardınca “Walgreens Boots Alliance” dərman şirkətinin baş direktoru Stefano Pessina və Corcio Armani şirkətinin rəhbəri yer alırlar.Dünya reytinqi sıralamasında 804-cü pillədə dizayner Miuçça Prada və onun həyat yoldaşı, “Prada Group” şirkətinin baş direktoru Patrisio Bertelli qərarlaşıb. “Ferrari” avtomobil şirkətinin vitse-prezidenti Pyero Ferrari isə (2,7 milyard dollar) 838-ci sıradadır.xeber100.com

“Challenges” jurnalı 500 ən varlı ailənin siyahısını açıqlayıb

Fransanın həftəlik “Challenges” jurnalı 2018-ci il üçün ölkənin 500 ən varlı ailəsinin siyahısını açıqlayıb.Azərtac xəbər verir ki, jurnalın təqdimatında Bernard Arnault və ailəsinə məxsus Louis Vuitton Moet Henessy (LVMH) lüks markası 73 200 milyard avro ilə birinci, “Chanel”, “Eres”, “Bourgeois” markaları və bir çox qəsrlərin sahibi Alən və Jerar Vertemer və ailələri 40 milyard avro ilə ikinci pillədə durub.“Hermes” markası ilə Aksel Dumas və ailəsi 39 600 milyard avro ilə üçüncü yerdədir. Həmçinin “OREAL” qrupu 39 300 milyard avro ilə dördüncü, “Auchan” qrupu 30 500 milyard avro ilə beşinci, “Kering” qrupu 38 000 milyard avro ilə altıncı, “Marcel Dassault” sənaye qrupu 23 800 milyard avro ilə yeddinci, “Kastel” qardaşları qrupu 12 500 milyard avro ilə səkkizinci, “Laktalis” aqroərzaq qrupu 12 000 milyard avro ilə doqquzuncu və “PERENKO” enerji kampaniyası 8 500 milyard avro ilə onuncu yerdə göstərilib.xeber100.com

“AliExpress” ticarət platforması avtomobillərin satışına başlayır

Çinin “AliExpress” qlobal ticarət platforması Rusiyada avtomobillərin onlayn satışına başlayır.Azərtac xəbər verir ki, “Kommersant” qəzetinin yazdığına görə, satışlara martın 5-dən başlanır. İlk olaraq “Chery” avtomobilləri satışa çıxarılacaq. “AliExpress”də onlayn mağazasını açan “Chery” şirkəti “Chery Tiggo” 3, 4, 5 və 7 modellərini, eləcə də avtomobil hissələri və aksessuarlar təklif edəcək. İlkin mərhələdə Çində yığılan avtomobillər satışa çıxarılacaq. Sonrakı mərhələdə “Chery” avtomobillərinin Rusiyada yığılması nəzərdə tutulub.Ötən il Rusiyada Çin avtomobillərinin satışı cəmi 2 faiz təşkil edib. Ən çox satılan Çin avtomobilləri isə “Chery Tiggo” və “Lifan” olub.Ekspertlərin fikrincə, “AliExpress”in yeni platforması ənənəvi avtomobil dilerləri ilə rəqabət aparacaq. Lakin sürücülərin texniki xidmətlər, təmir və “test-drayv” ehtiyaclarını nəzərə alsaq, bu rəqabətin güclü olacağı ehtimal edilmir.xeber100.com

Prezident seçkisi ilə bağlı potensial namizədlər reytinqində

Ukraynada keçiriləcək prezident seçkisi ilə bağlı potensial namizədlər reytinqində şoumen Vladimir Zelenskiy, hazırki Prezident Petro Poroşenko, Ukraynanın sabiq baş naziri, “Batkivşina” partiyasının lideri, deputat Yuliya Timoşenko liderlik edirlər.Azərtac xəbər verir ki, seçkiyə bir ay qalmış “Reytinq” Sosioloji Qrupun apardığı sorğuya görə, respondentlərin 25,1 faizi V.Zelenskiyə, 16,6 faizi P.Poroşenkoya, 16,2 faizi isə Timoşenkoya səs veriblər.Sosioloji Qrupun sorğusuna əsasən səsvermədə iştirakçıların 85 faizi seçki məntəqələrinə gələrək iştirak edəcəklərini açıqlayıblar.Qeyd edək ki, Ukraynada prezident seçkiləri martın 31-də keçiriləcək.xeber100.com

Parlament seçkilərində Liberal İslahatlar Partiyası qalib gəlib

Martın 3-də Estoniyada keçirilən parlament seçkilərinin qalibi ümumi səslərin 28,8 faizini toplayan müxalif partiya - Liberal İslahatlar Partiyası olub. Azərtac xəbər verir ki, Avropa Parlamentinin keçmiş üzvü Kaya Kallasın rəhbərlik etdiyi partiya hazırkı baş nazir Yuri Ratasın təmsil etdiyi respublikaçıları keçərək Rigikoquda ən çox mandata sahib olub.Baş nazirin partiyası ilə koalisiya təşkil edən sosial demokratlar və mühafizəkarlar isə müvafiq olaraq 9,8 və 11,2 faiz səs toplayıblar. Lakin hər iki partiyanın bu dəfə də islahatçılarla koalisiya qurub-qurmayacağı hələlik bəlli deyil.Yaxın günlərdə hazırkı baş nazir Yuri Ratasın da istefaya gedəcəyi bildirilir. Estoniya qanunlarına görə, parlament seçkilərində qalib gələn qüvvələr hökuməti qurmalıdır. Bu halda yeni baş nazirin məhz Kaya Kallas olacağı gündəmdədir.xeber100.com

Türkiyə döyüş təyyarəsini 2023-cü ildə istehsal edəcək

Türkiyə ilk yerli döyüş təyyarəsini 2023-cü ildən etibarən istehsala başlayacaq.TRT xəbər verir ki, bu barədə prezidentin köməkçisi Fuad Oqtay məlumat verib.O, təyyarənin "Türkiyə Havaçılıq və Kosmos Sənayesi AŞ" (TUSAŞ) tərəfindən hazırlanacağını bildirib."2026-cı ildə təyyarəmizi göylərdə görmək mümkün olacaq, 2031-ci ildən isə təyyarə inventarına daxil ediləcək.Beləliklə, Türkiyə Amerika Birləşmiş Ştatları, Rusiya və Çindən sonra 5-ci nəsil döyüş təyyarəsi istehsal edən ölkələr arasında yerini alacaq".xeber100.com

6,2 bal gücündə zəlzələ baş verib

Yaponiyanın Hokkaydo adası sahillərində 6,2 bal gücündə zəlzələ baş verib.Trend-in Avropa-Aralıq dənizi Seysmoloji Mərkəzinə istinadən verdiyi məlumata görə, yeraltı təkanların episetnri Nemuro şəhərindən 193 kilometr cənub-şərqdə, ocağı isə 20 kilometr dərinlkdə yerləşib.Zəlzələ nəticəsində xəsarət alanlar və dağıntılar barədə məlumat verilməyib. Sunami təhlükəsi elan edilməyib.xeber100.com