Atıcılıq üzrə 53-cü dünya çempionatı davam edir

Bakıda keçirilən atıcılıq üzrə 53-cü dünya çempionatı davam edir. 25 metr məsafəyə tapançadan mərkəzə atəş açma növündə kişi və qadınların yarışı keçirilib. Yekun nəticələrə əsasən, Azərbaycan komandası növbəti dəfə uğur qazanıb. Belə ki, ölkəmizi dünya çempionatında təmsil edən Nigar Nəsirova qızıl medal əldə edib. Gümüş medala yığmamızın digər üzvü Nərminə Səmədova yiyələnib. Üçüncü yerə Monqolustandan olan atlet Xişiqderger Enxbat sahib olub. Kişilərin mübarizəsində Almaniyanı təmsil edən Kristian Reytz qızıl medal qazanıb. Gümüş medalı Estoniyanı təmsil edən Peeter Olesk aktivinə yazıb. Sloveniya atleti Joze Çeper bürünc medala yiyələnib. Kişilər arasında komanda növündə Almaniya birinci, Koreya ikinci, Hindistan üçüncü olub.xeber100.com

Azərbaycan Motoklublar Birliyinin təşkilatçılığı ilə “Şahdağ motosiklet festivalı” keçirilib

Dövlət Turizm Agentliyinin tabeliyində fəaliyyət göstərən “Şahdağ” Turizm Mərkəzinin və Azərbaycan Motoklublar Birliyinin birgə təşkilatçılığı ilə “Şahdağ motosiklet festivalı” keçirilib. Şahdağda ilk dəfə olaraq təşkil edilən festivala ölkənin müxtəlif bölgələrindən 300-ə yaxın motohəvəskar iştirak edib. Mərkəzin mətbuat xidmətindən verilən məlumata görə, iki gün davam edən tədbirdə motosikletçilər təşkilatçılar tərəfindən hazırlanan müxtəlif müsabiqələrdə güclərini sınayıblar. Yarışda motohəvəskarlar güclü motosiklet, dəbli motosiklet, təcrübəli motosikletçi, uzağa üzmə, qol güləşi və digər müsabiqələr üzrə birincilik uğrunda mübarizə aparıblar. Öz bacarıq və istedadları ilə seçilən qaliblər münsiflər heyəti tərəfindən müxtəlif mükafatlarla təltif olunublar. Tədbir çərçivəsində kompleksin qonaqları üçün motohəvəskarlar tərəfindən ödənişsiz peşəkar təlimlər keçirilib. Həm yerli, həm də əcnəbi qonaqları tərəfindən böyük maraqla qarşılanan festival çərçivəsində iştirakçılar və turizm mərkəzinin qonaqları üçün şou proqramlar təşkil edilib.xeber100.com

Azərbaycan Premyer Liqasında oyun cədvəli açıqlanıb

Azərbaycan Premyer Liqasında V turun oyun cədvəli açıqlanıb. Peşəkar Futbol Liqasının rəsmi saytına istinadən xəbər verir ki, bu turun görüşləri üç günü əhatə edəcək. Azərbaycan Premyer Liqası V tur 1 sentyabr (cümə) 19:00. “Sabah” – “Turan Tovuz” “Bank Respublika Arena” 2 sentyabr (şənbə) 18:00. “Qəbələ” – “Zirə” Qəbələ şəhər stadionu 20:30. “Sumqayıt” – “Neftçi” “Kapital Bank Arena” 3 sentyabr (bazar) 17:00. “Kəpəz” – “Araz-Naxçıvan” Gəncə şəhər stadionu 19:30. “Səbail” – “Qarabağ” “ASCO Arena”.xeber100.com

AFFA-da I və II Liqalarının püşkatma mərasimi keçirilib

AFFA-da Azərbaycan I və II Liqalarının püşkatma mərasimi keçirilib. Tədbirdə Peşəkar Futbol Liqasının vitse-prezidenti Aslan Şahgəldiyev, texniki-idman direktoru Elgiz Abbasov, media və marketinq direktoru Sənan Abdullayev, liqalarda iştirak edəcək klubların rəsmiləri və media nümayəndələri iştirak ediblər. Açılış sözü ilə çıxış edən A.Şahgəldiyev komandalara verilən tapşırıqları, məsləhət və tövsiyələri peşəkarcasına icra etməyə çalışdıqlarına görə təşəkkür edib. Xüsusən ilk dəfə keçiriləcək II Liqa komandalarının yanaşması haqqında xoş təəssüratlarını bölüşən PFL-in vitse-prezidenti bu çempionatın ehtimal olunan bütün çatışmazlıqlarına rəğmən Azərbaycan futboluna yeni adlar, klub rəsmilərinə yeni təcrübələr qazandıracağına ümid etdiyini bildirib. Ardından söz alan E.Abbasov liqaların keçirilmə qaydaları, futbolçu qeydiyyatı, infrastruktur və digər məsələlər barədə məlumat verib. Bütün məqamlar diqqətə çatdırıldıqdan sonra püşk atılıb. Beləliklə, I və II Liqanın ilk turunda qarşılaşacaq komandalar bəlli olub. I Liqa “Difai Ağsu” – MOİK “Zaqatala” – “İrəvan” “Karvan” – “Mingəçevir” “Qaradağ Lökbatan” – “Şamaxı” “Araz Saatlı” – “İmişli” II Liqa “Ağdaş” – “Şahdağ Qusar” “Baku Sportinq” – “Şəfa Baku” “Sheki City” – “Dinamo” “Lerik” – “Qusar” “Şəmkir” – “Kür-Araz” “Füzuli” – “Cəbrayıl” “Göygöl” – “Kürmük Qax”

“Kəpəz” komandası Azərbaycan çempionatlarında növbəti oyununu keçirib

“Kəpəz” komandası Azərbaycan çempionatlarında 300-cü ev oyununu keçirib. Bu, Premyer Liqanın III turuna təsadüf edib. Gəncə təmsilçisi öz meydanında “Turan Tovuz”a 0:2 hesabı ilə uduzub. 1992-ci ildən fasilələrlə ölkə çempionatında çıxış edən “Kəpəz” 300 matçda 179 qələbə qazanıb. Öz meydanında 50 heç-heçəsi olan komanda 71 dəfə uduzub. Qeyd edək ki, yalnız üç komanda – “Qarabağ”, “Neftçi” və “Şamaxı” doğma meydanda daha çox oyun keçirib.xeber100.com

Boksçular arasında Avropa birinciliyində final mərhələsinə yekun vurulub

Sloveniyanın Maribor şəhərində məktəbli boksçular arasında Avropa birinciliyində 1/8 final mərhələsinə yekun vurulub. Federasiyadan verilən məlumata görə, 1/4 finala gedən yolda Azərbaycan millisinin daha 2 boksçusu rinqdən qələbə ilə ayrılıb. Toğrul Quliyev (57 kq) Sonni Hollinqsvortla (İngiltərə) üz-üzə gəlib. Boksçumuz rəqibini 5:0 (29:28, 29:28, 29:28, 30:27, 29:28) hesabı ilə məğlub edib. Səftər Məmmədzadə (90 kq) də 1/8 final səddini uğurla adlayıb. Yan Vimzalla (İBAC) döyüşən təmsilçimiz 5:0 (30:26, 30:24, 30:27, 30:27, 30:27) hesabı ilə qalib gəlib. Bununla da Avropa birinciliyində 1/4 finalda mübarizə aparacaq boksçularımızın sayı 9-a çatıb. Quliyev və Məmmədzadə ilə yanaşı, Şahin Aslanov (52 kq), Seydəmir Quliyev (54 kq), Adil Zalov (63 kq), Nicat İmanov (66 kq), İsmayıl Vəliyev (70 kq), Hüseyn Abdiyev (80 kq) və Mədinə Məmmədova (60 kq) yarımfinal üçün mübarizə aparacaq. Qeyd edək ki, Avropa birincililiyi avqustun 25-də yekunlaşacaq.xeber100.com

AVRO-2024-ün seçmə mərhələsi çərçivəsində

AVRO-2024-ün seçmə mərhələsi çərçivəsində Bakıda keçiriləcək Azərbaycan – Belçika oyununun biletləri satışa çıxarılıb. AFFA-nın rəsmi saytı xəbər verir ki, biletlərin qiyməti 5 (II kateqoriya), 10 (I kateqoriya) və 50 AZN (VİP) təşkil edir. Qeyd edək ki, sentyabrın 9-da “Dalğa Arena”da keçiriləcək qarşılaşma saat 17:00-da başlayacaq.xeber100.com

Voleybol məşqçiləri üçün növbəti beynəlxalq seminar keçiriləcək

Bakıda voleybol məşqçiləri üçün növbəti beynəlxalq seminar keçiriləcək. Beynəlxalq Voleybol Federasiyasının (FIVB) Level 2 seminarı 11-15 sentyabr tarixlərində Azərbaycan Voleybol Federasiyasında təşkil olunacaq. FIVB-nin müəyyən etdiyi şərtlərə görə, seminarda yaşı 18-dən yuxarı olan və milli federasiyalar tərəfindən tövsiyə edilən mütəxəssislər iştirak edə bilərlər. İştirakçılar ingilis dilini bilməli, həmçinin onlar sağlam, fiziki və məşqçilik bacarıqlarına sahib olmalıdırlar. FIVB-nin tələblərinə görə, əvvəlki Level kursunu ən azı 2 il öncə keçmiş mütəxəssislər seminara qatıla bilərlər. Qeyd edək ki, FIVB-nin Bakıda Level 1 seminarı bu il 3-7 iyul tarixlərində keçirilib.xeber100.com

Dünya Kubokunda yarımfinal mərhələsinin cavab oyunları keçirilib

Bakıda keçirilən Dünya Kubokunda yarımfinal mərhələsinin cavab oyunları keçirilib. Azərbaycan Şahmat Federasiyasından verilən məlumata görə, Azərbaycan təmsilçisi Nicat Abasov beşqat dünya çempionu, norveçli Maqnus Karlsenlə üz-üzə gəlib. İlk oyunda uduzan Nicata cavab oyununda mütləq qələbə lazım idi. Ağ fiqurlarla mübarizə aparan Nicat Abasov Maqnus Karlsenlə heç-heçə oynayıb. Ümumi nəticə 0,5-1,5 hesabı ilə uduzan Nicat avqustun 22-də üçüncü yer uğrunda mübarizə aparacaq. Qeyd edək ki, Dünya Kubokuna avqustun 24-də yekun vurulacaq.xeber100.com

“Sabah” və “Neftçi” futbol komandaları üz-üzə gəliblər

Azərbaycan Premyer Liqasında III tura yekun vurulub. Bağlanış matçında “Sabah” və “Neftçi” komandaları üz-üzə gəliblər. Həftəiçi UEFA Konfrans Liqasında rəqiblərinə məğlub olaraq avrokuboklarla vidalaşan Bakı təmsilçiləri “Bank Respublika Arena”da qarşılaşıblar. Əliyar Ağayevin idarə etdiyi paytaxt derbisində hesabı meydan sahibləri açıb. 43-cü dəqiqədə Boyan Letiç dəqiq zərbə vurub. Fasilədən sonra “status-kvo” bərpa olunub. 49-cu dəqiqədə “Sabah”ın müdafiəçisi Con İrasabal avtoqol müəllifi olub. Görüş 1:1 hesabı ilə başa çatıb. “Sabah”ın baş məşqçisi Murad Musayev son dəqiqələrdə qırmızı vərəqə alıb. Bu nəticədən sonra “Sabah” xallarının sayını 4-ə, “Neftçi” isə 2-yə yüksəldib. Turun əvvəlki oyunlarında “Turan Tovuz” “Kəpəz”i (2:0), “Sumqayıt” “Qəbələ”ni (2:1), “Zirə” “Səbail”i (2:1) səfərdə, “Qarabağ” isə “Araz-Naxçıvan”ı (2:1) öz meydanında məğlub edib. Premyer Liqada IV turun oyunları avqustun 25-27-də keçiriləcək.xeber100.com