İspaniya La Liqasının 19-cu turunda

İspaniya La Liqasının 19-cu turunda “Real Madrid” klubunun “Atletiko” üzərində qalib gəldiyi (2:1) oyun “kral klubu”nun fransalı forvardı Kərim Benzema üçün əlamətdar olub.Həmin oyunda dubl edən Benzema peşəkar karyerasında 400-cü və 401-ci qollarını vurub. O, bu nəticəyə həm klub, həm də yığma komandanın heyətində vurduğu qollar sayəsində nail olub. Bununla da Benzema Fransanın futbol tarixində 400-dən çox qol vuran ikinci futbolçu kimi tarixə düşüb.Xatırladaq ki, Fransanın futbol tarixində ən çox qol vuran oyunçu “Arsenal” və “Barselona” klublarının və milli komandanın sabiq forvardı Tyerri Anridir. O, karyerası ərzində rəqib qapılarına 411 dəfə yol tapıb.xeber100.com

7-ci beynəlxalq superturnirə bu gün yekun vurulacaq

Azərbaycanın görkəmli şahmatçısı Vüqar Həşimovun xatirəsinə həsr olunan 7-ci beynəlxalq superturnirə bu gün yekun vurulacaq.Turnirin altıncı günündə blits yarışlarının səkkizinci turunda Azərbaycan təmsilçiləri Şəhriyar Məmmədyarov çexiyalı David Navara, Rauf Məmmədov sabiq dünya çempionu hindistanlı Vişvanatan Anand, Vüqar Əsədli ABŞ təmsilçisi Fabiano Karuana ilə qarşılaşır. Rusiya idmançısı Sergey Karyakin isə macarıstanlı Riçard Rapport ilə üz-üzə gəlir.Rapid turnirinin və blits yarışlarının 7 turunun yekunlarına görə, R.Rapport 20,5 xalla turnir cədvəlində birinci pillədə qərarlaşıb. Ş.Məmmədyarov 19 xalla ikinci, F.Karuana 18,5 xalla üçüncü, S.Karyakin isə 18 xalla dördüncü pillədə yer alıblar. D.Navara 12 xalla beşinci, R.Məmmədov 10,5 xalla altıncı, V.Əsədli 8 xalla yeddinci, V.Anand isə 5,5 xalla sonuncu - səkkizinci yerdə qərarlaşıblar.Rapid və blits yarışlarının yekununda ən çox xal qazanan şahmatçı memorialın qalibi olacaq.Blits yarışı 5 dəqiqə + 3 saniyə nəzarət vaxtı ilə təşkil olunur.Qeyd edək ki, sayca yeddinci dəfə təşkil olunan “Vüqar Həşimov memorial”ına dekabrın 23-də yekun vurulacaq. Yarış Vüqar Həşimov Şahmat Fondunun təşkilatçılığı, Gənclər və İdman Nazirliyinin, Azərbaycan Şahmat Federasiyasının dəstəyi, SOCAR-ın sponsorluğu ilə keçirilir.Vüqar Həşimov memorialı ilk dəfə 2014-cü ildə Şəmkirdə keçirilib. Hazırkı dünya çempionu Maqnus Karlsen dörd (2014, 2015, 2018, 2019), Azərbaycan şahmatçısı Şəhriyar Məmmədyarov isə iki (2016, 2017) dəfə turnirin qalibi olublar.xeber100.com

FIFA milli komandaların növbəti reytinq cədvəlini açıqlayıb

FIFA futbol üzrə milli komandaların növbəti reytinq cədvəlini açıqlayıb.Ötən ay açıqlanmış reytinq cədvəli ilə müqayisədə Azərbaycan milli komandasının mövqeyində dəyişiklik olmayıb. Millimiz 1139 xalla 120-ci pillədə qərarlaşıb.Reytinq cədvəlinə 1828 xalla Belçika millisi başçılıq edir. Braziliya yığması 1826 xalla ikinci, Fransa isə 1786 xalla üçüncüdür.Qeyd edək ki, növbəti siyahı gələn il fevralın 10-da açıqlanacaq.xeber100.com

Azərbaycanda paracüdo üzrə növbəti dünya çempionatı keçiriləcək

Azərbaycanda paracüdo üzrə növbəti dünya çempionatı keçiriləcək.Azərbaycan Milli Paralimpiya Komitəsindən (AMPK) bildiriblər ki, yarış 2022-ci il noyabrın 7-9-da Bakıda təşkil ediləcək. “Paris-2024” XVII Yay Paralimpiya Oyunlarına lisenziya xalları qazandıracaq bu turnirdə 40-dan çox ölkənin aparıcı idmançılarının iştirakı gözlənilir.Dünya çempionatı AMPK-nın təşkilatçılığı və Azərbaycan Cüdo Federasiyasının dəstəyi ilə baş tutacaq.Qeyd edək ki, yarışdan əvvəl beynəlxalq həkimlərin iştirakı ilə idmançılar üçün tibbi təsnifat keçiriləcək.xeber100.com

Beynəlxalq Futbol Tarixi və Statistikaları Federasiyası rəmzi komandasını açıqlayıb

Beynəlxalq Futbol Tarixi və Statistikaları Federasiyası (IFFHS) 2021-ci ilin Avropa zonası üzrə rəmzi komandasını açıqlayıb.Əsas komanda 4-3-3 taktiki sxemi ilə formalaşdırılıb.Heyətdə qapıçı - Canluici Donnarumma (İtaliya / "Milan" / PSJ), müdafiəçilər - Sezar Aspilikueta (İspaniya / "Çelsi"), Leonardo Bonuççi ( İtaliya / "Yuventus"), Ruben Diaş (Portuqaliya / "Mançester Siti"), Corco Kyellini (İtaliya / "Yuventus"), yarımmüdafiəçilər - Jorjinyo (İtaliya / "Çelsi"), Kevin De Bröyne (Belçika / "Mançester Siti"), N Golo Kante (Fransa / "Çelsi"), hücumçular - Kriştianu Ronaldu (Portuqaliya / "Mançester Yunayted"), Robert Levandovski (Polşa / "Bavariya") və Kilian Mbappe (Fransa / PSJ) yer alıblar.Ehtiyat heyətdə 7 oyunçuya - Manuel Nöyer (Almaniya), Joau Kanselu (Portuqaliya), Antonio Rüdiger (Almaniya), Tomas Müller (Almaniya), Brunu Fernandeş (Portuqaliya), Erlinq Holann (Norveç) və Kərim Benzema (Fransa) yer verilib.Rəmzi komandaya İngiltərənin "Çelsi" komandasının almaniyalı baş məşqçisi Tomas Tuxel başçılıq edir.xeber100.com

Şahmatçılar arasında rapid üzrə FIDE onlayn Super Final yarışı davam edir

Yeniyetmə şahmatçılar arasında rapid üzrə FIDE onlayn Super Final yarışı davam edir.“Youth rapıd super fınal” adlanan turnir 10, 12, 14, 16 və 18 yaş qrupunda dairəvi sistem üzrə keçirilir. Hər yaş qrupunda 6 şahmatçı mübarizə aparır. Onlardan üçü dünya kuboku, ikisi Qran-Pri seriyasından, biri isə FIDE klassik reytinqinə görə ən yaxşı oyunçu olaraq vəsiqə qazanıb. Ölkəmizi bu turnirdə Gövhər Beydullayeva, Mələk İsmayıl (18 yaş qızlar), Xəzər Babazadə (16 yaş oğlanlar) və Uğur İlyaslı (18 yaş oğlanlar) təmsil edirlər.Səkkiz turdan sonra təmsilçilərimizdən Gövhər Beydullayeva 6,5 xal toplayaraq 18 yaşlı qızlar arasında birincidir. Bu qrupda mübarizə aparan digər iştirakçımız Mələk İsmayıl isə 3,5 xalla dördüncü yerdədir. On altı yaşlı oğlanların turnirində mübarizə aparan Xəzər Babazadə 5 xal toplayaraq liderdən yarım xal geri qalır. İlyaslı Uğur 18 yaşlı oğlanların yarışında aktivinə 1 xal yazıb.Turnirin ümumi mükafat fondu 30 min avrodur.xeber100.com

Azərbaycan III MDB Oyunlarına ev sahibliyi edəcək

Azərbaycan 2025-ci ildə keçiriləcək III MDB Oyunlarına ev sahibliyi edəcək.Иu barədə qərar MDB-yə üzv ölkələrin bədən tərbiyəsi və idman sahəsində əməkdaşlıq haqqında Saziş iştirakçılarının Bədən Tərbiyəsi və İdman Şurasının onlayn formatda baş tutmuş növbədənkənar iclasında qəbul olunub.II MDB Oyunları isə 2023-cü ildə Belarusun paytaxtı Minskdə təşkil olunacaq.Toplantıda, həmçinin idman sahəsində əməkdaşlığın aktual məsələləri də müzakirə edilib. O cümlədən, ayrı-ayrı idman növləri üzrə MDB çempionatlarının və kuboklarının keçirilməsi məsələsinə baxılıb. İşçi Qrupuna 2022-ci il iyunun 1-dək MDB yarışları ilə bağlı əsasnamə layihəsinin hazırlanması tapşırılıb.Qeyd edək ki, I MDB Oyunları bu il sentyabrın 4 -11-də Rusiyanın Kazan şəhərində keçirilib.xeber100.com

Şahmat festivalında Azərbaycan təmsilçiləri mübarizəni davam etdirirlər

İspaniyanın Sitjes şəhərində keçirilən şahmat festivalında Azərbaycan təmsilçiləri mübarizəni davam etdirirlər.Yarışın güclü A turnirində mübarizə aparan Azərbaycan şahmatçılarından Eltac Səfərli və Məhəmməd Muradlı yeddinci turda rəqibləri ilə heç-heçə ediblər. Hər iki şahmatçımız 5,5 xalla 7-17-ci yerləri bölüşürlər. Digər şahmatçılarımız - Aydın Süleymanlı 4,5, Ülviyyə Fətəliyeva, Babək Cəfərli 4 xala malikdirlər.İsveçrə sistemi üzrə keçirilən turnirdə 300-ə yaxın şahmatçı iştirak edir. Onlardan 55-i qrossmeysterdir.Turnir 10 turdan ibarət olacaq və dekabrın 23-dək davam edəcək.xeber100.com

Azərbaycan Triatlon Federasiyasının ümumi yığıncağı keçirilib

Dekabrın 21-də Gənclər və İdman Nazirliyinin inzibati binasında Azərbaycan Triatlon Federasiyasının ümumi yığıncağı keçirilib.Azərbaycan Respublikasının Dövlət Himninin səsləndirilməsi ilə başlayan tədbirdə çıxış edən nazir Fərid Qayıbov yığıncaq iştirakçılarını salamlayaraq, tədbirin işinə uğurlar arzulayıb.Sonra Azərbaycan Triatlon Federasiyasının prezidenti Azər Məhərrəmov federasiyanın son illərdəki fəaliyyəti barədə hesabat məruzəsi ilə çıxış edib.Daha sonra federasiya rəhbərliyinə yeni seçkilər keçirilib. Elçin Əliyev Azərbaycan Triatlon Federasiyasının yeni prezidenti seçilib. Yığıncaqda, həmçinin Rüfət Həsənov və Azər Əliyev idarə heyəti sədrinin müavinləri, Əli Bünyadov və Sabirə Cahangirova isə idarə heyətinə üzv seçiliblər.Milli Olimpiya Komitəsinin vitse-prezidenti Çingiz Hüseynzadə yığıncaqda çıxış edərək federasiyanın yeni rəhbərliyinə uğurlar arzulayıb.Federasiyanın yeni prezidenti Elçin Əliyev göstərilən etimada görə təşəkkürünü bildirib, ölkəmizdə idmanın bu növünün inkişafı üçün səylə çalışacaqlarını qeyd edib.xeber100.com

İngiltərə Premyer Liqasının 18-ci turunun mərkəzi qarşılaşması keçirilib

Dekabrın 19-da futbol üzrə İngiltərə Premyer Liqasının 18-ci turunun mərkəzi qarşılaşması keçirilib.“Tottehem” öz meydanında “Liverpul” komandasını qəbul edib.Gərgin keçən görüşdə qalib müəyyənləşməyib - 2:2.London təmsilçilərinin heyətində Hari Keyn, Son Xın-Min, “Liverpul”un isə Dieqo Jota və Endrü Robertson fərqləniblər. E.Robertson qol vurduqdan yeddi dəqiqə sonra qırmızı vərəqə alaraq meydandan kənarlaşdırılıb.Bu nəticədən sonra xal etiyatını 41-ə çatdıran “Liverpul” ikinci, “Tottenhem” isə 26 xalla yeddinci yerdə qərarlaşıb.“Mançester Siti” səfərdə “Nyukasl Yunayted” komandasının qonağı olub. Görüş Mançester təmsilçisinin böyük hesablı qələbəsi ilə başa çatıb - 0:4. Pep Qvardiolanın yetirmələrinin heyətində Ruben Dias, Joao Kanselo, Riyad Mahrez və Rahim Sterlinq fərqləniblər.Günün digər görüşü ötən tur liderliyini əldən verən “Çelsi” və “Volverhemton” komandaları arasında baş tutub. Gərgin keçən qarşılaşmada hesab açılmayıb. London təmsilçisi ardıcıl iki turdur ki, qələbə qazana bilmir.Gecənin ən maraqlı görüşü “Tottenhem” və “Liverpul” komandaları arasında baş tutacaq. Həmin görüş Bakı vaxtı ilə 20:30-da start götürəcək.Qeyd edək ki, İngiltərə Premyer Liqasında XVIII turun 4 oyunu koronavirusa yoluxma hallarının artması səbəbindən təxirə salınıb."Sautgempton" - "Brentford", "Uotford" - "Kristal Pelas", "Vest Hem" - "Norviç" və "Everton" - "Lester" görüşləri planlaşdırılan vaxtda baş tutmayacaq.Xatırladaq ki, daha əvvəl "Börnli" - "Uotford", "Tottenhem" - "Lester Siti" və "Mançester Yunayted" - "Brayton" matçları eyni səbəbə görə təxirə düşüb.xeber100.com