Futbol üzrə Braziliya çempionatının qalibi müəyyənləşib

Futbol üzrə Braziliya çempionatının qalibi müəyyənləşib.Azərtac xəbər verir ki, çempionatın 32-ci turunda “Baiya” klubunu 3:2 hesabı ilə məğlub edən “Atletiko Mineyro" vaxtından əvvəl qızıl medalları təmin edib. Bu nəticədən sonra xallarını 81-ə çatdıran komanda ikinci pillədəki “Flamenqo” üçün əlçatmaz olub.Qeyd edək ki, bu, “Atletiko Mineyro”nun tarixində ikinci çempionluğudur. Komanda ilk dəfə 1971-ci ildə çempionluq sevinci yaşayıb.xeber100.com

Beynəlxalq Futbol Tarixi və Statistikaları Federasiyasının açıqlamasına əsasən…

Beynəlxalq Futbol Tarixi və Statistikaları Federasiyası (IFFHS) 2021-ci ilin ən yaxşı gənc (U-20) futbolçusunu açıqlayıb.Bu ada “Barselona”nın yarımmüdafiəçisi Pedri layiq görülüb.On doqquz yaşlı ispaniyalı yarımmüdafiəçi 105 xalla bütün rəqiblərini qabaqlayıb.Almaniyanın “Bayern” klubunun futbolçusu Camal Musiala 45 xalla ikinci, Erik Qarsiya (“Barselona”) isə 20 xalla üçüncü olub.Qeyd edək ki, Pedri bundan əvvəl 2021-ci təqvim ili üzrə ilin ən yaxşı gənc oyunçusuna verilən “Qızıl oğlan” (Golden boy) mükafatının və “France Football” nəşrinin versiyasına əsasən, ilin ən yaxşı gənc futbolçusu nominasiyasının qalibi olub.xeber100.com

İngiltərə Premyer Liqasının 14-cü turunda

İngiltərə Premyer Liqasının 14-cü turunda “Liverpul”un səfərdə “Everton” üzərində qalib gəldiyi (1:4) qarşılaşma misirli hücumçu Məhəmməd Salah üçün əlamətdar olub.Oyunda iki qol vuran Məhəmməd Salah bununla da Premyer Liqada yeni rekorda imza atıb. Belə ki, misirli forvard cari mövsümdə rəqib qapısına vurduğu qollarının sayını 13-ə, məhsuldar ötürmələrinin sayını isə 8-ə çatdırıb. O, bu göstərici üzrə “Arsenal”ın fransalı sabiq hücumçusu Tyeri Anriyə məxsus rekordu yeniləyib.T.Anri 2004-2005-ci il mövsümündə Premyer Liqanın ilk 14 turundan sonra aktivinə 11 qol və 9 məhsuldar ötürmə yazdıraraq rekorda imza atmışdı.xeber100.com

Avropa Voleybol Konfederasiyasının məlumatına görə…

Qadın və kişi voleybolçulardan ibarət Azərbaycan milli komandaları Avropa Liqası yarışlarında mübarizə aparacaqlar.Bu barədə Avropa Voleybol Konfederasiyası (CEV) məlumat yayıb.Qadınlardan ibarət millimiz Qızıl Avropa Liqasında, kişilərdən ibarət komandamız isə Gümüş Avropa Liqasında gücünü yoxlayacaq.Yarışların 2022-ci ilin may-iyun aylarında keçiriləcəyi planlaşdırılır.xeber100.com

“Atalanta” futbol klubu baş məşqçisi ilə müqaviləni yeniləyib

İtaliyanın “Atalanta” futbol klubu baş məşqçisi Can Pyer Qasperini ilə müqaviləni yeniləyib.63 yaşlı mütəxəssisin yeni sözləşməsi 2024-cü ilin yayınadək uzadılıb.Qeyd edək ki, italyan məşqçi 2016-cı ildən A seriyası təmsilçisində çalışır. Onun komandası hazırda A seriyasında 31 xalla 4-cüdür.xeber100.com  

İspaniyanın “Levante” klubu baş məşqçisi ilə yolları ayırıb

İspaniyanın “Levante” klubu baş məşqçisi Xavier Pereyra ilə yolları ayırıb.Bu barədə klubun rəsmi tvitter səhifəsi məlumat yayıb.Əlli beş yaşlı ispaniyalı çalışdırıcı uğursuz çıxışların ardından bu postundan gedib. Pereyra bu ilin oktyabrından “Levante”yə rəhbərlik edirdi.Qeyd edək ki, mütəxəssisin rəhbərliyi altında "Levante" La Liqada oynadığı 7 matçın 4-də məğlub olub, 3 oyunda isə heç-heçə edib.xeber100.com

Argentina millisinin sabiq futbolçusu məşqçiliyə başlayıb

Argentina millisinin sabiq futbolçusu Xavyer Maskerano məşqçiliyə başlayıb.“Barselona” və “Liverpul”un keçmiş yarımmüdafiəçisi ölkəsində fəaliyyət göstərəcək. Otuz yeddi yaşlı mütəxəssis Argentinanın 20 yaşadək futbolçulardan ibarət yığmanın baş məşqçisi təyin olunub. Fernando Batista Venesuela yığmasının baş məşqçisi postuna gətirilən Xose Pekermanın məşqçilər korpusuna daxil olduğundan, U-20 millisi Maskeranoya tapşırılıb.Qeyd edək ki, Xavyer Maskerano ötən ilin noyabrında “Estudiantes”in heyətində karyerasını başa vurub.xeber100.com

“Bavariya” klubunun futbolçusu ilin hücumçusu seçilib

Polşa millisinin və Almaniyanın "Bavariya" klubunun futbolçusu Robert Levandovski ilin hücumçusu seçilib.32 yaşlı forvard 2021-ci ildə vurduğu 53 qolla bütün rəqiblərini qabaqlayıb.xeber100.com

“France Football” nəşri “Qızıl top” mükafatının qalibini müəyyənləşdirib

"France Football" nəşrinin təsis etdiyi "Qızıl top" mükafatının qalibi müəyyənləşib.Bu mükafata Fransanın “Paris Sen-Jermen” klubunun hücumçusu Lionel Messi layiq görülüb.xeber100.com

Taekvondo üzrə Azərbaycan birinciliyi start götürüb

Bu gün Sumqayıt Olimpiya İdman Kompleksində taekvondo üzrə yeniyetmələr arasında Azərbaycan birinciliyi start götürüb.Azərtac xəbər verir ki, yarışda 2008-2010-cu il təvəllüdlü idmançılar iştirak edirlər. Belə ki, turnirdə 372 taekvondoçu mübarizə aparır. Onlardan 281-i oğlan, 91-i isə qızdır.Yarış koronavirus pandemiyası ilə əlaqədar müəyyən olunan karantin rejimi qaydalarına uyğun və bütün şərtlərə əməl edilməklə keçirilir.Turnir iki gün davam edəcək.xeber100.com