Şahmat üzrə Avropa çempionatının yeddinci turunun oyunları keçirilib

Reykyavikdə kişilər arasında şahmat üzrə Avropa çempionatının yeddinci turunun oyunları keçirilib.Azərtac xəbər verir ki, Azərbaycan təmsilçisi Rauf Məmmədov polşalı Kacper Piorun ilə heç-heçə edərək aktivinə 0,5 xal əlavə edib. Turnir cədvəlində 6 xalla 1-2-ci yerləri bölüşən şahmatçımız liderliyini davam etdirir.Digər təmsilçilərimizdən Nicat Məmmədov fransalı Maksim Laqardı məğlub edərək xalların sayını 5,5-ə çatdırıb. O, bu nəticə ilə 3-9-cu yerləri bölüşür. Yeddinci turu daha bir şahmatçımız - Read Səmədov qələbə ilə başa vurub. Belə ki, o, isveçrəli Nikolas Kuenqi məğlub edib. Nicat Abbasov serbiyalı İvic Velimir, Aydın Süleymanlı litvalı Karolis Juksta ilə heç-heçə ediblər.Ötən turların nəticəsinə görə, N.Abasov 4,5, A.Süleymanlı, R.Səmədov 4 xala malikdirlər.İsveçrə sistemi üzrə keçirilən turnir 11 turdan ibarətdir.xeber100.com

Zaqrebdə cüdo üzrə Qran-Pri turniri start götürəcək

Sentyabrın 24-də Zaqrebdə cüdo üzrə Qran-Pri turniri start götürəcək. Yarışda Azərbaycanı 6 cüdoçu təmsil edəcək. Belə ki, Davud Məmmədsoy, Balabəy Ağayev (hər ikisi 60 kq), İbrahim Əliyev (66 kq), Telman Vəliyev (73 kq), Məmmədəli Mehdiyev (90 kq), İmran Yusifov (100 kq-dan yuxarı) medallar uğrunda mübarizə aparacaqlar.Turnir sentyabrın 26-dək davam edəcək.xeber100.com

“Barselona” klubunda 10 nömrəli formanı geyinəcək futbolçunun adı açıqlanıb

İspaniyanın "Barselona" klubunda 10 nömrəli formanı geyinəcək futbolçunun adı açıqlanıb.Xarici KİV xəbər verir ki, Lionel Messinin gedişindən sonra bu formanı Ansu Fati geyinəcək.Qeyd edək ki, Ansu Fati "Barselona"nın yetirməsidir. İspaniya millisinin də üzvü olan futbolçu zədə səbəbindən ötən ilin noyabrından meydana çıxmır. On doqquz yaşlı hücumçu 2020-2021-ci il mövsümündə keçirdiyi 10 oyunda 5 qol vurub və 4 məhsuldar ötürmə edib.xeber100.com

“Tokio-2020” XVI Yay Paralimpiya Oyunlarının səkkizinci günündə

Sentyabrın 1-də - “Tokio-2020” XVI Yay Paralimpiya Oyunlarının səkkizinci günündə 82 ölkənin idmançıları medal qazanıblar. Medal siyahısına Çin komandası liderlik edir. Bu ölkənin idmançıları 68 qızıl, 43 gümüş və 36 bürünc medal qazanıblar. İkinci pillədə 32 qızıl, 20 gümüş və 37 bürünc medalla Rusiya Paralimpiya Komitəsinin təmsilçiləri, üçüncü yerdə isə 30 qızıl, 24 gümüş və 32 bürünc medalla Böyük Britaniya atletləri qərarlaşıblar.ABŞ 25 qızıl, 27 gümüş, 20 bürünc medalla dördüncü, Niderland 19 qızıl, 10 gümüş, 10 bürünc mükafatla beşinci, Ukrayna isə 17 qızıl, 35 gümüş və 25 bürünc medalla altıncıdır. Digər pillələrdə Braziliya (15-12-21), Avstraliya (13-23-24) və İtaliya (12-19-17) qərarlaşıblar. Azərbaycan isə 11 qızıl, 1 gümüş və 4 bürünc medalla onuncu pillədə yer alıb.Millimizin heyətində paracüdoçular Şəhanə Hacıyeva (48 kq), Sevda Vəliyeva (52 kq), Xanım Hüseynova (63 kq), Vüqar Şirinli (60 kq), Hüseyn Rəhimli (81 kq), Dürsədəf Kərimova (+70 kq) qızıl, Namiq Abaslı (66 kq) və İlham Zəkiyev (+100 kq) bürünc medala sahib olublar.Yüz metr məsafəyə arxası üstə və sərbəst üsulla üzgüçülük yarışlarında Raman Saleh Paralimpiya çempionu adını qazanıb. Digər üzgüçümüz Vəli İsrafilov isə 100 metr məsafəyə brass üsulu ilə üzgüçülük yarışında birinci yeri tutub. Nizəatma yarışında dünya rekordu müəyyənləşdirən para-atletimiz Həmid Heydəri qızıl medala sahib olub. Elvin Astanov nüvəitələmə yarışında birinci, Səid Nəcəfzadə isə uzunluğa tullanmada üçüncü yeri tutublar. Para-atlet Lamiyə Vəliyeva 100 metr məsafəyə qaçış yarışını ikinci pillədə başa vurub. Pauerliftinqçi Pərvin Məmmədov (49 kq) fəxri kürsünün üçüncü pilləsinə qalxıb.xeber100.com

“Aimchess USRapid” turnirinin dörddəbir final mərhələsində məğlub olub

Azərbaycan qrosmeysteri Şəhriyar Məmmədyarov “Aimchess USRapid” turnirinin dörddəbir final mərhələsində məğlub olub.Turnirin pley-off mərhələsinin cavab oyunlarında ermənistanlı Levon Aronyana 1:2 hesabla uduzan təmsilçimiz yarışda mübarizəni dayandırıb.Qeyd edək ki, dörddəbir finalın ilk qarşılaşmasında şahmatçımız rəqibinə 1:3 hesabla məğlub olmuşdu.Maqnus Karlsenin təşkil etdiyi “Champions Chess Tour” onlayn seriyasının sonuncu mərhələsi – “Aimchess USRapid” turniri sentyabrın 5-dək davam edəcək.xeber100.com

“Tokio-2020” Yay Paralimpiya Oyunları davam edir

“Tokio-2020” Yay Paralimpiya Oyunları davam edir.Azərtac xəbər verir ki, Paralimpiadanın yeddinci günündə - avqustun 31-də üç para-atletimiz mübarizəyə qoşulub. Hər üç təmsilçimiz - Yelena Çebanu, Yulia Yanovskaya və Lamiyə Vəliyeva 100 metr məsafəyə qaçış yarışlarının təsnifat mərhələsində gücünü sınayıb. Hər üç para-atlet finala vəsiqə qazanıb.Finalda idmançılarımız ilə yanaşı, Cohanna Pretorius (Cənubi Afrika Respublikası), Kim Krosbi (ABŞ), Adiaratu İglesias Forneiro (İspaniya), Rayan Sares da Silva (Braziliya) və Leyla Acametova (Ukrayna) birincilik uğrunda yarışacaqlar.Yarışın final mərhələsi bu gün Bakı vaxtı ilə saat 14:57-də start götürəcək.Azərbaycan komandasının hesabında 13 medal var. Onlardan 9-u qızıl, 4-ü isə bürüncdür. Paracüdoçular Şəhanə Hacıyeva (48 kq), Sevda Vəliyeva (52 kq), Xanım Hüseynova (63 kq), Vüqar Şirinli (60 kq), Hüseyn Rəhimli (81 kq), Dürsədəf Kərimova (+70 kq) qızıl, Namiq Abaslı (66 kq) və İlham Zəkiyev (+100 kq) bürünc medala sahib olublar.Yüz metr məsafəyə üzgüçülük yarışlarında Raman Saleh Paralimpiya çempionu adını qazanıb. Nizə atma yarışlarında dünya rekordu müəyyənləşdirən para-atletimiz Həmid Heydəri qızıl medala sahib olub. Elvin Astanov nüvəitələmə yarışlarında birinci, Səid Nəcəfzadə isə uzunluğa tullanmada üçüncü yeri tutublar. Pauerliftinqçi Pərvin Məmmədov (49 kq) fəxri kürsünün üçüncü pilləsinə qalxıb.Hazırda Azərbaycan medal qazanan 78 ölkə arasında 10-cu pillədə yer alıb.“Tokio-2020”də ölkəmizi idmanın 6 növündə 47 kateqoriya üzrə rekord sayda - 35 idmançı təmsil edəcək. Atletlərimizin 23-ü kişi və 12-si qadındır.XVI Yay Paralimpiya Oyunları sentyabrın 5-dək davam edəcək.xeber100.com

Şahmat üzrə Avropa çempionatının altıncı turunun oyunları keçiriləcək

Bu gün Reykyavikdə kişilər arasında şahmat üzrə Avropa çempionatının altıncı turunun oyunları keçiriləcək.Azərtac xəbər verir ki, qitə birinciliyinin bu mərhələsində liderlər qrupunda mübarizə aparan Azərbaycan şahmatçısı Rauf Məmmədov fransalı Maksim Laqarde ilə üz-üzə gələcək.Digər şahmatçılarımız - Nicat Məmmədov çexiyalı David Navara, Nicat Abbasov macarıstanlı Viktor Erdos, Aydın Süleymanlı almaniyalı Stefan Fruebinq, Read Səmədov macarıstanlı Adam Kozak ilə mübarizə aparacaqlar.Qeyd edək ki, 5 turdan sonra şahmatçılarımız R.Məmmədov 4,5 xalla 1-3-cü yeləri bölüşür. N.Məmmədov 4, N.Abasov 3,5, A.Süleymanlı, R.Səmədov 2,5 xal toplayıblar.İsveçrə sistemi üzrə keçirilən turnir 11 turdan ibarətdir.xeber100.com

Azərbaycan Futzal Federasiyasının məlumatı əsasında…

Final mərhələsi 2022-ci ildə İspaniyada təşkil olunacaq 19 yaşadək futzalçılardan ibarət milli komandalar arasında Avropa çempionatının bu gün püşkü atılıb.Azərtac Azərbaycan Futzal Federasiyasına istinadla xəbər verir ki, mübarizəyə əsas mərhələdən başlayacaq komandamız 7-ci qrupda yer alıb.U-19 növbəti mərhələyə yüksəlmək üçün Xorvatiya, Belarus və Latviya ilə mübarizə aparacaq. Bu qrupun oyunları gələn il martın 15-20-də Xorvatiyada təşkil olunacaq. Yalnız qrup lideri final mərhələsinə vəsiqə qazanacaq.xeber100.com

UEFA Çempionlar Liqasının püşkatma mərasimi keçirilib

Avqustun 30-da İsveçrənin Nyon şəhərində futzal üzrə UEFA Çempionlar Liqasının püşkatma mərasimi keçirilib. Bu turnirdəki təmsilçimiz “Araz-Naxçıvan” 6-cı qrupunda yer alıb.Azərtac Azərbaycan Futzal Federasiyasına istinadla xəbər verir ki, ölkə çempionu elit-raunda yüksəlmək üçün “Uraqan İvano – Frankivsk” (Ukrayna),” Liqeni” (Kosovo) və “United Qalati” (Rumıniya) komandaları ilə qarşılaşacaq.Bu mərhələnin oyunları oktyabrın 26-31-də Ukraynada keçiriləcək. Qrup mərhələsini birinci pillədə yekunlaşdıracaq komanda elit-raundda oynamaq hüququ qazanacaq.xeber100.com

Şahmat üzrə Avropa çempionatının üçüncü turunun oyunları keçirilib

Bu gün Reykyavikdə kişilər arasında şahmat üzrə Avropa çempionatının üçüncü turunun oyunları keçirilib.Azərtac xəbər verir ki, qitə birinciliyinin üçüncü turunda şahmatçılarımız Rauf Məmmədov Vojtech Plat (Polşa), Nicat Məmmədov Martin Vekker (Almaniya) üzərində qələbə qazanıblar. Digər təmsilçilərimiz Nicat Abasov Hans Stefansson (İslandiya), Vasif Durarbəyli David Gavrilescu (Rumıniya), Riad Səmədov Alexander Domalchuk (Ukrayna) ilə heç-heçə ediblər. Təmsilçilərimizdən Aydın Süleymanlı Liviu Dieter Nisipeanu (Almaniya) ilə qarşılaşmada uduzub.Qeyd edək ki, iki turdan sonra şahmatçılarımız R.Məmmədov, N.Məmmədov 2,5, N.Abasov, V.Durarbəyli 2, A.Süleymanlı 1,5, R.Səmədov 1 xala malikdirlər.İsveçrə sistemi üzrə keçirilən turnir 11 turdan ibarətdir.xeber100.com