Azərbaycan-Portuqaliya oyununun birinci hissəsi başa çatıb

Futbol üzrə dünya çempionatının seçmə mərhələsi çərçivəsində Bakı Olimpiya Stadionunda keçirilən Azərbaycan-Portuqaliya oyununun birinci hissəsi başa çatıb.Matçın birinci hissəsi Portuqaliya yığmasının 2:0 hesablı üstünlüyü ilə yekunlaşıb. İtaliyalı FIFA referisi Marko Quidanın idarə etdiyi oyunda Portuqaliya millisinin heyətində Bernardu Silva və Andre Silva fərqləniblər.Qeyd edək ki, millimiz seçmə mərhələyə Portuqaliya ilə səfər matçı ilə start verib və 0:1 hesabı ilə uduzub.xeber100.com

Futbol üzrə dünya çempionatının seçmə mərhələsi çərçivəsində

Futbol üzrə dünya çempionatının seçmə mərhələsi çərçivəsində Azərbaycan millisi sentyabrın 7-də növbəti oyununu keçirib.Millimiz A qrupundakı beşinci oyununda Portuqaliya yığmasını qəbul edib. Bakı Olimpiya Stadionunda keçirilən matçda Azərbaycan millisinin start heyətində Şahruddin Məhəmmədəliyev, Qara Qarayev, Azər Salahlı, Höccət Haqverdi, Namik Ələskərov, Emin Mahmudov, Mahir Emreli, Abbas Hüseynov, Elvin Bədəlov, Təmkin Xəlilzadə və Filip Ozobiç yer alıblar.Portuqaliya seçməsinin heyətində isə meydana Ruy Patrisiu, Pepe, Ruben Diaş, Rafael Gerreyro, Joau Palinya, Joau Moutinyu, Andre Silva, Bernardu Silva, Brunu Fernandeş, Joau Kanselu və Dioqu Jota çıxıbıar.İtaliyalı FIFA referisi Marko Quidanı idarə etdiyi oyunda Portuqaliya yığması 3:0 hesablı qələbə qazanıb. Portuqaliya millisinin heyətində Bernardu Silva, Andre Silva və Diogo Jota fərqləniblər.Hesabında 13 xal olan Portuqaliya millisi qrupda birinci pillədə qərarlaşıb. Serbiya 10 xalla ikinci, Lüksemburq 6 xalla üçüncüdür. Hesabında 1 xal olan İrlandiya və Azərbaycan seçmə komandaları 4-5-ci pilləni bölüşürlər.Millimiz növbəti oyununu oktyabrın 9-da doğma meydanda İrlandiya komandasına qarşı keçirəcək.xeber100.com    

Azərbaycan milli komandası növbəti oyununu keçirib

İyirmi bir yaşadək futbolçulardan ibarət Azərbaycan milli komandası Avropa çempionatının seçmə mərhələsində növbəti oyununu keçirib.Səfərdə Avstriyanın müvafiq yaş qrupundan ibarət komandası ilə qarşılaşan millimiz 0:6 hesabı ilə məğlub olub.Azərbaycan millisi qrupdakı ilk görüşündə səfərdə Xorvatiyaya 0:2 hesabı ilə uduzub.xeber100.com

Futbol üzrə dünya çempionatının seçmə mərhələsi çərçivəsində

Futbol üzrə dünya çempionatının seçmə mərhələsi çərçivəsində Azərbaycan millisi bu gün növbəti oyununu keçirəcək.Millimiz A qrupundakı beşinci oyununda Portuqaliya yığmasını qəbul edəcək. Bakı Olimpiya Stadionunda oynanılacaq qarşılaşma saat 20:00-da başlayacaq.Görüşü italiyalı FIFA referisi Marko Quida idarə edəcək. Ona yan xətt hakimləri Filippo Meli, Alessandro Kostanzo köməklik göstərəcək. Dördüncü hakim funksiyasını isə Fabio Mareska yerinə yetirəcək.Azərbaycan millisi oyuna ciddi itkilərlə çıxacaq. Maksim Medvedev və Rüstəm Əhmədzadə zədə, Anton Krivotsyuk isə cəza səbəbindən matçı buraxacaq. Qonaqlarda isə Kriştiano Ronaldo cəzalı olduğu üçün Bakıya gətirilməyib.Qeyd edək ki, millimiz seçmə mərhələyə Portuqaliya ilə səfər matçı ilə start verib və 0:1 hesabı ilə uduzub.xeber100.com

Dünya çempionatının seçmə mərhələsi çərçivəsində

Dünya çempionatının seçmə mərhələsi çərçivəsində keçiriləcək Azərbaycan–Portuqaliya oyununu idarə edəcək hakimlər müəyyənləşib.Matçı İtaliyadan olan hakimlər briqadası idarə edəcək. Oyunun baş hakimi Marko Guida olacaq. Ona Filippo Meli və Alessandro Kostanzo kömək edəcəklər. Dördüncü hakim funksiyasını Fabio Mareska yerinə yetirəcək.Qarşılaşmanın VAR hakimi Marko Di Bello olacaq.Azərbaycan–Portuqaliya matçı sentyabrın 7-də Bakı Olimpiya Stadionunda keçiriləcək.xeber100.com

Ümumdünya Şahmat Olimpiadasının qrup oyunları başa çatıb

İkinci onlayn Ümumdünya Şahmat Olimpiadasının ikinci divizionunda qrup oyunları başa çatıb.Azərtac xəbər verir ki, İndoneziya, Latviya, İsrail, Sloveniya, Kolumbiya yığmaları öz qruplarında qalib adını qazanıblar. Hər qrupda ilk üçlükdə qərarlaşan komandalar birinci divizionda iştirak etmək hüququ qazanıblar.Qeyd edək ki, Azərbaycan milli komandası birinci diviziondan olimpiadaya qoşulacaq. Yığma komandamızın əsas heyətində Teymur Rəcəbov, Şəhriyar Məmmədyarov, Günay Məmmədzadə, Gülnar Məmmədova, Vüqar Əsədli və Xanım Balacayeva yer alıblar.Sentyabrın 8-10-da birinci divizionun oyunları keçiriləcək.xeber100.com

Şahmat üzrə Avropa kuboku yarışları start götürəcək

Sentyabrın 18-də klublar arasında şahmat üzrə Avropa kuboku yarışları start götürəcək.Şimali Makedoniyada keçiriləcək 36-cı Avropa kubokunda Azərbaycan təmsilçisi “Vüqar Həşimov” klubu da daxil olmaqla, 39 kollektivin iştirakı dəqiqləşib. Komandamızın heyətində Avropa çempionu Rauf Məmmədov, Kiril Şevçenko, Vüqar Əsədli, Aydın Süleymanlı, Əhməd Əhmədzadə, Ülvi Sadıqov və Murad İbrahimli yer alıblar.Komandanın kapitanı isə Əməkdar məşqçi Anar Allahverdiyev olacaq.Digər şahmatçımız Şəhriyar Məmmədyarov isə yerli “Alkaloid” klubunun heyətində mübarizə aparacaq.Turnir sentyabrın 24-dək davam edəcək.xeber100.com

“Səbail” futbol klubu heyətini yeni futbolçu ilə gücləndirib

Bakının “Səbail” klubu heyətini yeni futbolçu ilə gücləndirib.Bakı təmsilçisi son olaraq “Qəbələ”də çıxış edən Nikolas Raysellə anlaşıb.Fransalı hücumçu ilə cari mövsümün sonunadək müqavilə imzalanıb.Qeyd edək ki, 28 yaşlı forvard 2020/2021-ci il mövsümündə “Qəbələ”də oynayıb.xeber100.com

Şahmatçılar arasında Avropa çempionatı başa çatıb

İslandiyanın paytaxtı Reykyavikdə kişi şahmatçılar arasında Avropa çempionatı başa çatıb.Azərbaycan şahmatçısı Rauf Məmmədov 7,5 xalla 6-cı yeri tutub. Onunla eyni xalı toplayan Nicat Məmmədov əlavə götəricilərə görə 17-ci pillədə qərarlaşıb. Digər şahmatçılarımızdan Nicat Abbasov 6,5 xalla 42-ci, Aydın Süleymanlı 6 xalla 67-ci, Read Səmədov isə 5,5 xalla 91-ci olub.On bir turdan ibarət turnirin qalibi Rusiya təmsilçisi Anton Demçenko olub.xeber100.com

“Tokio-2020” XVI Yay Paralimpiya Oyunlarının bağlanış mərasimi keçirilib

Avqustun 5-də Yaponiya paytaxtının Milli Olimpiya stadionunda “Tokio-2020” XVI Yay Paralimpiya Oyunlarının bağlanış mərasimi keçirilib.Mərasim Paralimpiya Oyunlarının iştirakçılarının əyləşdiyi meydanda Yaponiyanın tanınmış estrada ulduzlarının təqdim etdiyi kompozisiya ilə başlayıb. İştirakçılar Yaponiyanın vəliəhd-şahzadəsi Akişinonu, Beynəlxalq Paralimpiya Komitəsinin (BPK) prezidenti Endrü Parsonsu, Baş nazir Yoşihide Suqanı alqışlarla qarşılayıblar. Qeyd edək ki, XVI Yay Paralimpiya Oyunlarında idmanın 22 növü üzrə 529 dəst medal uğrunda yarışlar keçirilib. On gün davam edən yarışlarda ümumi komanda hesabında 1-ci yeri 96 qızıl, 60 gümüş və 51 bürünc medal qazanmış Çin idmançıları tutub. İkinci yerdə Böyük Britaniya (41 qızıl, 38 gümüş, 45 bürünc), üçüncü yerdə isə ABŞ qərarlaşıb (37 qızıl, 36 gümüş, 31 bürünc). İştirakçı ölkələrin bayraqlarının paradı atəşfəşanlıqla başa çatıb.xeber100.com