Güləşçilərin Avropa çempionatı davam edir

Almaniyanın Dortmund şəhərində gənc güləşçilərin Avropa çempionatı davam edir.Azərtac xəbər verir ki, iyunun 30-da qitə birinciliyində qızlar mübarizəyə qoşulacaqlar.Yarışda ölkəmizi gənclərdən və yeniyetmələrdən ibarət millimizin böyük məşqçisi Həsrət Məmmədyarovun rəhbərliyi altında Elnurə Məmmədova (53 kq), Firuzə Məcidova (59 kq), Jalə Əliyeva (62 kq), Birgül Soltanova (65 kq), Nigar Mirzəzadə (68 kq) və Mərziyə Sadıqova (72 kq) təmsil edəcəklər.Komandamız iyunun 29-da Dortmunda yollanıb.Qeyd edək ki, yarışın proqramına əsasən, iyunun 30-da bütün çəkilər üzrə püşkatma mərasimi keçiriləcək. Ertəsi gün 50, 55, 59, 68 və 76 kiloqram çəki dərəcələrində çıxış edən qızlar xalça üzərinə çıxacaqlar. İyulun ilk günündə isə 53, 57, 62, 65 və 72 kiloqram çəki dərəcələrində yer alan güləşçilər mübarizəyə qoşulacaqlar.xeber100.com

“Sabah” futbol klubunun yay hazırlıq planı bəlli olub

Bakının “Sabah” futbol klubunun yay hazırlıq planı bəlli olub.Azərtac kluba istinadla xəbər verir ki, komanda iyulun 1-də Bakıda yığışacaq. Təlim-məşq toplanışının ilk iki həftəsi paytaxtda baş tutacaq.İyulun 15-də Tbilisiyə yollanacaq Bakı təmsilçisi orada iki həftə hazırlıq keçəcək.Bakıda 2, Tbilisidə isə 4 yoxlama matçının keçirilməsi nəzərdə tutulub. Komanda iyulun 9-da “Bank Respublika Arena”da “Zirə” ilə yoxlama oyununda qüvvəsini sınayacaq. Digər rəqib hələ müəyyənləşməyib.xeber100.com

“Avro-2020”nin səkkizdəbir final mərhələsində

Futbol üzrə İsveçrə yığması 67 illik həsrətə son qoyub.Azərtac xəbər verir ki, komanda buna “Avro-2020”nin səkkizdəbir final mərhələsində Fransa yığmasını mübarizədən kənarlaşdırmaqla nail olub.İsveçrə yığması uzun müddət idi irimiqyaslı turnirlərdə ən güclü 8 komanda arasında yer ala bilmirdi. Komanda sonuncu dəfə 1954-cü ildə İsveçrədə təşkil olunan dünya çempionatının dörddəbir final mərhələsində mübarizə aparmaq hüququ qazanıb.Qeyd edək ki, Fransa-İsveçrə oyununun əsas vaxtı 3:3 hesablı heç-heçə ilə yekunlaşıb. Əlavə vaxtda da qalib müəyyənləşməyib. Penalti seriyasını dəqiq yerinə yetirən İsveçrə millisi (5:4) Avropa çempionatının dörddəbir final mərhələsinə yüksəlib.xeber100.com

Cüdoçular arasında Avropa kuboku yarışları keçiriləcək

İyulun 3-4-də Çexiyanın Teplisa şəhərində yeniyetmə cüdoçular arasında Avropa kuboku yarışları keçiriləcək.Azərtac xəbər verir ki, turnirdə Azərbaycanı 10 cüdoçu təmsil edəcək. Belə ki, oğlanlar arasında Babarəhim Mirzəyev, Xəyal Həsənov (50 kq), Eltac Yusifli, Aydın Rzayev (60 kq) və Əjdər Bağırov (90 kq) mübarizə aparacaqlar. Qızların yarışında isə Leyla Dəmirova (44 kq), Aydan Vəliyeva, Nəzrin Adnayeva, Könül Əliyeva (hər üçü 48 kq) və Lətifə Abbasova (52 kq) iştirak edəcəklər.xeber100.com

“Milan”ın futbolçusu özü barədə filmin treylerini təqdim edib

İsveç millisi və “Milan”ın futbolçusu Zlatan İbrahimoviç özü barədə filmin treylerini təqdim edib.Azərtac xəbər verir ki, 40 yaşlı hücumçu bu barədə tviter hesabında paylaşım edib.2018-ci ildən çəkilişlərinə başlanılan “Mən Zlatanam” adlı bioqrafiya filmi sentyabrda efirə çıxacaq.Filmin treyleri izləyicilərdə böyük marağa səbəb olub.xeber100.com

“Benfika” futbol klubu heyətini yeni futbolçu ilə gücləndirib

Portuqaliyanın “Benfika” klubu heyətini yeni futbolçu ilə gücləndirib.Azərtac xəbər verir ki, Portuqaliya təmsilçisi “Monako”dan Jil Diaşı transfer edib. Bu barədə klubun mətbuat xidməti məlumat yayıb.İyirmi dörd yaşlı yarımmüdafiəçi ilə 2026-cı ilin yayınadək müqavilə imzalanıb.Qeyd edək ki, 2015-ci ildən “Monako”da çıxış edən futbolçu ötən mövsümü icarə əsasında “Famalikan”da (Portuqaliya) keçirib.xeber100.com

İtaliya millisi Avropa çempionatının dörddəbir final mərhələsinə yüksəlib

Futbol üzrə İtaliya millisi Avropa çempionatının dörddəbir final mərhələsinə yüksəlib.Azərtac xəbər verir ki, iyunun 26-da Londondakı "Uembli" stadionunda İtaliya və Avstriya yığma komandaları üz-üzə gəliblər.Matçın əsas vaxtında qapılara top vurulmayıb. Qalibi müəyyənləşdirmək üçün oyuna əlavə vaxt təyin olunub. Əlavə hissədə rəqibini 2:1 hesabı ilə məğlub edən İtaliya millisi "Avro-2020"nin dörddəbir final mərhələsinə adlayıb.İtaliya millisinin heyətində Federiko Çiesa, Matteo Pissina, rəqib komandadan isə Saşa Kalajdziç fərqlənib.İtaliya millisi dörddəbir finalda Belçika - Portuqaliya qarşılaşmasının qalibi ilə görüşəcək.xeber100.com

Cüdoçular arasında Avropa kuboku yarışı start götürəcək

İyulun 3-də Portuqaliyada gənc cüdoçular arasında Avropa kuboku yarışı start götürəcək.Azərtac xəbər verir ki, turnirdə Azərbaycanı 10 cüdoçudan ibarət komanda təmsil edəcək. Belə ki, yarışda Turan Bayramov, Samir Piriyev, Kənan İsmayılov (60 kq), Vaqif Tarverdiyev, Kamran Süleymanov (66 kq), Çingiz Fəttahov, Nəriman Mirzəyev, Zaməddin Poladov (73 kq), Elcan Hacıyev (81 kq) və Ruslan Nəsirli (100 kq) medallar uğrunda mübarizə aparacaqlar.Turnir iyulun 4-də başa çatacaq.xeber100.com

Basketbol üzrə Avropa çempionatının seçmə mərhələsi keçirilib

İsrailin Təl-Əviv şəhərində iyulun 25-26-da 3x3 basketbol üzrə Avropa çempionatının seçmə mərhələsi keçirilib.Azərtac xəbər verir ki, yarışda Azərbaycanın kişilərdən ibarət yığma komandası (Anar Haciyev, Cəbrayil Əkbərov, Endər Poladxanlı, Polad Həsənov) iştirak edib.Yarışın ilk günündə komandamız Belçikaya məğlub olsa (8-19) da, növbəti rəqibi Andorra yığmasına böyük hesabla qalib gəlib (22-5). Dörddəbir finala adlamaq üçün qrup mərhələsinin 3-cü oyununda komandamız Almaniya yığması ilə mübarizə aparmalı olub. Hava şəraitinin korlanması səbəbindən qarşılaşma əvvəl təxirə salınıb, daha sonra qapalı məkanda keçirilməsi qərara alınıb. Oyun bərabər səviyyədə başlasa da, sona yaxın Almaniya komandası millimizə qalib gəlib (21-14).Qrupda 3-cü pillədə qərarlaşan komandamız bununla da, yarışda iştirakını dayandırıb.Qeyd edək ki, Avropa çempionatı sentyabrın 10–12-də Parisdə keçiriləcək.xeber100.com

Reqbi Federasiyasının məlumatına görə…

Reqbi üzrə Azərbaycan milli komandasının baş məşqçisi Vaqif Səadətxan və reqbi hakimlər kollegiyasının sədri Zülfüqar Nəbiyevin iştirakı ilə yeni yaradılmış Naftalan Reqbi Klubunun idmançıları üçün təlim-məşq toplanışına start verilib.Azərbaycan Reqbi Federasiyasından Azərtac-a verilən məlumata görə, Naftalan Şəhər Gənclər və İdman İdarəsinin dəvəti ilə Naftalanda təşkil edilən və üç gün davam edəcək məşqlərə Gəncə Reqbi Klubunun məşqçi-müəllimləri də qatılıblar. Təlim-məşqlərdə təcrübəli mütəxəssislər bütün yaş dərəcələri üzrə məşq prosesini izləyib, balaca reqbiçilər ilə birgə çalışmalarda iştirak edirlər.Naftalan Şəhər Gənclər və İdman İdarəsinin rəisi Samir Qocayev təlim-məşqlər zamanı federasiya nümayəndələrini və idmançıları qəbul edib. O, dəvəti qəbul edib gəldikləri üçün Azərbaycan Reqbi Federasiyasının rəhbərliyinə və məşqçi-müəllimlərinə təşəkkürünü bildirib. S.Qocayev təlim-məşqlərin təşkilində əsas məqsədin idmanın digər növlərində olduğu kimi, reqbi üzrə də idmançılarımızın böyük nailiyyətlər əldə etmələri üçün şərait yaratmaq olduğunu bildirib.Sonda Naftalan Reqbi Klubunda ölkəmizin idman şərəfini layiqincə qoruyacaq atletlərin yetişəcəyinə əminlik ifadə olunub.