Şahmatçılarımız Avropa kuboku yarışlarında iştirak edəcəklər

Şahmatçılarımız klublar arasında sentyabrın 17-də start götürəcək Avropa kuboku yarışlarında iştirak edəcəklər.“Vüqar Həşimov” klubu Şimali Makedoniyada keçiriləcək 36-cı Avropa kubokunda mübarizə aparacaq. Komandamızın heyətində Avropa çempionu Rauf Məmmədov, Kiril Şevçenko, Vüqar Əsədli, Aydın Süleymanlı, Əhməd Əhmədzadə, Ülvi Sadıqov və Murad İbrahimli yer alıblar.Komandanın kapitanı isə Əməkdar məşqçi Anar Allahverdiyev olacaq.Turnir sentyabrın 25-dək davam edəcək.xeber100.com

Çimərlik futbolu üzrə dünya çempionatının qrup mərhələsinə yekun vurulub

Moskvada keçirilən çimərlik futbolu üzrə 11-ci dünya çempionatının qrup mərhələsinə yekun vurulub və dörddəbir finalın iştirakçıları müəyyənləşib.Azərtac xəbər verir ki, mundialda 16 komanda 4 qrupda mübarizə aparıb. Rusiya, ABŞ, Paraqvay və Yaponiya A, Mozambik, İspaniya, Birləşmiş Ərəb Əmirlikləri (BƏƏ) və Tahiti seçmələri B qrupunda yer alıblar. C qrupunda Belarus, Salvador, İsveçrə, Braziliya, D qrupunda isə Portuqaliya, Oman, Seneqal və Uruqvay yığmaları qarşılaşıblar.Qruplarda ilk iki yeri tutan komandalar mübarizəni dörddəbir finalda davam etdirmək hüququ qazanıblar. Belə ki, A qrupundan Rusiya və Yaponiya, B qrupundan Tahiti və İspaniya yığmaları dörddəbir finala yüksəliblər. C qrupundan İsveçrə və Braziliya, D qrupundan isə Seneqal və Uruqvay mübarizəni dörddəbir finalda davam etdirəcəklər.Çempionatın dörddəbir final mərhələsinin görüşləri avqustun 26-da oynanılacaq. Mərhələyə Seneqal-Braziliya oyunu ilə start veriləcək. Bu mərhələdə, həmçinin İsveçrə - Uruqvay, Tahiti – Yaponiya və Rusiya – İspaniya görüşləri oynanılacaq.Mundialın yarımfinal qarşılaşmaları avqustun 28-də, üçüncü yer uğrunda görüş və final matçı isə bir gün sonra oynanılacaq.Çimərlik futbolu üzrə dünya çempionatı ilk dəfə 1995-ci ildə keçirilib və 2005-ci ilə qədər hər il təşkil olunub. 2005-ci ildən etibarən dünya çempionatını FIFA təşkil etməyə başlayıb. Həmin vaxtdan mundial iki ildən bir keçirilir. FIFA-nın təşkilatçılığı ilə indiyədək keçirilən 10 dünya çempionatında Braziliya millisi 5 dəfə kuboka sahib olub. Portuqaliya və Rusiya milliləri 2, Fransa isə 1 dəfə çempion adını qazanıb.İki il əvvəl keçirilmiş sonuncu mundialın finalında Portuqaliya İtaliyanı 6:4 hesabı ilə məğlub edərək ikinci dəfə çempion olub. Üçüncü yer uğrunda oyunda isə Rusiya yığması Yaponiyaya qalib gəlib – 5:4.xeber100.com

UEFA Çempionlar Liqasının ilkin mərhələsinin sonuncu görüşündə

Bu gün “Araz-Naxçıvan” futzal klubu UEFA Çempionlar Liqasının ilkin mərhələsində sonuncu görüşünü keçirəcək.Azərtac xəbər verir ki, Azərbaycan çempionu Latviyanın Salaspils şəhərində keçiriləcək oyunda yerli “Raba” komandası ilə üz-üzə gələcək.Komandamız ilk oyununda Cəbəllütariqin “Europa” kollektivini 9:2 hesabı ilə məğlub edib. Finlandiyanın “Kampuksen Dinamo” klubu ilə matç isə 4:4 hesablı heç-heçə ilə yekunlaşıb.Hesabında 4 xal olan “Araz-Naxçıvan” və “Kampuksen Dinamo” ilk iki pillədə yer alıblar. “Raba” 3 xalla üçüncü, hesabında xal olmayan “Europa” isə sonuncu pillədə yer alıb.Qeyd edək ki, ilkin mərhələnin oyunlarına 8 ölkə ev sahibliyi edir. Reqlamentə uyğun olaraq, 9 komanda - 8 qrup qalibi və ikinci pillədə yer alan iştirakçılardan ən yaxşı göstəriciyə malik bir klub əsas mərhələyə vəsiqə qazanacaq.xeber100.com

“Xetafe” klubu heyətini yeni futbolçu ilə gücləndirib

İspaniyanın “Xetafe” klubu heyətini yeni futbolçu ilə gücləndirib.Azərtac xəbər verir ki, La Liqa təmsilçisi İtaliyanın “Sampdoriya” klubunun yarımmüdafiəçisi Yakub Yanktonu transfer edib. Bu barədə İspaniya klubunun rəsmi saytı məlumat yayıb.İyirmi beş yaşlı çexiyalı futbolçu ilə beşillik müqavilə imzalanıb. O, yeni komandasında “16” nömrəli formanı geyinəcək.Yankto 2019-cu ilin sentyabrından “Sampdoriya”da çıxış edirdi. O, Çexiya millisində 40 matçda 4 dəfə fərqlənib.xeber100.com

“Qalatasaray” futbol klubu yarımmüdafiəçisi ilə yollarını ayıtıb

Türkiyənin “Qalatasaray” futbol klubu yarımmüdafiəçisi Rayan Donk ilə yollarını ayıtıb. Türkiyə mətbuatının məlumatına görə, 35 yaşlı futbolçunun İstanbul təmsilçisi ilə müqaviləsi başa çatıb.Qeyd edək ki, R.Donk 2016-cı ildən “Qalatasaray”da çıxış edirdi.xeber100.com

Şahmatçılar arasında Botvinnik memorialı başa çatıb

Moskvada 14 yaşadək şahmatçılar arasında Botvinnik memorialı başa çatıb.Azərtac xəbər verir ki, yarışda təmsilçilərimiz Nazlı Hümbətova və Cahandar Azadəliyev iştirak ediblər.Oğlanların yarışında iştirak edən C.Azadəliyev 4,5 xalla beşinci yeri tutub. Qızlar arasında mübarizə aparan N.Hümbətova isə 3,5 xalla 7-ci yeri tutub.Turnir 9 turdan ibarət olub.xeber100.com

Azərbaycan şahmatçılarının da qatıldığı Aqzamov memorialı başa çatıb

Özbəkistanın paytaxtı Daşkənddə Azərbaycan şahmatçılarının da qatıldığı Aqzamov memorialı başa çatıb.Azərtac xəbər verir ki, yarışın güclü A turnirində iştirak edən şahmatçımız Misrətdin İsgəndərov 6,5 xalla yeddinci yeri tutub.Digər təmsilçilərimiz Məhəmməd Muradlı və Vüqar Rəsulov 5 xalla müvafiq olaraq 25-ci və 29-cu pillədə qərarlaşıblar.Yarış İsveçrə sistemi üzrə keçirilib və 9 turdan ibarət olub.xeber100.com

Azərbaycan milli komandası avqustun 22-də Rusiya yığması ilə qarşılaşıb

Avropa çempionatının final mərhələsində çıxış edən qadın voleybolçulardan ibarət Azərbaycan milli komandası avqustun 22-də Rusiya yığması ilə qarşılaşıb. Millimizin kapitanı Ayşən Abdulazimova isə bu matçda komandamıza kömək edə bilməyib.Azərtac Azərbaycan Voleybol Federasiyasına istinadla xəbər verir ki, oyunçu avqustun 21-də Bosniya və Herseqovina millisinə qarşı keçirdiyi oyun zamanı zədələnib. Müayinədən sonra məlum olub ki, voleybolçunun hücum zamanı bel əzələsi dartılıb. Bu səbəbdən həkim A.Abdulazimovaya bir neçə gün müalicə almalı olduğunu bildirib.Qeyd edək ki, millimiz həm Bosniya və Herseqovina, həm də Rusiya yığmasına 0:3 hesabı ilə məğlub olub.xeber100.com

Azərbaycan Premyer Liqasının ikinci turunun növbəti oyunu keçirilib

Avqustun 22-də futbol üzrə Azərbaycan Premyer Liqasının ikinci turunun növbəti oyunu keçirilib.Azərtac xəbər verir ki, günün Zirə İdman Kompleksində keçirilən ilk oyununda “Zirə” komandası sonuncu çempion “Neftçi” ilə üz-üzə gəlib. Görüş “Neftçi”nin qələbəsi ilə başa çatıb – 2:1.Oyunda ilk qolu 72-ci dəqiqədə Fəhmin Muradbəyli vurub. Görüşün əsas vaxtına əlavə olunmuş dəqiqələrdə hər iki komanda hərəyə bir dəfə fərqlənməyə nail olub. Əvvəlcə Emin Mahmudov fərqi iki topa çatdırıb. Bir dəqiqə sonra isə David Volkov adını tabloya yazdırıb."Ağ-qaralar" birinci turda evdə “Qəbələ” ilə 2:2 hesablı heç-heçə edib. “Zirə” isə “Qarabağ” ilə oyunda bir xalla kifayətlənməli olub - 1:1.Komandalar indiyədək çempionatda 22 dəfə üz-üzə gəlib. Bunların 5-də flaqman, 11-də isə meydan sahibləri 3 xal qazanıblar. Altı görüşdə qalib müəyyənləşməyib. Top fərqində “Zirə”nin minimal üstünlüyü var - 23:22.Xatırladaq ki, Premyer Liqanın ikinci turuna “Azersun Arena”da keçiriləcək “Qarabağ” – “Səbail” oyunu ilə yekun vurulacaq.Turun avqustun 21-də keçirilən digər iki oyunda “Qəbələ” öz meydanında “Keşlə”ni (2:1), “Sumqayıt” isə “Sabah”ı (2:0) məğlub edib.xeber100.com    

İngiltərə Premyer Liqasının ikinci turunun mərkəzi qarşılaşması keçirilib

Avqustun 22-də futbol üzrə İngiltərə Premyer Liqasının ikinci turunun mərkəzi qarşılaşması keçirilib.Azərtac xəbər verir ki, “Emirates” stadionunda baş tutan görüşdə iki London təmsilçisi - “Arsenal” və “Çelsi” komandaları üz-üzə gəlib.Görüş “Çelsi” komandasının 2:0 hesablı qələbəsi ilə başa çatıb.Oyunda hesab matçın 15-ci dəqiqəsində açılıb. Romeru Lulaku debüt oyununda qol vurmağı bacarıb. İyirmi dəqiqə sonra “Çelsi” hesab arasındakı fərqi iki topa çatdırıb. Meyson Mountun ötürməsindən sonra Ris Jeyms fərqlənib.Qalan dəqiqələrdə hər iki komandanın cəhdlərinə baxmayaraq hesab dəyişilməyib.Qeyd edək ki, ilk turda “Arsenal” səfərdə “Brentford”a məğlub olub (2:0), “Çelsi” isə doğma meydanda “Kristal Palas”dan üstün olub - 3:0.xeber100.com