Rapid üzrə onlayn dünya kuboku turnirinin seçmə mərhələsi çərçivəsində

Rapid üzrə onlayn dünya kuboku turnirinin seçmə mərhələsi çərçivəsində 18, 16 yaşlı oğlanlar, 10, 12 yaşlı qızlar arasında yarışlara yekun vurulub.Azərtac xəbər verir ki, on səkkiz yaşlıların mübarizəsində uğurla çıxış edən təmsilçimiz Aydın Süleymanlı 8,5 xalla bütün rəqiblərini üstələyərək birinci yeri tutub. Digər şahmatçılarımız Əhməd Əhmədzadə 35-ci, Vüqar Manafov (hər ikisi 6 xal) 38-ci, Elnur Teymurov (5 xal) 73-cü yerləri tutublar.On altı yaşadək şahmatçılar arasında 7,5 xal toplayan Xəzər Babazadə 5-ci, Şiroğlan Talıbov 12-ci olub. Sadiq Qarayev isə 6 xalla 57-ci pillədə qərarlaşıb.On iki yaşlı qızların yarışında Xanım İsmayılova 7 xalla 19-cu yerə sahib olub. Ayan Hüseynli, Lalə Hüseynova isə 6 xalla 36-cı və 38-ci yerləri tutublar.Təmsilçimiz Səadət Bəşirli isə 10 yaşlı qızlar arasında 7 xalla 14-cü sırada qərarlaşıb.Qeyd edək ki, bundan əvvəl 10, 12 yaşlı oğlanlar və 18 yaşlı qızlar arasında seçmə yarışlar başa çatıb. On yaşlı oğlanların yarışında Xaqan Əhməd, on iki yaşlılarda isə Cahandar Azadəliyev birinci yeri tutublar.On səkkiz yaşlı qızlar arasında keçirilən seçmə yarışda isə Ayan Allahverdiyeva 7,5 xalla 3-cü, Gövhər Beydullayeva 7 xalla 7-ci pillədə qərarlaşıblar.Seçmə mərhələdə hər yaş qrupunda ilk 10 yerin sahibi final mərhələsinə vəsiqə qazanıb.Avqustun 26-dan 31-dək dünya kuboku yarışlarının final mərhələsi keçiriləcək.xeber100.com

Futbol üzrə Azərbaycan Premyer Liqasının ikinci turuna start verilib

Avqustun 21-də futbol üzrə Azərbaycan Premyer Liqasının ikinci turuna start verilib.Azərtac xəbər verir ki, günün ilk matçında "Qəbələ" komandası "Keşlə"ni qəbul edib. Qəbələ şəhər stadionunda keçirilən matç meydan sahiblərinin 2:1 hesablı qələbəsi ilə yekunlaşıb. "Qəbələ"nin heyətində Yaovi Akakpo, Rafael Utziq, rəqib komandadan isə Anatole Abanq fərqləniblər.Günün sonuncu görüşündə "Sabah" komandası "Sumqayıt"ın qonağı olub. "Kapital Bank Arena"da keçirilən matçda "Sumqayıt" 2:0 hesablı qələbə qazanıb. FIFA referisi Əliyar Ağayevin idarə etdiyi oyunda qolları Əli Qurbani və Tellur Mütəllimov vurublar.Tura avqustun 22-də keçiriləcək "Zirə" - "Neftçi" və "Qarabağ" - "Səbail" matçları ilə yekun vurulacaq.Birinci turdan sonra hesabında 3 xal olan "Sumqayıt" və "Səbail" komandaları turnir cədvəlinin ilk iki pilləsində yer alıblar. "Qəbələ", "Zirə", "Neftçi" və "Qarabağ" klublarının hesabında 1 xal var. "Sabah" və "Keşlə" isə ilk turda məğlub olublar.xeber100.com

“Qarabağ” UEFA Konfrans Liqasının pley-off mərhələsinin ilk oyununda

Avrokuboklarda pley-off mərhələsinin ilk görüşlərindən sonra UEFA-nın yeni reytinq siyahısı açıqlanıb.Azərtac xəbər verir ki, bu dəfə Azərbaycanın aktivinə 0,375 xal yazılıb. Həmin xallardan 0,250-ni “Qarabağ” UEFA Konfrans Liqasının pley-off mərhələsinin ilk oyununda Şotlandiya “Aberdin”i üzərində 1:0 hesablı qələbə sayəsində əldə edib. 0,125 xalı isə “Neftçi” İsrailin "Makkabi" (Hayfa) komandası ilə 3:3 hesablı heç-heçədən sonra qazanıb.Bununla da cari mövsümdə Azərbaycanın xal sayı 1,875-ə, son 5 mövsümdə ümumi xal sayı isə 14,500-ə çatıb. Əldə edilən xallarla irəli getmək mümkün olmasa da, 1 pillə geriləyən Sloveniya ilə xalları bərabərləşdirmək mümkün olub. Hazırda Sloveniya və Azərbaycan 29-30-cu yerləri bölüşürlər. 31-ci pillədəki Slovakiya 14,000 xala malikdir. Xalını 14,625-ə çatdıran Polşa isə 28-ci pilləyə yüksəlib.xeber100.com

FIFA milli komandaların reytinq cədvəlini açıqlayıb

FIFA qadın futbolçulardan ibarət milli komandaların reytinq cədvəlini açıqlayıb.Azərtac xəbər verir ki, Azərbaycan millisi 1310 xalla 78-ci pillədə qərarlaşıb. Yığmamızın mövqeyi ötən reytinq cədvəli ilə müqayisədə dəyişməz qalıb.Qeyd edək ki, cədvələ ABŞ millisi başçılıq edir – 2110 xal. İsveç millisi 2089 xalla ikinci, Almaniya yığması isə 2073 xalla üçüncüdür.xeber100.com

Şahmatçılar arasında dünya kuboku yarışlarının seçmə mərhələsi davam edir

Yeniyetmə şahmatçılar arasında dünya kuboku yarışlarının seçmə mərhələsi davam edir.Azərtac xəbər verir ki, 10-12-14-16-18 yaşlı yeniyetmələr arasında rapid üzrə onlayn dünya kuboku yarışlarında ölkəmizi müxtəlif yaş qruplarında 29 zəka sahibi təmsil edir.Dünya kubokunda artıq 18, 16 yaşlı oğlanlar, 10, 12 yaşlı qızlar arasında seçmə yarışında səkkizinci turun oyunları keçirilib.On səkkiz yaşlılarda təmsilçimiz Aydın Süleymanlı səkkiz turun nəticəsinə görə 7 xal toplayaraq 1-2-ci yerləri bölüşür. Şahmatçılarımızdan Əhməd Əhmədzadə 35-ci, Vüqar Manafov 39-cu, Elnur Teymurov 74-cü yerdədirlər.On altı yaşadək şahmatçılar arasında ən yaxşı nəticəni Xəzər Babazadə göstərib. Şahmatçımız 6,5 xalla 3-cü yerə sahib olub. Şiroğlan Talıbov 23-cü, Sadiq Qarayev 57-ci yerləri tuturlar.On iki yaşlı qızların yarışında isə Ayan Hüseynli 32-ci, Xanım İsmayılova 39-cu, Lalə Hüseynova 43-cü yerdə qərarlaşıblar.On yaşlı qızlar arasında isə Səadət Bəşirli 10-cu yeri tutur.Qeyd edək ki, artıq 10, 12 yaşlı oğlanlar və 18 yaşlı qızlar arasında seçmə yarışlar yekunlaşıb. On yaşlı oğlanların seçmə yarışında Xaqan Əhməd, on iki yaşlıların seçmə yarışında isə təmsilçimiz Cahandar Azadəliyev birinci yeri tutublar.On səkkiz yaşlı qızlar arasında keçirilən seçmə yarışda isə Ayan Allahverdiyeva 7,5 xalla 3-cü, Gövhər Beydullayeva 7 xalla 7-ci pillədə qərarlaşıblar.Qeyd edək ki, seçmə mərhələdə hər yaş qrupunda ilk 10 yerin sahibi final mərhələsinə vəsiqə qazanır.Avqustun 26-dan 31-dək dünya kuboku yarışlarının final mərhələsi keçiriləcək.xeber100.com    

Güləşçilərin dünya çempionatı davam edir

Rusiyanın Ufa şəhərində gənc güləşçilərin dünya çempionatı davam edir.Azərtac xəbər verir ki, beşinci yarış günündə - avqustun 20-də 55, 63, 77, 87 və 130 kiloqram çəki dərəcələrində çıxış edən yunan-Roma güləşçiləri mübarizəyə qoşulublar.Güləşçimiz Elmir Əliyev (55 kq) səkkizdəbir final mərhələsində iranlı həmkarıyla gərgin mübarizə şəraitində keçən görüşdə minimal fərqlə uduzub. Ziya Babaşov (63 kq) debütdə yerli pəhləvanla bacarmayıb. Elcan Məmmədov (77 kq) təsnifat mərhələsində cəmi 40 saniyəyə Polşa idmançısının kürəyini yerə sıxıb. Ancaq səkkizdəbir finalda Belarus təmsilçisinə məğlub olub.Çempionatda 87 kiloqram çəki dərəcəsində çıxış edən Laçın Vəliyev startda serbiyalı rəqibinə qalib gəlib. Növbəti mərhələdə İsveç güləşçisini üstələyən L.Vəliyev dörddəbir finala yüksəlib. Almaniya təmsilçisindən də güclü olan həmyerlimiz adını yarımfinala yazdırıb.Millimizin üzvü Sərxan Məmmədov (130 kq) ilk görüşdə iranlı rəqibini minimal fərqlə üstələyib. S.Məmmədov polşalı güləşçiyə də gücünü göstərərək yarımfinala adlayıb.Yarımfinal qarşılaşmaları Bakı vaxtı ilə saat 15:45-də start götürəcək.xeber100.com

UEFA Konfrans Liqasının pley-off mərhələsinin ilk oyunları çərçivəsində

Bu gün Bakının “Neftçi” klubu UEFA Konfrans Liqasının pley-off mərhələsinin ilk oyunları çərçivəsində İsrailin “Makkabi” (Hayfa) komandasını qəbul edəcək.Azərtac xəbər verir ki, saat 21:00-da “Bakcell Arena”da start götürəcək matça Şimali Makedoniyadan olan hakimlər təyinat alıblar. Baş hakim Aleksandar Stavrev olacaq. Ona Deyan Kostadinov və Qoçe Petreski kömək edəcəklər. Dördüncü hakim funksiyasını Deyan Yakimovski yerinə yetirəcək.Qarşılaşmanın UEFA nümayəndəsi Tarqo Kaldoya (Estoniya), hakim-inspektor isə Rusmir Mrkoviç (Bosniya və Herseqovina) olacaq.Bakı təmsilçisinin heyətində koronavirusdan sağalan Uqo Basto və hərarəti olduğu üçün Premyer Liqanın ilk turunda “Qəbələ” ilə matçı buraxan Sabir Buqrin artıq məşqlərə başlayıb. Onların qarşıdakı matçda forma geyinməsi gözlənilir. Hayfa təmsilçisində isə itki yoxdur.xeber100.com

“Qarabağ” futbol klubu UEFA Konfrans Liqasında növbəti oyununu keçirəcək

Ağdamın “Qarabağ” futbol klubu bu gün UEFA Konfrans Liqasında növbəti oyununu keçirəcək.Azərtac xəbər verir ki, turnirin pley-off mərhələsinin ilk oyunları çərçivəsində Ağdam təmsilçisi Şotlandiyanın “Aberdin” komandasını qəbul edəcək. Saat 20:00-da Tofiq Bəhramov adına Respublika stadionunda start götürəcək matç Sloveniyadan olan hakimlər briqadasına tapşırılıb. Baş hakim Rade Obrenoviç olacaq. Ona Yure Praprotnik və Aleksandar Kasapoviç kömək edəcəklər. Dördüncü hakim funksiyasını Asmir Saqrkoviç yerinə yetirəcək.Ağdam təmsilçisinin heyətində zədəlilər Bədavi Hüseynov, Rahil Məmmədov və Elvin Cəfərquliyev oyunu buraxacaqlar. Qonaqlarda isə uelsli hücumçu Rayan Heces dizindəki zədəyə görə heyətdən çıxarılıb.xeber100.com

Şahmat üzrə Avropa çempionatının 10-cu turunun oyunları keçiriləcək

Bu gün Rumıniyanın Yassa şəhərində şahmat üzrə qadınlar arasında Avropa çempionatının 10-cu turunun oyunları keçiriləcək.Azərtac xəbər verir ki, təmsilçilərimiz Gülnar Məmmədova Aleksandra Maltsevskaya (Rusiya), Günay Məmmədzadə Lara Şulze (Almaniya), Gövhər Beydullayeva Olqa Qirya (Rusiya), Ülviyyə Fətəliyeva Qerqana Peiçeye (Avropa Şahmat İttifaqı), Zeynəb Məmmədyarova Lilit Mkrtçyan (Ermənistan), Xanım Balacayeva Yekaterina Pavlidou (Yunanıstan), Turkan Məmmədyarova Anna Gvantseladze (Rusiya), Xəyalı Abdulla Stephanie Matasaru (Rumıniya), Nəsrin Babayeva Dina Belenkaya (Rusiya) ilə mübarizə aparacaqlar.Doqquz turdan sonra G.Məmmədova 6, G.Məmmədzadə, Ü.Fətəliyeva, G.Beydullayeva 5,5, X.Balacayeva, Zeynəb Məmmədyarova 5, T.Məmmədyarova 4,5, N.Babayeva, X.Abdulla 4, A.Allahverdiyeva 3,5 xal toplayıblar. Turnir cədvəlinə 7,5 xalla ukraynalı Yuliya Osmak başçılıq edir.Qitə birinciliyi avqustun 21-dək davam edəcək. Yarışın ümumi mükafat fondu 60 min avro təşkil edir.xeber100.com

Şahmat üzrə Avropa çempionatının 9-cu turunun oyunları keçiriləcək

Bu gün Rumıniyanın Yassa şəhərində şahmat üzrə qadınlar arasında Avropa çempionatının 9-cu turunun oyunları keçiriləcək.Azərtac xəbər verir ki, təmsilçilərimiz Gülnar Məmmədova Nataliya Buksa (Ukrayna), Günay Məmmədzadə Mai Narva (Estoniya), Xanım Balacayeva Olqa Badelka (Belarus), Gövhər Beydullayeva Tranq Hoanq (Macarıstan), Ülviyyə Fətəliyeva Stavrula Tsulakidou (Yunanıstan), Zeynəb Məmmədyarova Mişel Katkov (İsrail), Türkan Məmmədyarova Ellen Nielsen (Danimarka), Xəyalə Abdulla Marina Makropolou (Yunanıstan), Nəsrin Babayeva Yasmin Sxlofer (Avstriya), Ayan Allahverdiyeva Louise Başilina (Almaniya) ilə mübarizə aparacaqlar.Səkkiz turdan sonra G.Məmmədzadə, G.Məmmədova 5, G.Beydullayeva 4,5, Ü.Fətəliyeva, X.Balacayeva 4, Zeynəb Məmmədyarova 3,5, T.Məmmədyarova, N.Babayeva 3, X.Abdulla, 2,5, A.Allahverdiyeva 2 xal toplayıblar. Turnir cədvəlinə ukraynalı Yuliya Osmak başçılıq edir.Qitə birinciliyi avqustun 21-dək davam edəcək. Yarışın ümumi mükafat fondu 60 min avro təşkil edir.xeber100.com