“Yuventus” klubunun sabiq yarımmüdafiəçisi “İnter”ə keçib

“Yuventus”un sabiq yarımmüdafiəçisi Xuan Kuadrado “İnter”ə keçib. Tərəflər arasında 2024-cü ilin iyun ayının sonunadək razılıq əldə olunub. Kolumbiyalı futbolçunun “İnter”dəki məvacibi bonuslar nəzərə alınmadan ildə 2 milyon avro olacaq. 2022-2023-cü illər mövsümündə Kuadrado “Yuventus”un heyətində bütün yarışlarda 47 oyuna çıxıb, iki qol vurub və dörd məhsuldar ötürmə edib. Futbolçunun Turin klubu ilə müqaviləsi bu ilin iyununda başa çatıb, tərəflər müqaviləni yeniləməyib.xeber100.com

UEFA Çempionlar Liqasının ikinci təsnifat mərhələsi çərçivəsində

UEFA Çempionlar Liqasının ikinci təsnifat mərhələsi çərçivəsində keçiriləcək “Qarabağ” – “Rakuv” (Polşa) oyununu idarə edəcək hakimlər bəlli olub. Avqustun 2-də Bakı Olimpiya Stadionunda keçiriləcək cavab matçı almaniyalı hakimlər briqadasına həvalə olunub. Matçın baş hakimi Sven Yablonski olacaq. Ona Lasse Koslovski və Eduard Beytinger köməklik edəcəklər. Dördüncü hakim funksiyasını Tobias Reyxel yerinə yetirəcək. Qeyd edək ki, komandalar arasında ilk oyun iyulun 26-da Polşada keçiriləcək.xeber100.com

UEFA Çempionlar Liqasının I təsnifat mərhələsində

UEFA Çempionlar Liqasında I təsnifat mərhələsinin cavab oyunlarına start verilib. İlk gündə 8 görüş keçirilib. Cütlərin qalibləri II raunda yüksəliblər. Estoniya “Flora”sına cavab matçında da qalib gələn Polşa klubu “Rakuv” II mərhələdə “Qarabağ”ın potensial rəqibi olub. Rumıniya çempionu “Farul” səfərdə Moldova “Şerif”inə böyük hesabla uduzaraq, turnirlə vidalaşıb. UEFA Çempionlar Liqasınin I təsnifat mərhələsində cavab oyunlarının nəticələri: “Struqa” (Şimali Makedoniya) - “Jalgiris” (Litva) – 1:2 “Flora” (Estoniya) - “Rakuv” (Polşa) – 0:3 “Makkabi” (Hayfa, İsrail) - “Hamrun” (Malta) – 2:1 “Şerif” (Moldova) – “Farul” (Rumıniya) – 3:0 BATE (Belarus) - “Partizani” (Albaniya) – 2:0 TNS (Uels) – “Haken” (İsveç) – 0:2 “Zrinski” (Bosniya və Herseqovina) - “Urartu” (Ermənistan) – 2:3 (Penaltilərlə - 4:3) “Breydablik” (İslandiya) – “Şemrok Rovers” (İrlandiya) – 2:1 Qeyd edək ki, digər cavab oyunları iyulun 19-da keçiriləcək.xeber100.com

“Sabah” futbol klubu sonuncu yoxlama oyununa çıxacaq

Avstriyada təlim-məşq toplanışını davam etdirən Bakının “Sabah” klubu bu gün sonuncu yoxlama oyununa çıxacaq. Bakı təmsilçisi Yunanıstanın “Olimpiakos” klubu ilə qarşılaşacaq. Görüş Bakı vaxtı ilə saat 14:00-da başlayacaq. Qeyd edək ki, “Sabah” Avstriya toplanışı çərçivəsində keçirdiyi ilk oyunda Qətərin “Al-Sadd” (3:1), ikinci matçda isə Almaniyanın “Sankt-Pauli” (1:4) klubu ilə qarşılaşıb.xeber100.com

“Barselona” futbol klubu yeni transferini açıqlayıb

“Barselona” klubu Oriol Romeunun transferini açıqlayıb. Klubun rəsmi saytı xəbər verir ki, ötən mövsüm “Jirona”da çıxış edən yarımmüdafiəçi Kataloniya təmsilçisi ilə üçillik müqavilə imzalayıb. Otuz bir yaşlı Romeu karyerasına “Uldecona” və “Espanyol” akademiyalarında başlayıb. Daha sonra yeddi il “Barselona”da çıxış edib. Daha sonra “Çelsi”, “Valensiya, “Southempton” klublarında oynayıb və 2022-ci ildə “Jirona”ya keçib. İspaniyalı yarımmüdafiəçi ötən mövsüm 33 oyunda meydana çıxıb və iki qol vurub.xeber100.com

“Sumqayıt” futbol klubu yeni mövsümün hazırlığını davam etdirir

“Sumqayıt” futbol klubu Ərzurumda yeni mövsümün hazırlığını davam etdirir. Bu barədə klubun mətbuat xidmətindən məlumat verilib. Komanda toplanışın ilk gününü bir çalışma ilə başa vurub. Baş məşqçi Samir Abasovun rəhbərliyi ilə gerçəkləşən məşqdə fiziki və taktiki tapşırıqlar icra olunub.xeber100.com

Azərbaycan Futzal Federasiyasının məlumatı əsasında…

UEFA Çempionlar Liqasının ilkin mərhələsində iştirak edəcək “Araz-Naxçıvan” futzal klubunun oyunlarının təqvimi açıqlanıb. Azərbaycan Futzal Federasiyası xəbər verir ki, avqustun 23-də Naxçıvan təmsilçisi “İstanbul Şişli” (Türkiyə), ertəsi gün “Jahn Regensburq” (Almaniya), ayın 26-da isə Riqa (Latviya) ilə qarşılaşacaq. Matçlar Latviyanın Salaspils şəhərindəki İdman Arenasında keçiriləcək.xeber100.com

Futbol üzrə 2023-2024-cü illər mövsümünün püşkü atılıb

Futbol üzrə Azərbaycan Premyer Liqasında 2023-2024-cü illər mövsümünün püşkü atılıb. Püşkatma mərasimi AFFA-nın inzibati binasında keçirilib. Tədbirdə elitada çıxış edəcək 10 klubun - “Qarabağ”, “Sabah”, “Neftçi”, “Qəbələ”, “Zirə”, “Turan Tovuz”, “Sumqayıt”, “Kəpəz”, “Səbail” və “Araz-Naxçıvan”ın nümayəndəsi iştirak edib. Püşkatma zamanı ilk beş turda üz-üzə gələcək komandalar müəyyənləşib. Püşkün nəticəsi aşağıdakı kimidir: Birinci tur 4-6 avqust "Turan Tovuz" - "Araz Naxçıvan" "Qarabağ" - "Zirə" "Kəpəz" - "Neftçi" "Səbail" - "Sumqayıt" "Sabah" - "Qəbələ" İkinci tur 11-13 avqust “Araz-Naxçıvan” – “Qəbələ” “Sumqayıt” – “Sabah” “Neftçi” – “Səbail” “Zirə” – “Kəpəz” “Turan Tovuz” – “Qarabağ Üçüncü tur 18-20 avqust “Qarabağ” – “Araz-Naxçıvan” “Kəpəz” – “Turan Tovuz” “Səbail” – “Zirə” “Sabah” – “Neftçi” “Qəbələ” – “Sumqayıt” Dördüncü tur 25-27 avqust “Araz-Naxçıvan” – “Sumqayıt” Neftçi” – “Qəbələ” “Zirə” – “Sabah” “Turan Tovuz” – “Səbail” “Qarabağ” – “Kəpəz” Beşinci tur 1-3 sentyabr “Kəpəz” – “Araz-Naxçıvan” “Səbail” – “Qarabağ” “Sabah” – “Turan Tovuz” “Qəbələ” – “Zirə” “Sumqayıt” – “Neftçi” Qeyd edək ki, Premyer Liqada yeni mövsümə avqustun 4-də start veriləcək.xeber100.com

“Sumqayıt” klubunun üz-üzə gələcəyi rəqiblərdən biri dəqiqləşib

Türkiyənin Ərzurum şəhərində təlim-məşq toplanışında olan "Sumqayıt" futbol klubunun yoxlama oyununda üz-üzə gələcəyi rəqiblərdən biri dəqiqləşib. Klubun mətbuat xidməti xəbər verir ki, "gənclik şəhəri" təmsilçisi Super liqada çıxış edən "Sivasspor"la üz-üzə gələcək. Matç iyulun 23-də oynanılacaq. "Sumqayıt" futbol klubu iyulun 27-dək Ərzurum şəhərində təlim-məşq toplanışında olacaq.xeber100.com

Şahmat Federasiyası: Şahmat Olimpiadasının qalibləri müəyyənləşib

Qaxda 16 yaşadək yeniyetmələr arasında Respublika Şahmat Olimpiadası keçirilib. Bu barədə Azərbaycan Şahmat Federasiyasından məlumat verilib. Qax Olimpiya İdman Kompleksində təşkil olunan Olimpiadanın A qrupunda 262, B qrupunda isə 224 şahmatçı olmaqla, ümumilikdə, 45 rayon (şəhər) təşkilatından 486 şahmatçı qalib adı uğrunda mübarizə aparıb. Bahar Cəfərova, Fərid Sadıqzadə (8 yaşadək), Mehriban Əhmədli, Nihad Məmmədov (10 yaşadək), Səadət Bəşirli, Murad Rzayev (12 yaşadək), Məryəm Ağaverdiyeva, Elçin Şəkərəliyev (14 yaşadək), Ayan Hüseynli və İslam Hacıəliyev (16 yaşadək) birinci yeri tutublar. Müxtəlif yaş kateqoriyalarında Mehri Fətullalı, Məhəmməd Kazımzadə, Leyla Hümbətli, Tunar Qarayev, Əsnad Vəliyeva, Əhməd Hüseynov, Aliyə Mahmudova, Yunis Mahmudzadə, Fidan Təhməzova, Niyazi Qafarov ikinci yerə layiq görülüblər. Mehin Məstiyeva, Mirzəli Hüseynov, Xədicə Babazadə, Kamran Babayev, Nuray Məmmədli, Hüseyn Qurbanov, Nəcibə Quluyeva, Nihat Şıxəhmədi, Leyla Budaqova, İlqar Məmmədov yarışı üçüncü pillədə başa vurub. A qrupunda komanda hesabında Gəncə 2 nömrəli UGİŞM birinci olub. B qrupunda isə 3 nömrəli RİOEUGİŞM ilk pillədə qərarlaşıb. Yarışın son günündə turnirin bağlanış mərasimi baş tutub. Qalib və mükafatçılara diplom və medallar təqdim edilib.xeber100.com