Futbol üzrə İspaniya millisi Millətlər Liqası matçında…

Futbol üzrə İspaniya millisi Millətlər Liqası matçında Ukraynaya məğlub olub - 0:1.Azərtac xəbər verir ki, Ukrayna millisi İspaniya yığması ilə oynadığı yeddi matçda ilk dəfə qalib gəlib. Bundan əvvəl Ukrayna komandası beş dəfə məğlub olub, bir dəfə heç-heçə edib.İspaniya millisi ikinci dəfə postsovet məkanından olan komandaya məğlub olub. 2016-cı ildə ispanlar Gürcüstana 0:1 hesabı ilə uduzublar. Rusiya millisi 2018-ci ildə dünya çempionatının səkkizdəbir final mərhələsində İspaniyanı penaltilər seriyasında məğlub edib. Lakin matçın əsas vaxtı 1:1 hesabı ilə başa çatıb.Qeyd edək ki, Ukrayna-İspaniya görüşündə yeganə qolu Kiyev “Dinamo”sunun yarımmüdafiəçisi Viktor Tsıqankov vurub.xeber100.com

Atçılıq Federasiyasının təşkilatçılığı ilə “Hər şey vətən üçün” adlı yarış keçiriləcək

Ermənistan silahlı qüvvələrinin genişmiqyaslı təxribatlarına qarşı uğurlu əks-həmlə əməliyyatı keçirərək düşmənə sarsıdıcı zərbələr vuran və əzəli torpaqlarımızı işğaldan azad etməsi hər bir azərbaycanlının qəlbində sonsuz qürur hissi oyatmaqla yanaşı, cəmiyyətdə sonsuz ruh yüksəkliyinə səbəb olub.Azərbaycan Respublikası Atçılıq Federasiyasının (ARAF) təşkilatçılığı ilə oktyabrın 16-18-də şanlı ordumuzun qəhrəmanlığına həsr olunmuş “Hər şey Vətən üçün” adlı tədbir keçiriləcək.ARAF-dan Azərtac-a bildiriblər ki, tədbir çərçivəsində oktyabrın 16-da və 17-də atçılığın konkur növü üzrə yeniyetmələr arasında “Ərgünəş”, peşəkar idmançılar arasında isə “Hadrut” və “Qarabağ” kubokları uğrunda yarışlar təşkil olunacaq.Oktyabrın 18-də isə müxtəlif yaş kateqoriyalarında ingilis, Qarabağ və Dilbaz atlarının iştirakı ilə 5 qaçışdan ibarət cıdır yarışları təşkil olunacaq. Ordumuza dəstək məqsədilə keçirilməsi planlaşdırılan yarışda jokeylər öz atları ilə müvafiq olaraq “Suqovuşan”, “Murov”, “Cəbrayıl”, “Füzuli” və “Qarabağ” kubokları uğrunda mübarizə aparacaqlar.Tədbir yuxarıda qeyd olunan tarixlərdə saat 11:00-dan etibarən Binə Atçılıq Mərkəzində təşkil olunacaq.xeber100.com

Azərbaycan yığması UEFA Millətlər Liqasında dördüncü oyununu keçirəcək

Bu gün futbol üzrə Azərbaycan yığması UEFA Millətlər Liqasında dördüncü oyununu keçirəcək.Azərtac xəbər verir ki, millimiz Kipr yığması ilə qarşılaşacaq.Ermənistan ordusunun Azərbaycana qarşı genişmiqyaslı hərbi təxribatları ilə əlaqədar oyun neytral meydanda - Albaniyadakı Elbasan şəhər stadionunda keçiriləcək və Bakı vaxtı ilə saat 20:00-da başlayacaq.Komandamız Ermənistan silahlı qüvvələri tərəfindən respublikamızın müxtəlif şəhərlərinin və digər yaşayış məntəqələrinin atəşə tutulması nəticəsində dünyasını dəyişmiş mülki şəxslərin, dinc sakinlərin xatirəsinə ehtiram əlaməti olaraq oyuna qara sarğı ilə çıxacaq.Bunadək qrupda keçirdiyi 3 oyunda 1 qələbə qazanıb, 2 dəfə məğlub olan yığmamız 3 xalla üçüncü pillədə qərarlaşıb. Kiprlilərin isə xalı yoxdur. Azərbaycan millisi yeganə qələbəsini ikinci turda səfərdə Kipr üzərində əldə edib - 1:0.Azərbaycan millisi bu görüşə ciddi itki ilə çıxacaq. Komandanın heyətində cəzalı Bədavi Hüseynovun oyunu buraxacağı dəqiqdir. Kapitan Maksim Medvedev, hücumçu Əli Qurbani və müdafiəçi Təmkin Xəlilzadənin isə forma geyinməsi sual altındadır.xeber100.com

Beynəlxalq Triatlon Şurası yeni reytinq cədvəlini açıqlayıb

Beynəlxalq Triatlon Şurası kişi idmançıların yeni reytinq cədvəlini açıqlayıb.Azərtac qurumun rəsmi saytına istinadla xəbər verir ki, Azərbaycan milli komandasının üzvü Rostislav Pevtsov reytinq cədvəlində 268 xalla 34-cü pillədə qərarlaşıb.Reytinq cədvəlinə Fransa təmsilçisi Vinsent Luis liderik edir. İlk üçlüyü portuqaliyalı Vasko Vilaka və Belçika idmançısı Yelle Qrins qapayırlar.xeber100.com

“Böyük dəbilqə” turnirində Azərbaycan komandası da mübarizə aparacaq

Oktyabrın 23-25-də Macarıstanın paytaxtı Budapeştdə keçirilməsi planlaşdırılan “Böyük dəbilqə” turnirində Azərbaycan komandasının heyətində 17 cüdoçu mübarizə aparacaq.Azərtac xəbər verir ki, Kəramət Hüseynov, Davud Məmmədsoy (hər ikisi 60 kq), Nicat Şıxəlizadə, Orxan Səfərov (hər ikisi 66 kq), Rüstəm Orucov, Telman Vəliyev (hər ikisi 73 kq), Hidayət Heydərov, Murad Fətiyev (hər ikisi 81 kq), Məmmədəli Mehdiyev, Rüfət İsmayılov (hər ikisi 90 kq), Elmar Qasımov, Zelim Kotsoyev (hər ikisi 100 kq), Uşangi Kokauri və Camal Feyziyev (100 kiloqramdan yuxarı) kişilərin yarışında mübarizə aparacaqlar.Aişə Qurbanlı, Leyla Əliyeva (hər ikisi 48 kq), Gültac Məmmədəliyeva (52 kq) qadınlar arasında təşkil edilən yarışda qüvvələrini sınayacaqlar.Qeyd edək ki, yarışda idmançılar “Tokio-2020” Olimpiadasına reytinq xalları da qazanacaqlar. Yarışda 80 ölkədən 624 cüdoçu iştirak edəcək.xeber100.com

Tarixin ən yaxşı 20 yarımmüdafiəçisinin adı açıqlanıb

Fransanın “France Football” nəşri tarixin ən yaxşı 20 yarımmüdafiəçisinin adını açıqlayıb.Azərtac xəbər verir ki, ən yaxşı yarımmüdafiəçilərin siyahısında Yozef Bozik (Macarıstan), Jerson, Didi, Paulo Falkao (hər üçü Braziliya), Serxio Busqets, Xosep Qvardiola, Xavi Hernandes, Luis Suarez Miramontes, Xavi Alonso (hamısı İspaniya), Lotar Matteus, Bernd Şuster (hər ikisi Almaniya), Yosef Masopust (Çexiya), Stiven Cerrard (İngiltərə), Frank Raykard, Yohan Neeskens, Klarens Zeedorf (hər üçü Hollandiya), Andrea Pirlo, Marko Tardelli (hər ikisi İtaliya), Fernando Redondo (Argentina) və Jan Tiqana (Fransa) yer alıblar.Siyahıda hazırda yaşıl meydanlara çıxış edən yeganə futbolçu “Barselona”nın yarımmüdafiəçisi Serxio Busqetsdir.xeber100.com

Beynəlxalq Universitet İdman Federasiyasının məlumatı

Beynəlxalq Universitet İdman Federasiyası (FISU) Ümumdünya Qış Universiadasının 2021-ci ilin dekabrında keçirilməsi variantını müzakirə edir.Azərtac xəbər verir ki, bu barədə FISU-nun rəhbəri, Rusiyanın idman naziri Oleq Matıtsin məlumat verib.Ümumdünya Qış Universiadası İsveçrənin Lyutsern şəhərində 2021-ci il yanvarın 21-31-də keçirilməli idi. Lakin koronavirus səbəbindən təxirə salınıb.xeber100.com

Norveçdə şahmat üzrə super turnir davam edir

Norveçin Stavanger şəhərində start götürən şahmat üzrə super turnir davam edir.Azərtac xəbər verir ki, norveçli dünya çempionu Maqnus Karlsen turnirin dördüncü turunda amerikalı Fabiano Karuananı ağ fiqurlarla məğlub edib.İranlı Alireza Firuzca (Beynəlxalq Şahmat Federasiyasının bayrağı altında oynayır) erməni Levon Aronyanı qaralarla məğlub edib, Norveçin digər təmsilçisi Aryan Tari polşalı Yan Kşiştov Dudadan daha güclü olduğunu sübut edib.Dörd turdan sonra M.Karlsen (9 xal) turnir cədvəlinə başçılıq edir. A.Firuzdja, F.Karuana (hər biri 7 xal), A.Tari (1,5 xal) və Y.K.Duda (1 xal) sonrakı yerlərdə qərarlaşıblar.Altı şahmatçının iştirakı ilə keçirilən turnir oktyabrın 16-dək davam edəcək.Stavangerdəki şahmat turniri 2013-cü ildən keçirilir. Bundan əvvəl keçirilmiş yarışın qalibi Maqnus Karlsen olub.xeber100.com

Tennis üzrə açıq çempionatın finalçıları müəyyənləşib

Oktyabrın 10-da tennis üzrə Fransanın açıq çempionatının ("Roland Garros") finalçıları müəyyənləşib.Azərtac xəbər verir ki, turnirin ilk yarımfinal görüşündə ispaniyalı tennisçi Rafael Nadal argentinalı Dieqo Şvartsmanla qarşılaşıb. Üç setlik mübarizədə Nadal üstün olub - 6:3, 6:3, 7:6 (7:0). Görüş 3 saat 12 dəqiqə davam edib.Yarımfinal mərhələsinin ikinci görüşündə dünyanın bir nömrəli raketka ustası Novak Cokoviçlə (Serbiya) yunanıstanlı tennisçi Stefanos Tsitsipas qarşılaşıb.Üç saat 58 dəqiqə keçən gərgin görüş serbiyalının 6:3, 6:2, 5:7, 4:6, 6:1 qələbəsi ilə yekunlaşıb.Turnirin həlledici görüşü oktyabrın 11-də keçiriləcək.Qeyd edək ki, qadınların fərdi mübarizəsində həlledici görüşdə polşalı İqa Şvyontek və ABŞ-dan olan Sofiya Kenin üz-üzə gələcək.xeber100.com

UEFA Millətlər Liqasının 2020/2021-ci il mövsümündə

Futbol üzrə Azərbaycan milli komandası UEFA Millətlər Liqasının 2020/2021-ci il mövsümündə üçüncü oyununa çıxıb.Azərtac xəbər verir ki, millimiz Podqoritsa şəhər stadionunda Monteneqro yığmasının qonağıdır.Azərbaycan millisinin heyətində meydana Emil Balayev, Bəhlul Mustafazadə, Maksim Medvedev, Abbas Hüseynov, Bədavi Hüseynov, Anton Krivotsyuk, Qara Qarayev, Elvin Camalov, Əli Qurbani, Rəhim Sadıxov və Namik Ələsgərov çıxıblar.Monteneqro komandasının ilk onbirliyində isə Milan Miyatoviç, Momçilo Raspopoviç, İqor Vuyaçiç, Marko Simiç. Risto Radunoviç, Marko Bakiç, Nikola Vukçeviç, Aleksandar Bolyeviç, Stevan Yovetiç, Sead Hakşabanoviç və Dino İslamoviç yer alıblar.Oyunu İspaniyadan olan hakimlər briqadası idarə edir. Matçın baş hakimi Rikardo de Burgos Bengoeçeadır. Ona Roberto del Palomar və Pau Cebrian Devis kömək edirlər. Dördüncü hakim funksiyasını Xavier Estrada Fernandez yerinə yetirir.Matç “CBC Sport” televiziya kanalı vasitəsilə canlı yayımlanacaq.İlk turda millimiz Bakıda Lüksemburqa 1:2 hesabı ilə uduzub. Daha sonra Nikosiyada Kipri 1:0 hesabı ilə məğlub edib.Qrupun digər matçında Lüksemburq Kipri qəbul edəcək.Qrupa hesabında 6 xal olan Monteneqro yığması liderlik edir. Lüksemburq və Azərbaycan 3 xalla ilk üçlükdə yer alıblar. Hesabında xal olmayan Kipr isə qrupda sonuncudur.xeber100.com