Serbiya sambo üzrə dünya çempionatına ev sahibliyi edəcək

Serbiyanın Novi Sad şəhəri bu il keçiriləcək sambo üzrə dünya çempionatına ev sahibliyi edəcək.Azərtac xəbər verir ki, bu barədə Beynəlxalq Sambo Federasiyasının (FIAS) mətbuat xidməti məlumat yayıb.Turnirin əvvəlcə Aşqabadda keçirilməsi nəzərdə tutulsa da, koronavirus pandemiyası səbəbindən Türkmənistan Sambo Federasiyası yarışın təşkilindən imtina edib.Dünya çempionatı noyabrın 5-dən 8-dək keçiriləcək.xeber100.com

UEFA Avropa Liqası turnirinin play-off mərhələsi çərçivəsində

Son günlər Ermənistan–Azərbaycan qoşunlarının təmas xəttində erməni hərbi birləşmələrinin genişmiqyaslı təxribatları nəzərə alınaraq, UEFA Avropa Liqası turnirinin play-off mərhələsi çərçivəsində oktyabrın 1-də Varşavadakı “Wojska Polskiego” stadionunda keçiriləcək “Legiya” – “Qarabağ” oyunu ilə əlaqədar AFFA tərəfindən UEFA-ya müraciət ünvanlanıb.Azərtac AFFA-ya istinadla xəbər verir ki, müraciətdə UEFA Avropa Liqası turnirinin qrup mərhələsində 2019-cu il oktyabrın 3-də Lüksemburq şəhərindəki “Josy Barthel” stadionunda keçirilmiş “Düdelanj” – “Qarabağ” oyununun gedişində erməni təxribatçılar tərəfindən üzərində parça asılmış idarəolunan uçuş aparatının meydanın mərkəzinə doğru yönəldilməsi faktı xatırladılaraq bildirilib ki, “Legiya” – “Qarabağ” oyununda ermənilər tərəfindən siyasi xarakterli təxribatçı addımlara yol verilməməsi üçün UEFA tərəfindən qarşılaşmaya xüsusi diqqət və həssaslıqla yanaşılması vacibdir.xeber100.com

Formula 1 Rusiya Qran-Prisinə bilet satışına başlanıb

Formula 1 Rusiya Qran-Prisinin promouteri ANO “Rosgonki” gələn il üçün bilet satışına başlayıb.Azərtac xəbər verir ki, azarkeşlər 2021-ci ildə keçiriləcək Rusiya Qran-Prisinə biletləri minimal qiymətlərlə ala biləcəklər. Ən sərfəli biletlər 2990 rubla başa gələcək. T3 və T4 tribunalarına biletlərin qiyməti 5 min 490 rubl, T1 və T2-yə 6 min 990 rubl, əsas tirbunalara isə 11 min 990 rubl olacaq.Minimum qiymətə biletlərin sayı məhduddur. Bilet satışları oktyabrın 18-dək başa çatacaq. Erkən satış bitdikdən sonra biletlərin qiyməti dəyişəcək.xeber100.com

“Atletiko Madrid” futbol klubu yeni hücumçu axtarır

“Atletiko Madrid” futbol klubu Dieqo Kostanın Luis Suares üçün uyğun partner olmadığını düşünür.Azərtac xəbər verir ki, Madrid klubu yeni hücumçu axtarışındadır. “Atletiko”nun hədəfindəki adlardan biri PSJ-nin sabiq hücumçusu Edinson Kavanidir. Belə ki, klub Kavanini əvvəllər də heyətinə qatmaq istəyib, lakin futbolçu ilə razılıq əldə etmək mümkün olmayıb.xeber100.com

Futbol üzrə Azərbaycan Premyer Liqasında IV turun növbəti oyunu keçirilib

Sentyabrın 26-da futbol üzrə Azərbaycan Premyer Liqasında IV turun növbəti oyunu keçirilib.Azərtac xəbər verir ki, turun üçüncü matçında "Keşlə" "Zirə"ni qəbul edib."ASK Arena"dakı qarşılaşma "Zirə"nin 3:2 hesablı qələbəsi ilə yekunlaşıb. Görüşdə ilk qol 10-cu dəqiqədə vurulub. "Keşlə"nin heyətində Silvio Rodriqes fərqlənib. 21-ci dəqiqədə "Zirə" Klesio Baukun qolu sayəsində hesabı bərabərləşdirib.İlk hissə bu hesabla başa çatıb. 54-cü dəqiqədə Dmitro Klots meydan sahiblərini yenidən hesabda önə keçirib. 68-ci dəqiqədə Klesio Bauk özünün və komandasının ikinci qoluna imza atıb. "Zirə"nin gürcüstanlı hücumçusu Davit Volkok 79-cu dəqiqədə penaltini dəqiq yerinə yetirib.Bu nəticədən sonra xallarının sayını 7-ə yüksəldən "Zirə" 1-2-ci, 5 xalı olan "Keşlə" isə 5-6-cı yerləri bölüşdürür.Qeyd edək ki, turun digər matçlarında "Qarabağ" "Sumqayıt"la heç-heçə edib - 2:2, "Səbail" "Sabah"a qalib gəlib - 2:1. Tura sentyabrın 27-də keçiriləcək "Neftçi" - "Qəbələ" oyunu ilə yekun vurulacaq.xeber100.com

“Ağ Top” şahmat klubunun birgə təşkilatçılığı ilə şahmat turniri keçirilib

Nərimanov rayonunda Azərbaycanın Milli Qəhrəmanı, cüdo üzrə idman ustası İlqar İsmayılovun xatirəsinə həsr edilmiş şahmat turniri keçirilib.Azərtac xəbər verir ki, turnir Nərimanov Rayon Gənclər və İdman İdarəsinin və “Ağ Top” şahmat klubunun birgə təşkilatçılığı ilə açıq havada təşkil edilib.Tədbirdə çıxış edən Nərimanov Rayon Gənclər və İdman İdarəsinin rəisi Nəcəf Novruzov, aprel döyüşlərində şəhid olmuş Mahir Mirzəyevin atası Sabir Mirzəyev, “Ağ Top” şahmat klubunun direktoru Cavanşir Bağırov və digər rəsmi qonaqlar qeyd ediblər ki, yarışın keçirilməsində məqsəd İlqar İsmayılovun xatirəsini yad etmək, yeniyetmə və gənclərdə vətənpərvərlik hisslərini tərbiyə etmək, eyni zamanda, onları şahmata cəlb edərək bu idman növünü daha da inkişaf etdirməkdir.Turnirdə 48 şahmatçı iştirak edib. Yekun nəticələrə görə, oğlanlar arasında Rəvan Uğurov, qızların yarışında Xanım İsmayılova birinci yerləri tutublar. 12 yaşadək oğlanlar arasında isə Orxan Bağırov, qızlar arasında Nurtən Nuriyeva fərqləniblər.Qaliblər təşkilatçılar tərəfindən müvafiq dərəcəli diplom, medal və pul mükafatı ilə təltif olunublar.xeber100.com  

Türkiyə çempionatının üçüncü turu çərçivəsində keçirilən qarşılaşmada

Sentyabrın 26-da futbol üzrə Türkiyə çempionatının üçüncü turu çərçivəsində keçirilən qarşılaşmada "Trabzonspor" doğma meydana "Yeni Malatyaspor"la üz-üzə gəlib.Azərtac xəbər verir ki, matça fəal başlayan meydan sahibləri 24-cü dəqiqədə hesabı açmağa müvəffəq olublar. Benik Afobe çərçivəni dəqiq nişan alıb. Oyunun 33-cü dəqiqəsində B.Afobe komandasının və özünün ikinci qolunu vurub. Birinci hissənin son dəqiqələrində isə Trabzon təmsilçisinin hücumçusu Antoni Nvakame hesabı 3:0-a çatdırıb. Malatya təmsilçisi isə vurulan qollardan birinin əvəzini çıxıb. Adəm Böyük on bir metrlik cərimə zərbəsini dəqiq yerinə yetirib.Beləliklə, "Trabzonspor" doğma meydanda "Yeni Malatyaspor"u 3:1 hesabı ilə məğlub edib.Günün digər matçlarında isə "Ərzurumspor" səfərdə "Kayserispor"u 3:1 hesabı ilə üstələyib. "Hatyayspor" isə doğma divarlar arasında "Kasımpaşa"nı minimal hesabla udub. "Göztəpə"-"Qaziantep" görüşündə isə qalib müəyyənləşməyib - 2:2. Turun digər oyunları aşağıdakılardır: "Rizəspor"-"Alanyaspor" "Konyaspor"-"Beşiktaş" "Sivasspor"-"Ankaragücü" Qalatasaray"-"Fənərbağça" "Antalyaspor"-"Dənizspor" Qeyd edək ki, yeni mövsümdə Superliqada 21 komanda yarışır. Üçüncü turda "Gənclərbirliyi" istirahət edir.xeber100.com

Dünya çempionatlarının keçiriləcəyi yerlər təsdiqlənib

Beynəlxalq Velosipedçilər İttifaqı (UCI) 2026-cı ilədək beş növ üzrə dünya çempionatlarının keçiriləcəyi yerləri təsdiqləyib.Azərtac xəbər verir ki, bu barədə UCI-nin mətbuat xidməti məlumat yayıb.Belə ki, 2022-ci və 2023-cü illərdə dağ velosipedi (BMX) üzrə dünya çempionatlarına Argentina, 2025-ci ildə İsveçrə, 2026-cı ildə İtaliya ev sahibliyi edəcək. Dağ velosipedi marafonu üzrə 2021-ci ildə dünya çempionatı İtaliyada və 2024-cü ildə Amerikada təşkil olunacaq. BMX üzrə dünya çempionatı 2025-ci ildə Kopenhagendə keçiriləcək. Həmin il velokross üzrə dünya çempionatı isə Fransada baş tutacaq.xeber100.com

UEFA Super Kuboku həftənin oyunçusunu açıqlayıb

Almaniyanın “Bavariya” və İspaniyanın “Sevilya” futbol komandaları arasında keçirilmiş UEFA Super Kuboku uğrunda matçdan sonra həftənin oyunçusu açıqlanıb.Azərtac xəbər verir ki, bu ada Münxen komandasının qapıçı Manuel Noyer layiq görülüb. Otuz dörd yaşlı qolkiper qarşılaşma ərzində 4 dəfə komandasını qoldan xilas edib.Qeyd edək ki, “Bavariya” rəqibini əlavə vaxtda 2:1 hesabı ilə məğlub edərək UEFA Super Kubokunu qazanıb.xeber100.com  

PSJ futbol klubu heyətinə yeni futbolçu cəlb edib

Fransanın PSJ klubu heyətinə yeni futbolçu cəlb edib.Azərtac xəbər verir ki, Paris təmsilçisi aşağı dəstədə mübarizə aparan “Orlean”ın qapıçısı Aleksandr Letelyeni transfer edib. İyirmi doqquz yaşlı qokiperlə birillik müqavilə imzalanıb.Qeyd edək ki, PSJ-nin yetirməsi olan fransalı oyunçu 2000-2010-cu illərdə bu klubun aşağı yaş komandalarında çıxış edib.xeber100.com