UEFA Avropa Liqasının hakim təyinatları açıqlanıb

Ağdamın “Qarabağ” klubunun UEFA Avropa Liqasının pley-off mərhələsindəki matçına hakim təyinatları açıqlanıb.Azərtac xəbər verir ki, Ağdam təmsilçisinin Polşanın “Legiya” klubu ilə keçirəcəyi görüşü Almaniyadan olan hakimlər briqadası idarə edəcək.Baş hakim Tobias Stielerə yan xətt hakimləri Kristian Qittelmann və Rafael Foltin kömək edəcəklər. Dördüncü hakim funksiyasını Daniel Şlager yerinə yetirəcək.Qeyd edək ki, oktyabrın 1-də Polşadakı “Voyska Polskoqo” stadionunda keçiriləcək qarşılaşma Bakı vaxtı ilə saat 22:00-da başlayacaq.xeber100.com

Fənərbağça” klubu “Aston Villa” komandasından transfer edib

Türkiyənin “Fənərbağça” futbol klubu İngiltərənin “Aston Villa” komandasından Mbvana Samattanı transfer edib.Azərtac klubun saytına istinadla xəbər verir ki, İstanbul təmsilçisi 27 yaşlı tanzaniyalı hücumçu ilə dördillik müqavilə imzalayıb. Bu keçid qarşılığında “Aston Villa”ya 6 milyon avro ödəniləcək.M.Samatta 2021-ci ilin yayınadək icarə əsasında “Fənərbağça”da oynayacaq, daha sonra kluba transferi rəsmiləşəcək.Qeyd edək ki, Mbvana Samatta “Aston Villa”ya bu ilin əvvəlində keçib.xeber100.com

“Bavariya” futbol klubunun hücumçusu UEFA superkubokunu qazanıb

Almaniyanın “Bavariya” futbol klubunun hücumçusu Tomas Müller “Sevilya” üzərindəki qələbə (2:1) sayəsində UEFA superkubokunu qazanıb.Azərtac klubun saytına istinadla xəbər verir ki, bu, 31 yaşlı hücumçunun karyerasında 26-cı titulu olub. Bu göstəricidə o, sabiq komanda yoldaşı Bastian Şvaynştaygerə çatıb. Onların hər ikisi Almaniya futbol tarixinin ən çox titula sahib olun futbolçularıdır.“Bavariya”nın yetirməsi olan T.Müller 2008-ci ildən bu klubun əsas komandasında oynayır. Son 12 ildə o, 9 dəfə Almaniya çempionu olub. Altı dəfə ölkə kuboku, 5 dəfə ölkə superkubokunu qazanıb. Hücumçu hərəsi 2 dəfə olmaqla UEFA Çempionlar Liqasının və UEFA Superkubokunun, 1 dəfə isə klublararası dünya çempionatının da qalibi olub. Bundan başqa, 2014-cü ildə o, Almaniya millisi ilə dünya çempionatında birinci yeri tutub.xeber100.com

“Neftçi” futbol klubu yeni əməkdaşlıq müqaviləsi imzalayıb

“Neftçi” futbol klubunu dəstəkləyən şirkətlər arasına daha biri daxil olub. Klubla “Nobel İlaç” əczaçılıq şirkəti arasında qarşılıqlı əməkdaşlıq haqqında razılıq əldə edilib.Azərtac kluba istinadla xəbər verir ki, tərəflər birillik müqaviləyə imza atıblar.Razılaşmaya əsasən, bu müddətdə “Neftçi”nin əsas komandasının ev oyunları zamanı stadion ərazisində yerləşən reklam lövhələrində şirkətin fəaliyyəti ilə bağlı təbliğat materialları yerləşdiriləcək.“Neftçi TV” və kluba məxsus sosial media səhifələrində “Nobel İlaç”a məxsus məhsulların əmtəə nişanları yer alacağı paylaşımlar ediləcək və digər xidmətlər göstəriləcək.xeber100.com

UEFA İcraiyyə Komitəsinin növbəti iclası keçirilib

Sentyabrın 24-də Macarıstanın paytaxtı Budapeştdə UEFA İcraiyyə Komitəsinin növbəti iclası keçirilib.Azərtac xəbər verir ki, AFFA-nın icraçı vitse-prezidenti, UEFA-nın Fair Play və Sosial Məsuliyyət Komitəsinin sədri Elxan Məmmədov videobağlantı vasitəsilə iclasa qoşularaq rəhbərlik etdiyi komitənin fəaliyyəti barədə hesabat verib.xeber100.com

Formula 1 Emili-Romani Qran-Prisinə biletlər sürətlə satılır

İtaliyanın İmola şəhərində keçiriləcək Formula 1 Emili-Romani Qran-Prisinə biletlər sürətlə satılır.Azərtac xarici KİV-lərə istinadla xəbər verir ki, Emili-Romani Qran-Prisinə onlayn bilet satışına sentyabrın 23-də başlanıb. Artıq ilk gündən biletlərə tələbin olduqca yüksək olduğu görünür. Belə ki, ötüşmələrin çox hissəsinin baş verdiyi Rivazza keçidində yerləşən “H” tribunasında bütün oturacaqlara biletlər bir neçə saata satılıb.Region rəhbərliyi yarışların hər günündə 13 min 417 tamaşaçının arenaya buraxılmasına qərar verib. Yarış noyabrın 1-də keçiriləcək, lakin göründüyü kimi yarışa çox yaxın vaxtlarda bilet qalmayacaq.xeber100.com

“Renn” futbol klubunun qapıçısı “Çelsi” klubuna keçib

Fransanın “Renn” klubunun qapıçısı Eduard Mendi İngiltərə təmsilçisi “Çelsi”yə keçib.Azərtac xəbər verir ki, bu barədə məlumatı londonluların baş məşqçisi Frenk Lempard verib.Gənc mütəxəssis bildirib ki, Seneqal millisinin üzvünün keçidi həll olunub. İyirmi səkkiz yaşlı qolkiper tezliklə İngiltərəyə yollanaraq yeni komandasında tibbi müayinədən keçdikdən sonra rəsmi müqavilə imzalayacaq.Bu keçid “Renn”ə 30 milyon avro qazandıracaq. Bununla Mendi Fransa klublarının satdığı ən bahalı qapıçı kimi tarixə düşəcək.Qeyd edək ki, “Renn” Eduard Mendini 2019-cu ildə 4 milyon avro qarşılığında “Reyms”dən alıb.xeber100.com

Xüsusi Olimpiya Komitəsinin təşkilatçılığı ilə stolüstü tennis yarışı keçirilir

Azərbaycan Xüsusi Olimpiya Komitəsinin təşkilatçılığı ilə stolüstü tennis yarışı keçirilir.Azərtac xəbər verir ki, Şağan Olimpiya İdman Kompleksində açıq havada oğlanlar və qızlar arasında təşkil edilən yarışın birinci günündə divizionlara bölünmə ilə əlaqəli test görüşləri keçirilib.Yetmişdən çox atletin iştirak etdiyi turnirə bu gün yekun vurulacaq.Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin dəstəyi ilə keçirilən turnir 2021-ci ilin beynəlxalq yarışlarına hazırlıq xarakteri daşıyır.xeber100.com

Azərbaycan Premyer Liqasının beşinci turunun təqvimi açıqlanıb

Sentyabrın 22-də futbol üzrə Azərbaycan Premyer Liqasının beşinci turunun təqvimi açıqlanıb.Azərtac Peşəkar Futbol Liqasına (PFL) istinadla xəbər verir ki, üç günü əhatə edəcək tura oktyabrın 2-də “Bank Respublika Arena”da keçiriləcək “Sabah” – “Keşlə” oyunu ilə start veriləcək. Görüş saat 18:00-da başlayacaq.Turun növbəti iki matçı oktyabrın 3-də baş tutacaq. Qəbələ şəhər stadionunda “Qəbələ” komandası “Sumqayıt” klubunu qəbul edəcək. Oyun saat 17:00-da başlayacaq.Günün ikinci görüşü isə Zirə İdman Kompleksinin stadionunda “Zirə” və “Neftçi” komandaları arasında təşkil olunacaq. Oyun saat 19:15-də start götürəcək.Turun sonuncu oyunu oktyabrın 4-də baş tutacaq. Son çempion “Qarabağ” öz meydanında autsayder “Səbail” komandasını qəbul edəcək. “Azersun Arena”da təşkil olunacaq görüşdə hakimin start fiti saat 19:00-da səslənəcək.Bütün görüşlər “CBC Sport” kanalı ilə birbaşa yayımlanacaq.Üç turdan sonra “Sabah”, “Sumqayıt” və “Neftçi” klublarının 6 xalı var. “Qarabağ” və “Zirə” komandaları aktivlərinə 4 xal yazdırıblar. İki xalı olan “Qəbələ” yeddinci yerdədir. Keçirdiyi hər üç görüşdə uduzan “Səbail” isə sonuncu – səkkizinci pillədə qərarlaşıb.xeber100.com

“Minçanka” klubu Çempionlar Liqasında mübarizəni dayandırıb

Qadın voleybolçulardan ibarət Azərbaycan millisinin üzvü Marqarita Əzizovanın çıxış etdiyi Belarusun “Minçanka” klubu Çempionlar Liqasında mübarizəni dayandırıb.Azərtac xəbər verir ki, Rusiya Super Liqası çərçivəsində Krasnodarın “Dinamo” klubu ilə oyundan qayıtdıqdan sonra komandanın üzvlərindən COVID-19 testi götürülüb və bir voleybolçuda koronavirus aşkarlanıb. Bu səbəbdən Çempionlar Liqasının birinci turu çərçivəsində sentyabrın 23-də keçirilməsi nəzərdə tutulan Almaniyanın “Ştutqart” komandası ilə görüş ləğv olunub və Belarus təmsilçisinə texniki məğlubiyyət verilib.“Minçanka” klubu mübarizəni CEV kuboku yarışlarına davam etdirəcək.xeber100.com