Kikboksinq Federasiyasının idarə heyətinin onlayn iclası keçirilib

Azərbaycan Kikboksinq Federasiyasının idarə heyətinin onlayn iclası keçirilib.Azərtac xəbər verir ki, iclasda Orxan Əliyev qurumun yeni prezidenti seçilib. Federasiyanın əvvəlki prezidenti, Milli Məclisin vitse-spikeri Adil Əliyev isə qurumun fəxri sədri seçilib.Adil Əliyev yeni prezidentə inandığını bildirib və ona gələcək fəaliyyətində uğurlar arzulayıb.Orxan Əliyev isə göstərilən etimada görə təşəkkürünü bildirib və bu etimadı doğruldacağına söz verib: “Azərbaycan Kikboksinq Federasiyasının prezidenti seçilmək mənim üçün qürurvericidir. Mənə göstərilən etimadı doğrultmağa, federasiyanı daha da irəli aparmağa çalışacağam. Azərbaycan Kikboksinq Federasiyası ölkədə idmanın inkişafına töhfə verməyə davam edəcək”.Qeyd edək ki, O.Əliyev 1981-ci ildə anadan olub. O, 2002-ci ildə Bakı Dövlət Universitetinin Tarix fakültəsini bitirib və özəl sektorda uğurlu fəaliyyət göstərib. Müxtəlif beynəlxalq biznes forumları və konfranslarda Azərbaycanı təmsil edən O.Əliyev beynəlxalq idman yarışlarının təşkilatçısı və sponsoru olub. Azərbaycan, ingilis, türk və rus dillərini bilir.xeber100.com

“Qalatasaray” futbol klubu heyətinə yeni yarımmüdafiəçi cəlb edib

İstanbulun “Qalatasaray” futbol klubu heyətinə yeni yarımmüdafiəçi cəlb edib.Türkiyə mətbuatı xəbər verir ki, Super Liqa komandası İngiltərənin “Stok Siti” klubunun yarımmüdafiəçisi Oqenekaro Peter Etobonu heyətinə qatıb.Nigeriya millisinin yarımmüdafiəçisi “Qalatasaray”da icarə əsasında çıxış edəcək. İstanbullular 25 yaşlı futbolçunu birdəfəlik transfer etmək hüququna malik olacaqlar.“Qalatasaray” tezliklə bu keçidi rəsmən bəyan etməyə hazırlaşır.Qeyd edək ki, sentyabrın 17-də “Qalatasaray” UEFA Avropa Liqasının ikinci təsnifat mərhələsində “Bakcell Arena”da Bakının “Neftçi” komandası ilə qarşılaşacaq. Matç saat 20:00-da başlayacaq.xeber100.com

“İnter” klubunun müdafiəçisi karyerasını “Renn”də davam etdirə bilər

İtaliyanın “İnter” klubunun müdafiəçisi Dieqo Qodin karyerasını “Renn”də davam etdirə bilər.İtaliya mətbuatı xəbər verir ki, bu mövsüm Liqa 1-də yüksək yerlər uğrunda mübarizə aparan Fransa təmsilçisi artıq uruqvaylı futbolçunun agenti ilə danışıqlara başlayıb.Qodinin Milan klubu ilə müqavilə müddəti isə 2022-ci ildə başa çatacaq. Ötən mövsüm A seriyasında 23 oyun keçirən 34 yaşlı müdafiəçi 1 qol və 1 məhsuldar ötürmə ilə yadda qalıb.xeber100.com

“Barselona” futbol klubu yeni formasını təqdim edib

İspaniyanın “Barselona” futbol klubu yeni formasını təqdim edib.Azərtac klubun saytına istinadla xəbər verir ki, bir müddətdir Kataloniya təmsilçisinin rəhbərliyi ilə arasında problem yaşanan komandanın kapitanı Lionel Messi də təqdimatda iştirak edib. O, üçüncü formanı təqdim edib.Otuz üç yaşlı argentinalı hücumçu bir neçə gün əvvəl “Barselona”dan ayrılmaq istədiyini, ancaq klubunu məhkəməyə verməmək üçün fikrini dəyişdiyini açıqlayıb.Qeyd edək ki, Messi ötən mövsüm Kataloniya təmsilçisinin heyətində keçirdiyi 44 matçda 31 qolun müəllifi olub.xeber100.com

Futbol üzrə UEFA Millətlər Liqasının növbəti oyunları keçirilib

Futbol üzrə UEFA Millətlər Liqasının 2020-2021-ci illər mövsümünün ikinci turunun növbəti oyunları keçirilib.Azərtac xəbər verir ki, turun ikinci oyun günündə A, B və C liqalarında ümumilikdə 8 qarşılaşma baş tutub.Turun mərkəzi qarşılaşması “Yoxan Kroyff Arena”da stadionunda olub. Niderland millisi öz meydanında İtaliya seçməsini qəbul edib. Görüş italyanlıların 1:0 hesablı qələbəsi ilə başa çatıb. Oyunda yeganə qol matçın 45-ci dəqiqəsində vurulub. Ciro İmmobilenin cinah ötürməsini Nikolo Barella dəqiq baş zərbəsi ilə tamamlayıb.Birinci turda Niderland millisi Polşa komandasını (1:0) məğlub edib. İtaliya seçməsi isə ev oyununda Bosniya və Herseqovina millisi ilə heç-heçə edib – 1:1.Günün digər görüşlərində aşağıdakı hesablar qeydə alınıb: A liqası (1-ci qrup) Bosniya və Herseqovina – Polşa - 1:2. B liqası (1-ci qrup) Avstriya – Rumıniya - 2:3; Şimali İrlandiya – Norveç - 1:5. B liqası (2-ci qrup) Çexiya – Şotlandiya - 1:2; İsrail – Slovakiya - 1:1. C liqası (4-cü qrup) Qazaxıstan – Belarus - 1:2; Albaniya – Litva - 0:1. Qeyd edək ki, Azərbaycan millisi sentyabrın 8-də səfərdə Kipr seçməsinin qonağı olacaq. Yığma komandamız birinci turda Bakıda Lüksemburq yığmasına məğlub olub (1:2). Kipr isə səfərdə Monteneqro seçməsinə uduzub – 0:2.xeber100.com

UEFA Millətlər Liqasının ilk turundan sonra statistik göstəricilər

UEFA Millətlər Liqasının ilk turundan sonra statistik göstəricilər açıqlanıb.Azərtac xəbər verir ki, birinci turda keçirilən 27 qarşılaşmadan sonra Azərbaycan millisinin qapıçısı Emil Balayev fərqlənən futbolçular arasında yer alıb. Belə ki, o, millinin evdə Lüksemburqa 1:2 hesabı ilə uduzduğu matçda 6 qurtarış etməklə ilk beşliyə düşüb.Şimali İrlandiya millisinin qapıçısı Beyli Pikok-Ferrell birinci olub. David de Xea (İspaniya), Yan Oblak (Sloveniya) və Dominik Livakoviç (Xorvatiya) növbəti yerdə qərarlaşıblar.xeber100.com

“Qəbələ”nin hədəfinə düşən daha bir futbolçunun adı açıqlanıb

Yeni mövsüm öncəsi iki legioner transfer edən “Qəbələ”nin hədəfinə düşən daha bir futbolçunun adı açıqlanıb. Bu, Viktor Monjildir.Azərtac xəbər verir ki, klub ispaniyalı müdafiəçiyə 1+1 illik müqavilə təklif edib. İyirmi səkkiz yaşlı mərkəz oyunçusu “Volyadolid”in yetirməsidir. O, 2010-2012-ci illərdə bu klubun əvəzedici və əsas komandalarında çıxış edib. 2012-2014-cü illərdə “Atletiko B”nin formasını geyinib. Ardınca İspaniyanın aşağı liqalarında “Alkovano”, “Merida”, “Pontevedra” və “Levante B”nin uğurları üçün çalışıb. V.Monjil 2019-cu ildə Avropa Liqası çərçivəsində Tbilisinin “Dinamo” komandasının heyətində “Qəbələ”yə qarşı oynayıb.Bu ilin əvvəlində Hindistana yollanan futbolçu ATK-nın heyətində 8 oyun keçirib.xeber100.com

“Neftçi” futbol klubu “Qalatasaray”la yeni transferlərini reallaşdırıb

Bakının “Neftçi” futbol klubunun UEFA Avropa Liqasının II təsnifat mərhələsindəki rəqibi Türkiyənin “Qalatasaray” klubu yeni transferlərini reallaşdırıb.Azərtac klubun saytına istinadla xəbər verir ki, Super Liqa təmsilçisi iki futbolçunu heyətinə cəlb edib.Bunlar Birinci liqada mübarizə aparan “Altınordu”nun gənc oyunçuları Sarper Çağlar və Efe Mustafa Çətindir. On yeddi yaşlı futbolçuları transfer edən istanbullular əvəzində yarımmüdafiəçi Birhan Vatanseveri “Altınordu”nun nəzdində fəaliyyət göstərən “Niğde Anadolu” komandasına veriblər.Qeyd edək ki, “Neftçi”–“Qalatasaray” matçı sentyabrın 17-də “Bakcell Arena”da keçiriləcək.xeber100.com

“Mançester Siti” klubu “Napoli”nin müdafiəçisini heyətinə qatmaq istəyir

“Mançester Siti” klubu “Napoli”nin müdafiəçisi Kalidu Kulibalini heyətinə qatmaq istəyir.Azərtac xəbər verir ki, Premyer Liqa təmsilçisi 29 yaşlı müdafiəçiyə görə italyanlara 75 milyon avro ilə yanaşı, bonuslar da təklif etməyə hazırdır. Halbuki, bir müddət öncə “Napoli” “şəhərlilər”in 70 milyon avro dəyərində təklifini rədd etmişdi. Artıq İtaliya mətbuatı Kulibalinin “Mançester Siti” ilə müqavilə şərtlərini razılaşdırdığını yazır.Seneqal millisinin müdafiəçisinin “Napoli” ilə müqavilə müddəti 2023-cü ildə başa çatacaq.xeber100.com

UEFA Millətlər Liqasının növbəti oyunları keçirilib

Sentyabrın 5-də futbol üzrə UEFA Millətlər Liqasının 2020-2021-ci illər mövsümünün birinci turunun növbəti oyunları keçirilib.Azərtac xəbər verir ki, turun üçüncü oyun günündə 9 qarşılaşma oynanılıb.C liqasının 1-ci qrupunda yer alan Azərbaycan millisi turnirdə mübarizəyə məğlubiyyətlə başlayıb. Canni De Byazinin baş məşqçisi olduğu kollektiv Bakı Olimpiya Stadionunda Lüksemburq seçməsinə 1:2 hesabı ilə məğlub olub.Bu qrupun digər oyununda Kipr millisi öz meydanında Monteneqro yığmasına 0:2 hesabı ilə məğlub olub.A Liqasının 2-ci qrupunda İngiltərə səfərdə İslandiyanı minimal hesabla enib - 1:0. Danimarka seçməsi isə evdə Belçika komandasına uduzub – 0:2.Günün digər görüşlərində aşağıdakı hesablar qeydə alınıb: A liqası (3-cü qrup) Portuqaliya - Xorvatiya - 4:1; İsveç - Fransa - 0:1. C liqası (2-ci qrup) Şimali Makedoniya – Ermənistan - 2:1; Estoniya – Gürcüstan - 0:1.xeber100.com