“Sabah” klubu yoxlama oyununda “Sumqayıt”la üz-üzə gəlib

Bakının "Sabah" fubol klubu yoxlama oyununda "Sumqayıt"la üz-üzə gəlib.Azərtac xəbər verir ki, "Bank Respublika Arena"da keçirilən görüş rəqibin qələbəsi ilə (1:3) yekunlaşıb.Matçda paytaxt təmsilçilərinin yeganə qoluna Kevin Kubemba imza atıb. "Sumqayıt"ın heyətində isə Əli Qurbani (iki qol) və Murad Xaçayev fərqləniblər.Xatırladaq ki, "Sabah" Azərbaycan Premyer Liqasının II turunda "Qəbələ" ilə qarşılaşacaq. Görüş sentyabrın 13-də saat 19:00-da "Bank Respublika Arena"da baş tutacaq.xeber100.com

“Keşlə” futbol klubudoğma meydanda “Səbail”i qəbul edib

Azərbaycan Premyer Liqasının ikinci turuna hazırlığı davam etdirən "Keşlə" futbol klubu yoxlama oyunu çərçivəsində doğma meydanda "Səbail"i qəbul edib.Azərtac xəbər verir ki, iki paytaxt təmsilçisinin üz-üzə gələdiyi görüşdə "Keşlə" "Səbail"in qapısından üç cavabsız qol keçirib. "Keşlə"nin hər üç qolunun müəllifi Silvio Rodriqes Junior olub.Qeyd edək ki, "Keşlə" ölkə çempionatının birinci turunda səfərdə "Sumqayıt"ı 1:0 hesabı ilə məğlub edib. "Neftçi" isə doğma meydanda "Səbail"i 2:1 hesabı ilə üstələyib.xeber100.com

7-ci beynəlxalq şahmat festivalı davam edir

İtaliyanın Katolika şəhərində Azərbaycan təmsilçisi Ülvi İsmayılovun da iştirak etdiyi 7-ci beynəlxalq şahmat festivalı davam edir.Azərtac xəbər verir ki, şahmatçımız 6 turun nəticəsinə görə, 4,5 xalla birinci yerə yüksəlib.Turnir İsveçrə sistemi üzrə keçirilir və 7 turdan ibarətdir.xeber100.com

UEFA Millətlər Liqasının ikinci turu çərçivəsində

Futbol üzrə UEFA Millətlər Liqasının ikinci turu çərçivəsində keçiriləcək Kipr-Azərbaycan oyununun hakimləri müəyyənləşib.Azərtac xəbər verir ki, matçı Slovakiyadan olan hakimlər briqadası idarə edəcək. Qarşılaşmanın baş hakimi Filip Qlova olacaq. Ona Peter Bednar və Frantişek Ferenç kömək edəcəklər. Dördüncü hakim funksiyasını isə Boris Marhefka yerinə yetirəcək.Qeyd edək ki, sentyabrın 8-də baş tutacaq görüş Bakı vaxtı ilə saat 22:45-də start götürəcək.xeber100.com

“Azərreyl” voleybol klubu əməkdaşlıq müqaviləsi imzalayıb

Bakının “Azərreyl” voleybol klubunun meneceri Zaur Namazov və “Acıbadəm” klinikalar şəbəkəsinin rəhbəri Mehmet Ali Aydınlar arasında görüş keçirilib.Azərtac kluba istinadla xəbər verir ki, görüşün sonunda tərəflər arasında əməkdaşlıq müqaviləsi imzalanıb.Görüşdə millimizin üzvü Şəfaqət Alışanova da iştirak edib.“Acıbadəm” xəstəxanalar şəbəkəsi Azərbaycan Voleybol Federasiyasının qadınlardan ibarət komandasının, eyni zamanda “Azerreyl” klubunun sponsoru olacaq.xeber100.com

“Benfika” klubu heyətini yeni futbolçu ilə gücləndirib

Portuqaliyanın “Benfika” klubu heyətini yeni futbolçu ilə gücləndirib.Azərtac xəbər verir ki, “Benfika” klubu “Almeriya”dan Darvin Nunezi transfer edib. Portuqaliya klubu bu transfer üçün 24 milyon avro ödəyib. Bu, həm klub tarixinin, həm də Portuqaliya çempionatının ən bahalı transferi olub.“Benfika” klubu Uruqvay millisinin üzvü ilə 2025-ci ilədək müqavilə imzalayıb.xeber100.com

“Real Madrid” futbol klubunun “Çelsi”yə ödədiyi məbləğ aşıqlanıb

“Real Madrid” klubunun Eden Hazarda görə “Çelsi”yə ödədiyi məbləğ məlum olub.“COPE” nəşri xəbər verir ki, Madrid təmsilçisi bu transferə görə 160 milyon avro ödəməlidir. Halbuki buna qədər belçikalı futbolçunun transferinə görə 100 milyon avro xərclənəcəyi haqda xəbərlər dolaşırdı.İspaniya nəşrinin Belçika mətbuatına istinadən verdiyi məlumata inansaq, “Real” 3 mərhələdə “Çelsi”yə ödəniş etməlidir. Ötən il bu məbləğ 40 milyon avro təşkil edirdisə, bu il 56, növbəti il isə 64 milyon avro ödənməlidir. Bununla yanaşı, 3 il ərzində Hazardı yetişdirən Belçikanın “Tübiz” klubunun hesabına da müvafiq olaraq 200, 280 və 320 min avro köçürülməlidir.xeber100.com

Azərbaycan Milli Paralimpiya Komitəsinin təşkilatçılığı ilə…

Sentyabrın 5-də Azərbaycan Milli Paralimpiya Komitəsinin (AMPK) təşkilatçılığı ilə Bakı Olimpiya İdman Kompleksində Paralimpiya və Olimpiyaçı idmançıların iştirakı ilə kamandan oxatma növü üzrə “Birlik kuboku” açıq yarışı keçirilib.AMPK-dan Azərtac-a bildiriblər ki, yarışda komitənin prezidenti İlqar Rəhimov, baş katib Kamal Məmmədov, idman şöbəsinin müdiri, eyni zamanda, “Tokio-2020” Yay Paralimpiya Oyunlarında ölkəmizi təmsil edəcək milli komandanın şef-de-missionu Rauf Mürsəlov, Azərbaycan Kamandan Oxatma Federasiyasının nümayəndələri iştirak ediblər.Gənclər və İdman Nazirliyinin tövsiyəsi ilə yarış açıq hava şəraitində keçirilib. Kubok yarışlarında 20 idmançı mübarizə aparıb.Qeyd edək ki, “Birlik kuboku” COVID-19 koronavirus pandemiyası ilə əlaqədar ölkədə tətbiq edilmiş sərt karantin rejimindən sonra paralimpiyaçıların iştirakı ilə keçirilən ilk yarışdır. Turnir Nazirlər Kabineti yanında Operativ Qərargahın qərarlarına riayət edilməsi üçün yaradılmış xüsusi işçi qrupunun nəzarəti altında keçirilib.xeber100.com

Futbol üzrə milli komandamız 2020/2021-ci il mövsümündə

Futbol üzrə Azərbaycan milli komandası UEFA Millətlər Liqasının 2020/2021-ci il mövsümündə mübarizəyə başlayır.Azərtac xəbər verir ki, saat 20:00-da millimiz Bakı Olimpiya Stadionunda Lüksemburq yığmasını qəbul edəcək.Komandaların matç üçün start heyətləri açıqlanıb.Azərbaycan millisinin heyətində meydana Emil Balayev, Bəhlul Mustafazadə, Maksim Medvedev, Bədavi Hüseynov, Anton Krivotsyuk, Qara Qarayev, Elvin Camalov, Təmkin Xəlilzadə, Namiq Ələsgərov, Mahir Emreli və Ramil Şeydayev çıxacaqlar.Lüksemburq komandasının ilk onbirliyində isə Anthoni Moris, Vahid Selimoviç, Lars Gerson, Kristofer Martins, Gerson Rodriges, Vinsen Till, Dirk Karlson, Olivye Till, Leandro Barreyro, Laoren Yans və Mauritse Devill yer alıblar.Matçı İngiltərədən olan hakimlər briqadası idarə edəcək. Matçın baş hakimi Kris Kavanaq olacaq. Ona Daniel Riçard Kuk və Sian Massey kömək edəcəklər. Dördüncü hakim funksiyasını Pol Tirni yerinə yetirəcək.Qarşılaşmanın hakim-inspektoru Stefano Podeski (San-Marino), UEFA nümayəndəsi isə türkiyəli Metin Kazancıoğlu olacaq.Bu, baş məşqçi Canni De Byazinin millimizdə ilk sınağı olacaq.Görüş “CBC Sport” kanalı vasitəsilə canlı yayımlanacaq.Millimizin yer aldığı qrupun digər oyununda Kipr millisi evdə Monteneqro yığmasını qəbul edəcək.xeber100.com

“İnter” futbol klubu növbəti transferini gerçəkləşdirəcək

İtaliyanın “İnter” futbol klubu “Roma” komandasının müdafiəçisi Aleksandar Kolarovu transfer etməyə yaxındır.İtaliya mətbuatı xəbər verir ki, 34 yaşlı serbiyalı müdafiəçi ilə razılıq əldə olunub. Futbolçunun Milan təmsilçisi ilə 1+1 il şərti ilə müqavilə imzalayacağı bildirilib. “İnter”in Serbiya millisinin kapitanı üçün “Roma”ya 1,5 milyon avro təzminat ödəyəcəyi qeyd olunub.Qeyd edək ki, Kolarov ötən mövsümdə paytaxt klubunun heyətində keçirdiyi 42 matçda 7 qol vurub.xeber100.com