“Qalatasaray” futbol klubu heyətinə yeni futbolçu cəlb edib

UEFA Avropa Liqasının ikinci təsnifat mərhələsində paytaxtın “Neftçi” komandası ilə qarşılaşacaq Türkiyənin “Qalatasaray” klubu heyətinə yeni futbolçu cəlb edib.Azərtac klubun rəsmi saytına istinadla xəbər verir ki, “sarı-qırmızılılar” aşağı liqa təmsilçisi “Ərzincanspor”un futbolçusu Kərəm Aktürkoğlunu transfer edib.İyirmi iki yaşlı yarımmüdafiəçi ilə dörd illik müqavilə imzalanıb.“Başakşehir”, “Bodrumspor”un da aşağı liqalarında oynayan futbolçu ötən mövsüm 34 görüşdə 20 qol vurub.Qeyd edək ki, sentyabrın 17-də “Bakcell Arena”da təşkil olunacaq “Neftçi” – “Qalatasaray” matçı saat 20:00-da başlayacaq.xeber100.com

Tokio Yay Olimpiya və Paralimpiya Oyunlarının məşəli təqdim olunub

Gələn ilin yayınadək təxirə salınmış Tokio Yay Olimpiya və Paralimpiya Oyunlarının məşəli Yaponiya paytaxtının ictimaiyyətinə təqdim olunub.Azərtac xəbər verir ki, bu münasibətlə keçirilən mərasimdə Yaponiya hökumətinin, Milli Olimpiya Komitəsinin, Tokio administrasiyasının və Oyunların təşkilat komitəsinin üzvləri və ictimaiyyət nümayəndələri iştirak ediblər.Xatırladaq ki, Olimpiya məşəli Yunanıstandan Yaponiyaya martın 20-də, Oyunların gələn ilədək təxirə salınması barədə qərarın qəbulundan dörd gün əvvəl gətirilib. Məşəl Tokionun Şincuku rayonunda yerləşən Yaponiya Olimpiya Muzeyində nümayiş etdirilir.Mərasimdə çıxış edən Yaponiya Milli Olimpiya Komitəsinin sədri Yamaşita Yasuhiro bildirib ki, Olimpiya və Paralimpiya Oyunlarına qatılmaq istəyən idmançılar hazırda yorulmadan məşq edirlər. Tokioda Olimpiya məşəlinin ictimaiyyətə təqdim edilməsi bu idmançılara emosional dəstəkdir.Yaponiya Olimpiya və Paralimpiya Oyunları naziri xanım Haşimoto Seyko isə bildirib ki, məşəl ümid deməkdir. Yaponiya hökuməti koronavirusun yayılmasının qarşısını almaq və Oyunların yüksək səviyyədə təşkili üçün əlindən gələni edəcək.Qeyd edək ki, Olimpiya məşəlinə baxmaq istəyənlər əvvəlcədən bron götürməlidirlər. Eyni zamanda, muzey koronavirus pandemiyası ilə əlaqədar tamaşaçıların sayını azaltmağa çalışır. Muzeyə girişin qiyməti 500 yen (təqribən 5 dollar) olsa da, uşaqlar və məktəblilər üçün biletlər ödənişsizdir.Olimpiya məşəli ziyarətçilərə noyabrın 1-dək nümayiş etdiriləcək.xeber100.com

Beynəlxalq Şahmat Federasiyası reytinq siyahısını açıqlayıb

Beynəlxalq Şahmat Federasiyası (FIDE) sentyabrın 1-nə olan reytinq siyahısını açıqlayıb.Azərtac xəbər verir ki, yeni reytinq siyahısına görə, şahmatçılarımızın mövqeyində cüzi dəyişiklik olub. Belə ki, təmsilçimiz Teymur Rəcəbov (2765) əvvəlki kimi 9-cu, Şəhriyar Məmmədyarov isə 11-ci pillədə (2764) qərarlaşıblar.Şahmatçılarımız Qədir Hüseynov (2665, 71-ci yer) və Nicat Abasov (2664, 73-cü) bir pillə irəliləyiblər. Rauf Məmmədovun (2654) mövqeyi isə dəyişməz qalıb (91-ci yer).Siyahıda ilk üçlükdə hazırkı dünya çempionu, norveçli Maqnus Karlsen (2863), amerikalı Fabiano Karuana (2835) və çinli Liren Dinq (2791) qərarlaşıblar.Qadınların reytinq cədvəlinə çinli Hou Yifan (2658) başçılıq edir. Hindistan şahmatçısı Humpi Koneru (2586) ikinci, rusiyalı Aleksandra Qoryaçkina (2582) isə üçüncüdür.Qadın şahmatçılarımızdan Günay Məmmədzadə mövqeyini qoruyub (2443, 29-cu yer). İlk yüzlükdə yer alan digər iki şahmatçımız iki pillə irəliləyiblər. Belə ki, Gülnar Məmmədova (2382) 73-cü, Xanım Balacayeva (2376) 85-ci yerə yüksəliblər.xeber100.com

Azərbaycan və Monqolustan şahmatçıları arasında yoldaşlıq görüşü keçirilib

Avqustun 31-də Azərbaycan və Monqolustan şahmatçıları arasında yoldaşlıq görüşü keçirilib.Azərtac xəbər verir ki, heyətində Xəzər Babazadə, Atilla Eynullayev, Vüqar Manafov, Altay Eynullayev, Şiroğlan Talıbov, Süleyman Süleymanlı, Fərid Orucov, Cahandar Azadəliyev, Ayan Allahverdiyeva, Mələk İsmayılın yer aldığı Azərbaycan komandası 246:177 hesabı ilə Monqolustan şahmatçılarını məğlub edib.Blits üzrə keçirilən turnirdə 16 yaşadək şahmatçılar iştirak ediblər. Yarış “Lichess.org” platforması vasitəsilə keçirilib.xeber100.com

Milli Basketbol Assosiasiyasının pley-off mərhələsində

Milli Basketbol Assosiasiyasının (MBA) pley-off mərhələsində mübarizə davam edir.Azərtac xəbər verir ki, dörddəbir finalda “Toronto Reptors” “Boston Seltiks”lə qarşılaşıb. Orlandoda keçirilən görüşə Boston basketbolçuları daha yaxşı başlayaraq birinci hissədə 39:23 hesabı ilə üstün olublar. “Boston Seltiks” böyük fasiləyədək xal fərqini 17-yə çatdırıb – 59:42. Üçüncü hissədə Toronto komandası qalib gəlsə də, yekunda 94:112 hesabı ilə məğlub olublar.Oyunun ən yaxşısı Ceyson Teytum olub. “Boston Seltiks”in basketbolçusu 21 xal, 9 ribaund, 2 məhsuldar ötürmə ilə yadda qalıb. Beləliklə, “Boston Seltiks” seriyaya qələbə ilə başlayıb.xeber100.com

İspaniya çempionatında “El Klassiko” matçlarının tarixi müəyyənləşib

İspaniya çempionatında yeni mövsümün “El Klassiko” matçlarının tarixi müəyyənləşib.La Liqanın saytı xəbər verir ki, ölkə çempionatında 2020-2021-ci il mövsümündə “Real Madrid” və “Barselona” arasında ilk matç 7-ci tur çərçivəsində oktyabrın 25-i “Nou Kamp” stadionunda olacaq. İkinci “El Klassiko” isə 2021-ci il aprelin 11-də 30-cu tur çərçivəsində Madriddəki “Santyaqo Bernabeu”da oynanılacaq.Xatırladaq ki, ötən mövsümdə La Liqanın qalibi Madrid təmsilçisi olub.xeber100.com

UEFA Avropa Liqasının III təsnifat mərhələsində

UEFA Avropa Liqasının III təsnifat mərhələsinin sentyabrın 1-də keçiriləcək püşkatma mərasimindən əvvəl səbətlərə bölgüdə qruplaşma aparıb.Azərtac xəbər verir ki, II təsnifat mərhələsində Bakının “Neftçi” və Türkiyənin “Qalatasaray” komandaları arasında təşkil olunacaq görüşün qalibi daha yüksək reytinqlilərdən ibarət səpələnmişlər səbətinə düşüb. Cütün qalibinin potensial rəqibləri isə “Sönderyüske” (Danimarka), B36 (Torshavn, Farer Adaları) - TNS (Uels), “Renova” (Şimali Makedoniya) – “Hayduk” (Split, Xorvatiya) və “Olimpiya” (Lyublyana, Sloveniya) – “Zrinski” (Bosniya və Herseqovina) duelinin qalibi olacaq.Qeyd edək ki, İsveçrənin Nyon şəhərində keçiriləcək püşkatma mərasimi saat 15:00-da başlayacaq.xeber100.com

İtaliya çempionatının – A Seriyasının başlanma vaxtı açıqlanıb

Futbol üzrə İtaliya çempionatının – A Seriyasının 2020-2021-ci il mövsümünün başlanma vaxtı açıqlanıb.Azərtac qurumun rəsmi “Twitter” səhifəsinə istinadla xəbər verir ki, yeni mövsüm sentyabrın 19-da start götürəcək. Yeni təqvimin püşkatma mərasimi sentyabrın 2-də baş tutacaq.xeber100.com

“Qəbələ” futbol klubu hazırlıqlarını davam etdirir

Region təmsilçisi olan “Qəbələ” futbol klubu milli komandaların matçları ilə əlaqədar Azərbaycan Premyer Liqasında yaranan fasilə dövründə hazırlıqlarını davam etdirir.Azərtac xəbər verir ki, Bakıda təşkil olunan hazırlıq çərçivəsində “Qəbələ” “Səbail” klubu ilə yoxlama oyununda qüvvəsini sınayıb.Bakı Olimpiya Stadionunun ehtiyat meydanında keçirilən görüş “Qəbələ”nin qələbəsi ilə başa çatıb - 1:0.Qarşılaşmada yeganə qolu Nikolas Raysel vurub. O, 75-ci dəqiqədə onbirmetrlik cərimə zərbəsində fərqlənib.Qeyd edək ki, Azərbaycan çempionatının birinci turunda “Qəbələ” doğma meydanda “Zirə” ilə heç-heç edib(1:1), “Səbail” isə səfərdə “Neftçi”yə uduzub (2:1).xeber100.com  

“Milan” klubu yeni mövsüm üçün növbəti transferini reallaşdırıb

İtaliyanın “Milan” klubu yeni mövsüm üçün növbəti transferini reallaşdırıb.Xarici KİV-lər xəbər verir ki, “Breşiya”nın və İtaliya millisinin gənc futbolçusu Sandro Tonalli “Milan”a transfer olunub.Keçidə görə Milan təmsilçiyə 30 milyon avro ödəməli olacaq. Futbolçu ilə beşillik müqavilə imzalanacaq.Qeyd edək ki, Tonalli “Breşiya”nın heyətində 88 oyunda meydana çıxıb, 23 məhsuldar ötürmə və 6 qolla yadda qalıb.xeber100.com