Alpaqut döyüş sənəti üzrə ikinci dünya çempionatı keçiriləcək

Bakıda alpaqut döyüş sənəti üzrə ikinci dünya çempionatı keçiriləcək.Azərbaycan Alpaqut Federasiyasının mətbuat xidmətindən Azərtac-a verilən məlumata görə, dünya çempionatı noyabrın 22-24-də “Sərhədçi” İdman Olimpiya Mərkəzində təşkil ediləcək.Yarış alpaqut döyüş sənətinə daxil olan aypara, batur, caymaz, qurşaq və kaçut sistemləri üzrə baş tutacaq.xeber100.com

Şahmat üzrə “FIDE Grand Swiss 2019” turniri başa çatıb

Böyük Britaniyanın Men adasında şahmat üzrə “FIDE Grand Swiss 2019” turniri başa çatıb.Azərtac xəbər verir ki, son turda şahmatçılarımız Nicat Abbasov ABŞ təmsilçisi Jefferi Sionq, Rauf Məmmədov türkiyəli Mustafa Yılmaz, Eltac Səfərli yunanıstanlı İoannis Papaioannou ilə heç-heçə ediblər. Komandamızın digər üzvü Vasif Durarbəyli isə amerikalı Qata Kamskiyə məğlub olub.Turnirdə təmsilçilərimizdən ən yüksək nəticə N.Abbasova məxsusdur. O, 11 mümkün xaldan 6,5 xal toplayaraq 15-ci yeri tutub. Digər şahmatçılarımız R.Məmmədov 5,5 xalla 60-cı, E.Səfərli eyni xalla 65-ci, V.Durarbəyli isə 5 xalla 109-cu pillədə qərarlaşıb. Turnirin qalibi 8 xalla çinli şahmatçı Hao Yanq olub. O, eyni zamanda 2020-ci ildə keçiriləcək iddiaçılar turnirinə vəsiqə əldə edib. Onunla eyni xala malik olan Fabiano Karuana ikinci, rusiyalı Kiril Alekseenko 7,5 xalla üçüncü yeri tutublar.xeber100.com

Futbol üzrə Türkiyə Superliqasının VIII turunun son oyununda

Oktyabr 21-də futbol üzrə Türkiyə Superliqasının VIII turunun son oyununda “Yeni Malatyaspor” səfərdə “Konyaspor”un qonağı olub.Azərtac xəbər verir ki, “Konya Böyük Şəhər” stadionunda baş tutan görüş hər iki tərəfin maraqlı oyunu ilə yadda qalıb. Qarşılaşmanın 1-ci dəqiqəsində meydan sahibləri azlıqda qalıb. Sərkan Kırıntılı qırmızı vərəqə alaraq meydandan qovulub. Cəmi 3 dəqiqə sonra qonaqların yarımmüdafiəçisi Güilherme komandasını hesabda irəli keçirib. Birinci hissə elə bu hesabla bitib. Malatya təmsilçisi bir daha matçın 52-ci dəqiqəsində fərqlənib. Robin Yalçın oyunda son nöqtəni qoyub.Beləliklə “Yeni Malatyaspor” səfərdə “Konyaspor”u 0:2 hesabı ilə məğlub edib.VIII turun son oyunundan sonra turnir cədvəlində “Alanyaspor” 17 xalla liderdir. “Trabzonspor” çempionatda 15 xalla ikinci, “Fənərbağça” isə 14 xalla üçüncü pillədə qərarlaşıb.xeber100.com

UEFA Çempionlar Liqasının 2019-2020-ci il mövsümünün qrup mərhələsində

Oktyabrın 22-də UEFA Çempionlar Liqasının 2019-2020-ci il mövsümünün qrup mərhələsinin üçüncü turuna start veriləcək.Azərtac xəbər verir ki, bu turnirdə Türkiyənin yeganə təmsilçisi “Qalatasaray” doğma azarkeşlər önündə İspaniyanın “Real Madrid” klubunu qəbul edəcək. A qrupunda mübarizə aparan hər iki klubun aktivində 1 xal var. “Qalatasaray” ilk turda səfərdə Belçikanın “Brügge” komandası ilə heç-heçə (0:0) edib, ikinci oyununda Fransanın “Paris Sen-Jermen” klubuna məğlub olub – 1:0. Qrupun digər oyununda “Brügge” “Paris Sen-Jermen”ni qəbul edəcək.İlk oyun günündə A, B, C və D qruplarında, ümumilikdə, 8 qarşılaşma oynanılacaq: A qrupu “Qalatasaray” (Türkiyə) – “Real Madrid” (İspaniya) “Brügge” (Belçika) – “Paris Sen –Jermen” (Fransa). Qrupdakı vəziyyət: “Paris Sen –Jermen” – 6, “Brügge” - 2, “Qalatasaray” - 1, “Real Madrid” - 1. B qrupu “Olimpiakos” (Yunanıstan) – “Bavariya” (Almaniya) “Tottenhem” (İngiltərə) – “Srvena Zvezda” (Serbiya) Qrupdakı vəziyyət: “Bavariya” - 6, “Srvena Zvezda” – 3, “Olimpiakos” - 1, “Tottenhem” – 1. C qrupu “Şaxtyor” (Donetsk, Ukrayna) – “Dinamo Zaqreb” (Xorvatiya) “Mançester Siti” (İngiltərə) – “Atalanta” (İtaliya) Qrupdakı vəziyyət: “Mançester Siti” - 6, “Şaxtyor”- 3, “Dinamo Zaqreb” - 3, “Atalanta” - 0. D qrupu “Atletiko Madrid” (İspaniya) – “Bayer Leverkuzen” (Almaniya) “Yuventus” (İtaliya) – “Lokomotiv” (Moskva, Rusiya) Qrupdakı vəziyyət: “Atletiko Madrid” - 4, “Yuventus” - 4, “Lokomotiv” - 3, “Bayer Leverkuzen” - 0.xeber100.com  

“Qızıl top” mükafatına namizədlərin adları açıqlanıb

Oktyabrın 22-də FIFA və “France Football” jurnalı ilin ən yaxşı futbolçusuna veriləcək “Qızıl top” mükafatına namizədlərin adlarını açıqlayıb.Azətac xəbər verir ki, namizədlər siyahısında aşağıdakı 30 futbolçunun adı yer alıb: Sadio Mane ("Liverpul", Seneqal), Serxio Aquero ("Mançester Siti", Argentina), Frenki de Yonq ("Ayaks"/"Barselona", Niderland), Uqo Loris ("Tottenhem Hotspur", Fransa), Duşan Tadiç ("Ayaks", Serbiya), Kilian Mbappe ("Pari Sen-Jermen", Fransa), Trent Aleksander-Arnold ("Liverpul", İngiltərə), Donni van de Bek ("Ayaks", Niderland), Per-Emerik Obameyanq ("Arsenal", Qabon), Mark-Andre ter Şteqen ("Barselona", Almaniya), Kriştiano Ronaldo ("Yuventus", Portuqaliya), Alison Beker ("Liverpul", Braziliya), Mateys de Liqt ("Ayaks"/"Yuventus", Niderland), Kerim Benzema ("Real", Fransa), Jorjino Veynaldum ("Liverpul", Niderland), Virdjil van Deyk ("Liverpul", Niderland), Bernardu Silva ("Mançester Siti", Portuqaliya), Son Hın Min ("Tottenhem Hotspur", Cənubi Koreya), Roberto Firmino ("Liverpul", Braziliya), Robert Levandovski ("Bavariya", Polşa), Lionel Messi ("Barselona", Argentina), Riyad Marez ("Mançester Siti", Əlcəzair), Kevinde Bryoyn ("Mançester Siti", Belçika), Kalidu Kulibali ("Napoli", Seneqal), Antuan Qrizmann ("Atletiko"/"Barselona", Fransa), Məhəmməd Salah ("Liverpul", Misir), Eden Azar ("Çelsi"/"Real", Belçika), Markinos ("Pari Sen-Jermen", Braziliya), Joau Feliş ("Benfika"/"Atletiko", Portuqaliya), Rahim Sterlinq ("Mançester Siti", İngiltərə)."France Football"un versiyasına görə, dünyanın ən yaxşı futbolçusu adı dekabrın 2-də Parisdəki “Şatle” teatrında elan ediləcək. Mükafatların təqdimatı təntənəli mərasimlərin aparıcılarından biri "Çelsi"nin keçmiş hücumçusu Didye Droqba olacaq.Xatırladaq ki, keçən il "Qızıl top"u "Real"ın və Xorvatiya yığmasının yarımmüdafiəçisi Luka Modriç qazanıb.xeber100.com

Türkiyə Superliqasının VIII turu çərçivəsində keçirilən oyunlarda

Oktyabr 20-də futbol üzrə Türkiyə Superliqasının VIII turu çərçivəsində keçirilən oyunlarda “Fənərbağça” səfərdə “Dənizlispor”un qonağı olub.Azərtac xəbər verir ki, görüş hər iki tərəfin hücumları ilə yadda qalıb. Görüşdə hesabı 39-cu dəqiqədə İstanbul klubunun yarımmüdafiəçisi Toqa Ciyərçi açıb. Birinci hissə elə bu hesabla bitib. İkinci hissənin 62-ci dəqiqəsində istanbullular yenidən hesabda irəli keçiblər. Vedat Muruqi komandasının ikinci qolunu vurub. Meydan sahibləri isə 73-cü dəqiqədə Oskar Estupinanın qolu sayəsində hesab arasındakı fərqi minimuma endirib. Bu oyunda vurulan son qol olub. Beləliklə “Fənərbağça” səfərdə 2:1 hesablı ilə “Dənizlispor”u məğlub edib.Günün digər qarşılaşmasında isə “Alanyaspor” doğma meydanda “Rizəspor”u qəbul edib. Görüş meydan sahiblərinin 5:2 hesablı qələbəsi ilə bitib. “Kayserispor” və “Kasımpaşa” oyununda isə qalib müəyyənləşməyib 1:1.Bu oyundan sonra “Alanyaspor” çempionatda 17 xalla liderdir.xeber100.com

İngiltərə Premyer Liqasının 9-cu turunun mərkəzi qarşılaşması keçirilib

Oktyabrın 20-də İngiltərə Premyer Liqasının 9-cu turunun mərkəzi qarşılaşması keçirilib.Azərtac xəbər verir ki, “Mançester Yunayted” öz meydanında turnir cədvəlinin lideri “Liverpul” klubunu qəbul edib.Görüş 1:1 hesabı ilə heç-heçə başa çatıb.Oyunda hesabı 36-ci dəqiqədə Mançester təmsilçisi Markus Reşford açıb. Fasilədən sonra qonaqlar hesaba tarazlıq gətirib. Adam Lallana fərqlənib.“Liverpul” cari mövsüm ilk dəfədir xal itkisi ilə üzləşir. Mersessayd təmsilçisi 8 turun hamısında qələbə qazanaraq turnir cədvəlində 25 xalla liderdir. “Mançester Yunayted” isə 10 xalla 13-cü yerdədir.Xatırladaq ki, “Liverpul”un çempionluq uğrunda əzəli rəqibi “Mançester Siti” oktyabrın 19-da səfərdə “Kristal Palas” klubu ilə qarşılaşıb. Görüş qonaqların 2:0 hesablı qələbəsi ilə başa çatıb. Mançester təmsilçisinin heyətində Qabriel Jesus və David Silva fərqləniblər.“Şəhərlilər” bu qələbə sayəsində xallarının sayını 19-a çatdıraraq ikinci pillədəkı yerin qoruyub saxlayıb.Turun digər oyunlarında aşağıdakı hesablar qeydə alınıb: “Everton” - “Vest Ham” - 2:0; “Bormunt” - “Norviç Siti” - 0:0; “Aston Villa” - “Brayton” - 2:1; “Çelsi” - “Nyukasl” - 1:0; “Lester Siti” - “Börnli” - 2:1; “Tottenhem” - “Vatford” - 1:1; “Volverhemton” - “Southemton - 1:1.xeber100.com

İspaniya La Liqasının IX turunun son qarşılaşmasında

Oktyabrın 20-də futbol üzrə İspaniya La Liqasının IX turunun son qarşılaşmasında “Sevilya” doğma meydanda “Levante”ni qəbul edib.Azərtac xəbər verir ki, “Ramon Sançez Pizxuan” arenasında baş tutan görüşdə meydan sahibləri bir qolla qalib gəliblər. Oyunda yeganə qolu 86-cı dəqiqədə Luk De Yonq vurub. Beləliklə “Sevilya” doğma divarlar arasında “Levante”yə minimal hesabla qalib gəlib 1:0.Günün digər maraqlı qarşılaşması “Real Soseydad” və “Real Betis” arasında baş tutub. Gərgin keçən oyunda Betis təmsilçiləri 3:1 hesabı ilə uduzub.“Departivo Alaves” isə doğma divarlar arasında “Selta Viqo”nu 2:0 hesabı ilə məğlub edib. “Villarreal” isə səfərdə “Espanyol”u minimal hesaba üstələyib 0:1. “Atletiko Bilbao” və “Real Valladolid” qarşılaşmasında isə qalib müəyyənləşməyib.İspaniya çempionatında IX turdan sonra turnir cədvəlinə 19 xalla “Barselona” liderlik edir. Madridin “Real” klubu isə 18 xalla ikincidir. “Atletiko Madrid” və “Sevilya” klubları isə 16 xalla müvafoq olaraq 5 və 6-cı pillədə qərarlaşıblar.xeber100.com

“FIDE Grand Swiss 2019” turnirinin 10-cu turunun oyunları başa çatıb

Böyük Britaniyanın Men adasında şahmat üzrə “FIDE Grand Swiss 2019” turnirinin 10-cu turunun oyunları başa çatıb.Azərtac xəbər verir ki, şahmatçımız Vasif Durarbəyli Svaminathan Soumyanı (Hindistan) məğlub edib. Nicat Abbasov Boris Gelfand, Eltac Səfərli Tamir Nabaty (hər ikisi israilli) ilə heç-heçə ediblər. Rauf Məmmədov polşalı Radoslav Vojtaszekə məğlub olub.On turdan sonra N. Abbasovun 6 xalı var. Komandamızın digər üzvləri hərəyə 5 xal qazanıblar.xeber100.com

Azərbaycan Premyer Liqasında 8-ci turun daha bir oyunu keçirilib

Futbol üzrə Azərbaycan Premyer Liqasında 8-ci turun daha bir oyunu keçirilib.Azərtac xəbər verir ki, “Neftçi” klubu “Zirə"ni qəbul edib. “Bakcell Arena”da keçirilən qarşılaşma meydan sahiblərinin 3:0 hesablı qələbəsi ilə yekunlaşıb. “Neftçi”nin heyətində Dario Frederiko 27-ci dəqiqədə hesabı açıb.İlk hissə bu hesabla bitib. İkinci yarının əvvəlində flaqmanın hücumçusu Baqali Dabo fərqi artırıb.Fransalı oyunçu 46-cı dəqiqədə fərqlənib. Oyunun 77-ci dəqiqəsində isə Stiven Monroz 3-cü qolu rəqib qapısından keçirib. Matç “Zirə”nin yeni baş məşqçisi Zaur Həşimovun bu postda ilk rəsmi oyunu olub.Bu nəticədən sonra xallarının sayını 14-ə çatdıran “Neftçi” ikinci pilləyə yüksəlib və lider “Qarabağ”la xal fərqini azaldıb. “Zirə” isə 8 xalla beşinci yerdə qalıb.Qeyd edək ki, VIII turun ilk oyunlarında “Qarabağ” səfərdə “Qəbələ” ilə, “Sabah” isə “Keşlə” ilə 1:1 hesabı ilə heç-heçə edib.xeber100.com