“Napoli” futbol klubu “PSV Eyndhoven”dən transfer edib

“Napoli” Hollandiyanın “PSV Eyndhoven” klubunun 24 yaşlı meksikalı hücumçusu İrvinq Lozanonu 40 milyon avro qarşılığında transfer edib.Azərtac İtaliyanın “calcionapoli24” saytına istinadla xəbər verir ki, “Napoli”nin baş məşqçisi Karlo Ançelotti futbolçu haqqında bunları söyləyib: “İ.Lozano sol cinahda, hücumun arxasında, bəzən isə sol cinahda oynaya bilər. O, hərtərəfli oyunçudur”.İ.Lozano Hollandiya çempionatının 2017-2018-ci il mövsümündə “PSV Eyndhoven”in əzəli rəqibi “Ayak”sın məğlub olmasında böyük rola malikdir.Bildirilir ki, Meksika millisinin formasını 35 dəfə geyinən futbolçu Rusiyada keçirilən futbol üzrə 2018-ci il Dünya Çempionatının qrup mərhələsində Almaniya komandasının qapısına vurulmuş yeganə qolun müəllifidir.xeber100.com  

Millimiz İsrail, Ukrayna və Latviya yığmaları ilə qarşılaşacaq

On yeddi yaşadək futbolçulardan Azərbaycan yığma komandası avqustun 24-dən 31-dək Ukraynanın paytaxtı Kiyevdə təşkil olunacaq beynəlxalq turnirdə (Viktor Bannikov turniri) iştirak edəcək.Azərtac AFFA-ya istinadla xəbər verir ki, yığmamız Viktor Bannikov turnirində Ukrayna, Latviya və İsrail komandaları birgə “A” qrupunda mübarizə aparacaq.Millimiz avqustun 26-da İsrail, bir gün sonra Ukrayna, ayın 29-da isə Latviya yığması ilə qarşılaşacaq.Yığmamızın turnir üçün heyətində Elgün Bayramov (“Neftçi”), Eldar Tağızadə (“Fundacion Marcet”, İspaniya), Amin Ramazanov (“Lokomotiv Moskva”, Rusiya), Rəşad Həsənov (“Keşlə”), Cəlal Hüseynov (“Zirə”), Raqib Abışov (“Sabah”), Samir Həsənov (“Rubin Kazan”, Rusiya), Nikita Pesotski Çertanovo (“Moskva”, Rusiya), Ülvi Mədətov (“Qəbələ”), Zöhrab Əsədov (“Qarabağ”), Mirəli Əhmədov, Nihad Cəfərov (hər ikisi “Neftçi”), Elnur Mirzəyev (“Zirə”), Rauf Rüstəmli (“Qəbələ”), Əbil Əbilov (“Keşlə”), Vüsal Qəmbərov (“Sabah”), Musa Musazadə (“Qarabağ”), Arif Məmmədov (“Səbail”), Vüsal Əliyev (“Zirə”), Kamal Kazımov (“Keşlə”), Nicat Quliyev (“Səbail”), Nurəli Nurəliyev (“Zirə”), Mirmövsüm Canıyev (“Qarabağ”) və Vaqif Həsənov (“Keşlə”) yer alıblar.xeber100.com

TASS agentliyinin məlumatına görə…

Meksikalı boksçu Andi Ruiz dekabrın 7-də Səudiyyə Ərəbistanında britaniyalı Antoni Joşua ilə revanş görüşünə razılıq verib.TASS agentliyi xəbər verir ki, bu barədə meksikalı idmançı özünün “Twitter” səhifəsində yazıb.KİV-lərin məlumatına görə, A.Ruiz döyüş keçirmək üçün müqavilə imzalayıb. Mübarizənin ümumi mükafat fondunun təxminən 100 milyon ABŞ dolları olacağı bildirilir.İdmançılar arasında ilk döyüş cari il iyunun 1-də baş tutub. Britaniyalı karyerasında ilk dəfə Beynəlxalq Boks Federasiyasının (IBF), Ümumdünya Boks Assosiasiyasının (WBA) və Ümumdünya Boks Təşkilatının (WBO) superağır çəkidə çempionluq kəmərlərindən məhrum olub. Peşəkar karyerasında A.Joşua 23 döyüşdə 22 qələbə qazanıb və birində məğlubiyyətlə üzləşib. A.Ruiz isə 34 döyüşdən birində məğlub olub.xeber100.com

Futzal üzrə “Kubok Kaspiya 2019” beynəlxalq turniri keçiriləcək

Sentyabrın 21-26-da Həştərxanda futzal üzrə “Kubok Kaspiya 2019” beynəlxalq turniri keçiriləcək.Azərtac xəbər verir ki, turnirdə Rusiya, Azərbaycan, Qazaxıstan və İran milli komandaları iştirak edəcəklər.xeber100.com

Braziliya yığmasının hücumçusu PSJ klubuna transfer olacaq

Braziliya yığmasının hücumçusu Neymar heyətində oynadığı Fransanın PSJ klubu ilə yaxınlaşmaq niyyətindədir. Azərtac xəbər verir ki, bu barədə “L'equipe” nəşrinə istinadla “Qazeta.Ru” məlumat verib.Mənbənin məlumatına görə, klubun rəhbərliyi və futbolçu barışığa gəliblər, onların münasibətləri düzəlməyə başlayıb. PSJ başa düşür ki, 27 yaşlı futbolçunun yay transfer pəncərəsinin bağlanmasına qədər başqa komandaya keçməsi çox çətin olacaq. Daha əvvəl bildirilmişdi ki, PSJ bu komandanın heyətində oynamaq istəmədiyinə görə Neymarı satmaq niyyətindədir. Hazırda Neymara İspaniyanın “Barselona” və “Real”, habelə İtaliyanın “Yuventus” klubları maraq göstərirlər.Vəziyyətlə tanış olan mənbə deyib: “Daha heç bir müharibə yoxdur”.Neymar 2017-ci ilin yayında rekord məbləğ olan 222 milyon avro müqabilində “Barselona”dan PSJ-yə keçib. Hücumçunun Fransa komandası ilə müqaviləsi 2022-ci ilin yayında başa çatır. Braziliyalı parislilərin komandasında müxtəlif turnirlərdə 58 görüş keçirib, 51 qol vurub və 29 səmərəli ötürmə edib. İki dəfə Fransa çempionu olub, Fransa Kubokunu, Liqa Kubokunu və Fransa Superkubokunu udub.xeber100.com

Şahmat seriyasının beşinci mərhələsi çərçivəsində

Avqustun 23-də “Grand Chess Tour 2019” şahmat seriyasının beşinci mərhələsi çərçivəsində ABŞ-ın Sent-Luis şəhərində təşkil olunan Sinkfild kuboku turnirinin altıncı turunun görüşləri keçiriləcək.Azərtac xəbər verir ki, şahmatçımız Şəhriyar Məmmədyarov növbəti turda amerikalı Uesli So ilə qarşılaşacaq.Digər görüşlərdə amerikalı şahmatçılar Hikaru Nakamura hazırkı dünya çempionu Maqnus Karlsen, Fabiano Karuana fransalı Maksim Vaşe-Laqrav, rusiyalı Yan Nepomnyaşi çinli Dinq Liren, hindistanlı Vişvanatan Anand hollandiyalı Aniş Qiri, rusiyalı Sergey Karyakin ermənistanlı Levon Aronyanla mübarizə aparacaqlar.Beş turdan sonra şahmatçımızın aktivində 2,5 xal var. V.Anand, D.Liren, F.Karuana 3, M.Vaşe-Laqrav, M.Karlsen, S.Karyakin, Y.Nepomnyaşı 2,5, L.Aronyan, A.Qiri, H.Nakamura 2 xal toplayıblar.xeber100.com

Güləş üzrə dünya çempionatı keçiriləcək

Sentyabrın 14-dən 22-dək Qazaxıstanın paytaxtı Nur-Sultanda güləş üzrə dünya çempionatı keçiriləcək.Azərtac xəbər verir ki, ilin ən vacib yarışı Olimpiadaya lisenziya xarakteri daşıyır. Bu səbəbdən yığmalarımız mundiala intensiv şəkildə hazırlığı davam etdirirlər.Yunan-Roma və sərbəst güləş üzrə millilərimiz avqustun 12-dən Göygöl Olimpiya İdman Kompleksində növbəti hazırlığa start veriblər. Bu toplanışda Qırğızıstanın yunan-Roma güləşi üzrə yığması da iştirak edir. Qadın idmançılarımız isə Türkiyədə toplanışda iştirak edirlər. Komandamız Türkiyə yığması ilə birgə Sarıyer şəhərində hazırlıq keçir.Qeyd edək ki, sərbəst və qadın güləşçilərimizin toplanışı avqustun 24-dək, yunan-Roma güləşçilərimizin hazırlıq prosesi isə ayın 30-dək davam edəcək.xeber100.com

Azərbaycan milli komandasının təlim-məşq toplanışı olacaq

Avqustun 23-dən 31-dək Bakıda qadın futbolçulardan ibarət Azərbaycan milli komandasının təlim-məşq toplanışı olacaq.Azərtac AFFA-ya istinadla xəbər verir ki, toplanışa Nigar Abdulova (“Keşlə”), Arzu Əliyeva (“Uğur”), Kamilla Məmmədova, Nigar Mirzəliyeva (hər ikisi “Qubek”), Aytac Şərifova (“Keflavik”, İslandiya), Gülsüm Tunc, Kristina Bakarandze (hər ikisi “Hakkarigücü”, Türkiyə), Vüsalə Hacıyeva, Jalə Məhsimova, Firəngiz Teymurova (hamısı “İjevsk”, Rusiya), Manə Mollayeva, Nərgiz Hacıyeva, Vüsala Seyfəddinova (hamısı “Ryazan VDV”, Rusiya), Yeliz Açar, Nazlıcan Parlak (hər ikisi “Fatih Vatan”, Türkiyə), Roza Quliyeva, Aysun Əliyeva, Rövşanə Sərdarlı (hamısı “Okjetpes”, Qazaxıstan), Sevinc Cəfərzadə (“Kubanoçka”, Rusiya), Alina Dorofeyeva, Diana Məmmədova (hər ikisi “Yenisey”, Rusiya), Salome Gasviani (“Lançxuti”, Gürcüstan) və Neslihan Bozkaya (“Kemer”, Türkiyə) dəvət olunublar.xeber100.com

Voleybolçular arasında Avropa çempionatına start veriləcək

Avqustun 23-də Macarıstan, Polşa, Slovakiya və Türkiyənin birgə ev sahibliyi etdiyi qadın voleybolçular arasında Avropa çempionatına start veriləcək.Azərtac xəbər verir ki, qadın voleybolçulardan ibarət Azərbaycan millisi çempionatda C qrupunda mübarizə aparacaq. Turnirdə voleybolçularımız Macarıstan, Xorvatiya, Hollandiya, Estoniya və Rumıniya yığmaları ilə üz-üzə gələcəklər.Millimiz ilk oyununu avqustun 23-də Xorvatiya yığmasına qarşı keçirəcək. Avqustun 25-də Azərbaycan–Hollandiya, ertəsi gün Macarıstan–Azərbaycan, ayın 28-də isə Azərbaycan–Estoniya görüşləri oynanılacaq. Yığmamız qrupda sonuncu oyununu avqustun 29-da Rumıniyaya qarşı keçirəcək.C qrupunun oyunları Budapeştdə təşkil olunacaq.Azərbaycan millisinin heyətində Yana Əzimova, Kristina Yaqubova, Şəfaqət Alışanova, Ayşən Abduləzimova, Olena Həsənova, Kseniya Pavlenko, Mariya Kirilyuk, Anastasiya Qurbanova, Odina Əliyeva, Yelizaveta Səmədova, Anastasiya Bessonova, Polina Rəhimova, Marqarita Əzizova və Bəyaz Əliyeva yer alıblar.Millimiz Avropa çempionatlarında 2005-ci ildə debüt edib. Xorvatiyada təşkil olunan qitə birinciliyində Azərbaycan millisi dördüncü olub. Səkkizinci dəfə Avropa çempionatında gücünü sınayacaq yığmamız mükafatçılar sırasına düşə bilməyib.Qadınların yarışında final matçı Türkiyədə, kişilərin mübarizəsində isə həlledici qarşılaşma Fransada təşkil olunacaq.Xatırladaq ki, iki il əvvəl Azərbaycanın və Gürcüstanın birgə ev sahibliyi ilə keçirilən 30-cu Avropa çempionatında qızıl medalları Serbiya voleybolçuları qazanıblar. Sonrakı yerlərdə Hollandiya, Türkiyə və Azərbaycan komandaları qərarlaşıblar.Çempionata sentyabrın 8-də yekun vurulacaq.xeber100.com

“Trabzonspor” klubu “Liverpul” komandasından transfer edib

Türkiyənin “Trabzonspor” klubu İngiltərənin “Liverpul” komandasından Daniel Starrici transfer edib.Azərtac klubun saytına istinadla xəbər verir ki, İngiltərə yığmasının 29 yaşlı hücumçusu ilə üçillik müqavilə imzalanıb. O, Türkiyə klubuna azad agent statusu ilə keçib.Qeyd edək ki, D.Starricin altı il çıxış etdiyi İngiltərənin “Liverpul” klubu ilə müqaviləsi başa çatıb. Daha əvvəl “Çelsi” və “Mançester Siti” komandalarının da formasını geyinən oyunçu İngiltərə Premyer Liqasında 218 matçda 76 qol vurub.xeber100.com