“Real” futbol klubu “Roma” komandası ilə yoxlama oyunu keçirib

Yeni mövsüm üçün hazırlıqlarını davam etdirən "Real" və "Roma" öz aralarında yoxlama oyunu keçirib.Milli.Az xəbər verir ki, Romada "Olimpiko" stadionunda keçirilən vaxtında əsas vaxtı 2:2 hesabı ilə başa çatdığı üçün qalib penaltilər seriyasında müəyyənləşib. Burada daha dəqiq olan İtaliya klubu 5:4 qalib gəlib. Madrid təmsilçisində 11 metrlik zərbəni Marselo düzgün yerinə yetirə bilməyib. "Roma" - "Real" 2:2 Qollar: Marselo, 16 (0:1), Perotti, 34 (1:1), Kasemiro, 39 (1:2), Ceko, 40 (2:2).xeber100.com

Çempionlar Liqasının III təsnifat mərhələsində

Çempionlar Liqasının III təsnifat mərhələsinin cavab matçında "Qarabağ"la qarşılaşacaq Kiprin APOEL klubu artıq Bakıdadır.Milli.az  xəbər verir ki, gecə saatlarında paytaxtımıza çatan Nikosiya təmsilçisi səfərə 26 futbolçu ilə gəlib. Yeni baş məşqçi Tomas Doll aşağıdakı heyətə güvənəcək. Qapıçılar: 12. Dimitris Priniotaki, 27. Vid Belets (Sloveniya), 99. Boy Vaterman (Hollandiya) Müdafiəçilər: 13.Kevin Lyafrans (Fransa), 23. Joaozinyo (Portuqaliya), 29. Praksitelis Vuros (Yunanıstan), 30. Giorqos Merkis, 34. Lukas Kalogiru, 44. Nkolas Yannu, 91. Draqan Mixayloviç (İsveçrə), 55.Xristos Şelis Yarımmüdafiəçilər: 6. Savvas Gentoqlu (Yunanıstan), 7. Girorgos Efrem, 8. Lukas Souza (Portuqaliya), 10. Tomas De Vinsenti (İtaliya), 14. Uroş Matiç (Serbiya), 19.Omar Hani,  33. Antres Makris, 46. Statis Aloneftis, 22.Minas Antoniu, 70. Antonio Yakoliş (Xorvatiya), 71.Andre Vidiqal Hücumçular: 9.Linus Hallenius (İsveç), 11. Musa Tamari (İordaniya), 20. Andriya Pavloviç (Serbiya), 89. Roman Bezyak (Sloveniya) Xatırladaq ki, "Qarabağ" APOEL-lə avqustun 6-da səfərdə, 13-də isə Bakıda qarşılaşacaq.xeber100.com

İngiltərə Premyer Liqasının birinci turuna yekun vurulub

Avqustun 11-də İngiltərə Premyer Liqasının birinci turuna yekun vurulub. Azərtac bildirir ki, turun sonuncu və mərkəzi oyunu "Old Trafford" stafionunda reallaşıb. "Mançestet Yunayted" "Çelsi" klubunu qəbul edib.Görüş Manmester təmsilçisinin 4:0 hesablı qələbəsi ilə başa çatıb."Qırmızı şeytanlar"ın heyətində Markus Raşford (18,67), Antoni Marsial (65) və Daniel Jeyms (81) fərqləniblər.Birinci turun digər oyunlarında aşağıdakı hesablar qeydə alınıb: "Liverpul" - "Norviç" - 4:1; "Mançester Siti" - "Uest Hem" - 5:0; "Bournemouth" - "Şeffild Yunayted" - 1:1; "Börnli" - "Southempton" - 3:0;  "Kristal Palas" - "Everton" - 0:0; "Vatford" - "Brayton" - 0:3; "Tottenhem" - "Aston Villa" - 3:1; "Lester Siti" - "Volverhemton" - 0:0; "Nyukasl Yunayted" - "Arsenal" - 0:1. Qeyd edək ki, İngiltərə Premyer Liqasının ikinci turu avqustun 17-18 -19-da keçiriləcək.xeber100.com

Beynəlxalq Şahmat Federasiyası püşkatmanın nəticələrini dərc edib

Beynəlxalq Şahmat Federasiyası dünya kuboku yarışlarında püşkatmanın nəticələrini dərc edib.Milli.Az bildirir ki, Xantı-Mansiyskdə 128 şahmatçının, o cümlədən Azərbaycanın 5 şahmatçısının qatılacağı nüfuzlu yarışda ilk rəqiblər məlum olub.Birinci turda Şəhriyar Məmmədyarov madaqaskarlı Antenaina Rakotomaharo, Teymur Rəcəbov farerli Helci Deam Ziska, Arkadi Naydiç almaniyalı Niklas Huşenbert, Eltac Səfərli ameriaklı Sem Şankland, Nicat Abbasov polşalı Kasper Piorunla mübarizə aparacaqlar.Dünya kuboku iddiaçılar turnirinə vəsiqə xarakteri daşıyır. Yarışın finalçıları dünya çempionu Maqnus Karlsenə qarşı matçda iştirak etmək üçün şans qazanacaqlar.Şahmatçılarımız Ş.Məmmədyarov və T.Rəcəbovun iddiaçılar turnirinə FIDE-nin Qran-priləri vasitəsilə də vəsiqə əldə etmək imkanları var. Ümumiyyətlə, hər iki şahmatçımızın iddiaçılar turnirinə düşməsi üçün dünya kuboku daha bir şansdır. Sentyabrın 9-da start götürəcək turnirin ümumi mükafat fondu 1 milyon 600 min ABŞ dollarıdır. Turnirin qalibi 110 min dollar mükafat alacaq.xeber100.com

“Dinamo-Tbilisi” futbol komandası cərimələnib

UEFA-nın intizam komitəsi Gürcüstanın “Dinamo-Tbilisi” komandasını cərimələyib.Azərtac xəbər verir ki, UEFA-nın qərarı ilə “Dinamo” 50 min avro cərimə olunub. Qurumun digər qərarı ilə “Dinamo-Tbilisi” komandasının Hollandiyanın "Feyenoord" komandası ilə Avropa Liqasının III təsnifat mərhələsindəki cavab görüşü azarkeşsiz keçiriləcək.Buna səbəb Avropa Liqasının II təsnifat mərhələsində "Qəbələ" ilə cavab görüşü zamanı "Dinamo" azarkeşlərinin irqçi davranışları göstərilib.Bundan başqa, "Feyenoord"la oyun zamanı Boris Payçadze adına "Dinamo" stadionunda #EqualGame banneri asılmalıdır.xeber100.com

İngiltərə Premyer Liqasında 2019-2020-ci il mövsümünə start verilib

Avqustun 9-da İngiltərə Premyer Liqasında 2019-2020-ci il mövsümünə start verilir.Azərtac xəbər verir ki, mövsümün ilk qarşılaşması “Liverpul” – “Norviç” klubları arasında keçiriləcək. “Anfild” stadionunda baş tutacaq açılış görüşü Bakı vaxtı ilə saat 23:00-da başlayacaq.Tur üç günü əhatə edəcək. Son çempion “Mançester Siti” avqustun 10-da mübarizəyə başlayacaq. Pep Qvardiolanın yetirmələri səfərdə “Vest Ham” klubu ilə üz-üzə gələcəklər.İngiltərə Premyer Liqasında çempionluq uğrunda 20 komanda mübarizə aparacaq. Üç komanda ikinci diviziondan Premyer Liqaya yüksəlib, bunlar “Norviç”, “Aston Villa” və “Şeffild Yunayted” klublarıdır. Çempionata 2020-ci il mayın 17-də yekun vurulacaq.Turun bütün görüşləri aşağıdakılardı: Avqustun 10-da: “Borneumouth”-“Şeffild Yunayted”; “Börnli”-“Southemton”; “Kristal Palas”-“Everton”; “Vatford”-“Brayton Albion”; “Tottenhem”-“Aston Villa”. Avqustun 11-də: “Lester Siti”-“Volverhemton”; “Nyukasl”-“Arsenal”; “Mançester Yunayted”-“Çelsi”.xeber100.com

Azərbaycan Premyer Liqasının birinci turunda

Futbol üzrə Azərbaycan Premyer Liqasının birinci turunda oynanılacaq qarşılaşmaların vaxtı açıqlanıb.Azərtac xəbər verir ki, 2019-2020-ci il mövsümünün birinci turunun görüşləri dörd günü əhatə edəcək. Tura avqustun 16-da “Keşlə” - “Qarabağ” oyunu ilə start veriləcək. Saat 19:00-da başlayacaq qarşılaşma “Dalğa Arena”da təşkil olunacaq.Avqustun 17-də “Qəbələ” klubu “Sumqayıt” komandasını qəbul edəcək. Qəbələ şəhər stadionunda baş tutacaq görüş saat 19:00-da başlayacaq. Avqustun 18-də “ASC Arena”da “Səbail” – “Zirə” görüşü keçiriləcək. Oyun saat 20:00-da start götürəcək. Turun sonuncu oyunu “Neftçi” və “Sabah” klubları arasında oynanılacaq. “Bakcell Arena”da təşkil olunacaq qarşılaşma saat 20:00-da başlayacaq.Turun bütün görüşləri “CBC Sport” televiziyası ilə birbaşa yayımlanacaq.xeber100.com

2019-2020-ci il mövsümünün üçüncü təsnifat mərhələsi çərçivəsində

UEFA Avropa Liqasının 2019-2020-ci il mövsümünün üçüncü təsnifat mərhələsi çərçivəsində “Neftçi” və “Bney Yehuda” komandaları arasında avqustun 8-də keçiriləcək qarşılaşmanın start heyətləri açıqlanıb.Azərtac xəbər verir ki, “Bakcell Arena”da oynanılacaq görüşdə “Neftçi” meydançaya Səlahət Ağayev, Anton Krivotsyuk, Voislav Stankoviç, Kirilo Petrov, Ömər Buludov, Emin Mahmudov, Soni Mustivar, Platellas, Dario Frederiko, Rauf Əliyev və Jozef-Monrozdan ibarət heyətlə çıxacaq.Qonaqların start heyətində isə Zubas, Mori, Koen, Pnişı, Felcer, Rustom, Mazor, Soro, Saqas, Yan və Qadir yer alacaqlar.Qarşılaşmanı Fransadan olan hakimlər briqadası idarə edəcək. Oyunun baş hakimi Kərim Abed olacaq. Ona Hiçam Zakrani və Mikael Berçebru kömək edəcəklər. Dördüncü hakim funksiyasını Floran Batta yerinə yetirəcək.Oyun saat 21:00-da başlayacaq. Bu komandaların arasında cavab görüşü bir həftə sonra İsraildə keçiriləcək.Xatırladaq ki, “Neftçi” birinci təsnifat mərhələsində Moldovanın “Speranta” komandasını məğlub edib (3:0, 6:0), ikinci təsnifat mərhələsində isə Rusiyanın “Arsenal” klubuna hər iki görüşdə qalib gəlib (1:0, 3:0).Cari mövsümdə mübarizəyə ikinci təsnifat mərhələsindən başlayan “Bney Yehuda” UEFA Avropa Liqasında Azərbaycan klubları ilə ikinci dəfə qarşılaşır. İsrail klubu 2009-2010-ci il mövsümündə birinci təsnifat mərhələsində “Simurq”u hər iki görüşdə məğlub etmişdi.xeber100.com

“Akhisarspor” və “Qalatasaray” klubları qarşılaşıblar

Avqustun 7-də keçirilən futbol üzrə Türkiyə Superkuboku uğrunda matçda “Akhisarspor” və “Qalatasaray” klubları qarşılaşıblar.Azərtac xəbər verir ki, paytaxt Ankaranın “Eryaman” stadionunda keçirilən görüş qarşılıqlı hücumlarla yadda qalıb.Matçın 39-cu dəqiqəsində İstanbul təmsilçisinin yarımmüdafiəçisi Yunes Belhanda cərimə meydançasının kənarından qüvvətli zərbə ilə hesabı açıb - 1:0. Birinci hissə elə bu hesabla başa çatıb.İkinci hissədə hər iki tərəf qol vurmağa çalışsa da, hesab dəyişməyib və beləliklə, “Cim-bom” Superkuboku başı üzərinə qaldırıb.Qeyd edək ki, bu qələbə sayəsində “Qalatasaray” klubu 16-cı dəfə bu kuboka yiyələnib.xeber100.com

Şahmatçılar arasında növbəti tura yekun vurulub

Slovakiyanın paytaxtı Bratislavada keçirilən yeniyetmə şahmatçılar arasında Avropa birinciliyində altıncı tura yekun vurulub.Azərtac xəbər verir ki, çempionatda müxtəlif yaş kateqoriyaları üzrə mübarizə aparan şahmatçılarımızdan Dinarə Hüseynova (6 xal) və Ayan Allahverdiyeva (5,5 xal) liderliyə yüksəliblər. Səadət Bəşirli, Cahandar Azadəliyev,Yusif Kərimli isə 5 xalla liderlər qrupunda mübarizəni davam etdirirlər.Qitə birinciliyində 49 ölkədən 8-18 yaşlı 1300-dən çox yeniyetmə şahmatçı iştirak edir. Doqquz turdan ibarət turnir İsveçrə sistemi üzrə keçirilir.xeber100.com