UEFA Avropa Liqasının hazırlıq kampaniyası çərçivəsində

Bakı Olimpiya Stadionunda keçiriləcək UEFA Avropa Liqasının final oyununa hazırlıq kampaniyası çərçivəsində millimizin və “Neftçi”nin hücumçusu Mirabdulla Abbasovun azarkeşlərlə görüşü təşkil olunub.Azərtac xəbər verir ki, “Avropa Liqası Muzeyi”ndə təşkil olunan görüşdə ziyarətçilər futbolçu ilə yaxından tanış olub, ondan imza alıb, eləcə də şəkil çəkdiriblər.Qeyd edək ki, 2017-ci il sentyabrın 20-də UEFA İcraiyyə Komitəsi tərəfindən 2019-cu ildə futbol üzrə UEFA Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.Final oyunu bu il mayın 29-da keçiriləcək.xeber100.com

Şahmat üzrə dördüncü tura yekun vurulub

İtaliyanın Villorba şəhərində keçirilən şahmat üzrə üçüncü “Vergani Cup” festivalında dördüncü tura yekun vurulub.Azərtac xəbər verir ki, 40 iştirakçının (13 qrossmeyster) qatıldığı elit turnirdə Azərbaycan təmsilçisi Ülviyyə Fətəliyeva (2301) sonuncu turda daha bir xal qazanıb. Hazırda təmsilçimiz 1,5 xalla turnir cədvəlində 35-ci pillədədir.Turnirə 3,5 xalla İtaliya təmsilçisi Pier Luigi Basso (2522) başçılıq edir.Festivala yanvarın 6-da yekun vurulacaq.xeber100.com

“Bild dam Sonntag” qəzeti yazır…

Formula 1 üzrə “Mersedes” komandası alman pilot Mik Şumaxerə gənc yürüşçülərin inkişafı proqramında iştirak etməyi təklif etməyib.Azərtac “Bild dam Sonntag” qəzetinə istinadla xəbər verir ki, yayılan şayiələrə görə, “Mersedes” və “Ferrari” komandaları Miki öz sıralarına cəlb etmək üçün rəqabət aparırlar. “Kral yürüşləri”nin yeddiqat çempionu Mixael Şumaxerin oğlu ötən il Avropada Formula 3 yarışlarının qalibi olub, bu ildən isə Formula 2-də çıxış edəcək.“Mersedes” komandasının avtoyürüş proqramının rəhbəri Toto Volf deyib: “Mik Formula 3 yarışlarını “Mersedes” motoru ilə udub, lakin indi biz ona özünü inkişaf etdirmək imkanı verməliyik. Hazırda bizim gənclər proqramında yerlərin sayı məhduddur. Mənim üçün prioritet olan 2020-ci ildə Esteban Okon üçün yer tapmaqdır”.xeber100.com

İngiltərə Premyer Liqasının mərkəzi qarşılaşması keçiriləcək

Bu gün futbol üzrə İngiltərə Premyer Liqasının 21-ci turunun mərkəzi qarşılaşması keçiriləcək.Azərtac xəbər verir ki, turnir cədvəlinə 54 xalla liderlik edən “Liverpul” ikinci pillədə 47 xalla qərarlaşan “Mançester Siti” komandasını qəbul edəcək. “Enfild” stadionunda baş tutacaq qarşılaşma Bakı vaxtı ilə saat 00:00-da başlayacaq.Komandalar arasında ilk dövrədə keçirilən oyunda qolsuz heç-heçə qeydə alınıb.Ümumilikdə, komandalar İngiltərə Premyer Liqasında 163 dəfə üz-üzə gəliblər. Onların 78-də “Liverpul”, 42-də isə “Mançester Siti” komandası qalib gəlib. Qırx bir oyunda qalib müəyyənləşməyib.Oyun öncəsi təşkil olunan mətbuat konfransında “Liverpul” klubunun baş məşqçisi Yurqen Klop deyib: “Bizi çətin oyun gözləyir. “Mançester Siti” ən yaxşı baş məşqçiyə malik bir klubdur. Biz bu oyundan qorxmuruq, meydana çıxıb öz oyunumuzu nümayiş etdirməyə çalışacağıq. Qələbə qazana bilsək çempionluq yolunda böyük addım atmış oluruq. Düşünürəm ki, Pep Qvardiolanın komandası dünyanın ən güclü kollektividir”.xeber100.com

“Beşiktaş” klubu “Trabzonspor”un hücumçusunu transfer edib

"Beşiktaş" klubu Türkiyə milli komandasının və "Trabzonspor"un hücumçusu Burak Yılmazı transfer edib.Azərtac Türkiyə KİV-lərinə istinadla xəbər verir ki, 33 yaşlı futbolçu ilə 2,5 illik müqavilə imzalanıb. Cari mövsümdə "Trabzonspor"un heyətində 7 oyunda 5 qol vuran hücumçu yeni klubunda ildə 2,5 milyon avro qazanacaq.B.Yılmaz son dəfə İstanbul komandasına 2006-cı ildə "Antalyaspor"dan keçib. Lakin o, 2007-2008-ci il mövsümünün ortasında "Manisaspor"a icarəyə verilib. Həmin il müqavilə ilə məxsus olduğu "Beşiktaş"dan ayrılan B.Yılmaz sonralar Türkiyənin "Fənərbağça", "Qalatasaray" və "Trabzonspor" komandalarında futbolçu karyerasını davam etdirib. Təcrübəli futbolçu bir müddət Çinin "Beytszin Qoan" klubunun da formasını geyinib.B.Yılmaz Türkiyə millisinin heyətində 51 oyunda 23 dəfə fərqlənib.Qeyd edək ki, "Beşiktaş" komandası Türkiyə Superliqasında turnir cədvəlinin yeddinci pilləsində qərarlaşıb.xeber100.com

“Atletiko Madrid”in müdafiəçisi komandanı tərk etməyi planlaşdırır

“Atletiko Madrid”in müdafiəçisi və kapitanı Dieqo Qodin klubla müqaviləni yeniləməkdən imtina edib və qış transferində komandanı tərk etməyi planlaşdırır.Azərtac “Marca” nəşrinə istinadla xəbər verir ki, 32 yaşlı uruqvaylı futbolçunun “Atletiko Madrid” klubu ilə müqaviləsi 2019-cu ilin yayında başa çatır.Oyunçunu heyətdə saxlamaq üçün Madrid klubunun rəhbərliyi maaşını artırmağı vəd etsə də, “Atletiko Madrid”in maliyyə problemləri buna imkan verməyib.Cari mövsümdə Qodin Madrid təmsilçisinin heyətində 18 oyuna iki qol vurub və bir məhsuldar ötürmənin müəllifi olub.Qeyd edək ki, “Mançester Yunayted” klubu futbolçu ilə maraqlanıb.xeber100.com

UEFA ulduz statusu ala biləcək futbolçuların siyahısını təqdim edir

UEFA 2019-cu ildə ulduz statusu ala biləcək gənc futbolçuların siyahısını açıqlayıb.Milli.az bildirir ki, "50-lik"də Türkiyə millsinin iki oyunçusu da var. Bunlar "Alanyaspor"un formasını geyinən 20 yaşlı Merih Demiral və "Qalatasaray"da çıxış edən 18 yaşlı Ozan Kabakdır.Hər iki futbolçu mərkəz müdafiəçisidir.Siyahıya Moskva MOİK-nin iki üzvü - yarımmüdafiəçi İlzat Axmetov və hücumçu Fyodr Çalov düşüb. Gürcüstan millisinin və Belçikanın "Gent" klubunun hücumameyilli yarımmüdafiəçisi Georgi Çakvetadze də "50-lik"də yer alıb.xeber100.com

Dünya Çempionatının Uruqvay matçında

“Yuventus”un futbolçusu Kriştianu Ronaldu 2019-cu ildə Poruqaliya milli yığmasının heyətinə qayıdacaq.Xatırladaq ki, Ronaldu Dünya Çempionatının 1/8 finalında Uruqvay qarşı matçında sonra millidə çıxış etməkdən imtina etmişdi.Trend-in məlumatına görə, Ronaldu qeyd edib ki, onun 33 yaşı var. O, bir ölkədən digər ölkəyə köçdüyünü, məşqlərin rejimini və komanda yoldaşlarını dəyişdiyini diqqətə çatdırıb.Qeyd edək ki, Ronaldu bu mövsüm 24 matçda 15 qol vurub bə 8 məhsuldar ötürmə ilə yadda qalıb.xeber100.com

Afrika Futbol Konfederasiyası ilin ən yaxşı futbolçusunu açıqlayıb

Afrika Futbol Konfederasiyası 2018-ci ilin ən yaxşı futbolçusu adına 3 namizədi açıqlayıb.Milli.az xəbər verir ki, bunlar Pyer-Emerik Obameyanq (Arsenal, Qabon), Sadio Mane (Liverpool, Seneqal) və Məhəmməd Salahdır (Liverpool, Misir). Maraqlıdır ki, ötən il də üçlükdə məhz bu hücumçular yer almışdır. İlin ən yaxşısı isə Salah seçilmişdir.Qeyd edək ki, mükafatın sahibi yanvarın 8-də Seneqalın paytaxtı Dakarda keçirilən mərasimdə açıqlanacaq.xeber100.com

“Beşiktaş” klubu heyətini gücləndirməyə hazırlaşır

"Beşiktaş" heyətini yeni futbolçuyla gücləndirməyə hazırlaşır.Milli.az bildirir ki, "qara qartallar" "Portu"nun futbolçusu Şansel Mbembanı transfer etmək niyyətindədir. Bu barədə Belçika mətbuatı məlumat yayıb. Xəbərdə, "Beşiktaş"ın 24 yaşlı futbolçu üçün klubuyla razılaşdığı bildirilir.Super Liqa təmsilçisi Mbemba üçün "Portu"ya 2,5 milyon avro ödəyəcək, futbolçuyla da 4 illik müqavilə imzalanacaq.Cari mövsümün əvvəlində "Nyukasl"dan "Portu"ya transfer edliən müdafiəçi, Portuqaliya təmsilçisiylə 4 matçda iştirak edib.xeber100.com