Qran-Pri ərəfəsində festival keçirilməsi planlaşdırılır

Keçən il Londonda təşkil edilmiş F1 Live şousunun uğurundan sonra “Liberty Media”da buna oxşar daha bir neçə hadisə olub. Bu il Şanxayda, Marseldə və Milanda oxşar festivallar uğurla keçirilib. Qarşıda daha bir yürüş şousu gözlənilir. Bu, Mayamidə olacaq.Azərtac xəbər verir ki, 2019-cu ildə Qran-Pri ərəfəsində düz yeddi festival keçirilməsi planlaşdırılır.Formula 1-in kommersiya direktoru Şoin Bratçes deyib: “Bu il biz dörd festival keçirmişik, gələn il isə ən azı yeddi festival keçirməyi planlaşdırırıq. Düşünürəm ki, gələcəkdə onların sayı daha çox olacaq.Bizim sponsorlarımızın, tərəfdaşlarımızın və yürüş promouterlərin mənafeyi naminə, azarkeşləri cəlb etmək üçün yetişmiş bazarların tədqiq olunmasına xeyli vaxt sərf etmişik. Məncə, belə festivallar idmanın bu növünün əfsanəvi gözəlliyini tamaşaçıya çatdırmağın ən yaxşı üsuludur. Belə festivallarda insanlar Formula 1 maşınlarını öz şəhərində görmək imkanı qazanırlar”.xeber100.com

Həndbol Federasiyasının məlumatı

Həndbol üzrə 26-cı Azərbaycan çempionatının başlama vaxtı müəyyənləşib.Azərbaycan Həndbol Federasiyasından Azərtac-a bildiriblər ki, çempionata oktyabrın 6-da start veriləcək. Ölkə birinciliyində 6-sı qadınlardan, 4-ü isə kişilərdən ibarət olmaqla 10 komanda iştirak edəcək.Qadınların yarışında "Azərsu", "Azəryol", "Gənclər Birliyi", "İdman Akademiyası" və Gürcüstanın Tbilisi şəhərini təmsil edən "Olimpiya" kollektivləri mübarizə aparacaqlar. Kişi həndbolçuların mübarizəsində isə "Bakı", "Təhsil", "U-16" və "Məhsul" komandaları birincilik uğrunda yarışacaqlar.İlk yarış günündə qadınlar arasında üç oyun keçiriləcək. Belə ki, "Gənclər Birliyi "Azəryol"la, "İdman Akademiyası "Qarabağ"la, "Azərsu" isə "Olimpiya" kollektivi ilə üz-üzə gələcək.Çempionatın açılış mərasiminin saat 17:00-da keçirilməsi nəzərdə tutulub.xeber100.com

Gimnastika Federasiyasının məlumatına görə…

Azərbaycan Gimnastika Federasiyası ardıcıl olaraq, gimnastikanın 3 növü üzrə yerli yarışlar təşkil edəcək.Bu barədə Azərtac -a Azərbaycan Gimnastika Federasiyasından xəbər verilib.Sentyabrın 21-də Bakı Gimnastika Məktəbində tamblinq üzrə 16-cı Azərbaycan çempionatı və Bakı birinciliyi keçiriləcək. Yarışlarda Bakı Gimnastika Məktəbi, Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi, “Neftçi İdman Klubu” və “Ocaq Sport” klubunu təmsil edən 25 gimnast çıxış edəcək. İştirakçılar balacalar, yeniyetmələr, gənclər və böyüklər yaş kateqoriyasında medallar uğrunda mübarizə aparacaqlar.Bir neçə gün sonra – sentyabrın 26-27-də “Ocaq Sport” klubun zalında akrobatika gimnastikası üzrə 25-ci Azərbaycan və Bakı birinciliyi baş tutacaq. Bakı Gimnastika Məktəbi, Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi, Neftçi İdman Klubu və Ocaq Sport Klubunu (Şabran) təmsil edən ümumilikdə 25 qadın cütlükləri, kişi cütlükləri, qadın qrupları, kişi qrupları və qarışıq cütlüklər balacalar, uşaqlar, yeniyetmələr və gənclər yaş kateqoriyasında öz güclərini sınayacaqlar.Son olaraq isə mübarizəyə batutçular qoşulacaqlar. Sentyabrın 27-də “Ocaq Sport”da batut gimnastikası üzrə 4-cü Azərbaycan çempionatı və Bakı birinciliyi təşkil olunacaq. Bakı Gimnastika Məktəbi və Ocaq Sport Klubunu təmsil edən ümumilikdə 44 batutçu balacalar, uşaqlar, yeniyetmələr gənclər və böyüklər yaş kateqoriyasında mübarizə aparacaq.xeber100.com

Ağır atletika üzrə Azərbaycan birinciliyi keçiriləcək

Sentyabrın 13-14-də Şüvəlandakı Ağır Atletika Akademiyasının yarış zalında gənclər arasında ağır atletika üzrə Azərbaycan birinciliyi keçiriləcək.Azərtac xəbər verir ki, yarışda ölkənin bütün regionlarından klub və cəmiyyətləri təmsil edən yüzə yaxın atlet iştirak edəcək.Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.xeber100.com

UEFA Millətlər Liqasının ikinci turuna yekun vurulacaq

Sentyabrın 11-də keçiriləcək yeddi oyunla UEFA Millətlər Liqasının ikinci turuna yekun vurulacaq.Azərtac xəbər verir ki, günün ən çox maraqla gözlənilən oyunu “Estadio Martinez Valero” stadionunda keçiriləcək. “A” liqasının 4-cü qrupunda yer alan sonuncu dünya çempionatının finalçısı Xorvatiya millisi İspaniya yığmasının qonağı olacaq. Bu liqanın 2-ci qrupunda yer alan İslandiya yığması isə Belçika millisini qəbul edəcək.“B” liqasının 3-cü qrupunda qərarlaşan Bosniya və Herseqovina yığması Avstriya millisi ilə qarşılaşacaq.“C” liqasının 1-ci qrupunda Finlandiya millisi Estoniya yığmasını, Macarıstan seçməsi isə Yunanıstan komandasını qəbul edəcək.“D” liqasının 2-ci qrupunda yer alan komandalardan Moldova və Belarus, San-Marino ilə isə Lüksemburq milliləri üz-üzə gələcəklər.Xatırladaq ki, “D” liqasının 3-cü qrupunda yer alan Azərbaycan millisi ötən gün səfərdə Malta yığması ilə heç-heçə (1:1) edib.xeber100.com

Azərbaycan millisi dünya çempionatına hazırlığı davam etdirir

Qadın voleybolçulardan ibarət Azərbaycan millisi dünya çempionatına hazırlığı Sloveniyada davam etdirir.Azərtac xəbər verir ki, millimiz hazırlıq prosesi çərçivəsində Kamerun yığması ilə yoxlama oyunu keçirib. Görüş millimizin 4:0 hesablı qələbəsi ilə yekunlaşıb.Voleybolçularımız sentyabrın 12-də Vətənə qayıdacaqlar. Bakı toplanışı çərçivəsində millimiz Rusiyanın “Uraloçka” və “Dinamo Krasnodar” klubları ilə yoxlama oyununda gücünü sınayacaq.Qeyd edək ki, dünya çempionatı sentyabrın 29-dan oktyabrın 20-dək Yaponiyada təşkil olunacaq.xeber100.com

“US Open” turnirinin final oyunu keçirilib

Sentyabrın 10-da “US Open” turnirinin final oyunu keçirilib.Azərtac xəbər verir ki, Nyu-Yorkda keçirilən kişilər arasında tennis üzrə nüfuzlu turnirlərdən olan “US Open” turnirinin həlledici görüşündə argentinalı Xuan Martin del Potro (Argentina) və Novak Cokoviç (Serbiya) üz-üzə gəliblər. Görüş üç saat iyirmi bir dəqiqə davam edib.İlk setdə daha üstün oyun nümayiş etdirən serbiyalı tennisçi qalib gəlib (6:3). İkinci set daha gərgin keçərək “tay breyk”ə qədər uzanıb və yenidən Novak Cokoviçin qələbəsi ilə yekunlaşıb (7:6). Üçüncü setdə bütün gücünü ortaya qoyan Novak rəqibinə heç bir şans verməyib (6:3). Beləliklə, serbiyalı idmançı üçüncü dəfə “US Open” turnirinin qalibi olub. “Böyük dəbilqə” seriyasında isə 14-cü titulu olub.Novak Cokoviç “US Open” turnirinin yarımfinal mərhələsində Yaponiya idmançısı Key Nişikorini (6:3, 6:4, 6:2), Xuan Martin del Potro isə həmin mərhələdə Rafael Nadali məğlub edib - 7:3, 6:2. Görüş Rafael Nadalın ikinci setdə zədələnməsi ilə əlaqədar hakim tərəfindən dayandırılıb.Xatırladaq ki, Novak Cokoviç “Böyük dəbilqə” seriyalı tennis turnirini qazanan ilk serb tennisçi kimi tarixə düşüb. Onun ilk dəfə “Böyük dəbilqə” seriyasında iştirakı 2005-ci ilə təsadüf edir. İlk debüt çıxışında Novak Cokoviç həmin il turnirin qalibi Marat Safina uduzub - 6:0, 6:2, 6:1. İdmançının ilk uğuru 2006-cı ildə Zaqrebdə keçirilən turnirdə yarımfinala yüksəlməsi olub. 2008-ci ildə Novak finalda oynamaq hüququ qazanıb. O, yarımfinalda Rojer Federeri üç setə məğlub edib. Finalda fransalı tennisçi Jo-Ulfrid Tsonqanı məğlub edərək karyerasında ilk dəfə “Böyük dəbilqə” seriyası turnirinin qalibi adını qazanıb. Ümumilikdə isə serbiyalı idmançı 14 dəfə “Böyük dəbilqə” seriyası turnirində rəqiblərinə qalib gələrək fəxri kürsünün ən yüksək pilləsinə qalxıb.Xuan Martin del Potro final mərhələsində qalib gəlsə idi, karyerasında ikinci dəfə “Böyük dəbilqə” seriyasında qalib adı qazanacaq idi. Onun karyerasında ən böyük uğuru 2009-cu ildə təsadüf edir. O, həmin il “Böyük dəbilqə” seriyasında yarımfinalda Rafayel Nadali, finalda isə Rojer Federeri məğlub edərək turnirin qalibi adını qazanıb. Xuan Martin del Potro “Böyük dəbilqə” seriyasında qalib gələn ikinci argentinalı kimi tarixə düşüb. Bu titulu ilk dəfə 1977-ci ildə həmyerlisi Qilyermo Vilas qazanıb.xeber100.com

UEFA Millətlər Liqasının qrup mərhələsi çərçivəsində

Futbol üzrə UEFA Millətlər Liqasının qrup mərhələsi çərçivəsində bu gün Malta-Azərbaycan oyunu keçiriləcək.Azərtac xəbər verir ki, Bakı vaxtı ilə saat 22:45-də Ta Qali milli stadionunda keçiriləcək oyunu monteneqrolu hakimlər briqadası idarə edəcək.Matçın baş hakimi Nikola Dabanoviç olacaq. Ona Milovan Djukiç və Jovica Tatar kömək edəcəklər. Dördüncü hakim funksiyasını Aleksandar Djikanoviç yerinə yetirəcək.Qrup mərhələsinin ilk oyununda Azərbaycan millisi Bakı Olimpiya Stadionunda Kosovo yığmasını qəbul edib və qarşılaşmada hesab açılmayıb.Qeyd edək ki, Farer adaları 3 xalla qrupda birinci pillədə qərarlaşıb. Azərbaycan və Kosovo 1 xalla ikinci-üçüncü, hesabında xal olmayan Malta isə sonuncu pillədədir.xeber100.com

Kazanda sürətli şahmat turnirinə start verilib

Kazanda sürətli şahmat üzrə 40-cı Rəşid Nəcməddinov Kubokuna start verilir. Turnirin startına 79 şahmatçı, o cümlədən 31 qrossmeyster çıxacaq. Start siyahısında ilk yerləri rusiyalılar – Aleksandr Raxmanov (2706), Maksim Çiqayev (2678) və Dmitri Kokarev (2663) tutur.Azərtac xəbər verir ki, bu turnirdə Azərbaycan idmanının şərəfini qrossmeyster Türkan Məmmədyarova (2375) qoruyacaq.Digər adı “Rusiya Rapid Qran-Prisi” mərhələsi olan bu turnirin qalibləri sentyabrın 21-də müəyyən ediləcək. Yarışlar İsveçrə sistemi üzrə 11 turdan ibarət olacaq. Oyunlarda nəzarət vaxtı 15 dəqiqə üstəgəl birinci gedişdən başlayaraq hər gediş üçün 10 saniyə müəyyən edilib.Sürətli şahmat üzrə Rəşid Nəcməddinov Kubokunun ümumi mükafat fondu 450.000 rubla bərabərdir.xeber100.com

“Tottenhem” klubu müqavilənin müddətini uzadıb

"Tottenhem" futbolçusu Yan Vertongenlə müqaviləni uzadıb.Milli.az bildirir ki, 31 yaşlı müdafiəçi daha bir il London klubunda çıxış edəcək.Belçika millisinin üzvü 2012-ci ildən "Tottenhem"in şərəfini qoruyur. O, bu mövsüm 4 oyunda meydana çıxıb və 1 qol vurub.xeber100.com