Avropa Kubokunun üçüncü turunun oyunları keçirilib

Türkiyənin Antalya şəhərində kişi və qadın şahmatçılardan ibarət klub komandaları arasında Avropa Kubokunun üçüncü turunun oyunları keçirilib.Azərtac xəbər verir ki, bu turda Azərbaycanın kişi şahmatçılardan ibarət “Odlar Yurdu” komandası İtaliyanın “Obiettivo Risarcimento Padova” komandası üzərində 3,5:2,5 hesabı ilə qələbə qazanıb.Turnirdə 3 turdan sonra kişi komandaları arasında “Qlobus” (Rusiya) – 6 (14), “Odlar Yurdu” – 6 (13,5), “Gambit Asseco See” (Makedoniya) - 6 (13,5), “LSG Leiden” (Niderland) - 6 (12), və “Mednıy Vsadnik” - 5 (13) komandaları liderdir.Azərbaycanın qadın yığması Belarusun “Bossa Nova” komandasına 1,5:2,5 hesabı ilə məğlub olub.Üç turdan sonra qadın komandaları arasında “Bossa Nova” üç qələbə qazanmaqla 6 matç xalı və 9 fərdi xal əldə edərək liderdir. Beş komanda dərhal hərəyə 4 xal qazanıb. Rusiyadan olan “Legacy Square Capital” komandası 4 (7,5) xalla ikinci, “Odlar Yurdu” - 4 (7,5) üçüncü, Gürcüstanın “Batumi Chess Club NONA” komandası isə dördüncü yerdədir.Yarışların dördüncü turunda Azərbaycanın kişilərdən ibarət yığması Hollandiyanın “LSG LeidenŠk” komandası, qadın şahmatçılarımız isə Türkiyənin “Anatolia” yığması ilə qarşılaşacaq.“Odlar Yurdu”-“LSG LeidenŠk” qarşılaşmasında Yan Maykl Sprenger - Arkadi Naydiç, Artur Piclers - Rauf Məmmədov, Haastert Edvin Van - Qədir Hüseynov, Kasper Şoppen - Eltac Səfərli, Elke Viersma - Nicat Abbasov və Martin Robol - Azər Mirzəyev mübarizə aparacaq.“Odlar Yurdu”-“Anatolia” matçında Zeynəb Məmmədyarova - Yekaterina Atalik, Ülviyyə Fətəliyeva -Bətul Cəmrə Yıldız, Xanım Balacayeva - Xəyalə İsgəndərova və Aydan Höcətova - Çagil İrmak Arda qarşılaşacaq.Qaliblər və mükafatçılar İsveçrə sistemi üzrə keçirilən yeddi turun nəticələrinə görə müəyyən olunacaq.Vaxta nəzarət: ilk 40 gediş üçün 90 dəqiqə, sonra birinci gedişdən başlayaraq hər gedişə 30 saniyə əlavə olunmaqla partiyanın sonuna qədər 30 dəqiqədir.xeber100.com

Futzal üzrə UEFA kubokunun əsas mərhələsində

Futzal üzrə UEFA kubokunun əsas mərhələsində mübarizə aparan Naxçıvanın “Araz” klubu ilk oyununu keçirib.Azərtac xəbər verir ki, təmsilçimiz Bosniya və Herseqovinanın “Mostar” komandası ilə qarşılaşıb.Oyun 5:2 hesabı ilə "Araz"ın xeyrinə başa çatıb. Maykon da Silvanın dubl etdiyi oyunda “Araz”ın digər qollarını Teles Thaqo, Xətai Bağırov və İsa Atayev vurublar.İkinci oyununu bu gün keçirəcək təmsilçimiz Maltanın “St Andreus” komandası ilə qarşılaşacaq. Oyun Bakı vaxtı ilə saat 17.30-da başlayacaq.xeber100.com

Hava və Ekstremal İdman Növləri Federasiyasının məlumatı

Noyabrın 4-5-də idman dırmanması üzrə IV Şəki şəhər açıq birinciliyi keçiriləcək. Turnir Azərbaycan Hava və Ekstremal İdman Növləri Federasiyasının (FAIREX), Şəki Şəhər Gənclər və İdman İdarəsinin, “Şəki A.M.A” idman klubunun, Yeni Azərbaycan Partiyası Şəki rayon təşkilatı gənclər birliyinin və Şəki Regional Debat Mərkəzinin dəstəyi ilə təşkil olunacaq.FAIREX-dən Azərtac-a bildiriblər ki, yarışda 10 yaşdan yuxarı oğlanlar və qızlar iştirak edə bilərlər.Turnirin keçirilməsində məqsəd idmanın bu növünün kütləviliyinin artırılması, potensialı olan yeniyetmə və gənclərin üzə çıxarılmasıdır. Yarışda dərəcə qazanan idmançılar əsasında Şəki şəhərini ölkə səviyyəli turnirlərdə təmsil edəcək komanda formalaşdırılacaq.xeber100.com

“Kremen” klubu “Çerkaski Mavpi-2” komandası ilə qarşılaşma keçirib

Basketbol üzrə Azərbaycan milli komandasının üzvü Amil Həmzəyev çıxış etdiyi Ukraynanın Yüksək Liqasında inamlı oyunu ilə seçilib.Azərtac xəbər verir ki, millimizin üzvünün formasını geydiyi “Kremen” klubu rəqib meydanında "Çerkaski Mavpi-2" komandası ilə iki qarşılaşma keçirib. “Kremen” komandası görüşlərin hər ikisində qalib gəlib - 80:54, 87:63.Amil Həmzəyev ikinci oyunda 27 xal, 8 ribaundluq nəticə ilə oyunun ən yaxşılarından biri olub.xeber100.com

Çimərlik voleybolu üzrə beynəlxalq turnir başlayıb

Bakıda çimərlik voleybolu üzrə beynəlxalq turnir başlayıb.Azərtac xəbər verir ki, yarışda kişilər arasında Azərbaycan, Avstriya, Çexiya, Danimarka, Finlandiya, Fransa, Yunanıstan, İtaliya, Latviya, Hollandiya, Rusiya, Sloveniya, İsveç, Türkiyə və Ukrayna voleybolçuları mübarizə aparırlar.Qadınların mübarizəsində isə Azərbaycan, Avstriya, Belçika, Belarus, Cənubi Kipr, Çexiya, Danimarka, Fransa, Almaniya, Yunanıstan, Macarıstan, Hollandiya, Rusiya, Şotlandiya, Sloveniya və İsveç təmsilçiləri yarışır.Turnirə oktyabrın 14-də yekun vurulacaq.xeber100.com

Futzal üzrə UEFA kubokunun əsas mərhələsində

Futzal üzrə UEFA kubokunun əsas mərhələsində Azərbaycan çempionu “Araz” bu gün ilk oyununu keçirəcək.AFFA-dan Azərtac-a bildirilib ki, təmsilçimiz Rumıniyanın Deva şəhərindəki idman kompleksində Bosniya və Herseqovinanın “Mostar” komandası ilə qarşılaşacaq.Oyunu Tomasz Frak (Polşa), Kiril Naişouler (Finlandiya) və Şota Kuxilavadan (Gürcüstan) ibarət hakimlər idarə edəcəklər.“Araz”ın heyətində Rövşən Hüseynli, Emin Kürdov, Qabriel Bastos, Eduardo Borges, Karvalho dos Santos, Maykon da Silva, Ramiz Çovdarov, Rizvan Fərzəliyev, Teles Thaqo, Xətai Bağırov, İsa Atayev, Ramil Quliyev və Oktay Rüstəmli yer alıblar.xeber100.com

U-19 komandası Kipr millisi ilə qarşılaşıb

Azərbaycan millisi 19 yaşadək futbolçulardan ibarət komandalar arasında Avropa çempionatının ilkin seçmə mərhələsində sonuncu oyununa çıxıb.Azərtac xəbər verir ki, futbolçularımız İrlandiyanın Ueksford şəhərindəki “Ferrycarrig Park” stadionunda Kipr yığması ilə qarşılaşıblar.Matç 2:1 hesabı ilə Kipr yığmasının xeyrinə başa çatıb.Xatırladaq ki, yığmamız seçmə mərhələnin ilk oyununda İrlandiya komandası ilə 0:0 hesablı heç-heçə edib, ikinci qarşılaşmada isə Serbiya yığmasına 1:4 hesabı ilə məğlub olub.xeber100.com

Bakı Şəhər Gənclər və İdman Baş İdarəsinin məlumatı

Stend Atıcılığı İdman Kompleksində Bakı Şəhər Gənclər və İdman Baş İdarəsi tərəfindən keçirilən kişilər arasında stend atıcılığı üzrə Bakı şəhər birinciliyinə yekun vurulub.Baş İdarədən Azərtac-a bildiriblər ki, yarış dairəvi və səngər stendi sistemi üzrə keçirilib. Səngər sistemi üzrə yarışda Mirmömin Ağazadə, Cabir Mehdizadə və Vaqif Məmmədov birinci, ikinci və üçüncü yerlərdə qərarlaşıblar. Dairəvi sistem üzrə yarışda isə Niyaz Ağazadə, Cavid Həsənov, Əli Səfərli ilk üç pillədə yer alıblar.Qaliblər Baş İdarə tərəfindən müvafiq dərəcəli diplomlar və xatirə hədiyyələri ilə təltif olunublar.xeber100.com

Cüdo Federasiyasının dəstəyi ilə keçirilən region birinciliyinə yekun vurulub

İsmayıllıda Azərbaycan Cüdo Federasiyasının dəstəyi ilə keçirilən region birinciliyinə yekun vurulub. Şimal bölgəsindən olan yeniyetmə cüdoçular iki yaş qrupu üzrə medallar uğrunda yarışıblar.Azərtac xəbər verir ki, 2001-2003-cü il təvəllüdlü yeniyetmələrin birinciliyində ismayıllı cüdoçuları daha yaxşı nəticə göstərərək ümumi komanda hesabında birinci yeri tutublar.Qaliblərə Azərbaycan Cüdo Federasiyasının diplomları, medallar və hədiyyələr verilib.Şimal regionu üzrə birincilikdə Oğuz, Ağsu, İsmayıllı, Qəbələ, Qobustan və Şamaxı cüdoçuları mübarizə aparıblar.Yeniyetmə cüdoçuların zona yarışları Qubada davam etdiriləcək.xeber100.com

Avropa zonası üzrə pley-off mərhələsində iştirak edəcək komandalar müəyyənləşib

Futbol üzrə dünya çempionatının Avropa zonası üzrə pley-off mərhələsində iştirak edəcək milli komandalar müəyyənləşib.Azərtac xəbər verir ki, Avropa zonası üzrə seçmə mərhələnin sonuncu turundan sonra İsveç, İsveçrə və Yunanıstan pley-off mərhələsində iştirak hüququ qazanıblar.Öz qrupunda ikinci olan 9 yığma komanda arasında ən zəif nəticə göstərən Slovakiya millisi isə növbəti mərhələyə yüksələ bilməyib.Beləliklə, noyabrda keçiriləcək pley-off mərhələsində İtaliya, Danimarka, Şimali İrlandiya, İsveçrə, İsveç, İrlandiya, Xorvatiya və Yunanıstan yığmaları dünya çempionatına vəsiqə uğrunda mübarizə aparacaqlar.Oktyabrın 17-də FIFA-nın açıqlayacağı yeni reytinq cədvəlinə əsasən komandalar əmsallarına görə, iki səbətə bölünəcəklər. Həmin gün isə pley-off mərhələsinin püşkü atılacaq.Pley-off mərhələsinin ilk oyunları noyabrın 9-11-də, cavab görüşləri isə 12-14-də keçiriləcək.xeber100.com