“Marsel”-PSJ oyunu Fransa çempionatının X turu çərçivəsində

PSJ futbol klubunun azarkeşləri Fransa çempionatı çərçivəsində “Marsel” ilə səfər oyununa buraxılmayacaq.“L’Equipe” qəzeti  xəbər verir ki, ardıcıl üç ildir Paris klubunun azarkeşlərinə oyununun keçirildiyi “Velodrom” stadionuna giriş qadağandır. Bunun təhlükəsizlik məsələləri ilə əlaqədar olduğu bildirilir.Qeyd edək ki, “Marsel”-PSJ oyunu Fransa çempionatının X turu çərçivəsində oktyabrın 22-də keçiriləcək.xeber100.com

Cüdoçular arasında paytaxt birinciliyinə start verilib

“Sərhədçi” İdman Olimpiya Mərkəzində 18 yaşadək yeniyetmə cüdoçular arasında paytaxt birinciliyinə start verilib.Azərtac xəbər verir ki, yarışın ilk günündə “Neftçi İdman Klubu”nun üç cüdoçusu mükafatçılar sırasında yer alıb.Klubun yetirməsi Əlihümbət Qafarov (50 kq) yalnız həlledici görüşdə məğlub olub və Bakı birinciliyinin gümüş medalına layiq görülüb. Cavid Piriyev və Çingiz Fəttahov (hər ikisi 55 kq) isə fəxri kürsünün üçüncü pilləsində qərarlaşıblar.Qaliblərə Azərbaycan Cüdo Federasiyası, eləcə də Bakı Şəhər Gənclər və İdman Baş İdarəsi tərəfindən diplom, medal və hədiyyələr təqdim olunub.xeber100.com

UEFA-nın Millətlər Liqası divizionlarının tərkibi məlum olub

2018-ci il Dünya çempionatına seçmə turniri başa çatdıqdan sonra Avropada gələn ilin sentyabrında start götürəcək UEFA-nın Millətlər Liqası divizionlarının tərkibi məlum olub. Qruplar üzrə bölüşdürülmə UEFA-nın yığmalara dair reytinqi əsasında keçirilib.Azərtac xəbər verir ki, Millətlər Liqasında çıxış edəcək 55 Avropa yığması 4 diviziona bölünəcək. A və B divizionlarının hərəsinə 12, C divizionuna 15, D divizionuna isə 16 komanda düşüb.Azərbaycan komandası Makedoniya, Gürcüstan, Belarus, Ermənistan, Farer adaları, Latviya, Lüksemburq, Qazaxıstan, Moldova, Lixtenşteyn, Malta, Kosovo, Andorra, San-Marino və Hibraltar yığmaları ilə turnirin dördüncü divizionuna düşüb. Bu komandalar hər qrupda 3 yığma olmaqla 4 qrupa bölünəcək və birinci diviziona çıxmaq uğrunda mübarizə aparacaqlar. Qruplar üzrə püşkatma yanvarın 24-də İsveçrənin Lozanna şəhərində keçiriləcək.A divizionu (hərəsində 3 komanda olmaqla 4 qrup): Almaniya, Portuqaliya, İspaniya, Belçika, İngiltərə, Fransa, İsveçrə, İtaliya, Polşa, İslandiya, Xorvatiya, Hollandiya.B divizionu (hərəsində 3 komanda olmaqla 4 qrup): Avstriya, Uels, Rusiya, Slovakiya, Ukrayna, İrlandiya, İsveç, Şimali İrlandiya, Danimarka, Bosniya və Herseqovina, Çexiya, Türkiyə.C divizionu (3 komandadan ibarət 1 qrup və hərəsi 4 komandadan ibarət 3 qrup): Rumıniya, Şotlandiya, Sloveniya, Macarıstan, Serbiya, Albaniya, Norveç, Yunanıstan, Monteneqro, İsrail, Bolqarıstan, Finlandiya, Kipr, Estoniya, Litva.Qrup mərhələsində oyunlar 2018-ci ilin sentyabr-noyabr aylarında keçiriləcək. A divizionunda qrupların qalibləri 2019-cu ilin iyununda “dördlərin finalı”nı keçirəcək. A, B, C divizionlarının qruplarında ən zəif komandalar aşağı diviziona düşəcək və onları müvafiq qrupların qalibləri əvəz edəcək.Əlavə edək ki, bütün divizionların qalibləri olan 16 komanda “Avro-2020”nin final turnirinə 4 vəsiqə qazanacaq. Qarşılaşma matçları divizion daxilində keçiriləcək. Bununla da, turnirdə hər diviziondan ən azı 2 komanda iştirak edəcək.xeber100.com

Dünya çempionatına seçmə turniri başa çatdıqdan sonra…

2018-ci il Dünya çempionatına seçmə turniri başa çatdıqdan sonra Avropada gələn ilin sentyabrında start götürəcək UEFA-nın Millətlər Liqası divizionlarının tərkibi məlum olub. Qruplar üzrə bölüşdürülmə UEFA-nın yığmalara dair reytinqi əsasında keçirilib.Azərtac xəbər verir ki, Millətlər Liqasında çıxış edəcək 55 Avropa yığması 4 diviziona bölünəcək. A və B divizionlarının hərəsinə 12, C divizionuna 15, D divizionuna isə 16 komanda düşüb.Azərbaycan komandası Makedoniya, Gürcüstan, Belarus, Ermənistan, Farer adaları, Latviya, Lüksemburq, Qazaxıstan, Moldova, Lixtenşteyn, Malta, Kosovo, Andorra, San-Marino və Hibraltar yığmaları ilə turnirin dördüncü divizionuna düşüb. Bu komandalar hər qrupda 3 yığma olmaqla 4 qrupa bölünəcək və birinci diviziona çıxmaq uğrunda mübarizə aparacaqlar. Qruplar üzrə püşkatma yanvarın 24-də İsveçrənin Lozanna şəhərində keçiriləcək.A divizionu (hərəsində 3 komanda olmaqla 4 qrup): Almaniya, Portuqaliya, İspaniya, Belçika, İngiltərə, Fransa, İsveçrə, İtaliya, Polşa, İslandiya, Xorvatiya, Hollandiya.B divizionu (hərəsində 3 komanda olmaqla 4 qrup): Avstriya, Uels, Rusiya, Slovakiya, Ukrayna, İrlandiya, İsveç, Şimali İrlandiya, Danimarka, Bosniya və Herseqovina, Çexiya, Türkiyə.C divizionu (3 komandadan ibarət 1 qrup və hərəsi 4 komandadan ibarət 3 qrup): Rumıniya, Şotlandiya, Sloveniya, Macarıstan, Serbiya, Albaniya, Norveç, Yunanıstan, Monteneqro, İsrail, Bolqarıstan, Finlandiya, Kipr, Estoniya, Litva.Qrup mərhələsində oyunlar 2018-ci ilin sentyabr-noyabr aylarında keçiriləcək. A divizionunda qrupların qalibləri 2019-cu ilin iyununda “dördlərin finalı”nı keçirəcək. A, B, C divizionlarının qruplarında ən zəif komandalar aşağı diviziona düşəcək və onları müvafiq qrupların qalibləri əvəz edəcək.Əlavə edək ki, bütün divizionların qalibləri olan 16 komanda “Avro-2020”nin final turnirinə 4 vəsiqə qazanacaq. Qarşılaşma matçları divizion daxilində keçiriləcək. Bununla da, turnirdə hər diviziondan ən azı 2 komanda iştirak edəcək.xeber100.com

Avropa Kubokunun üçüncü turunun oyunları keçirilib

Türkiyənin Antalya şəhərində kişi və qadın şahmatçılardan ibarət klub komandaları arasında Avropa Kubokunun üçüncü turunun oyunları keçirilib.Azərtac xəbər verir ki, bu turda Azərbaycanın kişi şahmatçılardan ibarət “Odlar Yurdu” komandası İtaliyanın “Obiettivo Risarcimento Padova” komandası üzərində 3,5:2,5 hesabı ilə qələbə qazanıb.Turnirdə 3 turdan sonra kişi komandaları arasında “Qlobus” (Rusiya) – 6 (14), “Odlar Yurdu” – 6 (13,5), “Gambit Asseco See” (Makedoniya) - 6 (13,5), “LSG Leiden” (Niderland) - 6 (12), və “Mednıy Vsadnik” - 5 (13) komandaları liderdir.Azərbaycanın qadın yığması Belarusun “Bossa Nova” komandasına 1,5:2,5 hesabı ilə məğlub olub.Üç turdan sonra qadın komandaları arasında “Bossa Nova” üç qələbə qazanmaqla 6 matç xalı və 9 fərdi xal əldə edərək liderdir. Beş komanda dərhal hərəyə 4 xal qazanıb. Rusiyadan olan “Legacy Square Capital” komandası 4 (7,5) xalla ikinci, “Odlar Yurdu” - 4 (7,5) üçüncü, Gürcüstanın “Batumi Chess Club NONA” komandası isə dördüncü yerdədir.Yarışların dördüncü turunda Azərbaycanın kişilərdən ibarət yığması Hollandiyanın “LSG LeidenŠk” komandası, qadın şahmatçılarımız isə Türkiyənin “Anatolia” yığması ilə qarşılaşacaq.“Odlar Yurdu”-“LSG LeidenŠk” qarşılaşmasında Yan Maykl Sprenger - Arkadi Naydiç, Artur Piclers - Rauf Məmmədov, Haastert Edvin Van - Qədir Hüseynov, Kasper Şoppen - Eltac Səfərli, Elke Viersma - Nicat Abbasov və Martin Robol - Azər Mirzəyev mübarizə aparacaq.“Odlar Yurdu”-“Anatolia” matçında Zeynəb Məmmədyarova - Yekaterina Atalik, Ülviyyə Fətəliyeva -Bətul Cəmrə Yıldız, Xanım Balacayeva - Xəyalə İsgəndərova və Aydan Höcətova - Çagil İrmak Arda qarşılaşacaq.Qaliblər və mükafatçılar İsveçrə sistemi üzrə keçirilən yeddi turun nəticələrinə görə müəyyən olunacaq.Vaxta nəzarət: ilk 40 gediş üçün 90 dəqiqə, sonra birinci gedişdən başlayaraq hər gedişə 30 saniyə əlavə olunmaqla partiyanın sonuna qədər 30 dəqiqədir.xeber100.com

Futzal üzrə UEFA kubokunun əsas mərhələsində

Futzal üzrə UEFA kubokunun əsas mərhələsində mübarizə aparan Naxçıvanın “Araz” klubu ilk oyununu keçirib.Azərtac xəbər verir ki, təmsilçimiz Bosniya və Herseqovinanın “Mostar” komandası ilə qarşılaşıb.Oyun 5:2 hesabı ilə "Araz"ın xeyrinə başa çatıb. Maykon da Silvanın dubl etdiyi oyunda “Araz”ın digər qollarını Teles Thaqo, Xətai Bağırov və İsa Atayev vurublar.İkinci oyununu bu gün keçirəcək təmsilçimiz Maltanın “St Andreus” komandası ilə qarşılaşacaq. Oyun Bakı vaxtı ilə saat 17.30-da başlayacaq.xeber100.com

Hava və Ekstremal İdman Növləri Federasiyasının məlumatı

Noyabrın 4-5-də idman dırmanması üzrə IV Şəki şəhər açıq birinciliyi keçiriləcək. Turnir Azərbaycan Hava və Ekstremal İdman Növləri Federasiyasının (FAIREX), Şəki Şəhər Gənclər və İdman İdarəsinin, “Şəki A.M.A” idman klubunun, Yeni Azərbaycan Partiyası Şəki rayon təşkilatı gənclər birliyinin və Şəki Regional Debat Mərkəzinin dəstəyi ilə təşkil olunacaq.FAIREX-dən Azərtac-a bildiriblər ki, yarışda 10 yaşdan yuxarı oğlanlar və qızlar iştirak edə bilərlər.Turnirin keçirilməsində məqsəd idmanın bu növünün kütləviliyinin artırılması, potensialı olan yeniyetmə və gənclərin üzə çıxarılmasıdır. Yarışda dərəcə qazanan idmançılar əsasında Şəki şəhərini ölkə səviyyəli turnirlərdə təmsil edəcək komanda formalaşdırılacaq.xeber100.com

“Kremen” klubu “Çerkaski Mavpi-2” komandası ilə qarşılaşma keçirib

Basketbol üzrə Azərbaycan milli komandasının üzvü Amil Həmzəyev çıxış etdiyi Ukraynanın Yüksək Liqasında inamlı oyunu ilə seçilib.Azərtac xəbər verir ki, millimizin üzvünün formasını geydiyi “Kremen” klubu rəqib meydanında "Çerkaski Mavpi-2" komandası ilə iki qarşılaşma keçirib. “Kremen” komandası görüşlərin hər ikisində qalib gəlib - 80:54, 87:63.Amil Həmzəyev ikinci oyunda 27 xal, 8 ribaundluq nəticə ilə oyunun ən yaxşılarından biri olub.xeber100.com

Çimərlik voleybolu üzrə beynəlxalq turnir başlayıb

Bakıda çimərlik voleybolu üzrə beynəlxalq turnir başlayıb.Azərtac xəbər verir ki, yarışda kişilər arasında Azərbaycan, Avstriya, Çexiya, Danimarka, Finlandiya, Fransa, Yunanıstan, İtaliya, Latviya, Hollandiya, Rusiya, Sloveniya, İsveç, Türkiyə və Ukrayna voleybolçuları mübarizə aparırlar.Qadınların mübarizəsində isə Azərbaycan, Avstriya, Belçika, Belarus, Cənubi Kipr, Çexiya, Danimarka, Fransa, Almaniya, Yunanıstan, Macarıstan, Hollandiya, Rusiya, Şotlandiya, Sloveniya və İsveç təmsilçiləri yarışır.Turnirə oktyabrın 14-də yekun vurulacaq.xeber100.com

Futzal üzrə UEFA kubokunun əsas mərhələsində

Futzal üzrə UEFA kubokunun əsas mərhələsində Azərbaycan çempionu “Araz” bu gün ilk oyununu keçirəcək.AFFA-dan Azərtac-a bildirilib ki, təmsilçimiz Rumıniyanın Deva şəhərindəki idman kompleksində Bosniya və Herseqovinanın “Mostar” komandası ilə qarşılaşacaq.Oyunu Tomasz Frak (Polşa), Kiril Naişouler (Finlandiya) və Şota Kuxilavadan (Gürcüstan) ibarət hakimlər idarə edəcəklər.“Araz”ın heyətində Rövşən Hüseynli, Emin Kürdov, Qabriel Bastos, Eduardo Borges, Karvalho dos Santos, Maykon da Silva, Ramiz Çovdarov, Rizvan Fərzəliyev, Teles Thaqo, Xətai Bağırov, İsa Atayev, Ramil Quliyev və Oktay Rüstəmli yer alıblar.xeber100.com