“Neymar Jr’s Five” beynəlxalq futbol turnirinin finalı keçirilib

Bakıda Dənizkənarı Milli Parkda “Neymar Jr’s Five” beynəlxalq futbol turnirinin Azərbaycan finalı keçirilib.Azərtac xəbər verir ki, 16 komandanın iştirak etdiyi final mərhələsində bir sıra regionların təmsilçiləri də mübarizə aparıblar.Gəncə, Lənkəran, Şəki, Quba və Bakıdan seçim mərhələlərində iştirak edən 330 komandadan 16 kollektiv milli finalda çıxış etməklə yarışın qalibini müəyyənləşdirib. Onlar ulduz futbolçu Neymarın vətəni Braziliyaya dünya finalına yollanmaq uğrunda mübarizə aparıblar.Gərgin mübarizə ilə yadda qalan milli finalda Bakını təmsil edən “Şirinlər” komandası çempion olub. Finalda “Qara Qartal”la qarşılaşan “Şirinlər” 1:0 hesabı ilə qələbə qazanaraq çempionluq sevinci yaşayıb.xeber100.com

Güləş üzrə Avropa çempionatı başa çatıb

Serbiyanın Novı Sad şəhərində güləş üzrə Avropa çempionatı başa çatıb. Çempionatın sonuncu günündə 71, 75, 80 və 85 kiloqram çəki dərəcəsində yunan-Roma güləşçiləri mübarizəyə qoşulublar.Azərtac xəbər verir ki, 75 kiloqram çəki dərəcəsində mübarizə aparan Ruhin Mikayılov ardıcıl olaraq Danimarka və Ukrayna güləşçilərini məğlub edib. Yarımfinalda Rusiya idmançısı Çingiz Labazanova uduzan güləşçimiz bürünc medal uğrunda görüşə haqq qazanıb. Üçüncü yer uğrunda görüşdə onun rəqibi Belarus idmançısı olub. Ancaq görüş güləşçimiz üçün uğurlu alınmayıb. Ruhin Mikayılov çempionatı beşinci sırada tamamlayıb.Xatırladaq ki, Azərbaycanın sərbəst və qadın güləşçiləri ilk 4 yarış günündə 2 qızıl, 3 gümüş və 3 bürünc medal qazanıblar.xeber100.com

Boksçular arasında beynəlxalq turnir keçirilib

Polşanın paytaxtı Varşavada kişi və qadın boksçular arasında Feliks Stammanın xatirəsinə həsr olunmuş beynəlxalq turnir keçirilib. XXXIV dəfə təşkil olunan “A” kateqoriyalı ənənəvi yarışa Azərbaycan yığması da qatılıb.Azərtac xəbər verir ki, 23 ölkədən boksçuların mübarizə apardığı turnirdə millimiz 6 qadın boksçu ilə təmsil olunub. Səfərə baş məşqçi Elbrus Rzayevin rəhbərliyi altında yollanan komandamız turniri 2 medalla başa vurub.Yığmamızın lideri Anna Əlimərdanova Varşavada bütün rəqiblərindən üstün olub. Yarışda 57 kiloqram çəki dərəcəsində çıxış edən Avropa Oyunlarının bürünc medalçısı finalda amerikalı Vendi Cesi ilə qarşılaşıb. 4:0 hesabı ilə qalib gələn Əlimərdanova qızıl medala yiyələnib.Komandamızın aktivinə digər medalı Şəhla Allahverdiyeva yazdırıb. Turnirdə 69 kiloqram çəki dərəcəsində qüvvəsini sınayan boksçumuz həlledici görüşdə almaniyalı Nadine Apitslə qarşılaşıb. 0:5 hesabı ilə məğlub olan təmsilçimiz gümüş medalla kifayətlənib.Yarışı 1 qızıl və 1 gümüş medalla başa vuran qadınlardan ibarət yığmamız komanda hesabında ikinci yeri tutub.Qeyd edək ki, digər boksçularımızdan Viktoriya İsmayılova (51 kq), Məhsəti Həmzəyeva (57 kq) 1/8 finalda, Anaxanım Ağayeva (51 kq) və Yana Alekseyevna (60 kq) isə 1/4 finalda məğlubiyyətə üzülüblər.

Rusiya çempionatında qızıl mükafatçı müəyyənləşib

Futbol üzrə Rusiya çempionatında qızıl mükafatçı müəyyənləşib.Azərtac xəbər verir ki, “Spartak” klubu Rusiya Premyer Liqasında sona 3 tur qalmış çempionluğunu rəsmiləşdirib.Paytaxt təmsilçisi buna “Tom” üzərində əldə edilən qələbə və “Zenit”in “Terek”ə minimal hesablı məğlubiyyətindən sonra nail olub.Moskvalılar sonuncu dəfə 2001-ci ildə ölkə çempionu olublar və bu onların onuncu qalibiyyətidir.xeber100.com

Şahmat üzrə Avropa çempionatına ərizə vermək müddəti uzadılıb

Mayın 29-dan iyunun 10-dək Minskdə keçiriləcək şahmat üzrə Avropa çempionatına ərizə vermək müddəti mayın 15-dək uzadılıb.Azərtac xəbər verir ki, turnir növbəti Dünya Kuboku üçün seçim yarışı xarakterindədir. FIDE-nin əsasnaməsinə və Avropa Şahmat İttifaqının idarə heyətinin qərarına əsasən Dünya Kubokuna 22 şahmatçı seçiləcək.Hazırda 37 ölkə, o cümlədən Azərbaycan öz iştirakını təsdiqləyib. Azərbaycanı qrossmeysterlər Arkadi Naydiç, Eltac Səfərli, Rauf Məmmədov, Qədir Hüseynov, Nicat Abbasov, beynəlxalq ustalar Ülvi Sadıxov, Orxan Abdulov, Nərmin Xələfova, habelə FIDE ustası Kənan Qarayev təmsil edəcək.Çempionat İsveçrə sistemi üzrə keçiriləcək və 11 turdan ibarət olacaq. Vaxta nəzarət: 40 gediş üçün 90 dəqiqə və partiyanın sonuna qədər hər gediş üçün 30 saniyə əlavə olunmaqla 30 dəqiqə.Mükafat fondu 100000 avrodur.xeber100.com

“Bakı-2017” IV İslam Həmrəyliyi Oyunlarının futbol yarışına start verilib

Mayın 8-də “Bakı-2017” IV İslam Həmrəyliyi Oyunlarının futbol yarışına start verilib.Azərtac xəbər verir ki, mötəbər turnirin ilk oyununda Səudiyyə Ərəbistanı millisi Mərakeş komandası ilə qarşılaşıb. Görüş Mərakeş millisinin minimal hesablı qələbəsi ilə başa çatıb.“A” qrupu çərçivəsində “AZAL Arena”da təşkil olunan görüşdə Səudiyyə Ərəbistanı yığmasının start heyətində Omar Alsunaın, Abdulmohsen Fallatah, Abdullah Alfahad, Abdulelah Almalkı, Mohamed Kanno, Abdulrahman Alghamdi, Mohammed Alkuvaykibi, Abdulaziz Albişi, Fahad Zahim, Ali Hazazi və Habib Alvatyan yer alıblar.Mərakeş millisinin ilk onbirliyində isə meydana Yassine Əl Houasli, Fahd Moufi, Aşraf Dari, Zakaria Əl Ayoud, Valid Sabbar, Mohamed Kamal, Mohamed Elmorabit, Aymane Əl Hassouni, Houssam Amaanan, Yəhya Attıat-Allal və Zouheir Əl Moutarajı çıxıblar.Ukraynalı hakimlər briqadasının idarə etdiyi oyunun ilk hissəsində hesab açılmayıb.İkinci hissəyə daha fəal başlayan Mərakeş millisi matçın 76-cı dəqiqəsində istəyinə nail olub. Çouaib Əl Maftul adını tabloya yazdırıb – 1:0. Bu, oyunda yeganə qol olub və Mərakeş millisi “Bakı-2017”yə 1:0 hesablı qələbə ilə başlayıb.Günün digər qarşılaşmalarında Türkiyə-Əlcəzair, Fələstin-Oman və Azərbaycan-Kamerun qarşılaşmaları keçiriləcək.“Bakı-2017”nin futbol yarışında hər bir komandanın heyəti 23 yaşadək futbolçulardan ibarətdir. Bununla yanaşı, qaydalara əsasən, yaşı 23-dən yuxarı olan üç futbolçu da heyətdə yer alıb.Futbol üzrə Azərbaycan millisi IV İslam Həmrəyliyi Oyunlarında ilk dəfə çıxış edəcək.xeber100.com

“Bakı-2017” IV İslam Həmrəyliyi Oyunlarında…

“Bakı-2017” IV İslam Həmrəyliyi Oyunlarında Qazaxıstandan 32 idmançı mübarizə aparacaq. Qazaxıstanlı atletlər idmanın beş növü - boks, cüdo, sərbəst güləş, qadın güləşi və taekvando yarışlarında iştirak edəcəklər.Nümayəndə heyəti rəhbərinin müavini Ramazanova Karlıqaş Qazaxıstan idmançılarının IV İslam Həmrəyliyi Oyunlarında uğur qazanacaqlarına inandıqlarını bildirib.Qazaxıstan İslam Həmrəyliyi Oyunlarına ilk dəfə qatılıb.xeber100.com

“Nakhchivan Open-2017” şahmat festivalı davam edir

Naxçıvanda “Nakhchivan Open-2017” şahmat festivalı davam edir.Azərtac xəbər verir ki, üç qrupdan (“A”,”B”,”C”) ibarət turnir İsveçrə sistemi üzrə keçirilir və 9 turdan ibarətdir.“A” qrupunda 9 ölkədən – Azərbaycan, Belarus, Gürcüstan, Bolqarıstan, Almaniya, İran, Rusiya, Türkiyə və Özbəkistandan 47 şahmatçı, o cümlədən FIDE adlarının sahibi olan 42 şahmatçı iştirak edir.Üç turdan sonra “A” qrupunda hər biri 2,5 xal toplayan Azərbaycan şahmatçıları Nicat Abbasov, Vüqar Əsədli, Misrəddin İsgəndərov, Günay Məmmədova, Ülvi Sadıqov, habelə Vladimir Burmakin (Rusiya), Nikita Mayorov (Belarus) və İqor Henkin (Almaniya) liderlik edirlər. Yeddi şahmatçı hərəyə 2 xal toplayıb, 17 şahmatçının hər birinin aktivində 1,5 xal var.“B” qrupunda 92 iştirakçı (onların ikisi FİDE adlarının sahibidir), “C” qrupunda 159 şahmatçı mübarizə aparır.“A” turnirinin birinci mükafatı 5 min dollardır.xeber100.com

İspaniyanın “AS” idman qəzeti yazır…

İspaniyanın “AS” idman qəzetində “Madera, Kintana və Selles Azərbaycanda dubla nail oldular” sərlövhəli yazı dərc edilib.Məqalədə bildirilir ki, ispaniyalı futbolçular Dani Kintana, Miçel Madera və məşqçi Ruben Selles “Qarabağ” futbol klubunun heyətində bir neçə gün əvvəl Azərbaycan çempionluğunu qazanmışdılar. Bu dəfə isə Azərbaycan kubokunu qazanan “Qarabağ” klubunun futbolçuları qızıl dubla nail olublar.xeber100.com

Beynəlxalq velosiped turunun sonuncu mərhələsinə start verilib

Mayın 7-də Bakının Azadlıq meydanında “Tour d’Azerbaidjan-2017” beynəlxalq velosiped turunun sonuncu – beşinci mərhələsinə start verilib.Azərtac xəbər verir ki, velosipedçilər bu mərhələdə Bakı-Abşeron-Bakı marşrutu üzrə 158 kilometr məsafə qət etdikdən sonra Azadlıq meydanındakı finiş xəttinə çatacaqlar.Yarışda 18 ölkədən 22 komanda mübarizə aparır. Onlardan 6-sı peşəkar kontinental, “Synergy Baku” da daxil olmaqla 16-sı kontinental kollektivdir.Bu yürüşdə “Synergy Baku”nun heyətində Elgün Əlizadə, Elçin Əsədov, Ənvər Asanov, Samir Cəbrayılov, Kiril Pozdnyakov və Yosip Rumaç çıxış edirlər.Dörd turun yekununda şəxsi hesabda “Synergy Baku”nun velosipedçisi Kiril Pozdnyakov liderdir. O, dağ velosipedçiləri arasında liderlik edir. Komanda hesabında isə Ukraynanın “Kolss” komandası yürüş cədvəlinə başçılıq edir.Veloyürüşün ən gənc iştirakçısı Fransanın “Delko Marsel” komandasının üzvü Con Rodrigesdir.xeber100.com