XXI dünya çempionatının təsnifat mərhələsinin oyunlarına start verilir

2018-ci ildə Rusiyada keçiriləcək futbol üzrə XXI dünya çempionatının təsnifat mərhələsinin oyunlarına sentyabrın 4-də start verilir. Azərtac AFFA-nın saytına istinadla xəbər verir ki, təsnifat mərhələsinin ilk turunda Azərbaycan milli komandası səfərdə San-Marino yığmasının qonağı olacaq. Qarşılaşma Bakı vaxtı ilə saat 20:00-da Serravalle şəhərindəki “San Mariono” stadionunda başlayacaq. Oyunu Belçikadan olan hakimlər briqadası idarə edəcək. Görüşün baş hakimi Sebastien Delferieredir. Ona İves de Neve və Jo de Veirdt kömək edəcəklər. Dördüncü hakim funksiyasını isə Aleksandre Boukaut yerinə yetirəcək. Azərbaycan milli komandası “C” qrupunda Almaniya, Çexiya, Şimali İrlandiya, Norveç və San-Marino yığmaları ilə mübarizə aparır.xeber100.com

UEFA prezidentliyinə namizədlərin siyahısını təsdiq edib

FİFA Müşahidə Şurası UEFA prezidentliyinə namizədlərin siyahısını təsdiq edib. Apasport.az saytının məlumatına görə, qarşıdakı seçkilərdə 3 namizəd mübarizə aparacaq. Belə ki, ispaniyalı Anxel Mariya Vilyar, holland Mixael van Praq və sloveniyalı Aleksandr Çeferin qitənin ali futbol qurumuna başçılıq etmək üçün bir-biriləri ilə yarışacaqlar. Qeyd edək ki, prezident seçkiləri sentyabrın 14-də Yunanıstanın paytaxtı Afinada keçiriləcək. Elə həmin gün də Mişel Platinin prezident postundan getməsi rəsmən elan olunacaq. Fransız 2007-ci ildən bu vəzifədə çalışırdı.xeber100.com

Şahmat Olimpiadasında ikinci turun oyunları keçirilib

Bakıda keçirilən 42-ci Ümumdünya Şahmat Olimpiadasında bu gün ikinci turun oyunları keçirilib. Apasport.az saytının məlumatına görə, kişilərdən ibarət əsas millimiz Makedoniya ilə qarşılaşıb. Görüş yığmamızın təmiz qələbəsi ilə başa çatıb - 0:4 İkinci yığmamız isə Litvaya cəmi yarım xal verib - 0.5:3.5. Kişilərdən ibarət üçüncü komandamız Belarusa məğlub olub - 0.5:3.5 Favoritlərdən Rusiya Türkmənistanı - 4:0, ABŞ Şotlandiyanı - 3.5:0.5, Çin Belçikanı - 3.5:0.5, Ukrayna isə Albaniyanı - 3.5:0.5 məğlub edib. Qadınlardan ibarət əsas millimizin rəqibi Meksika olub. Zəirflərimiz çətin də olsa, qalib gələ biliblər - 2.5:1.5. İkinci komandamız da Monqolustanı eyni hesabla yenib - 2.5:1.5. Üçüncü yığmamız isə Türkiyə qarşısında məğlubiyyətlə barışmalı olub - 1.5:2.5. Favoritlərdən Çin Monteneqronu - 4:0, Ukrayna Moldovanı - 3.5:0.5, Rusiya Ekvadoru - 4:0, Hindistan isə Braziliyanı - 3:1 məğlub edib.

Ümumdünya Şahmat Olimpiadası başladı

Bu gün “Bakı Kristal Hall”da 42-ci Ümumdünya Şahmat Olimpiadasının oyunlarına start verilir. Azərtac xəbər verir ki, yarışlarda rekord sayda komanda iştirak edir. Kişilərin komanda turnirində 181 yığma komanda, qadınların yarışlarında isə 142 komanda mükafatlar uğrunda mübarizə aparacaq. Turnir iştirakçılarının, hakimlərin, jurnalistlərin, məşqçi və nümayəndələrin, habelə FİDE-nin konqresinin nümayəndələrinin ümumi sayı 3.000 nəfərdən çoxdur. Birinci turda Azərbaycanın birinci yığması Zimbabve komandası ilə, ikinci komandamız Mozambik şahmatçıları ilə qarşılaşacaq, üçüncü komandamızın rəqibləri isə Papua-Yeni Qvineya şahmatçıları olacaq. Azərbaycanın kişilərdən ibarət yığma komandasının əsas rəqibləri Rusiya, ABŞ, Çin, Ukrayna, Fransa və Polşa komandaları olacaq. Qadınlardan ibarət komandaların mübarizəsində Azərbaycanın birinci yığmasının rəqibi Nikaraqua, ikinci komandamızın rəqibləri Yaponiya, üçüncü komandanın rəqibləri isə Lesoto şahmatçıları olacaq. Ölkəmizin qadın şahmatçılarının əsas rəqibləri Çin, Ukrayna, Rusiya, Gürcüstan, Hindistan, ABŞ və Macarıstan təmsilçiləri olacaq. Azərbaycan-1 – Zimbabve Şəhriyar Məmmədyarov – Roduell Makoto Teymur Rəcəbov – Farai Mandija Arkadi Naydiç – Gödəkcə Masanqo Eltac Səfərli – Takudzva Muşore Azərbaycan-2 – Mozambik Vasif Durarbəyli – Mateus Elis Nicat Abbasov – Uilton Kalikoa Qədir Hüseynov – İlidio Çunquane Namiq Quliyev – Donaldo Paiva Papua-Yeni Qvineya – Azərbaycan-3 Stüart Fensi – Vüqar Əsədli Helmut Marko – Nail Bəşirli Helmut Marko Cunior – Məhəmməd Muradlı Kreyq Şexan – Pərviz Qasımov Qadınların yarışları Nikaraqua – Azərbaycan-1 Katya Mendeta - Zeynəb Məmmədyarova Mariya Qranados - Gülnar Məmmədovdur Pamela Alarkon - Aydan Höcətova Mariya Moraqa – Nərmin Kazımova Yaponiya – Azərbaycan-2 Mirai İşizuka – Türkan Məmmədyarova Karen Xoşino - Xəyalə Abdulla Azumi Sakai – Ülviyyə Fətəliyeva Misaki Şibata - Nərgiz Umudova Lesoto – Azərbaycan-3 Maboloko Leboela – Nərminə Məmmədova Tisetso Xatane - Xanım Balacayeva Nqatane Liketsenq – Gövhər Beydullayeva Natali Makferson - Aynur Kətanova İsveçrə sistemi üzrə keçirilən yarışlar 11 turdan ibarət olacaq. Oyun günləri 2-6 sentyabr və 8-13 sentyabr olacaq, sentyabrın 7-si isə Olimpiadada istirahət günüdür. İlk 10 tur Bakı vaxtı ilə saat 15:00-da, sonuncu - 11-ci tur isə saat 11:00-da başlanacaq.

XV Yay Paralimpiya Oyunları başlayır

Rio-de-Janeyroda keçiriləcək XV Yay Paralimpiya Oyunlarında iştirak edəcək Azərbaycanın paralimpiya yığması və nümayəndə heyətinin Braziliyaya yola salınması mərasimi keçirilib. Azərtac xəbər verir ki, Heydər Əliyev Beynəlxalq Aeroportunda təşkil edilən mərasimdə Milli Paralimpiya Komitəsinin prezidenti İlqar Rəhimov, komitə rəsmiləri, idman ictimaiyyəti, idmansevərlər və KİV nümayəndələri iştirak ediblər. Rio-de-Janeyroya 27 idmançı yola düşüb. İdmanın altı - cüdo, atletika, pauerliftinq, üzgüçülük, güllə atıcılığı və kamandan oxatma növü üzrə mübarizəyə qoşulacaq paralimpiyaçılarımızın 6-sı qadındır. Lisenziyaların sayı isə 44-dür. Bu rəqəmləri “London-2012” ilə müqayisə etdikdə, 6 idmançı və 8 lisenziya çoxdur. Heyət daha çox gənclərdən ibarətdir. Paralimpiya Kəndində Azərbaycanın bayrağı sentyabrın 5-də qaldırılacaq. İki gün sonra isə Rionun nəhəng Marakana stadionunda yarışın açılış mərasimi təşkil ediləcək. Mötəbər yarışda üçrəngli bayrağımızı ikiqat Paralimpiya çempionu, “Bakı-2015” ilk Avropa Oyunlarının qalibi və yığmanın kapitanı İlham Zəkiyev aparacaq. Açılış üçün sürpriz də hazırlanıb. Ümumilikdə, paralimpiyaçılarımız mötəbər turnir öncəsi yüksək səviyyədə hazırlıq keçiblər. “London-2012” Olimpiya Oyunları başa çatdıqdan sonra yeni proqram üzrə hazırlığa start verən idmançılar üçün hər cür şərait yaradılib. Hazırlıqlara təlim-məşq toplanışları, beynəlxalq yarışlarda çıxışlar, maddi-texniki bazanın genişləndirilməsi və digər məsələlər daxil edilib.xeber100.com

Dünya kuboku yarışı keçiriləcək

Ötən il ilk dəfə arena polo üzrə birinci Avropa çempionatını keçirən Azərbaycan Respublikasının Atçılıq Federasiyası (ARAF) sentyabrın 9-dan 11-dək CBC Sport arena polo üzrə dünya kuboku yarışını təşkil edəcək. Azərtac xəbər verir ki, Binə Atçılıq Mərkəzindəki “Elit Atçılıq və Polo” klubda təşkil ediləcək yarışda dörd beynəlxalq polo klubunu təmsil edən komandalar kubok uğrunda mübarizə aparacaq.xeber100.com

Azərbaycan millisinin heyəti açıqlanıb

Sentyabrın 10-dan oktyabrın 1-dək Kolumbiyada keçiriləcək dünya çempionatının final mərhələsində iştirak edəcək futzal üzrə Azərbaycan millisinin heyəti açıqlanıb. Azərtac xəbər verir ki, dünya çempionatı üçün heyətə Rövşən Hüseynli, Emin Kürdov, Rizvan Fərzəliyev, Vitali Borisov, Tyaqo Teles Martins, İsa Atayev, Xətai Bağırov, Fineo de Araujo, Eduardo Mello Borges, Ramiz Çovdarov, Fabio Jose Polletto, Villiams Oliveira Do Nascimento və Everton Kardosa dəvət olunublar.xeber100.com

“Qalatasaray” klubu heyətinə daha bir futbolçu cəlb edib

İstanbulun “Qalatasaray” klubu heyətinə daha bir futbolçu cəlb edib. Türkiyə mətbuatının məlumatına görə, İstanbul təmsilçisi ABŞ-ın “Los Anceles Qalaksi” klubunun futbolçusu Naycel de Yonqu transfer edib. Bu keçid “sarı-qırmızılar” üçün pulsuz başa gəlib. Hollandiyalı yarımmüdafiəçi ilə ikiillik müqavilə imzalanıb. Qeyd edək ki, 31 yaşlı futbolçu “Mançester Siti” və “Milan” kimi klublarda da çıxış edib.xeber100.com

Güləş üzrə dünya çempionatı davam edir

Fransanın Makon şəhərində gənclər arasında güləş üzrə dünya çempionatı davam edir. Azərtac xəbər verir ki, çempionatda hər üç güləş növü üzrə Azərbaycan yığma komandaları iştirak edir. Gənc qızların yarışında 4 təmsilçimiz mübarizə aparır. Heyətdə Gülcahan Hacıyeva (48 kq), Səbinə Həmzəlzadə (51 kq), Şəbnəm Əhmədova (55 kq) və Elis Manolova (67 kq) yer alıb. Qızlarımız sentyabrın 1-2-də yarışacaqlar. Yarışın üçüncü günündə - sentyabrın 1-də 44, 51, 59 və 67 kiloqram çəki dərəcələrində gənc qızlar döyüşəcək. Azərbaycan güləşçiləri iki çəki dərəcəsində təmsil olunur. Yarışda 51 kiloqram çəki dərəcəsində xalça üzərinə çıxacaq Səbinə Həmzəlzadənin ilk rəqibi 1/8 final mərhələsində Özbəkistan güləşçisi Nodira Sabirova olacaq. Elis Manolova (67 kq) isə bu mərhələdə digər özbəkistanlı Baxtigül Baltaniyazova ilə qarşılaşacaq.xeber100.com  

“Qarabağ” futbol klubu növbəti transferini reallaşdırıb

2016/2017-ci il mövsümü üçün Ağdamın “Qarabağ” futbol klubu növbəti transferini reallaşdırıb. Klubdan Azərtac-a bildiriblər ki, Ağdam təmsilçisi heyətini qapıçı ilə gücləndirib. “Qarabağ” serbiyalı Boyan Şaranovla münasibətləri rəsmiləşdirib. Son mövsümü Serbiyanın “Partizan” klubunda keçirən qolkiper ilə ikiillik müqavilə imzalanıb. Serbiya millisinin üzvü olan B.Şaranov bu ilin yanvarından “Partizan”da çıxış edib. O, Belqrad klubunda 18 oyun keçirib. B.Şaranov indiyədək bir dəfə Serbiya millisinə dəvət alıb. Karyerasına “Beoqrad” klubunda başlayan yeni transfer “Makkabi” (Hayfa, İsrail), “Ergetolis” kimi komandalarda da forma geyinib.xeber100.com