Azərbaycan nümayəndə heyətinin rəsmi yolasalma mərasimi…

"Avqustun 5-də Braziliyanın Rio-de-Janeyro şəhərində başlayacaq XXXI Yay Olimpiya və XV Paralimpiya Oyunlarında idmançılarımızın ölkəmizi ləyaqətlə təmsil edəcəklərinə əminəm". Apa-nın xəbərinə görə, bunu ölkə başçısı Braziliyanın Rio-de-Janeyro şəhərində keçiriləcək XXXI Yay Olimpiya Oyunlarında iştirak edəcək Azərbaycan nümayəndə heyətinin rəsmi yolasalma mərasimindəki çıxışında deyib. İlham Əliyev Yay Olimpiya Oyunlarında Azərbaycanın 56 idmançı ilə təmsil olunacağını deyən dövlətimizin başçısı budəfəki Oyunlara 57 lisenziyanın qazanıldığını diqqətə çatdırdıb. Ötən dövrdə idmançılarımızın beynəlxalq yarışlarda yüksək səviyyədə iştirak etdiyini, Olimpiya Oyunlarında uğurlu nəticələr qazandığını deyən dövlət başçısı bildirib ki, Azərbaycan idman dövlətidir və ölkəmizdə idmanın inkişafı ilə bağlı məqsədyönlü siyasət aparılır. “Düşünülmüş siyasət idmanı Azərbaycan cəmiyyətində önəmli amilə çevirib”, - deyən prezident cəmiyyətdə idmançıların layiqli yer tutduğunu və idmanla məşğul olmaq istəyənlərin sayının getdikcə artdığını vurğulayıb.xeber100.com    

“Zirə” klubu Bolu bölgəsində nəzərdə tutulan toplanışdan imtina edib

Futbol üzrə Azərbaycan Premyer Liqasında mübarizə aparan “Zirə” klubu Türkiyənin Bolu bölgəsində nəzərdə tutulan təlim-məşq toplanışının ləğvinə qərar verib. Azərtac xəbər verir ki, klub rəhbərliyi Türkiyədə hökm sürən qeyri-sabit vəziyyəti nəzərə alaraq, bu addımı atıb. Komanda hazırlığın növbəti mərhələsini də ölkə daxilində keçirəcək. Qeyd edək ki, “Zirə” yay hazırlıq prosesinin növbəti mərhələsini keçirmək üçün bu gün səhər Türkiyəyə yola düşməli idi. Ancaq qardaş ölkədə baş verən məlum hadisələrə görə paytaxt təmsilçisi səfərə çıxa bilməyib. Komandanın getməli olduğu reys də daxil olmaqla, Türkiyəyə həyata keçirilməli olan uçuşlar təxirə salınıb.xeber100.com

Lionel Messi Türkiyə səfərini təxirə salmalı olub

Futbol üzrə “Barselona” və Argentina milli komandasının hücumçusu Lionel Messi Türkiyə səfərini təxirə salmalı olub. Azərtac xəbər verir ki, buna səbəb həmin ölkədə hərbi çevrilişə cəhdlə bağlı baş verən hadisələrdir. Ulduz futbolçunun Türkiyəyə getməkdə məqsədi xeyriyyə matçında iştirak məsələsini müzakirə etmək idi. Bunu Messinin Katalon klubunda keçmiş komanda yoldaşı olmuş, hazırda “Antalyaspor”da çıxış edən kamerunlu hücumçu Samuel Eto O təşkil edir. “Barselona”nın mətbuat xidməti Messinin Türkiyə səfərini təxirə salmasını təsdiqləyib. Onun komanda yoldaşı Andres İnyesta da bu səfərdən vaz keçib. Onların türkiyəli komanda yoldaşı Arda Turan, eləcə də “Barselona”nın keçmiş futbolçuları Karles Puyol, Deku, Erik Abidal artıq Türkiyəyə gəliblər.xeber100.com

Yoxlama oyunu keçirilib

Bakının “İnter” futbol klubu Türkiyədə təlim-məşq toplanışı çərçivəsində yerli “Kasımpaşa” komandası ilə yoxlama oyunu keçirib. Azərtac  xəbər verir ki, görüş Bakı təmsilçisinin 2:1 hesablı qələbəsi ilə başa çatıb. “İnter”in heyətində Nizami Hacıyev və Adrian Skarlatake fərqləniblər.xeber100.com

“Borussiya” futbol klubunun yeni kapitanı bəlli olub

Nəhayət ki, “Borussiya” klubunun yeni kapitanı bəlli oldu. Azərtac xəbər verir ki, Dortmund təmsilçisini yeni mövsümdən meydana kapitan sarğısı ilə Marko Roys çıxaracaq. Sabiq kapitan Mats Hummelsin “Bavariya”ya gedişindən sonra kapitanlıq sarğısı Roysa həvalə olunub. Qeyd edək ki, zədə səbəbindən "Avro-2016"dan kənarda qalan Almaniya millisinin üzvü ötən mövsüm Bundesliqada keçirdiyi 26 oyunda 12 qol vurub və 3 məhsuldar ötürmə verib.xeber100.com

2016/17 mövsümünün püşkatmasının tarixi müəyyənləşib

Topaz Premyer Liqasının 2016/17 mövsümünün püşkatmasının tarixi müəyyənləşib. Bu barədə apasport.az saytına Peşəkar Futbol Liqasının prezidenti Ramin Musayev məlumat verib. O bildirib ki, yeni mövsümün püşkü iyulun 26-da atılacaq. AFFA-nın inzibati binasında keçiriləcək tədbirdə ilk turun cütləri müəyyənləşəcək. Sonra isə mövsümün tam təqvimi dəqiqləşəcək. Qeyd edək ki, 2016/17 mövsümündə Premyer Liqada ilk dəfə 8 komanda mübarizə aparacaq. Bunlar Bakının “Zirə”, “İnter”, “Neftçi”, AZAL klubları, həmçinin “Qarabağ” (Ağdam), “Qəbələ”, “Kəpəz” (Gəncə) və “Sumqayıt”dı.xeber100.com

II turun ilk oyun gününün təyinatları açıqlanıb

Almaniyada keçirilən 19 yaşadək futbolçular arasında Avropa çempionatının II turunun ilk oyun gününün təyinatları açıqlanıb. Apasport.az saytının məlumatına görə, Azərbaycan hakimi Əliyar Ağayev növbəti təyinatını alıb. FİFA referisi İtaliya – Avstriya matçının baş hakimi olacaq. Sabah baş tutacaq qarşılaşma Reutlingen şəhərində keçiriləcək. Qeyd edək ki, Ağayev ilk turun Xorvatiya - Hollandiya matçında (1:3) dördüncü hakim funksiyasını yerinə yetirib.xeber100.com

Çempionlar Liqasında II təsnifat mərhələsinə start veriləcək

Bu gün Çempionlar Liqasında II təsnifat mərhələsinə start veriləcək. Faktinfo.az xəbər verir ki, Azərbaycan çempionu “Qarabağ” da məhz bu mərhələdən mübarizəyə qoşulur. Ağdam klubunun ilk rəqibi Lüksemburqun “Düdelanj” komandasıdır. Ümumiyyətlə, “Qarabağ” bu ölkənin təmsilçisiylə qarşılaşan ilk klubumuz olacaq.Çempionlar Liqası. II təsnifat mərhələsi, ilk oyunlar 12 iyul 20:30 Zrinski (Bosniya və Herseqovina) – Legiya (Polşa) 21:00 Dinamo (Tiflis, Gürcüstan) – Alaşkert (Ermənistan) 21:00 QARABAĞ (AZƏRBAYCAN) – Düdelanj (Lüksemburq) 21:50 Hapoel (Beyer-Şeva, İsrail) – Şerif (Moldova) 22:00 Linkoln (Cəbəllütariq) – Seltik (Şotlandiya) 22:00 BATE (Belarus) – SJK (Finlandiya) 22:00 TNS (Uels) – APOEL (Kipr) 22:00 Valletta (Malta) – Srvena Zvezda (Serbiya) 22:30 Zalsburq (Avstriya) – Liepaya (Latviya) 22:45 Vardar (Makedoniya) – Dinamo (Zaqreb, Xorvatiya) 13 iyul 21:15 Jalgiris (Litva) – Astana (Qazaxıstan) 21:15 Rusenborq (Norveç) – Norçepinq (İsveç) 21:30 Ludoqorets (Bolqarıstan) – Mladost (Monteneqro) 22:00 Partizani (Albaniya) – Ferensvaroş” (Macarıstan) 22:00 Kruzeyders (Şimali İrlandiya) – Kopenhagen (Danimarka) 22:30 Olimpiya (Sloveniya) – Trençin (Slovakiya) 22:45 Dandalk (İrlandiya) – Hafnarfyorfur (İslandiya)

2016-nın ən yaxşı futbolçusu müəyyənləşib

AÇ-2016-nın rəmzi yığması açıqlanıb. Apasport.az saytının məlumatına görə, dünən başa çatan yarışın təşkilatçıları yığmanı 4-2-3-1 taktiki sxeminə uyğun şəkildə tərtib edib. Qitə çempionu Portuqaliya daha çox – 4 oyunçu ilə “11-lik”də təmsil olunub. Yığmaya Almaniya 3, Fransa və Uels hərəyə 2 futbolçu verib. Qapıçı Rui Patrisio (Portuqaliya) Müdafiəçilər Cerom Boatenq (Almaniya), Coşua Kimmix (Almaniya), Pepe (Portuqaliya), Rafael Qerrero (Portuqaliya) Yarımmüdafiəçilər Toni Kroos (Almaniya), Co Allen (Uels), Antuan Qrizmann (Fransa), Aaron Remsi (Uels), Dmitri Payet (Fransa) Hücumçu Kriştianu Ronaldo (Portuqaliya) Qeyd edək ki, AÇ-2016-nın ən yaxşı futbolçusu da müəyyənləşib. Turnirin ən yaxşısı adına Fransa millisinin futbolçusu Antuan Qrizmann layiq görülüb.xeber100.com

UEFA klubların reytinq siyahısını açıqlayıb

Futbol üzrə Çempionlar və Avropa liqalarının ikinci təsnifat mərhələsi ərəfəsində UEFA klubların reytinq siyahısını açıqlayıb. Azərtac xəbər verir ki, Azərbaycan klubları arasında ən yaxşı göstərici “Qarabağ”a məxsusdur. Ağdam klubu 13,375 xalla 120-ci pillədə qərarlaşıb. İkinci yerdə “Neftçi” yer alıb - 9,125 xal (156-cı yer). Digər klublarımızın reytinqdəki mövqeyi isə belədir: “Qəbələ” - 5,625 (211-ci yer), “İnter” - 5,373 (219-cu yer), “Xəzər-Lənkəran” - 3,875 (284-cü yer), “Kəpəz” - 3,375 (312-ci yer) və “Bakı” - 3,125 (323-cü yer).xeber100.com