“Kapital Bank” yeni “Birbank” təqaüd proqramı elan edir

Təhsil layihələrinin və gənclərin inkişafına böyük önəm verən “Kapital Bank” tələbələr üçün yeni “Birbank” təqaüd proqramı elan edir. Proqram çərçivəsində aylıq təqaüd almaqla yanaşı tələbələr, “Kapital Bank”da təcrübə keçmək, təlimlərə qatılmaq şansı əldə edəcəklər. Təqaüd proqramına qoşulmaq üçün tələbələr bu meyarlara uyğun olmalıdırlar: 2023-cü ildə 2-ci kursu bitirərək 3-cü kurs keçən; iqtisadi və biznes, İT, riyazi və kompüter elmləri, sosial və humanitar sahələr üzrə təhsil alan; universitetə qəbul balı 550 və daha yuxarı olan və universitetdə təhsil göstəriciləri ortalama 81 bal və daha yuxarı olan. Seçim prosesi bir neçə mərhələdə təşkil ediləcək və onlayn müraciət, qiymətləndirmə və imtahan, müsahibə mərhələlərindən ibarət olacaqdır. Bütün mərhələlərdən uğurla keçən və seçilən tələbələr “Birbank təqaüdçüsü” adını qazanacaqlar. Qeyd edək ki, “Kapital Bank” daim təhsil layihələrinə diqqət ayırır. Beynəlxalq Təhsil Sərgisi, Respublika Fənn Olimpiadası, Azərbaycan üçün öyrət, Təhsil Avtobusu, Sabah qrupları ilə layihələrdə iştirak, o cümlədən UNEC, ADNSU, Bakı Mühəndislik Universiteti, ADA Universiteti və digər qurumlarla əməkdaşlıq buna əyani sübutdur. Yaxın gələcəkdə təhsillə bağlı yeni layihələrin keçirilməsi planlaşdırılır.xeber100.com

Mərkəzi Bank iyulun 19-na olan USD/AZN rəsmi məzənnəsini açıqlayıb

Azərbaycan Mərkəzi Bankı iyulun 19-na olan USD/AZN rəsmi məzənnəsini açıqlayıb. ABM-dən bildirilib ki, bankın iyulun 19-na USD/AZN rəsmi məzənnəsi 1,7000 səviyyəsində müəyyən olunub.xeber100.com

Nyu-Yorkun əmtəə birjasında təbii qazın qiyməti bahalaşıb

Nyu-Yorkun əmtəə birjasında təbii qazın qiyməti bahalaşıb. Nyu-Yorkun NYMEX (“New York Mercantile Exchange”) birjasında təbii qaza olan qiymət 1 milyon BTU (British thermal unit – Britaniya termal vahidi) üçün 0,06 ABŞ dolları və ya 2,17 faiz artaraq 2,64 dollar təşkil edib.xeber100.com

Azərbaycan Respublikası Dövlət Neft Şirkəti: Anlaşma memorandumu imzalanıb

Azərbaycan Respublikası Dövlət Neft Şirkəti (SOCAR) ilə dünyanın aparıcı şirkətlərindən biri olan “Cisco Systems Inc” arasında rəqəmsal transformasiya təşəbbüsləri, yeni texnologiyaların tətbiq edilməsi məqsədilə şəbəkə həlləri və proqram təminatları sahəsində anlaşma memorandumu imzalanıb. Şirkətdən bildiriblər ki, memorandum SOCAR ilə “Cisco Systems Inc” arasında texnoloji infrastruktur, təhlükəsiz rəqəmsal transformasiya, dayanıqlı İT, habelə rahat istifadəçi təcrübəsi yaratmaq istiqamətlərində əməkdaşlıq imkanlarını nəzərdə tutur. SOCAR-ın korporativ strategiyasında dəyər zənciri üzrə fəaliyyət istiqamətlərinin rəqəmsallaşdırılması, o cümlədən ən son texnoloji və innovasiya həllərinin tətbiqi ilə əməliyyat səmərəliliyinin artırılması prioritet istiqamətlər kimi müəyyənləşdirilib. Bu xüsusda, texnologiya və innovasiya sahəsində dünya liderləri arasında olan “Cisco Systems Inc” ilə əməkdaşlıq SOCAR-ın uzunmüddətli strateji hədəflərinə töhfə verməklə yanaşı, rəqəmsal transformasiya sahəsində perspektiv imkanları artırmağa və gələcəyin iş yerini yaratmağa əlverişli zəmin yaradacaq.xeber100.com

“Banklar haqqında” Qanuna təklif edilən dəyişikliklər üçüncü oxunuşda təsdiqlənib

Milli Məclisdə “Banklar haqqında” Qanuna təklif edilən dəyişikliklər üçüncü oxunuşda təsdiqlənib. Bununla bağlı məsələ Milli Məclisin iyulun 6-da keçirilən iclasının gündəliyində birinci oxunuşda müzakirəyə çıxarılıb. Layihəyə əsasən, bu sahədə səlahiyyətli qurum Mərkəzi Bank olacaq. Beləliklə, bank lisenziyası və icazə alınması üçün bankın təsisçiləri və ya qanunvericiliyə müvafiq qaydada vəkil edilmiş şəxslər Mərəzi Banka yazılı şəkildə müraciət edəcəklər. Müraciətin forması və məzmunu, ona əlavə edilən sənədlər Mərkəzi Bankın normativ xarakterli aktları ilə müəyyən edilmiş tələblərə cavab verməlidir. Qüvvədə olan qanuna görə, bank lisenziyası və icazə alınması üçün müraciətə baxarkən maliyyə bazarlarına nəzarət orqanı bankın kapitalında mühüm iştirak paylarının sahiblərinin (hüquqi şəxs olduqda onların icra orqanlarının rəhbərlərinin) və inzibatçıların maliyyə vəziyyəti, peşəkar fəaliyyəti və keçmişdə cinayət məsuliyyətinə cəlb olunub-olunmadıqları haqqında maliyyə, vergi və hüquq mühafizə orqanlarından məlumat ala bilər. Bu tələb sonradan bankda mühüm iştirak payını əldə etmək istəyən şəxslərə (hüquqi şəxs olduqda onların icra orqanlarının rəhbərlərinə), yeni təyin olunan inzibatçılara və bankın törəmə strukturuna çevrilən hüquqi şəxsin icra orqanlarının rəhbərlərinə də şamil edilir. Bu məqsədlə maliyyə, vergi və hüquq mühafizə orqanları maliyyə bazarlarına nəzarət orqanına onun tələb edə biləcəyi məlumatı verir.xeber100.com  

Bakı Nəqliyyat Agentliyi 3 müntəzəm marşrut xətti ilə bağlı müsabiqə elan edir

Daxil olan vətəndaş müraciətləri əsasında fəaliyyəti təhlil edilən və sərnişindaşımaların icrasında çatışmazlıqların olduğu aşkarlanan daha 3 müntəzəm marşrut xətti ilə bağlı müsabiqə elan olunur. Bakı Nəqliyyat Agentliyindən (BNA) bildirilib ki, müsabiqəyə çıxarılan 134, 168 və 169 nömrəli müntəzəm marşrut xətləridir. Müsabiqə Nazirlər Kabinetinin “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi qaydasına” uyğun keçiriləcək.xeber100.com

BMT-nin Ərzaq və Kənd Təsərrüfatı Təşkilatının 43-cü sessiyası işə başlayıb

İtaliyanın paytaxtı Roma şəhərində BMT-nin Ərzaq və Kənd Təsərrüfatı Təşkilatının (FAO) 43-cü sessiyası işə başlayıb. İyulun 7-dək davam edəcək sessiyada Azərbaycanın kənd təsərrüfatı naziri Məcnun Məmmədov da iştirak edir. Sessiya iştirakçıları planetin su ehtiyatlarından səmərəli istifadə, su ehtiyatlarının inteqrasiya olunmuş effektiv idarəçiliyi, atmosfer yağıntılarının azalması və regionlar üzrə qeyri-bərabər paylanması, quraqlıq, daşqın, sel və subasmaların aqrar sektora mənfi təsirinin minimuma endirilməsi və digər mövzuları müzakirə edəcəklər. Azərbaycan nümayəndə heyəti sessiya çərçivəsində bir sıra ölkələrin kənd təsərrüfatı nazirləri ilə ikitərəfli görüşlər keçirib. Nazir Məcnun Məmmədov Estoniya, Şimali Makedoniya, Özbəkistan və Moldovadan olan həmkarları ilə ölkələrimiz arasında aqrar sahədə ikitərəfli əməkdaşlıq münasibətlərinin genişləndirilməsi, kənd təsərrüfatı məhsullarının ticarət dövriyyəsinin artırılması, əməkdaşlığın hüquqi-normativ bazasının təkmilləşdirilməsi, aqrar tədqiqatlar və texnologiyalar sahəsində təcrübə mübadiləsi və sair qarşılıqlı maraq kəsb edən mövzular ətrafında müzakirələr aparıb. Azərbaycanın kənd təsərrüfatı naziri Məcnun Məmmədovun FAO-nun 43-cü sessiyasında su resurslarından səmərəli istifadə mövzusunda dəyirmi masada çıxışı nəzərdə tutulur.xeber100.com  

“Google” Hindistanda interneti lazer şüası vasitəsilə çatdıracaq

“Google” Hindistanda interneti lazer şüası vasitəsilə çatdıracaq. Xarici KİV-ə istinadla xəbər verir ki, Hindistan dünyada ilk dəfə lazer interneti tətbiq edən ölkə olmaq məqsədilə işlərə başlayıb. “Google” holdinqə daxil olan “Alphabet” şirkəti Hindistanın əlaqə operatoru “Bharti Airtel” ilə əməkdaşlığa başlayıb. Qeyd edək ki, lazer internet fiberoptik kabel olmadan yüksəksürətli və etibarlı internet əlaqəsini təmin edir. Lazer internetin faydaları arasında ərazinin coğrafi mövqeyinin önəmsiz olması, kabel quraşdırma və xidmət xərclərinin azalması və internetin daha çox istifadəçiyə çatdırılması qeyd edilə bilər. Hindistanın lazer internet proqramı ölkənin ictimai və iqtisadi inkişafına töhfə vermək niyyətindədir. Dünyanın ən sıx məskunlaşdığı, əhali sayı 1,5 milyarda yaxınlaşan Hindistanda internet infrastrukturunun yaradılması böyük problemdir. Texnologiya nəhəngi “Google” isə bu məqsədlə fiberoptik kabellər yerinə güclü lazerlərdən istifadə edir. Bu texnologiya peyk internetinə ucuz alternativ ola bilər.xeber100.com

“BakıKart” mobil tətbiqi rəsmi olaraq fəaliyyətə başlayıb

“BakıKart” mobil tətbiqi bu gündən ölkə ərazisində rəsmi olaraq fəaliyyətə başlayıb. Bakı Nəqliyyat Agentliyi (BNA) xəbər verir ki, artıq tətbiq üzərindən səfərləri planlaşdırmaq, gediş üçün kart balansını artırmaq mümkündür. Belə ki, tətbiqdə qeydiyyatdan keçmək üçün mobil telefon nömrəsini və şifrəni yazmaq kifayətdir. Tətbiq üzərindən, həmçinin asanlıqla marşrutları axtarmaq, təyinat yerinə ən yaxın dayanacaqları tapmaq və real vaxt rejimində avtobusları izləmək mümkündür. Qeyd edək ki, “BakıKart” mobil tətbiqi ötən ay beta versiyada təqdim olunub.xeber100.com

“Light” markalı neftin bir barelinin qiyməti 0,81 dollar ucuzlaşıb

Dünya birjalarında neft qiymətləri ucuzlaşıb. Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,82 dollar azalaraq 75,79 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,81 dollar ucuzlaşaraq 70,97 dollar təşkil edib.xeber100.com