SOCAR İstanbul hava limanında tenderi qazanıb

SOCAR İstanbul hava limanında 9 yanacaqdoldurma stansiyası üzrə keçirilən tenderi qazanıb.Milli.az xəbər verir ki, "SOCAR Türkiyə" hava limanı ərazisində, o cümlədən perronda (təyyarələrin dayanacaq meydançasında) yerləşən yeni stansiyalar ümumi istehlakçıları və xidmət avtomobillərini yanacaqla təmin edəcək. Beləliklə, bu stansiyaların operatoru seçilmiş SOCAR, dünyanın illik potensialı 200 milyon sərnişin olan ən böyük hava limanında istehlakçılara xidmət edəcək."SOCAR Türkiyə" şirkətinin idarə heyətinin sədri Vaqif Əliyev Türkiyədə ilk dəfə birbaşa istehlakçıya xidmət sektorunda iştirak edəcəklərini deyib: "2008-ci ildə "Petkim"in satın alınması ilə Türkiyə bazarına daxil olduq və bu günə kimi cəmi 14.2 milyard dollarlıq investisiya dəyəri ilə STAR neft emalı zavodu, TANAP, Petlim Konteyner Terminalı, Petkim külək enerjisi stansiyası kimi nəhəng layihələrə imza atdıq. Bu yaxınlarda isə "SOCAR Türkiyə"nin Əliağadakı (İzmir) bütün layihələrini əhatə edən ərazi Türkiyədə ilk Özəl Sənaye Bölgəsi elan edildi. Qardaş Türkiyə bizim üçün çox mühüm ölkədir. Dünyanın ən böyük hava limanındakı yanacaqdoldurma stansiyaları üçün elan olunan tenderdə qələbə çalmağımızı böyük sevinclə qeyd edirəm. Bu, bizim üçün həm brendimizin tanınması, həm də istehlakçılar ilə birbaşa ünsiyyət baxımından önəmli strateji addımdır. Şirkətimiz yanacaqdoldurma sektorunda hər zaman mövcud imkanları dəyərləndirir və bazardakı prosesləri yaxından izləyir. Deməli, önümüzdəki illərdə bu sektorda başqa investisiyalarımızın olacağı da istisna deyil".2018-ci il dekabrın 31-dən etibarən tam fəaliyyətə başlayacaq bu 9 stansiya 16 280 kv.metrlik bir sahədə xidmət edəcək.xeber100.com

“Fitch” beynəlxalq reytinq agentliyinin hesabatında

"Fitch" beynəlxalq reytinq agentliyi Azərbaycanda makroiqtisadi şəraitin yaxşılaşdığını qeyd edib.Milli.az bildirir ki, bu barədə agentliyin yeni hesabatında deyilir.Qeyd olunur ki, 2018-ci ilin yanvar-sentyabr aylarında Azərbaycan iqtisadiyyatı 0,8 faiz, qeyri-neft ÜDM-i isə bir faiz artıb. İnflyasiya 2017-ci ilin yekunları ilə müqayisədə 12,9 faizdən 2,4 faizə düşüb. Oktyabr ayında isə Azərbaycan Mərkəzi Bankı faiz dərəcəsini 9,75 faizədək azaldıb:"Bu amillər Azərbaycan iqtisadiyyatının 2014-cü il neft qiymətlərinin kəskin ucuzlaşması ilə bağlı şokdan və hökumətin cavab tədbirlərindən, o cümlədən manatın məzənnəsinin azaldılması, daha sərt vergi siyasəti və bank sektorunun restrukturizasiyasından sonra bərpasını təsdiq edir".Yekunda, bu amillər hökumət üçün qeyri-neft sektoruna investisiyaları artırmaq və kreditləşmə həcminin qismən artırılması yolu ilə maliyyə-kredit siyasətini yumşaltmağa imkan yaratdı.xeber100.com

Dövlət Statistika Komitəsinin məlumatı

2018-ci ilin yanvar-oktyabr aylarında metro nəqliyyatından istifadə edən sərnişinlərin sayında artım müşahidə olunub.Dövlət Statistika Komitəsindən Azərtac-a bildirilib ki, metro nəqliyyatının xidmətindən istifadə edən sərnişinlərin sayı ötən ilin müvafiq dövrünə nisbətən 1,1 faiz artaraq 189,4 milyon nəfərə çatıb.xeber100.com

2021-ci ildə avtomagistral xətt istifadəyə veriləcək

2021-ci ildə Bakıdan Batumiyə qədər avtomagistral xətt istifadəyə veriləcək.Azərtac xəbər verir ki, bu barədə iqtisadiyyat naziri Şahin Mustafayev deyib.O bildirib ki, Azərbaycanda avtomobil yollarının tikintisi ilə bağlı işlər görülür, tranzit əhəmiyyətli yolların yenidən qurulmasına başlanılıb. Artıq 2021-ci ildə Bakıdan Batumiyə qədər avtomagistral xətt fəaliyyətə başlayacaq.xeber100.com

“Brent” markalı neftin qiyməti ucuzlaşıb

Dünya birjalarında neftin qiyməti ucuzlaşıb.AZƏRTAC xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,34 dollar geriləyərək 63,14 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,21 dollar ucuzlaşaraq 54,42 dollar olub.xeber100.com

Dövlət Gömrük Komitəsinin məlumatı əsasında…

Cari ilin yanvar-oktyabr aylarında dəniz nəqliyyatı ilə ümumilikdə 813 min 615 ton yük daşınıb. Bu yüklərin dəyəri 656 milyon 435 min ABŞ dollarıdır.Dövlət Gömrük Komitəsindən Azərtac-a verilən məlumata görə, on ayda dəniz nəqliyyatı ilə ixrac olunan 206 min 656 ton yükün dəyəri 98 milyon 698 min dollar təşkil edir. Bu nəqliyyat növü ilə idxal olunan yüklərin həcmi 606 min 958 ton, dəyəri isə 557 milyon 736 min dollardır.xeber100.com

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşır.Azərtac xəbər verir ki, “Azeri Light” markalı neftin bir barrelinin qiyməti 2,16 dollar ucuzlaşaraq 65,78 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Bakı Nəqliyyat Agentliyinin məlumatına görə…

Noyabrın 23-dən “Koroğlu” Nəqliyyatı Mübadilə Mərkəzinin (NMM) yeri müvəqqəti olaraq dəyişdiriləcək.Bakı Nəqliyyat Agentliyindən Azərtac-a bildirilib ki, qeyd edilən gün səhər saatlarından ətraf kənd və qəsəbələr üzrə müntəzəm marşrut avtobusları Milli Gimnastika Arenasının dayanacaq məntəqəsində, yəni “Koroğlu” metro stansiyasının piramidalı çıxışının arxasında təşkil edilən Nəqliyyatı Mübadilə Mərkəzində sərnişinlərə xidmət göstərəcək. Sərnişinlərin rahatlığının və hərəkətin təhlükəsizliyinin təmin edilməsi məqsədilə yeni təşkil edilən mərkəzin ərazisində müvafiq şərait yaradılıb. Mərkəzin ərazisində 6 perron təşkil edilib, hər bir perronun ətrafı xüsusi sədlərlə əhatələnib, dayanacaq pavilyonları və hər bir perron üzrə məlumat lövhələri qoyulub. Axşam saatlarında ərazinin işıqlandırılması məqsədilə əlavə avadanlıqlar da quraşdırılıb. Sərnişinlərin “Koroğlu” metro stansiyasından perronlara rahat giriş və çıxışı üçün üç yerdə pilləkənlər təşkil edilib.Məlumat üçün bildirilib ki, Nəqliyyatı Mübadilə Mərkəzləri konsepsiyasına uyğun olaraq “Koroğlu” NMM-də tikinti və yenidənqurma işləri aparılacaq. Məqsəd, Nəqliyyat Mübadilə Mərkəzinin ərazisində sərnişinlərə həm keyfiyyət, həm də təhlükəsizlik baxımından müasir standartlara uyğun xidmətin göstərilməsi üçün zəruri infrastrukturun yaradılmasıdır.Qeyd edilib ki, “Koroğlu” NMM-dən ətraf kənd və qəsəbələr istiqamətində 32 müntəzəm marşrut xətti üzrə 500-ə yaxın avtobus fəaliyyət göstərir.xeber100.com

“Şahdəniz”dən 8 milyard kubmetr təbii qaz çıxarılıb

Cari ilin yanvar-sentyabr aylarında “Şahdəniz” yatağından 8 milyard standart kubmetr təbii qaz və 1,8 milyon ton (təqribən 14,3 milyon barrel) kondensat hasil olunub.Bu barədə Azərtac-a “BP Azerbaijan” şirkətindən məlumat verilib. Bildirilib ki, mövcud “Şahdəniz” qurğularının maksimum hasilat gücü hazırda gündəlik 43 milyon standart kubmetr və ya ildə təqribən 16 milyard kubmetrdir.Üç rüb ərzində “Şahdəniz” yatağı Azərbaycan (SOCAR-a), Gürcüstan (“GOGC” şirkətinə) və Türkiyə (“Botaş” şirkətinə) bazarlarına və çoxsaylı obyektlər üçün BTC şirkətinə etibarlı şəkildə qaz çatdırılmasına davam edib.Doqquz ayda “Şahdəniz” üzrə fəaliyyətlərə 418 milyon dollardan çox əməliyyat və təxminən 1,14 milyard dollar isə əsaslı xərclər sərf olunub. Əsaslı xərclərin böyük əksəriyyəti “Şahdəniz-2” layihəsinə aiddir.“Şahdəniz”də iştirak payları belədir: BP (operator – 28,8 faiz), AzŞD (10 faiz), “SGC Upstream” (6,7 faiz), “Petronas” (15,5 faiz), “LUKoil” (10 faiz), “NICO” (10 faiz) və “TPAO” (19 faiz).xeber100.com

Manatın ortaçəkili məzənnəsi 1,7000 səviyyəsində formalaşıb

Noyabrın 20-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com