Yüksək Texnologiyalar sərgi-konfransı çərçivəsində

Cari ilin dekabrın 4-dən 7-nə kimi keçiriləcək “Bakutel-2018” XXIV Azərbaycan Beynəlxalq Telekommunikasiya, İnnovasiya və Yüksək Texnologiyalar sərgi-konfransı çərçivəsində ilk dəfə olaraq Xəzər İnnovasiya Konfransı keçiriləcək.Nəqliyyat, Rabitə və Yüksək Texnologiyalar Nazirliyinin ictimaiyyətlə əlaqələr sektorundan Azərtac-a bildirilib ki, konfransın bundan sonra ənənəvi olaraq hər il “Bakutel” beynəlxalq sərgisi çərçivəsində təşkil olunması nəzərdə tutulur.Tədbir “Genişzolaqlı bağlantı”, “Süni intellekt”, “Əşyalar interneti”, “Elektron xidmətlər”, “İKT əsaslı startaplar və innovativ sahibkarlıq”, “Dördüncü sənaye inqilabı”, “Elmtutumlu istehsalat”, “Kiberhazırlıq” kimi mövzuları əhatə edəcək.İKT sektorunun bütün iştirakçıları arasında səmərəli əməkdaşlıq imkanları, həmçinin müvafiq sahə üzrə çağırışların müzakirə olunması məqsədilə regional platforma rolunu oynayacaq Xəzər İnnovasiya Konfransının təsis edilməsi təşəbbüsünü Azərbaycan Respublikası Nəqliyyat, Rabitə və Yüksək Texnologiyalar Nazirliyi irəli sürüb.İKT xidmətləri və həllərinin inkişafında genişzolaqlı internet infrastrukturunun həyati əhəmiyyət daşıdığını nəzərə alaraq, dekabrın 5-də keçiriləcək builki konfrans “Dayanıqlı inkişaf naminə rəqəmsal bağlantı” mövzusunda təşkil olunacaq.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti bahalaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,46 dollar artaraq 67,22 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,58 dollar bahalaşaraq 57,04 dollar olub.xeber100.com

“Azərbaycan Dəmir Yolları” QSC-nin məlumatı

"Belarus Dəmir Yolları" Dövlət Birliyi və "Azərbaycan Dəmir Yolları" QSC bu gün ticari-iqtisadi əməkdaşlıq üzrə Belarus-Azərbaycan hökümətlərarası komissiyasının 11-ci iclasının yekunları üzrə qarşılıqlı faydalı əməkdaşlıq haqqında saziş imzalayıblar.Milli.az bildirir ki, bu barədə Belarusun "BELTA" agentliyi xəbər yayıb."Belarus Dəmir Yolları"nın rəisi Vladimir Morozov bildirib ki, iki ölkə dəmir yolları arasında qarşılıqlı əlaqə ənənəvidir, bağlanmış saziş artıq mövcud işlərin formallaşdırılması üçün deyil, həm də bu layihə yeni təkan verəcək.V.Morozov deyib: "Belarus və Azərbaycan arasında daha rahat və sabit nəqliyyat əlaqələrinin qurulması nəzərdə tutulur. Xüsusən "Şimal-Cənub" inkişaf etdirilməsi, Hindistan, İran, Azərbaycan və Belarusdan yüklərin nəqli üçün şərait yaradılması çox vacibdir. İmzalanan saziş tarif və texnoloji istiqamətlər üzrə işçi qruplatın yaradılmasını da nəzərdə tutur"."Belarus Dəmir Yolları"nın rəisi daha sonra əlavə edib ki, 2 ölkə arasında yüklərin 96 faizi dəmir yolu vasitəsi ilə daşınır: "Biz həcmin artırılmasında maraqlıyıq. Bunun üçün uyğun tariflər, yaxşı logistika xidmətləri, heyət, eləcə də iki ölkənin müvafiq idarələri arasında dəqiq iş aparılması lazımdır. Tranzit dəhlizinin böyük hissəsi Rusiya Federasiyasının ərazisindən keçir. Biz tərəfdaşlamızla tarif və texlonoji məsələləri razılaşdırmaq istiqamətində işləyirik".Qeyd edək ki, "Şimal-Cənub" tranzit dəhlizi Şimali Avropanı Hindistan və Cənub-Şərqi Asiya ilə birləşdirmək üçün nəzərdə tutulub. Bu layihə həmçinin İran, Azərbaycan və Rusiya dəmir yollarının birləşdirilməsində bağ rolunu oynayacaq.xeber100.com

Dövlət Turizm Agentliyinin məlumatına görə…

Noyabrın 15-də Azərbaycan Hotel Assosiasiyasının İdarə Heyətinin görüşü keçirilib.Dövlət Turizm Agentliyindən Azərtac-a bildirilib ki, görüşdə dekabrın 4-də keçiriləcək assosiasiyanın Birinci Baş Assambleyası haqqında müzakirələr aparılıb.Görüşdə “Hotrec – Hospitality Europe” təşkilatının vitse-prezidenti, beynəlxalq ekspert Akos Niklai iştirak edib.Bildirilib ki, Birinci Baş Assambleyanın məqsədi hotelçilik sənayesi mütəxəssislərini bir araya gətirərək yeni yaradılmış Azərbaycan Hotel Assosiasiyasının strukturu, nizamnaməsi, məqsədləri və gələcək fəaliyyəti haqqında məlumat verməkdir. Assambleyada Azərbaycanda tətbiq olunacaq yeni milli ulduz təsnifat sistemi də təqdim ediləcək.Baş Assambleya hotelçilik sahəsində mövcud potensialı inkişaf etdirmək, xidmət səviyyəsinin keyfiyyətini artırmaq və mövcud çatışmazlıqları müzakirə etmək üçün platforma rolunu oynayacaq.Qeyd edək ki, bundan öncə “Hotrec – Hospitality Europe” təşkilatının vitse-prezidenti Akos Niklai Dövlət Turizm Agentliyinin sədri Fuad Nağıyevlə görüşərək, Azərbaycan Hotel Assosiasiyasının yaradılması və onun beynəlxalq təşkilata müşahidəçi statuslu üzv olması məsələsini müzakirə edib.xeber100.com

Bakı Fond Birjasında hərrac keçiriləcək

Noyabrın 20-də Bakı Fond Birjasında (BFB) Maliyyə Nazirliyinin Dövlət Qısamüddətli İstiqrazlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, diskontlu, qısamüddətli dövlət istiqrazlarının ümumi həcmi 40 milyon manat, nominal dəyəri 100 manat, tədavül müddəti 364 gündür. İstiqrazlar 2019-cu il noyabrın 19-da ödəniləcək. "PAŞA Kapital" İnvestisiya Şirkəti QSC anderrayter vəzifəsində çıxış edir.Hərrac zamanı qeyri-rəqabətli sifarişlərin istiqrazların buraxılışının 20 faizdən artıq olmamaq şərtilə qəbul edilməsinə icazə verilir.xeber100.com

III Beynəlxalq Bankçılıq Forumu keçirilir

Noyabrın 15-də Bakıda "Nağdsız iqtisadiyyat: ənənəvi bankçılıqdan rəqəmsal bankçılığa keçid" adlı III Beynəlxalq Bankçılıq Forumu keçirilir.Tədbirin media tərəfdaşı olan Azərtac xəbər verir ki, Azərbaycan Respublikası Mərkəzi Bankı, Maliyyə Bazarlarına Nəzarət Palatası, İqtisadi İslahatların Təhlili və Kommunikasiya Mərkəzi və Azərbaycan Banklar Assosiasiyasının (ABA) təşkilatçılığı ilə keçirilən forumun məqsədi iqtisadiyyatın nağdsızlaşdırılması ilə bağlı təşəbbüslərin və qarşıdakı çağırışların, rəqəmsallaşma, maliyyə texnologiyalarına dair mövcud vəziyyət, yeni və gələcək trendlərin, müasir bank məhsullarının, komplayens sahəsindəki yeniliklər və risklərin, həmçinin qeyd olunanların mövcud hüquqi çərçivəyə uyğunluğu və adaptasiyası imkanlarının, bu proseslərin bankların maliyyə dayanıqlığının daha da gücləndirilməsinə təsiri məsələlərinin, eləcə də digər əlaqədar mövzuların müzakirə edildiyi platforma olmaqdır.Forumda xarici və yerli spikerlər tərəfindən rəqəmsal bankçılığa və nağdsız iqtisadiyyata transformasiya məsələləri ilə bağlı mövzular ətrafında təqdimatlar ediləcək, geniş fikir və təcrübə mübadiləsi aparılacaq.Beynəlxalq Bankçılıq Forumunda ABŞ, Yaponiya, Avropa, Çin və MDB ölkələrindən 100-ə yaxın beynəlxalq təşkilat və nüfuzlu şirkətlərin nümayəndələri iştirak edir.xeber100.com

Azərsu” Açıq Səhmdar Cəmiyyətinin məlumatına görə…

Suraxanı rayonunun Hövsan qəsəbəsini içməli su ilə təchiz edən magistral kəmərdə baş vermiş qəza ilə əlaqədar noyabrın 15-də gün ərzində qəsəbəyə içməli suyun verilməsində məhdudiyyətlər olacaq.Bu barədə Azərtac-a Azərsu” Açıq Səhmdar Cəmiyyətinin İctimaiyyətlə əlaqələr şöbəsindən məlumat verilib.Yaranmış narahatlıqla əlaqədar “Azərsu” ASC abonentlərdən üzr istəyir.xeber100.com

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşır.Azərtac xəbər verir ki, “Azeri Light” markalı neftin bir barrelinin qiyməti 3,95 dollar ucuzlaşaraq 68,20 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma çataraq 149,66 dollar olub.xeber100.com

“World Energy Outlook 2018” hesabatında

Qlobal neft istehsalının 2040-cı ildə sutkada 103 milyon 400 min barrelə çatacağı gözlənilir.Azərtac xəbər verir ki, bu barədə Beynəlxalq Enerji Agentliyinin (IEA) “World Energy Outlook 2018” hesabatında deyilir.Hesabata görə, Neft İxrac Edən Ölkələr Təşkilatının (OPEC) qlobal neft hasilatındakı payı təxminən 45 faizə çatacaq.Asiyanın payına düşən qlobal neft və qaz ticarətinin isə 2040-cı ilə qədər üçdəiki nisbətində artacağı proqnozlaşdırılır.Qeyd edək ki, hazırda OPEC-in dünya neft istehsalındakı payı 33 faiz civarındadır.xeber100.com

“Ferrero” şirkəti əməkdaşlığı genişləndirmək üçün təkliflər verib

İtaliyanın məşhur şokolad və digər qənnadı məmulatları istehsalçısı olan “Ferrero” şirkətinin nümayəndəsi Domeniko Manfredi Kənd Təsərrüfatı Nazirliyinin Qubadakı Meyvəçilik və Çayçılıq Elmi-Tədqiqat İnstitutunun rəhbərliyi ilə görüşüb. Görüşdə qarşılıqlı əməkdaşlığın qurulması yolları müzakirə olunub.Azərtac-ın bölgə müxbiri xəbər verir ki, institutun direktoru İlham Qurbanov qonağa Azərbaycanda fındıqçılığın inkişaf etdirilməsi, yeni fındıq tingliyi sahələrinin salınması barədə məlumat verib.Təmsil etdiyi şirkətin Azərbaycanda fındıqçılığın inkişafına önəm verdiyini bildirən Domeniko Manfredi bu sahədə əlaqələrin daha da genişlənməsi üçün yeni əməkdaşlıq layihələrinin hazırlanması ilə bağlı təkliflərini verib və bu istiqamətə kömək göstərəcəyini bildirib.Görüşdən sonra Quba rayonu ərazisində yeni salınan fındıq bağına baxış keçirilib.xeber100.com