“Ferrero” şirkəti əməkdaşlığı genişləndirmək üçün təkliflər verib

İtaliyanın məşhur şokolad və digər qənnadı məmulatları istehsalçısı olan “Ferrero” şirkətinin nümayəndəsi Domeniko Manfredi Kənd Təsərrüfatı Nazirliyinin Qubadakı Meyvəçilik və Çayçılıq Elmi-Tədqiqat İnstitutunun rəhbərliyi ilə görüşüb. Görüşdə qarşılıqlı əməkdaşlığın qurulması yolları müzakirə olunub.Azərtac-ın bölgə müxbiri xəbər verir ki, institutun direktoru İlham Qurbanov qonağa Azərbaycanda fındıqçılığın inkişaf etdirilməsi, yeni fındıq tingliyi sahələrinin salınması barədə məlumat verib.Təmsil etdiyi şirkətin Azərbaycanda fındıqçılığın inkişafına önəm verdiyini bildirən Domeniko Manfredi bu sahədə əlaqələrin daha da genişlənməsi üçün yeni əməkdaşlıq layihələrinin hazırlanması ilə bağlı təkliflərini verib və bu istiqamətə kömək göstərəcəyini bildirib.Görüşdən sonra Quba rayonu ərazisində yeni salınan fındıq bağına baxış keçirilib.xeber100.com

Neft İxrac Edən Ölkələr Təşkilatının XII iclası Vyanada keçiriləcək

Neft İxrac Edən Ölkələr Təşkilatına (OPEC) üzv və bəzi qeyri-OPEC ölkələrinin (OPEC+) Nazirlərinin Birgə Monitorinq Komitəsinin (JMMC) növbəti XII iclası dekabrın 5-də Avstriyanın paytaxtı Vyanada keçiriləcək.Azərtac OPEC-ə istinadla xəbər verir ki, bu barədə noyabrın 11-də JMMC-nin Birləşmiş Ərəb Əmirliklərinin paytaxtı Əbu-Dabidə keçirilən XI iclasında qərar qəbul olunub.Xatırladaq ki, JMMC-nin IX iclası bu il iyunun 21–də Avstriyanın paytaxtı Vyanada, X yığıncağı isə sentyabrın 23-də Əlcəzairdə keçirilib. Rusiya, Səudiyyə Ərəbistanı, Küveyt, Venesuela, Əlcəzair və Omanın iştirakı ilə yaradılan Monitorinq Komitəsinin iclası iki aydan bir təşkil olunur.xeber100.com

Misirin Şarm əl-Şeyx şəhərinə birbaşa çarter reysi açılıb

Bakıdan Misirin Şarm əl-Şeyx şəhərinə birbaşa çarter reysi açılıb.Azərtac xəbər verir ki, uçuşlar həftədə bir dəfə cümə axşamı günü olmaqla "Paşa Holidays" şirkəti və Azərbaycan Hava Yolları (AZAL) tərəfindən həyata keçiriləcək.İki ölkə arasında birbaşa aviareysin açılması turist mübadiləsinin artmasına və turizm əlaqələrinin möhkəmlənməsinə təkan verərək, işgüzar əlaqələrin inkişafı üçün də zəmin yaradacaq. Qeyd edək ki, Beynəlxalq Şarm əl-Şeyx hava limanı ("Sharm el-Sheikh International Airport") turistlərə yerindəcə viza əldə etmək imkanı yaradır.xeber100.com

“Azəriqaz” İstehsalat Birliyinin məlumatına görə…

"Azəriqaz" İstehsalat Birliyi smart kart qaz kartlarının balansının onlayn artırılması sisteminin tətbiqinə başlayıb.Milli.az bildirir ki, bu barədə "Azəriqaz" İstehsalat Birliyinin mətbuat xidmətinin rəhbəri İbrahim Kərbalayev deyib.Onun sözlətinə görə, hazırda smart kartların balansını kart-riderlər vasitəsilə onlayn qaydada artırmaq olur:"Bununla yanaşı, mexaniki qaz sayğaclarından istifadə edən abonentlər "Azəriqaz" İstehsalat Birliyinin saytına daxil olmaqla onlayn qaydada borcunu ödəyə və öyrənə bilərlər. Abonentlər onlara təqdim edilən bildirişdə göstərilən abonent kodu vasitəsilə bu prosesi həyata keçirə bilirlər".xeber100.com

Türk Hava Yolları birbaşa reyslərə başlayacaq

Türk Hava Yolları 2019-cu ilin fevral ayından Bakıdan Ankaraya birbaşa reyslərə başlayacaq.Azərtac xəbər verir ki, bu barədə Türk Hava Yollarının satış direktoru Harun Baştürk deyib.O bildirib ki, Türk Hava Yolları Bakıdan Türkiyənin İzmir, Antalya və Ankara şəhərlərinə birbaşa uçuşlar həyata keçirməyi planlaşdırır və bu istiqamətdə danışıqlar aparılır.xeber100.com

Neftin qiyməti ucuzlaşmaqda davam edir

Dünya birjalarında neftin qiyməti ucuzlaşmaqda davam edir.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,14 dollar ucuzlaşaraq 71,99 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,36 dollar geriləyərək 61,85 dollar olub.xeber100.com

Dövlət Neft Fondu gəlirlərini açıqlayıb

2007-ci ildən cari il noyabr ayının 1-dək Azərbaycan Respublikası Dövlət Neft Fondunun (ARDNF) “Şahdəniz” yatağı üzrə qazın satışından əldə olunan ümumi gəlirləri 2 milyard 506 milyon ABŞ dolları olub.Bu barədə Azərtac-a ARDNF-in ictimaiyyətlə əlaqələr departamentindən bildirilib.Xatırladaq ki, bu ilin əvvəlində “Şahdəniz” layihəsi çərçivəsində xarici sərmayəçilər tərəfindən Neft Fonduna 108 milyon dollar əlavə bonus ödənilib.xeber100.com

Londonun ICE birjasında neftin qiyməti ucuzlaşıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,29 dollar ucuzlaşaraq 72,88 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,13 dollar geriləyərək 62,97 dollar olub.xeber100.com

Bakı-Kiyev reysinə sərnişin tələbatı olmadığı üçün bağlanıb

Bakı-Xarkov-Kiyev avtobus reysi ləğv olunub.Azərtac xəbər verir ki, bu barədə Bakı Beynəlxalq Avtovağzal Kompleksinin mətbuat xidmətinin rəhbəri Yaşar İsakov məlumat verib.O bildirib ki, Bakı-Xarkov-Kiyev avtobus reysinə sərnişin tələbatı olmadığı üçün bağlanıb. Gələcəkdə ehtiyac yaranarsa reysin yenidən açılması nəzərdən keçirilə bilər.xeber100.com

“Kapital Bank” endirimli nağd pul krediti təklif edir

“Kapital Bank” təqaüdçülər üçün endirimli nağd pul krediti təklif edir. Artıq istənilən kartla təqaüd alan şəxslər, nağd pul kreditini illik faiz dərəcəsi 20 faizdən başlayan şərtlərlə əldə edə bilərlər. Aksiya çərçivəsində kredit götürənlərə üstəlik “BirKart” hədiyyə olunacaq. Şərtlərə əsasən kredit zaminsiz verilə bilər. Aksiya noyabrın 20-dək keçirilir.Qeyd edək ki, “Kapital Bank”da “Gündəlik tələbat krediti”nin məbləği 300–20 min manat təşkil edir, müddəti isə 3 aydan 48 ayadək rəsmiləşdirilə bilər. Azərbaycanda ən böyük filial şəbəkəsinə malik olan “Kapital Bank”, 95 filialı və 9 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün  “196” Sorğu Mərkəzinə və ya bankın müxtəlif sosial şəbəkələrdə olan səhifələrinə müraciət etmək mümkündür.xeber100.com