“Azəriqaz” İstehsalat Birliyi səyyar xidmətlər həyata keçirir

“Azəriqaz” İstehsalat Birliyi (İB) Maştağa qəsəbəsində səyyar formada xidmətlər həyata keçirir.İB-dən Azərtac-a bildirilib ki, oktyabrın 2-dən etibarən səyyar “ASAN xidmət” çərçivəsində “Azəriqaz” tərəfindən Sabunçu rayonunun Maştağa qəsəbəsində səyyar formada xidmətlər həyata keçirilir. Xüsusi tərtibatla hazırlanmış səyyar avtomobillər vasitəsilə birbaşa kütləvi sayğac dəyişikliyi olan ərazilərdə abonentlərə tam şəkildə “ASAN Kommunal” standartlarına uyğun xidmət göstərilməsi təmin edilir. Maştağa qəsəbəsində mədəniyyət və istirahət parkının ərazisində keçirilən xidmətin müddəti 1 ay nəzərdə tutulub.İstehlakçılar bu layihə çərçivəsində itirilmiş və zədələnmiş smart kartın bərpası, borc və ödəniş barədə arayışların verilməsi, abonent məlumatlarında dəyişikliklərin edilməsi, koda düşmüş kartların bərpası, zədələnmiş sayğacla bağlı ödənişin qəbulu da daxil olmaqla ümumilikdə 20 növ xidmətdən yararlana bilərlər.Əsas hədəflərdən biri də regionlarda açılacaq “ASAN Kommunal” mərkəzlərində “Azəriqaz” İstehsalat Birliyi tərəfindən müvafiq xidmətlərin təmin edilməsidir. Artıq cari il sentyabr ayının 21-dən etibarən “Azəriqaz” İstehsalat Birliyi tərəfindən respublika ərazisində fəaliyyət göstərən və xüsusi tərtibatda hazırlanmış “Səyyar ASAN” avtobus və qatarlarda Goranboy rayonundan başlayaraq Göyçay, Ağstafa, Xaçmaz, Tovuz, Ağdam, Hacıqabul, Cəlilabad, Şəki, Ağsu, Şirvan, Biləsuvar və Yevlax rayonlarında xidmətlər göstərməyə başlanılıb.Səyyar “ASAN xidmət”in həyata keçirilməsində əsas məqsəd “Azəriqaz” İstehsalat Birliyi tərəfindən xidmətlərin daha rahat, yeni və innovativ üsullarla təqdim edilməsi, abonentlər üçün əlçatanlığın təmin edilməsi və istehlakçı məmnunluğuna nail olunmasıdır.xeber100.com

“Aquatherm Baku 2018” sərgisi keçiriləcək

Oktyabrın 23-26-da Bakı Ekspo Mərkəzində XI Beynəlxalq İstilik, Havalandırma, Kondisionerləşdirilmə, Su təchizatı, Santexnika və Üzgüçülük Hovuzu - “Aquatherm Baku 2018” sərgisi keçiriləcək.“Iteca Caspian” şirkətindən Azərtac-a bildirilib ki, “Aquatherm Baku” sərgisi istilik, havalandırma, kondisionerləşdirmə, su təchizatı, eləcə də havanın emalı və təmizlənməsi sahəsində yeganə ixtisaslaşmış tədbirdir. Hər il əksəriyyəti sənaye peşəkarları olan minlərlə insan bu sərgini ziyarət edir.Bu il sərgidə Azərbaycan, Avstriya, İran, İtaliya, Çin, Rusiya, Türkiyə, Ukrayna, Fransa, Çexiya və digər ölkələri təmsil edən şirkətlər bir araya gələcək. “Aquatherm Baku 2018” sərgisinin iştirakçıları havalandırma və istilik sistemlərini, su üçün boru və filtrləri, isidici qazanları, nasosları, hidrantları və bir sıra digər məhsulları təqdim edəcəklər. Sərgidə müxtəlif istehsalçıların təklif etdikləri məişət və sənaye kondisionerləri, yastı su qızdırıcılarının geniş çeşidi də nümayiş olunacaq. Həmçinin otaqlarda mikroiqlimi uzaqdan idarə etmək üçün IT texnologiyalar da təklif olunacaq.xeber100.com

Dünya birjalarında neftin qiyməti…

Dünya birjalarında neftin qiyməti bahalaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,52 dollar artaraq 83,25 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,29 dollar bahalaşaraq 73,54 dollar olub.xeber100.com

“Azergold” QSC-nin məlumatına görə…

Ermənistan beynəlxalq şirkətlərlə birgə Azərbaycanın işğal olunmuş Kəlbəcər rayonunda qızıl yataqlarında qanunsuz hasilatı davam etdirir.Milli.az bildirir ki, bunu "Çovdar" qızıl yatağında keçirilən mediatur zamanı "Azergold" QSC-nin İdarə heyəti sədrinin müavini Oqtay Məmmədov deyib.O.Məmmədov bildirib: "Biz istəyirik ki, Kəlbəcərdə yataqların qanunsuz işlənməsi məsələsi beynəlxalq normalar çərçivəsində hüquqi müstəvidə həllini tapsın. Bununla bağlı müvafiq informasiya Azərbaycan Baş Prokurorluğuna verilib. Bu istiqamətdə iş aparılır və yaxın zamanlarda ictimaiyyətə məlumat veriləcək".xeber100.com

“Kapital Bank” yeni bir müqavilə imzalayıb

“Kapital Bank” ölkənin idman, xüsusilə də futbolun inkişafına hər zaman öz töhfəsini verir. Sosialyönümlü fəaliyyətə uyğun olaraq, “Kapital Bank” Azərbaycan Futbol Federasiyaları Assosiasiyası (AFFA) ilə daha bir müqavilə imzalayıb. Müqavilənin şərtlərinə görə, “Kapital Bank” yeni mövsümdən başlayaraq AFFA-nın U-14 liqasının rəsmi tərəfdaşıdır. Bundan sonra, həmçinin liqanın adı “Kapital Bank U-14” olacaq.Qeyd edək ki, “Kapital Bank” “Sumqayıt” və “Zirə” futbol klublarının da rəsmi tərəfdaşıdır, Sumqayıt şəhərinin əsas futbol meydançası isə “Kapital Bank Arena” adlanır. Bu futbol klubları ilə il ərzində bir neçə layihə həyata keçirilir. Layihəni keçirməkdə əsas məqsəd gənc və yeniyetmə şagirdləri futbola cəlb etmək, onlar arasında bu idman növünün təbliği, futbolun kütləviliyinin artırılması və gəncləri sağlam həyata yönləndirməkdir.Azərbaycanda ən böyük filial şəbəkəsinə malik olan “Kapital Bank” 95 filialı və 7 şöbəsi ilə müştərilərin xidmətindədir.xeber100.com

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,64 dollar ucuzlaşaraq 82,92 dollar təşkil edib.xeber100.com

Xarici İşlər Nazirliyinin məlumatı əsasında…

Nyu-Yorkun Harvard Klubunda Transxəzər ölkələrinin nümayəndələrinin, ABŞ-ın dövlət rəsmilərinin və işgüzar dairələrinin iştirakı ilə Xəzər Biznes Forumu keçirilib.Xarici İşlər Nazirliyindən Azərtac-a bildiriblər ki, Xəzər Siyasət Mərkəzi, ABŞ Ticarət Palatası, Azərbaycan, Gürcüstan, Qazaxıstan və Əfqanıstanın bu ölkədəki səfirlikləri tərəfindən birgə təşkil edilmiş forumda Transxəzər regionunun iqtisadi inkişafının və sərmayə potensialının gücləndirilməsi üçün imkanlar, bölgədə həyata keçirilən irimiqyaslı layihələr və gələcək əməkdaşlıq perspektivləri, həmçinin ABŞ və iştirakçı ölkələr arasında işgüzar əlaqələrin möhkəmləndirilməsi və ABŞ şirkətləri ilə yeni tərəfdaşlıq imkanları müzakirə olunub.Forumda çıxış edən xarici işlər naziri Elmar Məmmədyarov Azərbaycanın regionda lider dövlət olduğunu, ölkə rəhbərliyinin uzaqgörən siyasəti nəticəsində indiyədək həyata keçirilmiş və hazırda reallaşdırılan enerji və nəqliyyat bağlantıları layihələrinin, xüsusilə dünyanın ən böyük infrastruktur layihələrindən biri olan Cənub Qaz Dəhlizinin bölgənin, həmçinin qitənin dayanıqlı inkişafına və iqtisadi yüksəlişinə əvəzsiz töhfə verdiyini qeyd edib. Eyni zamanda, Azərbaycanda iqtisadiyyatın şaxələndirilməsi, o cümlədən qeyri-neft sektorunun inkişafı və biznes mühitinin stimullaşdırılması istiqamətində həyata keçirilən struktur islahatlar barədə məlumat verən E.Məmmədyarov biznes strukturlarını ölkəmizdəki mövcud imkanlardan fəal yararlanmağa dəvət edib.Ermənistanın işğalçılıq siyasəti nəticəsində Azərbaycanın Dağlıq Qarabağ və ətraf rayonlarının işğalının davam etdiyini vurğulayan nazir sözügedən işğalın regional təhlükəsizliyə və sabitliyə təhdid olmaqla tammiqyaslı regional əməkdaşlığa maneə törətdiyini tədbir iştirakçılarının diqqətinə çatdırıb.Qeyd edək ki, Azərbaycanın təşəbbüsü ilə keçirilən Xəzər Biznes Forumu 2016-cı ildən etibarən hər il ABŞ-da təşkil olunur.xeber100.com

“Light” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,06 dollar azalaraq 81,81 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,15 dollar ucuzlaşaraq 72,13 dollar olub.xeber100.com

Londonun ICE birjasında neftin bir barrelinin qiyməti…

Dünya birjalarında neftin qiyməti bahalaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,20 dollar bahalaşaraq 81,40 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,14 dollar artaraq 72,22 dollar olub.xeber100.com

“Azercell”in dəstəyi ilə təlimlər təşkil olunacaq

2018-2019-cu tədris ili çərçivəsində paytaxt və region məktəblərində şagird, valideyn və müəllimlər üçün internet təhlükəsizliyi ilə bağlı təlimlər təşkil olunacaq.Azərtac xəbər verir ki, bu barədə “Azercell Telekom”un prezidenti Vahid Mürsəliyev sentyabrın 25-də “Təhlükəsiz internet və rəqəmsal vətəndaşlıq təlim proqramı"nın təqdimatında məlumat verib.O qeyd edib ki, təlimlər sürətli internetin və internetdən istifadə arealının genişlənməsi nəticəsində şagirdlərin üzləşə biləcəkləri çətinlikləri müəyyənləşdirmək, həmin təhlükələri aradan qaldırmaq üçün şagirdlər, valideynlər və uşaqlarla kompleks işin təşkilini əhatə edir. "Azercell" öz fəaliyyətində daim uşaqların müdafiəsinə önəm verdiyindən, məmnuniyyətlə bu aksiyanın təşəbbüskarı və təlimlərin sifarişçisi qismində çıxış edir.xeber100.com