Sentyabrın 12-nə olan USD/AZN rəsmi məzənnəsi açıqlanıb

Azərbaycan Mərkəzi Bankı (AMB) sentyabrın 12-nə olan USD/AZN rəsmi məzənnəsini açıqlayıb.AMB-dən Azərtac-a bildiriblər ki, Mərkəzi Bankın sentyabrın 12-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

“VISA International” şirkəti yeni kampaniyaya start verdi

"AtaBank" ASC "VISA International" şirkəti ilə birgə "VİZA göstər, VISA al" kampaniyasına start verdi.Kampaniya çərçivəsində xarici ölkələrə səyahət etmək üçün viza almış müştərilər "AtaBank"dan pulsuz “VISA Classic”, “VISA Gold” plastik kartına sahib olmaq imkanı əldə edəcəklər. Bunun üçün sadəcə "AtaBank"ın baş ofisinə və ya istənilən filialına şəxsiyyət vəsiqəsi və xarici pasportla yaxınlaşaraq qüvvədə olan vizanı bank əməkdaşına göstərmək kifayətdir. Hədiyyə veriləcək plastik kartın növü müştərinin səyahət edəcəyi ölkədən və vizanın müddətindən asılıdır.“VISA Classic”, “VISA Gold” kartı müştərilərə yalnız ABŞ dolları və ya avro valyutasında açıla bilər.Kampaniya yalnız fiziki şəxslərə şamil olunur və ilin son iş günü dekabrın 28-i tarixinədək qüvvədə olacaq.VISA kartlarından dünyanın 200-dək ölkəsində istifadə etmək mümkündür. Bu kartlardan istifadə edərək müştərilər həm ölkə daxilində həm də ölkə xaricində POS-terminal vasitəsilə və ya online alış-veriş edə, "AtaBank"ın AtaNet İnternet və ya Mobil Bankçılıq əlavəsinə daxil olaraq müxtəlif bank əməliyyatlarını həyata keçirə bilərlər.“WhatsApp” istifadəçiləri "AtaBank"ın “WhatsApp” əlavəsinə bağlı olan 050 999 91 36 telefon nömrəsi ilə əlaqə yaradaraq VISA plastik kart məhsulları və kampaniya haqqında istənilən məlumatı operativ əldə edə bilər.xeber100.com

Nəqliyyat Agentliyinin məlumatına görə…

Paytaxtda fəaliyyət göstərən 1, 2, 18, 61, 147 və 217 nömrəli müntəzəm marşrut xətləri müsabiqəyə çıxarılıb.Bakı Nəqliyyat Agentliyindən Azərtac-a bildirilib ki, daxil olan vətəndaş müraciətləri əsasında sadalanan müntəzəm marşrut xətləri üzrə təhlillər aparılıb və bir sıra çatışmazlıqların olduğu müəyyən edilib. Bunu nəzərə alaraq, qeyd edilən xətlərin müsabiqəyə çıxarılması qərara alınıb. Məqsəd bu xətlər üzrə sərnişindaşıma xidmətlərinin keyfiyyətinin artırılmasıdır. Müsabiqədə iştirak etmək istəyənlər Bakı Nəqliyyat Agentliyinə müraciət edə bilər.xeber100.com

Ticarət əməliyyatlarında valyutadan istifadə imkanları müzakirə olunub

İran Mərkəzi Bankının sədri Əbdülnasir Himməti bəyan edib ki, Rusiya və Türkiyə nümayəndələri ilə görüş zamanı ticarət əməliyyatlarında dollar əvəzinə yerli valyutadan istifadə imkanları müzakirə olunub.Milli.az xəbər verir ki, görüş zamanı həmçinin dolların "üç ölkə iqtisadiyyatına və ticarətinə təsirinin" aradan qaldırılması məqsədi ilə milli valyutaların qarşılıqlı mübadiləsinin mümkünlüyü də nəzərdən keçirilib. Eyni zamanda ticarət və iqtisadi əlaqələrinin genişlənməsi də müzakirə mövzusu olub.Himməti əlavə edib ki, bu istiqamətdə atılacaq növbəti addımlar Rusiya Mərkəzi Bankının sədri ilə Moskvada müzakirə olunacaq.xeber100.com

İqtisadiyyat Nazirliyinin məlumatına görə…

İqtisadiyyat naziri Şahin Mustafayev ABŞ dövlət katibinin iqtisadiyyat və biznes məsələləri üzrə köməkçisinin birinci müavini Brayn Makfiterslə görüşüb.İqtisadiyyat Nazirliyindən Milli.Az-a verilən məlumata görə, görüşdə Azərbaycan-ABŞ iqtisadi əlaqələrinin mövcud vəziyyətinə, o cümlədən ABŞ-la kiçik və orta sahibkarlıq sahəsində əməkdaşlıq, ABŞ şirkətlərinin sənaye parklarına investisiya qoyuluşu imkanları, iqtisadi sahədə əməkdaşlıq perspektivlərinə dair müzakirələr aparılıb.Şahin Mustafayev Azərbaycan və ABŞ arasında əlaqələrin uğurla inkişaf etdiyini, iqtisadi, enerji, nəqliyyat, təhsil, kənd təsərrüfatı, təhlükəsizlik, terrorizmlə mübarizə və s. sahələrdə uğurlu əməkdaşlığın həyata keçirildiyini vurğulayıb, ölkələrimiz arasında mövcud iqtisadi əlaqələrə və əməkdaşlığın genişləndirilməsi perspektivlərinə dair fikirlərini bölüşüb.Qeyd olunub ki, ölkələrimiz arasında əməkdaşlığın inkişafı üçün lazımi hüquqi baza mövcuddur.Hazırda Azərbaycanda sənaye, tikinti, rabitə, bank və s. sahələrdə 240 ABŞ şirkəti fəaliyyət göstərir. ABŞ Azərbaycanın əsas ticarət tərəfdaşlarındandır. 2018-ci ilin yanvar-iyun aylarında ölkələrmiz arasında ticarət dövriyyəsi 476,1 milyon dollar təşkil eib. İndiyədək ABŞ tərəfindən Azərbaycan iqtisadiyyatına 13 mlrd. dollardan çox investisiya qoyulub ki, bunun da 1 mlrd. dollardan çoxu qeyri-neft sektoruna yönəldilib. 1994-cü ildə imzalanmış "Əsrin Müqaviləsi"nin siyasi-iqtisadi əhəmiyyətini bir daha vurğulayan iqtisadiyyat naziri hazırda Bakı-Tbilisi-Ceyhan, Cənub Qaz Dəhlizi layihələrinin qlobal enerji təhlükəsizliyndə önəmini diqqətə çatdırıb, ölkəmizin geniş tranzit imkanları barədə məlumat verib. Bildirilib ki, ABŞ-ın ABŞ-ın Beynəlxalq İnkişaf Agentliyi (USAİD) ölkəmizdə bir sıra layihələrin icrasına 350 mln. dollar vəsait ayırıb. Amerika Ticarət Palatası ilə uğurlu əməkdaşlıq çərçivəsidə iki ölkənin iş adamları arasında keçirilən görüşlər iqtisadi sahədə ikitərəfli əlaqələrin inkişafına töhfə verir.xeber100.com

“Azəriqaz” İstehsalat Birliyinin məlumatına görə…

Cari ildə 43 yaşayış məntəqəsinə təbii qaz verilib.“Azəriqaz” İstehsalat Birliyindən Azərtac-a bildirilib ki, “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrası məqsədilə İB tərəfindən təxirə salınmaz işlər həyata keçirilir. Belə ki, əhali istehlakçılarının mənzillərində istismar edilən istismar müddəti başa çatmış sayğaclar yenisi ilə əvəz olunur, yeni qaz kəmərləri çəkilir və istismara yararsız vəziyyətdə olan qaz tənzimləyiciləri yeniləri ilə əvəz edilir.İstehlakçıların qaz təchizatının yaxşılaşdırılması, şəbəkənin qaz nəqletmə imkanlarının artırılması və yaşayış məntəqələrinin qazlaşdırılması üçün “Azəriqaz” tərəfindən bu ilin yanvar-avqust ayları ərzində 2 141,1 kilometr yeni qaz kəməri quraşdırılıb, qaz kəmərləri şəbəkəsinin təhlükəsiz və normal rejimdə istismarının təmin olunması üçün isə 160,8 kilometr qaz kəməri əsaslı təmir olunub. Cari il ərzində aparılan tikinti-quraşdırma işləri nəticəsində Ağstafa, Şəmkir, Ağcabədi, Bərdə, Şəki, Göyçay, İsmayıllı, Ucar, Xaçmaz, Beyləqan, Lerik, Sabirabad, Salyan, Cəlilabad və Masallı rayonları üzrə 43 yaşayış məntəqəsi qazlaşdırılıb.xeber100.com

Nyu-Yorkun NYMEX birjasında “neftin qiyməti azalıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,09 dollar ucuzlaşaraq 77,18 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,16 dollar azalaraq 68,56 dollar olub.xeber100.com

Küveyt şəhərinə olan aviareys təxirə salınıb

Bakıdan Küveyt şəhərinə olan aviareys təxirə salınıb.Azərtac Heydər Əliyev Beynəlxalq Aeroportunun onlayn tablosuna istinadla xəbər verir ki, “Küveyt Airways” aviaşirkətinin sentyabrın 5-də saat 23:25-də “Airbus A320-200” təyyarəsi ilə həyata keçirməli olduğu “KW 976” saylı Bakı-Küveyt reysi təxirə salınıb. Aviareysin təxirə salınma səbəbi barədə məlumat verilməyib.xeber100.com

“Azəriqaz” İstehsalat Birliyinin məlumatı

Bu ilin yanvar-avqust aylarında 347 çoxmərtəbəli binaya təbii qaz verilib.“Azəriqaz” İstehsalat Birliyindən Azərtac-a bildirilib ki, birlik çoxmərtəbəli binalara təbii qazın verilməsi istiqamətində fəaliyyətini davam etdirir. Görülmüş işlərin nəticəsidir ki, “Azəriqaz” bu ilin yanvar-avqust ayları ərzində hüquqi və fiziki şəxslərin müraciətlərini araşdıraraq müvafiq sənədləri təqdim olunan 347 çoxmərtəbəli binaya təbii qazın verilməsini təmin edib. Həmin binalarda ümumilikdə 18 min 593 ailə yaşayır.“Azəriqaz” təbii qazın satışı ilə məşğul olan bir qurum kimi zəruri sənədləri təqdim etmiş, bütün normativ-texniki və təhlükəsizlik tələblərinə cavab verən istənilən çoxmərtəbəli binanın ən qısa müddətdə “mavi yanacaq”la təmin olunmasında maraqlıdır.xeber100.com

Hava şəraiti ilə bağlı məlumat açıqlanıb

Azərbaycanda sentyabrın 6-na gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, yağmursuz keçəcəyi gözlənilir. Şimal-şərq küləyi əsəcək, gündüz cənub-şərq küləyi ilə əvəzlənəcək. Havanın temperaturunun Abşeron yarımadasında gecə 18-21°, gündüz 27-30° isti, Bakıda gecə 18-20°, gündüz 28-30° isti olacağı ehtimalı var.Atmosfer təzyiqi norma daxilində-758 millimetr civə sütunu, nisbi rütubət gecə 60-70, gündüz 40-45 faiz təşkil edəcək.Abşeronun şimal çimərliklərində-Sumqayıt, Novxanı, Pirşağı, Nardaran, Bilgəh və Zuğulbada dəniz suyunun temperaturu 24-25°, cənub çimərliklərində-Türkan, Hövsan, Sahil və Şıxda isə 25-26° isti olacaq. Şimal-şərq küləyi əsəcək, gündüz cənub-şərq küləyi ilə əvəzlənəcək.Azərbaycanın rayonlarında hava şəraitinin yağmursuz keçəcəyi, lakin səhər və axşam bəzi dağlıq ərazilərdə şimşək çaxacağı, qısamüddətli yağış yağacağı proqnozlaşdırılır. Şərq küləyi əsəcək.Havanın temperaturunun gecə 15-20°, gündüz 28-33°, dağlarda gecə 10-15°, gündüz18-23° isti olacağı bildirilir.Naxçıvan Muxtar Respublikasında hava yağmursuz keçəcək.Havanın temperaturunun gecə 16-21°, gündüz 29-34° isti olacağı gözlənilir.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında hava yağmursuz keçəcək. Lakin gündüz bəzi yerlərdə qısamüddətli yağış yağacağı ehtimalı var.Havanın temperaturu gecə 10-15°, gündüz 17-22° isti olacaq.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında hava yağmursuz keçəcək.Havanın temperaturunun gecə 15-19°, gündüz 27-32° isti olacağı ehtimal edilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında hava yağmursuz keçəcək. Lakin gecə və axşam bəzi dağlıq ərazilərdə şimşək çaxacağı, qısamüddətli yağış yağacağı gözlənilir.Havanın temperaturunun gecə 12-17°, gündüz 23-28° isti, dağlarda gecə 7-12°, gündüz 17-22° isti olacağı proqnozlaşdırılır.Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava yağmursuz keçəcək.Havanın temperaturunun gecə 15-20°, gündüz 29-33° isti olacağı bildirilir.Masallı, Yardımlı, Lerik, Lənkəran, Astara rayonlarında hava yağmursuz keçəcək. Lakin gündüz bəzi dağlıq ərazilərdə qısamüddətli yağış yağacağı ehtimalı var.Havanın temperaturu gecə 18-20°, gündüz 27-31° isti, dağlarda gecə 10-15°, gündüz 19-22° isti olacaq.Respublikanın bölgələrində şərq küləyi əsəcək.xeber100.com