“Peugeot” avtomobil şirkəti istehsal həcmini azaldıb

ABŞ-ın İrana sanksiyalar tətbiq etməsindən sonra bu ölkədə fəaliyyət göstərən Fransanın avtomobil şirkəti "Peugeot" istehsalının həcmini azaldıb.Milli.az xəbər verir ki, İran buna cavab olaraq şirkətdən təzminat tələb edib.İranın sənaye, mədən və ticarət nazirinin köməkçisi Muhsin Salihi Niya bildirib ki, "Peugeot" anlaşmanı pozaraq, istehsalını azaltdığı üçün təzminat ödəməlidir.xeber100.com

“Azeri LT CIF” markalı neftin qiyməti…

Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,23 dollar və yaxud 0,31% artıb.Milli.az xəbər verir ki, "Azeri LT CIF" markalı neftin qiyməti 73,42 dollar/barelə bərabər olub.Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.xeber100.com

Banklar Assosiasiyasının növbəti iclası keçirilib

Azərbaycan Banklar Assosiasiyasının (ABA) "İT və İT təhlükəsizlik üzrə" Ekspert Qrupunun avqust ayı üzrə növbəti iclası keçirilib.Milli.az xəbər verir ki, iclas fövqəladə hallar zamanı bankların enerji təminatının dayanmaması, enerji məsələlərinin optimizasiyasına həsr edilib.Ekspert Qrupunun iclası zamanı enerji təminetmənin optimizasiyası və enerji sahəsində İT təhlükəsizliyinə aid olan digər məsələlər müzakirə edilib. Müvafiq əlaqədar orqanlarla görüşlər keçirilərək fövqəladə hallar zamanı enerji təminatının optimizasiyasına dair müzakirələrin aparılması qərara alınıb.Həmçinin iclas zamanı qrupda yeni təyinat olub. Belə ki, İlqar Əliyev "İT və İT təhlükəsizlik üzrə" Ekspert Qrupunun müavini vəzifəsinə təyin edilib.İlqar Əliyev 2006-2013-cü illərdə Azərbaycan Respublikasının Mərkəzi Bankının Daxili Audit departamentində İnformasiya texnologiyaları üzrə böyük auditor və şöbə rəisi vəzifələrində çalışıb. 2013-cü ildən GRC Assurance & Advisory şirkətində İdarəetmə Auditi üzrə menecer vəzifəsində işləyib. 2017-ci ildən Prima Menecment Konsaltinq şirkətinin İT İdarəçilyi və İnformasiya təhlükəsizliyi üzrə rəhbəridir.Hazırda İnformasiya Sistemlərinin Təhlükəsizliyi və İdarəedilməsi üzrə Audit və Konsultasiya xidmətləri təqdim edir.2006-cı ildən Beynəlxalq İSACA (ABŞ) assosasiyasının üzvüdür. İlqar Əliyev CISA (İnformasiya Sistemləri üzrə Sertifikatlaşmış Auditor), CISM (İnformasiya Təhlükəsizliyi üzrə Sertifikatlaşmış Menecer), CGEIT (İnformasiya Texnologiyalarının İdarəçiliyi üzrə peşəkar sertifikat), CRISC (İnformasiya sistemlərində risklərə nəzarət üzrə peşəkar sertifikat), COBIT 5 Security Assessor peşəkar sertifikatlara malikdir.Xatırladaq ki, Ekspert Qrupunun sədri "PAŞA Bank"ın İdarə Heyətini üzvü Cəlal Orucovdur.Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 29 bank və 3 qeyri-bank təşkilatı ABA-nın üzvüdür.xeber100.com

“Moody’s” agentliyinin hesabatına əsasən…

Ölkə iqtisadiyyatında 2019-cu ildə daha sürətli artım tempinə malik olacaq. Bütün sahələrdə, xüsusilə qeyri-neft sektorunda həyata keçirilən islahatlar iqtisadiyyatın dayanıqlığına gətirib çıxarıb. Dünyanın nə nüfuzlu reytinq agentliyinin hesabatında bu məsələyə xüsusi yer verilib.Azərbaycan iqtisadiyyatında cari ilin sonuna qədər və qarşıdakı ildə artım templəri davam edəcək. Bu məsələ dünyanın ən nüfuzlu reytinq agentliklərindən biri olan "Moody's"un hesabatında öz əksini tapıb.Milli.Az bildirir ki, iqtisadçı ekspert Vüqar Bayarmovun sözlərinə görə bu proqnoz tam iqtisadi təhlillərə uyğun hazırlanıb. Çünki "Moody's" agentliyi dövlət və özəl qurumlarla əməkdaşlıq edib və onların iqtisadi göstəricilərinə əsaslanıb. Hesabatda göstərilir ki, əlverişli xarici mühit - 2017-ci ildə neft qiymətlərinin orta hesabla 54 dollar olması, milli valyutanın sabitliyi və inflyasiyanın azalması Azərbaycan iqtisadiyyatının bərpasına gətirib çıxardı.Hesabata əsasən iqtisadiyyatda artım templəri təkcə neftin qiymətinin yüksək olması ilə bağlı deyil. Bu məqamda qeyri neft məhsullarının ixracı da önəmli rol oynayır.İqtisadçının sözlərinə görə, qeyri neft məhsullarının ixracının artması isə bir hökumətin son illər bu sahədə həyata keçirdiyi dərin islahatlarla bağlıdır.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,01 dollar ucuzlaşaraq 74,64 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,09 dollar bahalaşaraq 69,26 dollar olub.xeber100.com

Qida Təhlükəsizliyi Agentliyi xəbərdarlıq edir

Azərbaycan Respublikası ərazisinin başqa ölkələrdən keçə biləcək yoluxucu heyvan xəstəliklərindən qorunması məqsədilə Qida Təhlükəsizliyi Agentliyi (AQTA) əhaliyə xəbərdarlıq edir.Bu barədə Azərtac-a agentliyin informasiya təminatı və innovativ həllər şöbəsindən məlumat verilib.Xəbərdarlıqda deyilir: Ümumdünya Heyvan Sağlamlığı Təşkilatı tərəfindən Gürcüstanın Samtsxe-Cavaxetiya regionunda qaramalda nodulyar dermatit xəstəliyinin yayılması müəyyən edilib. Bununla əlaqədar olaraq, bu ölkədən qaramalın idxalı ilə bağlı müraciət edən hüquqi və fiziki şəxslər Ümumdünya Heyvan Sağlamlığı Təşkilatının müvafiq tələblərini nəzərə almalıdırlar. Eyni zamanda, nəzarət tədbirlərinin gücləndirilməsi üçün Gürcüstanın Samtsxe-Cavaxetiya regionundan gələn və ya həmin ərazidən tranzit keçən nəqliyyat vasitələrinin gömrük keçid məntəqələrində dezinfeksiya edilməsi ilə bağlı Azərbaycan Respublikasının Qida Təhlükəsizliyi Agentliyi tərəfindən Dövlət Gömrük Komitəsinə aidiyyətı üzrə müraciət olunub.xeber100.com

Azərbaycan-İsveçrə biznes forumu keçiriləcək

Azərbaycan Respublikasının İsveçrə Konfederasiyasındakı səfirliyi cari ilin sentyabr ayında İsveçrənin Tiçino kantonunda Azərbaycan-İsveçrə biznes forumunun keçirilməsinə dair razılıq əldə edib.Səfirlikdən Azərtac-a verilən məlumatda bildirilir ki, tədbirdə İsveçrənin mərkəzi və yerli qurumlarının, habelə işgüzar dairələrin və İsveçrədə akkreditə olunmuş diplomatik korpusun nümayəndələrinin iştirakı gözlənilir.Səfir Xanım İbrahimova İsveçrənin Tiçino kantonunun Ticarət Palatasının Beynəlxalq Əməkdaşlıq İdarəsinin rəisi Kiara Krivelli və Luqano şəhərinin meri Marco Borradori ilə görüşüb. Görüşdə Azərbaycan-İsveçrə ikitərəfli əlaqələri, Azərbaycanda həyata keçirilən köklü iqtisadi islahatlar və ölkəmizdə mövcud əlverişli investisiya mühitinə dair fikir mübadiləsi aparılıb. Eyni zamanda, Azərbaycan iqtisadiyyatı ilə bağlı tədbirlərin təşkili imkanları müzakirə edilib.Söhbət zamanı, həmçinin Azərbaycan ilə Tiçino kantonu arasında qarşılıqlı işgüzar səfərlərin təşkili məsələsinə dair müzakirələr aparılıb.xeber100.com

Nəqliyyat Agentliyinin məlumatı əsasında…

Sabunçu-Zabrat yolunda işıqforların vaxt planlarında dəyişiklik edilib.Bakı Nəqliyyat Agentliyindən Azərtac-a bildirilib ki, Sabunçu-Zabrat yolunda nəqliyyat şəraitinin yaxşılaşdırılması işləri davam edir. Bu işlər çərçivəsində vətəndaş müraciətləri nəzərə alınaraq yolboyu işıqforların vaxt planlarında dəyişiklik olunub. Dəyişiklik edilən zaman yolda nəqliyyat axını təhlil edilib və əldə edilən nəticələrə əsasən Sabunçu-Zabrat yolundakı işıqforların yaşıl fazasının vaxtı artırılıb. Məqsəd, günün pik saatlarında yolda müşahidə edilən sıxlığın aradan qaldırılması, nəqliyyat vasitələrinin rahat və maneəsiz hərəkətini təmin etməkdir.Hazırda Sabunçu-Zabrat yolunda piyada təhlükəsizliyinin artırılması məqsədilə Bakı Nəqliyyat Agentliyinin mütəxəssisləri tərəfindən kompleks təhlillər aparılır.Bir qədər əvvəl isə yolun Heydər Əliyev prospekti ilə kəsişməsində sıxlığın aradan qaldırılması və sərnişinlərin təhlükəsizliyinin artırılması məqsədilə avtobus dayanacaq məntəqələrinin də yeri dəyişdirilib.xeber100.com

“Azərsu” ASC-nin məlumatı əsasında…

Bakının bəzi ərazilərinə içməli suyun verilməsində məhdudiyyət olacaq.“Azərsu” ASC-nin mətbuat xidmətindən Azərtac-a bildirilib ki, Yasamal rayonunun Qanlıgöl ərazisində su təchizatı infrastrukturunda yenidənqurma işlərinin aparılması ilə əlaqədar avqustun 6-da gün ərzində Yeni Yasamal yaşayış massivinə, Qanlıgölün ətrafındakı ərazilərə, həmçinin Səbail rayonunun İzzət Nəbiyev küçəsindəki abonentlərə içməli suyun verilməsində məhdudiyyətlər olacaq.xeber100.com  

Neft Şirkəti mayeləşdirilmiş təbii qaz tədarükünə başlayacaq

Azərbaycan Dövlət Neft Şirkəti (SOCAR) yaxın aylarda Pakistana mayeləşdirilmiş təbii qaz tədarükünə başlayacaq.Milli.az bildirir ki, bu barədə Trend-ə "Pakistan LNG Limited" operator şirkətindən məlumat verilib.Qeyd olunur ki, SOCAR şirkətin bu məsələ ilə bağlı elan etdiyi tenderin qaliblərindən biri olub.Mayeləşdirilmiş təbii qaz SOCAR tərəfindən iki hissədə tədarük olunacaq. 140 min kubmetr həcmdə olan hissələrdən birincisi oktyabrın 10-11-də, ikincisi 20-21-də tədarük ediləcək.Qeyd edək ki, iyulun 26-da keçirilmiş tenderin qalibləri SOCAR-la yanaşı "GUNVOR International", "BB Energy", "Trafigura Pte" şirkətləri olub.xeber100.com