Əmlak Məsələləri Dövlət Komitəsi yeni kampaniya elan edir

Əmlak Məsələləri Dövlət Komitəsi əmlakın kütləvi şəkildə yerlərdə qeydiyyatının aparılması ilə bağlı “Əmlakını qeydiyyata al və mülkiyyətinə sahib ol” adlı yeni layihəyə start verir.Komitədən Azərtac-a bildirilib ki, bu kampaniya iyulun 16-da Abşeron rayonunun Ceyranbatan qəsəbəsində reallaşacaq. Belə ki, sakinlər 16-20 iyul tarixlərində saat 09:00-dan 17:00-a qədər Abşeron rayonunun Ceyranbatan qəsəbəsinin 20 Yanvar küçəsi 1 ünvanında fəaliyyət göstərən komitənin mobil ofislərinə yaxınlaşa bilərlər. Bu sosial layihə ardıcıl olaraq respublikanın bütün ərazilərini əhatə edəcək. Öncədən elan edilən məkanda fəaliyyət göstərəcək mobil ofislər vətəndaşların xidmətində olacaq. Sakinlər ərazi idarələrinə getmədən bu mobil ofislərə müraciət etməklə bütün növ daşınmaz əmlaklar üzrə səyyar şəkildə qeydiyyat xidmətlərindən yararlana biləcəklər.Daşınmaz əmlakın qeydiyyatı sahəsində həyata keçirilən bu sosial kampaniya ilk yenilik deyil. Əmlak Məsələləri Dövlət Komitəsi tərəfindən bu prosesdə davamlı yeniliklərin tətbiqi, innovasiyalardan geniş istifadə olunması nəticəsində hazırda vətəndaşlar çıxarışlarını elektron şəkildə də ala bilərlər. Eyni zamanda, çıxarışların 1 iş günü müddətində verilməsi də vətəndaş məmnunluğuna istiqamətlənib. Komitə tərəfindən tətbiq olunaraq geniş yayılan, əhali arasında müsbət qarşılanan sosial layihələrdən biri də “Kütləvi çıxarış” kampaniyasıdır. Kampaniya komitənin qeydiyyat xidmətlərini əhalinin birbaşa ünvanlarında, iş yerlərində, kəndli və fermerin əkin sahələrində çatdıraraq onları vaxt itkisi olmadan, operativ şəkildə çıxarış əldə etməsinə imkan yaradır. Komitənin mobil ofis xidmətləri də gündəlik olaraq respublikanın müxtəlif ərazilərinə gedərək fərqli növlərdə qeydiyyat xidmətləri göstərir.xeber100.com

Bakı Nəqliyyat Agentliyinin göstərişinə əsasən…

Bakı Nəqliyyat Agentliyinin göstərişinə əsasən daha bir marşrut xətti üzrə gediş haqqının ödənişi “BakıKart” vasitəsilə həyata keçiriləcək.Azərtac xəbər verir ki, bu barədə Bakı Nəqliyyat Agentliyindən məlumat verilib.Bildirilib ki, iyulun 14-dən 199 nömrəli müntəzəm marşrut xətti üzrə (Xətai prospekti-Bakı Mühəndislik Universiteti) hərəkət edən avtobuslarda nağdsız ödəniş sistemi tətbiq ediləcək. Gediş haqlarının “BakıKart” vasitəsilə ödənilməsini təmin etmək üçün “Xaliq Faiqoğlu” şirkəti tərəfindən xəttə texniki baxımdan saz vəziyyətdə olan və validatorla təchiz edilən nəqliyyat vasitələri buraxılacaq. 199 nömrəli marşrut xəttinin hərəkət sxeminə uyğun dayanacaqlarda ödəmə terminallarının qoyulması ilə bağlı zəruri tədbirlər görülür.Bununla da nağdsız ödəniş sistemi ilə çalışan marşrut xətlərinin sayı 23-ə çatmış olur.xeber100.com

Dövlət Neft Fondunun da iştirakı ilə hərrac keçirilib

İyulun 12-də Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 0,92 dollar bahalaşaraq 80,36 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,57 dollar azalaraq 78,29 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,44 dollar ucuzlaşaraq 73,67 dollar olub.xeber100.com

Avtobusların hərəkət sxemində müvəqqəti dəyişiklik edilib

İyul ayının 10-dan 11-nə keçən gecədən etibarən Ukrayna dairəsinin bir hissəsində asfalt-beton örtüyü yenilənməsi işləri ilə əlaqədar ətraf yollarda nəqliyyatın hərəkəti məhdudlaşdırılıb, 21, 44, 60, 62, 132, 104 və 183 nömrəli müntəzəm marşrut xətləri üzrə avtobusların hərəkət sxemində müvəqqəti dəyişiklik edilib.Azərtac xəbər verir ki, bu barədə Bakı Nəqliyyat Agentliyindən məlumat verilib.Dəyişikliyə əsasən 21, 44, 60, 132 və 183 nömrəli marşrut xətləri üzrə avtobuslar Gəncə prospekti - Xudu Məmmədov küçəsi, əks istiqamətdə isə Məhəmməd Hadi küçəsi - Xudu Məmmədov küçəsi - Gəncə prospekti ilə hərəkət edəcəklər. 62 və 104 nömrəli müntəzəm marşrut xətti üzrə isə avtobuslar Məhəmməd Hadi küçəsi – Sarayevo küçəsi - Telnov küçəsi - Neapol dairəsi istiqamətində hərəkət edəcəklər.xeber100.com

Nyu-Yorkun NYMEX birjasında “Light” markalı neftin qiyməti…

Dünya birjalarında neftin qiyməti yenidən bahalaşıb.Azərtac xəbər verir ki, “Azeri Light” markalı neftin bir barrelinin qiyməti 1,14 dollar bahalaşaraq 79,44 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,44 dollar artaraq 78,51 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,43 dollar bahalaşaraq 74,28 dollar olub.xeber100.com

Bakı Nəqliyyat Agentliyi daimi işçi qrupu yaradıb

“Caspian European Club” ilə Bakı Nəqliyyat Agentliyi daimi işçi qrupu yaradıb.Klubdan Azərtac-a bildirilib ki, Azərbaycan Respublikasının Nazirlər Kabineti yanında Bakı Nəqliyyat Agentliyinin direktoru Vüsal Kərimli “Caspian European Club”un sədrinin birinci müavini və baş icraçı direktoru Telman Əliyev və Klubun nümayəndə heyəti ilə görüşüb.Görüş zamanı ikitərəfli əməkdaşlığı genişləndirmək imkanları, “Caspian European Club”un fəaliyyəti, ölkənin nəqliyyat sektorunun inkişafı və yaxşılaşdırılmasının əsas məqamları, yeni texnologiyaların tətbiqi imkanları, həmçinin əhali və gənclər arasında maarifləndirmə proqramlarının həyata keçirilməsi müzakirə olunub.Telman Əliyev göstərilən diqqətə və “Caspian European Club” ilə sıx əməkdaşlığa görə Bakı Nəqliyyat Agentliyinin direktoru Vüsal Kərimova minnətdarlığını bildirib.O, ikitərəfli əməkdaşlığın nəqliyyat sahəsindəki problemlərin həllinə yardım edəcəyinə, “Caspian European Club”un isə öz növbəsində bizneslə agentlik arasında fəal dialoqun davamı üçün təkliflər üzrə səylərini əsirgəməyəcəyinə ümid bəslədiyini deyib.Görüşün yekununda daimi işçi qrupun yaradılması haqda razılıq əldə olunub. İşçi qrup çərçivəsində “Caspian European Club”, “Caspian American Club” və “Caspian European Club”un üzv şirkətlərinin nəqliyyat sektorundakı problem, xahiş və təklifləri operativ şəkildə müzakirə olunacaq.Sıralarında dünyanın 70 ölkəsindən olan 5 mindən çox şirkət və təşkilatı birləşdirən “Caspian European Club” 2002-ci ilin iyununda Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyi və “Caspian Energy International Media Group”un fəal iştirakı ilə yaradılıb.2016-cı il dekabrın 24-də “Caspian American Club”, 2018-ci il yanvarın 26-da “Caspian Asian Club” təsis olunub. Hər iki təşkilat 2 il ərzində “Caspian European Club”un idarə heyətinin üzvləri tərəfindən idarə olunacaq. “Caspian European Club”a daxil olan bütün şirkətlər avtomatik qaydada “Caspian American Club” və “Caspian Asian Club”un, “Caspian American Club” və “Caspian Asian Club”a daxil olanlar isə “Caspian European Club”un üzvü hesab olunurlar.xeber100.com

Azərbaycan ilə İsveçrə arasında ticarət dövriyyəsi 82 faiz artıb

Bu ilin ilk beş ayında Azərbaycan ilə İsveçrə arasında ticarət dövriyyəsi 82 faiz artıb. Ölkəmizdə 71 İsveçrə kapitallı şirkət fəaliyyət göstərir.Azərtac xəbər verir ki, bu barədə iqtisadiyyat naziri Şahin Mustafayev iyulun 9-da Bakıda keçirilən Azərbaycan-İsveçrə biznes forumunda deyib.Nazir qeyd edib ki, ötən il ölkələrimiz arasında ticarət dövriyyəsi 240 milyon dolları ötüb. Bu, 2016-cı illə müqayisədə 46 faiz çoxdur. İsveçrə Azərbaycanın qeyri-neft sektoruna 730 milyon dollar, Azərbaycan isə İsveçrəyə 1,2 milyard dollar investisiya yatırıb. Eyni zamanda, Azərbaycanın İsveçrəyə ixracı 43 faiz artıb. Qeyri-neft məhsullarının ixracında İsveçrə ön sıralardadır.xeber100.com

COMEX-də qızılın unsiyasının qiyməti azalıb

Amerika fond bazarında "Dow Jones" indeksi 0,41% - 24 456,48 bəndədək, "S&P 500" 0,85% - 2 759,82 bəndədək, NASDAQ isə 1,34% - 7 688,39 bəndədək bahalaşıb."Apa-Economics" xəbər verir ki, Avropa fond bazarlarında "FTSE 100" indeksi 0,19% - 7 617,70 bəndədək, Almaniya DAX-ı 0,26% - 12 496,17 bəndədək, Fransa CAC-40-ı isə 0,18% - 5 375,77 bəndədək bahalaşıb.COMEX-də sonuncu hərraclarda qızılın unsiyasının qiyməti 2,90 dollar azalaraq 1 255,90 dollara, gümüşün unsiyasının qiyməti 0,03 dollar azalaraq 16,07 dollara satılıb.xeber100.com

Avtomobil Yolları Dövlət Agentliyinin məlumatı

Avtonəqliyyat vasitələrinin təhlükəsiz hərəkətinin tənzimlənməsi məqsədilə Bakı-Quba-Rusiya Federasiyası ilə dövlət sərhədi avtomobil yolunun 10-20 və 45-52-ci kilometrində, yol qəzaları nəticəsində yararsız vəziyyətə düşmüş təhlükəsizlik sədlərinin təmiri işləri aparılır.Bu barədə Azərtac-a Azərbaycan Avtomobil Yolları Dövlət Agentliyinin mətbuat xidmətindən açıqlama verilib.Sürücülərdən sözügedən ərazilərdə hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.xeber100.com