Bakı Ekspo Mərkəzində “Caspian Power 2018” sərgisi fəaliyyətə başlayıb

Mayın 29-da Bakı Ekspo Mərkəzində XXV yubiley Beynəlxalq Xəzər Neft və Qaz “Caspian Oil and Gas 2018” sərgi-konfransı, eləcə də VIII Xəzər Beynəlxalq Energetika və Alternativ Enerji “Caspian Power 2018” sərgisi fəaliyyətə başlayıb.Azərtac xəbər verir ki, sərgilər mayın 29-da Səngəçal terminalında Cənub Qaz Dəhlizinin rəsmi açılış mərasiminin canlı yayımı ilə başlayıb.Xəzər regionunda enerji sektorunun ən böyük tədbiri olan “Caspian Oil and Gas” sərgi və konfransı 25 illik yubileyini qeyd edir. Sərgi əsas neft-qaz layihələrinin müzakirəsi, həmçinin neft və qaz hasilatı, emalı, nəqliyyat, logistika və xidmət sahələrində qabaqcıl texnologiyaları nümayiş etdirmək üçün ən yüksək səviyyəli rəhbər və mütəxəssisləri bir araya gətirib. Belarus, İtaliya və Rusiya sərgidə milli qruplarla təmsil olunur. Sərginin tərkibi tədbir iştirakçılarının 20 faizini təşkil edən yeni şirkətlər sayəsində daha da genişlənib. Yeni iştirakçıların əksəriyyəti Azərbaycanın neft-qaz bazarına böyük maraq göstərən xarici şirkətlərdir. Həmçinin sərgi iştirakçılarının 30 faizini təşkil edən yerli şirkətlər arasında da debütantlar var. “Caspian Oil and Gas” sərgisinin yubileyi ümummilli lider Heydər Əliyevin anadan olmasının 95-ci ildönümü və Azərbaycan Xalq Cümhuriyyətinin 100 illiyi kimi əhəmiyyətli tarixi hadisələrə təsadüf edir.xeber100.com

“CoinMarketCap” portalının yaydığı rəqəmlərə əsasən

“Bitcoin”in dəyəri bu həftə psixoloji hədd olan 6 min dollardan aşağı düşə bilər.“Apa-Economics” xəbər verir ki, “CoinMarketCap” portalının yaydığı rəqəmlərə əsasən mayın 27-dəki ticarət əməliyyatlarında “bitcoin”in qiyməti 2,64% azalaraq 7,334 min dollara enib. “Bitfinex” birjasında isə kriptolvalyutanın dəyəri 4,04% azalaraq 7,302 dollar təşkil edib.Ekspertlərin fikrincə, ticarət əməliyyatlarının cari dinamikası və bazardakı ümumi şərait nəticəsində “bitcoin” 6 min dollardan aşağı həddədək ucuzlaşa bilər.“Mayın 28-dən iyunun 3-dək kriptovalyutanın dəyərinin azalacağı gözlənilir. 7 min dollar səviyyəsi əsas göstərici sayılır. Həftənin bazar ertəsi və ya çərşənbə axşamı günü əgər “bitcoin” öz dəyərini saxlamasa, onun qiyməti 5,55 min dollaradək ucuzlaşmaqda davam edəcək. Ümumiyyətlə, göstəricilər mənfidir, buna görə də “bitcoin”in 6 min dollaradək ucuzlaşma ehtimalı yüksəkdir,” – deyə ekspertlər qeyd edir.xeber100.com

İCE London qitələrarası birjasında…

Dünya birjalarında neft ucuzlaşıb."Apa-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 1,66 dollar və ya 2,45% azalaraq 66,22 dollar təşkil edib.İCE London qitələrarası birjasında Brent markalı neftin 1 barelinin dəyəri isə 1,29 dollar ya 1,69% azalaraq 75,15 dollar təşkil edib.xeber100.com

“AzeriLight” markalı neftin qiyməti ucuzlaşıb

Azərbaycan nefti ucuzlaşıb."Apa-Economics" xəbər verir ki, "AzeriLight" markalı neftin 1 barelinin dəyəri 2,57 dollar və ya 3,20% azalaraq 77,55 dollar təşkil edib.xeber100.com

COMEX-də qızılın unsiyasının qiyməti 3,30 dollar azalıb

Amerika fond bazarında "Dow Jones" indeksi 0,24% - 24 753,09 bəndədək, "S&P 500" 0,24% - 2 721,33 bəndədək ucuzlaşıb, NASDAQ isə 0,13% - 7 433,86 bəndədək bahalaşıb."Apa-Economics" xəbər verir ki, Avropa fond bazarlarında "FTSE 100" indeksi 0,18% - 7 730,28 bəndədək, Almaniya DAX-ı 0,65% - 12 938,01 bəndədək bahalaşıb, Fransa CAC-40-ı 0,11% - 5 542,55 bəndədək, ucuzlaşıb.COMEX-də sonuncu hərraclarda qızılın unsiyasının qiyməti 3,30 dollar azalaraq 1 306,50 dollara, gümüşün unsiyasının qiyməti 0,17 dollar azalaraq 16,52 dollara satılıb.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 0,23 dollar bahalaşaraq 80,12 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,35 dollar azalaraq 78,53 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,20 dollar ucuzlaşaraq 70,51 dollar təşkil edib.xeber100.com

“Kapital Bank” güzəştli kreditlər təklif edir

“Kapital Bank”la Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidməti arasında niyyət protokolu imzalanıb. Protokolun şərtlərinə əsasən fermerlərə güzəştli kreditlərin verilməsi nəzərdə tutulub.İmzalanma mərasimində “Kapital Bank”ın baş korporativ satış inzibatçısı Fərid Hidayətzadə, Kənd Təsərrüfatı Layihələri və Kreditlərin İdarə Edilməsi üzrə Dövlət Xidmətinin rəisi Mirzə Əliyev, Dünya Bankının, Beynəlxalq Maliyyə Korporasiyasının, BMT-nin Ərzaq və Kənd təsərrüfatı üzrə Təşkilatının (FAO), Avropa Yenidənqurma və İnkişaf Bankının (EBRD), Maliyyə Bazarlarına Nəzarət Palatasının, Azərbaycan Sahibkarlar Təşkilatları Milli Konfederasiyasının, Azərbaycan Nar İstehsalçıları və İxracatçıları Assosiasiyasının təmsilçiləri də iştirak edib.“Kapital Bank” olaraq biz kiçik-orta sahibkarlığın inkişafına böyük diqqət ayırırıq və bu sahəyə güzəştli kreditlərin verilməsini təmin edirik. Kənd Təsərrüfatı Nazirliyi ilə olan bu layihə sahibkarlığın inkişafına müsbət təsir göstərəcək. Kreditlər fermerlərə 1 000 manatdan, 200 000 manatadək olmaqla, maksimum illik 7 faizlə veriləcək. Həmçinin layihədə beynəlxalq təşkilatların mövcudluğu, kreditlərin verilməsi və monitorinqlər zamanı xarici təcrübədən yararlanmağa imkan yaradacaq”, - deyə, “Kapital Bank”ın baş korporativ satış inzibatçısı Fərid Hidayətzadə bildirib.xeber100.com

Beynəlxalq “Caspian Oil and Gas” konfransında

Yaponiya Parlamentinin iqtisadiyyat, ticarət və sənaye üzrə vitse-spikeri Daisaku Hiraki Azərbaycana gələcək.Azərtac xəbər verir ki, Daisaku Hiraki mayın 30-31-də Bakıda keçiriləcək Beynəlxalq “Caspian Oil and Gas” konfransında iştirak edəcək. O “Caspian Oil and Gas” konfransının “Dayanıqlı gələcəyin inkişafı üçün əsas faktorlar: konsepsiya və innovativlik” adlı plenar sessiyasında məruzəçi qismində çıxış edəcək. Plenar sessiyada Azərbaycanın energetika naziri Pərviz Şahbazov, Neft İxrac edən Ölkələr Təşkilatının (OPEC) baş katibi Məhəmməd Sanusi Barkindo, Qaz İxrac Edən Ölkələrin Forumunun (GECF) baş katibi Yuriy Sentyurin və başqalarının məruzələri dinləniləcək.xeber100.com

“Azərenerji” ASC-nin məlumatı əsasında…

“Azərenerji” ASC-də əməyin mühafizəsinin təşkilinə və texniki təhlükəsizlik qaydalarına ciddi riayət edilməsinə xüsusi diqqət və qayğı göstərilir.“Azərenerji” ASC-nin ictimaiyyətlə əlaqələr və mətbuat xidmətindən Azərtac-a bildirilib ki, energetika müəssisələrində sağlam və təhlükəsiz əmək şəraitinin təmin edilməsinin, bədbəxt hadisələrin qarşısının alınmasının, dövri tibbi müayinələrin, təhlükəsizlik texnikası günlərinin, əks-qəza məşqlərinin, əməyin mühafizəsi üzrə illik nomenklatur tədbirlər planının yerinə yetirilməsinin, işçi heyətinin təlimatlandırılması və bilik-bacarıqlarının artırılması sahəsində aparılan işlərin nəticəsi ilə bağlı hər il müsabiqə-baxış təşkil olunur.“Azərenerji” ASC rəhbərliyinin müvafiq əmrinə əsasən, ötən ilin aprel ayından başlayaraq, dekabrın sonunadək bütün energetika müəssisələrində əməyin mühafizəsi və təhlükəsizlik texnikasının vəziyyətinə dair sayca 12-ci müsabiqə-baxış keçirilib. Müsabiqə-baxışda Enerji İstehsalı İdarəsindən 8, Elektrik Enerjisinin Ötürülməsi İdarəsindən 5, enerji sisteminin digər strukturlarından isə 2 müəssisə iştirak edib. Səhmdar Cəmiyyətin əməyin mühafizəsi, texniki təhlükəsizlik və yanğından mühafizə xidməti il ərzində yerlərdə baxış keçirərək, həmin müəssisələrin baxış-müsabiqənin tələblərini qaydalara uyğun yerinə yetirmələrini yoxlayıb. Müsabiqənin yekunlarına dair məlumatlar qaliblərin müəyyən edilməsi üçün bu ilin martında müvafiq komissiyaya təqdim edilib.Komissiya bu il mayın 22-də Səhmdar Cəmiyyətin müəssisələrində 2017-ci il ərzində əməyin mühafizəsi və təhlükəsizlik texnikasının vəziyyətinə dair müsabiqə-baxışa yekun vurub. Komissiya müəssisələr tərəfindən təqdim olunan sənədləri, məlumat və arayışları təhlil edərək, müsabiqə-baxışın Əsasnaməsi çərçivəsində iştirakçılar tərəfindən görülən işləri qiymətləndirib.Müsabiqə-baxışın yekunu haqqında çıxarılan yekdil qərara əsasən, enerji istehsal müəssisələrindən “Azərbaycan” İstilik Elektrik Stansiyası 1-ci, “Sumqayıt” Elektrik Stansiyası və “Şəki” Elektrik Stansiyası isə 2-ci yerə layiq görülüb. Elektrik enerjisinin ötürülməsi müəssisələrindən 1-ci yeri “Sumqayıt” Yüksəkgərginlikli Elektrik Şəbəkəsi 2-ci yeri “Şirvan” Regional Elektrik Şəbəkəsi və “Gəncə” Regional Elektrik Şəbəkəsi tutub. Sahə xidmət müəssisələrindən isə “Hərbiləşdirilmiş Mühafizə Dəstəsi” MMC 1-ci yerə layiq görülüb.xeber100.com

“Brent” markalı neftin qiyməti azalıb

Dünya birjalarında neftin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 1,43 dollar ucuzlaşaraq 79,89 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,35 dollar azalaraq 79,45 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,28 dollar ucuzlaşaraq 71,56 dollar təşkil edib.xeber100.com