“Brent” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,02 dollar ucuzlaşaraq 63,84 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti isə 0,25 dollar azalaraq 58,70 dollar təşkil edib.xeber100.com

Mərkəzi Bank depozit hərracının nəticələrini açıqlayıb

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb.Bankdan Azərtac-a bildiriblər ki, noyabrın 27-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 903,10 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 10,01 faiz təşkil edib.xeber100.com

“AtaHolding”in məlumatı əsasında…

Dekabrın 5-də "Excelsior Hotel & Spa Baku" otelində "Otelçilikdə PR-in təşkili" mövzusunda seminar keçiriləcək."AtaHolding"dən Azərtac-a bildiriblər ki, seminarda "AtaHolding" korporativ kommunikasiyalar şöbəsinin rəisi Dilara Zamanova, "Azərbaycan Public Relation Association" idarə heyətinin üzvü, "Əlibəyov Consulting" şirkətinin rəhbəri Vəli Əlibəyov adıçəkilən mövzuda təqdimatla çıxış edəcəklər. Seminarda otel sahəsində çalışan iştirakçı PR mütəxəssisləri bu sahədə öz təcrübələrini bölüşəcək və mövzu ətrafında fikir mübadiləsi aparılacaq.D.Zamanova bildirib ki, tədbirin keçirilməsində məqsəd otel sahəsində çalışan PR mütəxəssislər arasında təcrübə mübadiləsi aparmaq və gələcəkdə bu sahədə keçiriləcək təlimlər sahəsində əməkdaşlıq imkanlarının müzakirəsidir: "Bu gün turizmin əsas sahələrindən biri olan və Azərbaycanda da çoxsaylı otellərin tikilib istifadəyə verilməsi ilə sürətlə inkişaf edən otelçilik turizmi ilə bağlı PR, otelin təklif etdiyi məhsul və ya xidmətin müştəridə xoş və müsbət münasibət, bu sahədə qarşılıqlı anlaşma formalaşdırılmasını ehtiva edir. Otelçilik turizmi üzrə PR bacarıqlarının artırılması hazırda olduqca önəmlidir. Bu seminarın təşkili də bu məqsədə, eləcə də ümumilikdə Azərbaycanda turizmin inkişafına xidmət etmiş olur".xeber100.com

Enerji Xartiyası Konfransının 28-ci sessiyası keçiriləcək

Noyabrın 28-29-da 2017-ci ildə Enerji Xartiyası Konfransına sədrlik edən Türkmənistanın paytaxtı Aşqabadda təşkilatın 28-ci sessiyası keçiriləcək.Azərtac-ın xüsusi müxbiri xəbər verir ki, Aşqabad sessiyası müvafiq sahə üzrə nazirliklərin, iştirakçı və müşahidəçi ölkələrin, həmçinin bir sıra beynəlxalq, regional qurumların rəhbərlərini və nümayəndələrini bir araya toplayacaq.Enerji Xartiyası Konfransının 28-ci sessiyasının işi iki hissədə - nizamnamə və nazirlər səviyyəsində keçiriləcək. Forumun gündəliyinə Enerji Xartiyasının builki işinin yekunları, həmçinin onun fəaliyyətinin təkmilləşdirilməsi və gələcəyin dayanıqlı enerji təminatı məqsədi ilə əməkdaşlığın gücləndirilməsinə aid geniş məsələlər kompleksi daxildir.Türkmənistan Prezidenti Qurbanqulu Berdiməhəmmədovun energetika sahəsində irəli sürdüyü və dünya birliyi tərəfindən dəstəklənmiş beynəlxalq təşəbbüslərin praktiki olaraq reallaşdırılması mövzusuna xüsusi diqqət ayrılacaq.Forum çərçivəsində müvafiq sahə üzrə sərgi təşkil olunacaq.Enerji Xartiyası Konfransının 28-ci sessiyasının nəticələrinə dair Yekun sənədin qəbul ediləcəyi gözlənilir.xeber100.com

Əməkdaşlığın genişləndirilməsi istiqamətləri müzakirə edilib

İqtisadiyyat naziri Şahin Mustafayevin "Ziraat Bank Azərbaycan" ASC-nin rəhbəri Avni Demirçi ilə görüşündə Azərbaycan-Türkiyə iqtisadi əlaqələri, əməkdaşlığın daha da genişləndirilməsi istiqamətləri müzakirə edilib.İqtisadiyyat Nazirliyinin mətbuat xidmətindən bildiriblər ki, görüşdə Türkiyənin "Ziraat Bankı" ilə bağlı təqdimat keçirilib və bankın Azərbaycandakı fəaliyyətinin genişləndirilməsi barədə fikir mübadiləsi aparılıb.Görüşdə Türkiyənin ölkəmizdəki səfiri Erkan Özoral da iştirak edib.xeber100.com

Dövlət Statistika Komitəsinin məlumatı əsasında…

2017-cı ilin yanvar-oktyabr aylarında dəmir yolu nəqliyyatı ilə 11,7 milyon ton yük, 2 milyon sərnişin daşınıb.Dövlət Statistika Komitəsinin mətbuat xidmətindən Azərtac-a bildirilib ki, 2016-ci ilin eyni dövrü ilə müqayisədə yük daşınmasında 8,1 faiz azalma, sərnişin daşınmasında isə 25,7 faiz artım müşahidə olunub.Orta hesabla gündə 345 vaqon yüklənib və 414 vaqon boşaldılıb. Sutka ərzində dəmir yolunun şimal istiqaməti üzrə 13,1 min ton, qərb istiqaməti üzrə 5,1 min ton, cənub istiqaməti üzrə 0,8 min ton yüklənmə işi yerinə yetirilib.xeber100.com

“PRODEXPO 2018” Beynəlxalq Ərzaq Sərgisində

Moskvada 2018-ci il fevralın 5-9-da keçiriləcək "PRODEXPO 2018" Beynəlxalq Ərzaq Sərgisində vahid ölkə stendində iştirak üçün ixracatçılardan müraciətlərin qəbulu dekabrın 8-dək uzadılıb.İqtisadiyyat Nazirliyinin mətbuat xidmətindən Azərtac-a bildiriblər ki, vahid ölkə stendində maksimum 35 şirkət iştirak edəcək. İştirakçılar müsabiqə əsasında seçiləcək. Müsabiqənin təşkilatçısı İqtisadiyyat Nazirliyi - Azərbaycanda İxracın və İnvestisiyaların Təşviqi Fondudur (AZPROMO).Müsabiqə İqtisadiyyat Nazirliyi kollegiyasının 2016-cı il 18 oktyabr tarixli qərarı ilə təsdiq edilmiş "Dəstək tədbirlərində iştirak edəcək ixracatçıların seçilməsi üçün müsabiqənin təşkili və keçirilmə Qaydası" əsasında dekabrın 19-da AZPROMO-da təşkil olunacaq.Seçim meyarları: ixracatçının nümayiş olunacaq məhsulları üzrə istehsal potensialı – 10 bal; nümayiş olunacaq məhsulların hədəf ölkəyə ixrac potensialı – 10 bal; sahibkarın əvvəllər ixrac təcrübəsinin olub-olmaması (2015-ci ildə ixrac etdiyi məhsullarının miqdarı göstərilməklə) – 5 bal. Meyarların cəmi üzrə minimum keçid balı 20 baldır.Vahid ölkə stendində iştirak etmək istəyən sahibkarlar nümayiş olunacaq məhsulların siyahısını, istehsal-ixrac potensialı və əvvəllər ixrac təcrübəsinin olmasına dair sənədləri və ya məlumatları ərizə ilə birlikdə dekabrlın 8-dək AZPROMO-ya təqdim etməlidirlər.xeber100.com

Dünya birjalarında neftin qiyməti…

Dünya birjalarında neftin qiyməti bahalaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,31 dollar bahalaşaraq 63,86 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti isə 0,93 dollar artaraq 58,95 dollar təşkil edib.xeber100.com

Azərişıq ikigünlük seminar keçirir

Noyabrın 25-də “Azərişıq” ASC-nin Tədris Mərkəzində kütləvi informasiya vasitələrinin (KİV) nümayəndələri üçün “Azərişıq – Azərbaycan paylayıcı elektrik şəbəkələri” mövzusunda ikigünlük seminar keçirilir.Azərtac xəbər verir ki, seminarın keçirilməsində əsas məqsəd respublikanın sosial-iqtisadi inkişafında aparıcı rol oynayan “Azərişıq” ASC-nin fəaliyyəti və onun həyata keçirdiyi işlər - paylayıcı elektrik şəbəkələri, mövcud yarımstansiyalar, elektrik verilişi xətləri, perspektiv inkişaf və s. haqda KİV nümayəndələrini ətraflı məlumatlandırmaqdır.xeber100.com

“Brent” markalı neftin qiyməti ucuzlaşıb

Azərbaycan neftinin qiyməti bahalaşmaqda davam edir.Azərtac xəbər verir ki, “AzəriLayt” markalı neftin bir barrelinin qiyməti 0,38 dollar bahalaşaraq 64,80 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,15 dollar ucuzlaşaraq 63,40 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti isə 0,40 dollar bahalaşaraq 58,42 dollar təşkil edib.xeber100.com