“Trans Uzbekistan/Trans Logistica – 2017” sərgisində

Daşkənddə keçirilən “Trans Uzbekistan/Trans Logistica – 2017” sərgisində Azərbaycanın “ACSC Logistics” və “Trans Torg Azerbaijan” şirkətləri də qatılıb.Sərgidə dünyanın müxtəlif ölkələrini təmsil edən 50-yə yaxın şirkət və firma iştirak edib.Azərtac xəbər verir ki, Azərbaycanı təmsil edən şirkətlərin nümayəndələri gördüyü işlər haqqında sərgi iştirakçılarına məlumat verib, şirkətin fəaliyyəti ilə bağlı jurnal və açıqçalar paylayıblar.“ACSC Logistics”-ın baş direktoru Azər Məmmədov bildirib ki, şirkət nəqliyyat marşrutlarında - Xəzər dənizi, Qara dəniz, Azərbaycan, Gürcüstan, Qazaxıstan, Türkmənistan və Özbəkistan da daxil olmaqla dəniz və dəmiryol sahələrində həmçinin həmsərhəd dəmir yollarında ekspeditor xidmətləri göstəririk. Xəzər və Qara dənizin limanları - Bakı, Hövsan, Poti, Batumi, Aktau, Kurık, Türkmənbaşı və digər limanlarda yükləmə-boşaltma, yüklərin qorunması, xüsusi şəraitdə yüklərin daşınması işlərini də yerinə yetirir və digər işləri icra edirik.“Trans Torg Azerbaijan” şirkətinin rəhbəri Elnur Rüstəmov məlumat verib ki, şirkət dəniz daşımaları, yüklərin sığortalanması, Azərbaycanda və ölkəmizdən kənarda terminal xidmətləri, yüklərin limanlarda yerləşdirilməsi, paromdan istifadə etməklə yükdaşımalarının təşkili, geniş profilli yük vaqonları parkından istifadə, Azərbaycanda və xarici ölkələrdə gömrük xidmətləri və digər işləri yerinə yetirir.xeber100.com

Dövlət Statistika Komitəsinin məlumatı

Mərkəzi Bankın məlumatına görə, oktyabrın 1-nə əhalinin banklardakı əmanətlərinin milli valyuta ekvivalentində məbləği 7022,2 milyon manat təşkil edib.Dövlət Statistika Komitəsindən Azərtac-a bildiriblər ki, əmanətlərin 71,8 faizi xarici, 28,2 faizi isə milli valyutada qoyulub. Əmanətlərin 5598,0 milyon manatı və ya 79,7 faizi özəl banklarda, 1424,2 milyon manatı (20,3 faizi) isə dövlət banklarında yerləşdirilib. Milli valyutada olan əmanətlər əvvəlki ilin müvafiq dövrünə nisbətən 39,0 faiz artıb, xarici valyutada əmanətlər isə 21,1 faiz azalıb.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “AzəriLayt” markalı neftin bir barrelinin qiyməti 0,13 dollar ucuzlaşaraq 63,15 dollar olub.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,21 dollar bahalaşaraq 55,35 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,11 dollar ucuzlaşaraq 61,25 dollar təşkil edib.xeber100.com

Dövlət İstiqrazlarının yerləşdirilməsi üzrə hərrac keçiriləcək

Noyabrın 21-də Bakı Fond Birjasında (BFB) Maliyyə Nazirliyinin Dövlət Ortamüddətli İstiqrazlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, faizli, ortamüddətli dövlət istiqrazlarının ümumi həcmi 30 milyon manat, nominal dəyəri 100 manat, tədavül müddəti 728 gün, faiz gəliri 15 faiz, ödəmə tarixi 2019-cu il noyabrın 19-dur. "PAŞA Kapital" QSC anderrayter vəzifəsində çıxış edir.Hərrac zamanı qeyri-rəqabətli sifarişlərin istiqrazların buraxılışının 20 faizdən artıq olmamaq şərtilə qəbul edilməsinə icazə verilir.Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər.xeber100.com

“Azərişıq” ASC-nin məlumatına görə…

2018-2019-cu ilin payız-qış mövsümü əvvəlki illərdən yaxşı mənada fərqlənəcək. Abonentlərin elektrik enerjisi ilə təchizatında heç bir problem olmayacaq, tələbat tamamilə ödəniləcək.Bu barədə Azərtac-a “Azərişıq” ASC-nin mətbuat xidmətinin rəhbəri Tanrıverdi Mustafayev bildirib. “Xüsusilə də dağ və dağətəyi rayonlarda hava şəraitinin sərt keçməsi ehtimalı ilə əlaqədar əlavə mal-materiallarımız, avadanlıqlarımız, maşın-mexanizmlərimiz var, ehtiyatımız böyükdür. Hazırda bütün yarımstansiyalarda təftiş işləri davam etdirilir. Havanın şıltaqlığı nəticəsində hər hansı qəza baş verərsə, həmin qəzaların operativ şəkildə aradan qaldırılmasına tam hazırıq. Bizim 24 saat fəaliyyət göstərən Çağrı mərkəzimiz var və abonentlər 199 nömrəsinə zəng edərək problemlərini çatdıra bilərlər”, - deyə T.Mustafayev bildirib.Bakı şəhərinin elektrik şəbəkələrində irimiqyaslı yenidənqurma işləri aparılmaqla yeni güc mərkəzləri yaradılıb, elektrik enerjisi itkilərinin azaldılması, enerji haqlarının vaxtında və tam şəkildə yığılması üçün təşkilati və texniki islahatlar aparılıb, beynəlxalq standartlara uyğun 110 və 35 kV-luq dairəvi elektrik təchizatı sxemləri, yeni 110;35;10;6 və 0,4 kV-luq elektrik şəbəkələri infrastrukturu yaradılıb. Şəhərin paylayıcı elektrik şəbəkəsinin normalara uyğun istismarının təşkili, qorunub saxlanılması, gözlənilən inkişafa uyğun artan elektrik güclərinin qarşılanması üçün lazımi texniki tədbirlər görülüb.“Azərişıq” ASC tərəfindən regionlarda 18 ədəd 110 kV-luq, 64 ədəd 35 kV-luq, 2920 ədəd 10-6 kV-luq yarımstansiya inşa edilib, 17725 kilometr müxtəlif gərginlikli elektrik verilişi xətləri çəkilib, 337982 ədəd dayaq quraşdırılıb.xeber100.com  

Dünya birjalarında neftin qiyməti…

Dünya birjalarında neftin qiyməti yenidən bahalaşıb.Azərtac xəbər verir ki, “AzəriLayt” markalı neftin bir barrelinin qiyməti 0,41 dollar bahalaşaraq 63,28 dollar olub.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,07 dollar bahalaşaraq 55,40 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,14 dollar artaraq 62,01 dollar təşkil edib.xeber100.com

“Transneft” Azərbaycandan neft nəqlini dayandırıb

Dərbənd ətrafında baş verən zəlzələ səbəbindən "Transneft" Azərbaycandan neft nəqlini dayandırıb.TASS agentliyi xəbər verir ki, bu barədə şirkətin rəsmi nümayəndəsi İqor Demin deyib.O bildirib ki, hazırda Bakı-Novorossiysk neft kəmərinin Şirvanovka hissəsində (Azərbaycan sərhədindən Kaspiysk rayonunadək) yoxlama işləri davam edir. Neftin nəqli Mahaçqala şəhərindən "Sulak" Neftvurma Stansiyası istiqamətinə və "Tixoretski"yə günorta saatlarında başlayacaq. Bütün limanlarda hava şəraiti əlverişlidir, yükləmə qrafik üzrə aparılır, tankerlərin hərəkət qrafikində gecikmə yoxdur.Qeyd edək ki, dünən axşam Dərbənddə 7 bal gücündə zəlzələ baş verib.xeber100.com

Mərkəzi Bank vəsaitlərin cəlb edilməsi üzrə depozit hərracı keçirəcək

Noyabrın 20-də Azərbaycan Respublikasının Mərkəzi Bankı tərəfindən vəsaitlərin cəlb edilməsi üzrə depozit hərracı keçiriləcək.Azərtac Mərkəzi Banka istinadla xəbər verir ki, hibrid hərracda 100 milyon manat məbləğində vəsaitin cəlbi nəzərdə tutulur. Depozit hərracının müddəti 14 gündür. "Bloomberg" ticarət sistemində keçiriləcək hərrac üzrə faiz dərəcələri 10,01-14,99 faiz təşkil edir.xeber100.com

Nyu-Yorkun NYMEX birjasında neftin qiyməti ucuzlaşıb

Dünya birjalarında neftin qiyməti ucuzlaşmaqda davam edir.Azərtac xəbər verir ki, “AzəriLayt” markalı neftin bir barrelinin qiyməti 2,79 dollar ucuzlaşaraq 62,87 dollar olub.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,61 dollar ucuzlaşaraq 55,09 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,77 dollar azalaraq 61,44 dollar təşkil edib.xeber100.com

“Azərsu” ASC-nin məlumatı əsasında…

Paytaxtın Bakıxanov və Sabunçu qəsəbələrinin bir hissəsinə içməli suyun verilməsində məhdudiyyətlər olacaq.“Azərsu” ASC-nin mətbuat xidmətindən Azərtac-a bildirilib ki, Bakı şəhəri Sabunçu rayonu Yavər Əliyev küçəsindən keçən 1000 millimetr diametrli magistral su xəttinin qəzalı hissəsinin dəyişdirilməsi ilə əlaqədar noyabrın 15-də gün ərzində Bakıxanov və Sabunçu qəsəbələrinin bir hissəsinə içməli suyun verilməsində məhdudiyyətlər olacaq.Yaranan narahatlıqla əlaqədar “Azərsu” ASC abonentlərdən üzr istəyir.xeber100.com