İpoteka kreditlərinin sayı və məbləği açıqlanıb

"Azərbaycan İpoteka Fondu" ASC-nin (AİF) xətti ilə indiyədək verilən ipoteka kreditlərinin sayı və məbləği açıqlanıb.AİF-dən Azərtac-a bildiriblər ki, fondun xətti ilə 20 min 569 ipoteka krediti verilib. "Azərbaycan İpoteka Fondu"nun vəsaitləri hesabına verilmiş ipoteka kreditləri üzrə məbləğ 892 milyon 781 min 402 manatdan çoxdur.xeber100.com

Mərkəzi Bankda hərrac keçirilib

Noyabrın 10-da Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7002 səviyyəsində formalaşıb.xeber100.com

“AzəriLayt” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 0,42 dollar ucuzlaşaraq 65,81 dollar təşkil edib.xeber100.com

“Kiçik və orta sahibkarlar üçün” mövzusunda seminar keçirilib

Noyabrın 8-də Azərbaycanda İxracın və İnvestisiyaların Təşviqi Fondunun (AZPROMO) və Beynəlxalq Ticarət Mərkəzinin təşkilatçılığı ilə "Kiçik və orta sahibkarlar üçün sərhədlərarası e-ticarət" mövzusunda seminar keçirilib. Tədbirdə 40-a yaxın iş adamı iştirak edib. İqtisadiyyat Nazirliyinin mətbuat xidmətindən bildiriblər ki, "Şərq Tərəfdaşlığı: Ticarətə hazır ol" layihəsi çərçivəsində təşkil olunmuş seminarda AZPROMO-nun rəhbəri Rüfət Məmmədov Azərbaycanda sahibkarlığın inkişafı, xüsusilə kiçik və orta sahibkarlığa göstərilən dəstək tədbirləri barədə məlumat verib, e-ticarətin önəmini vurğulayaraq sahibkarları elektron bazardan faydalanmağa dəvət edib. Beynəlxalq Ticarət Mərkəzinin Şərqi Avropa və Mərkəzi Asiya ölkələri üzrə rəhbəri Yelena Butrimova və mərkəzin eksperti Mohammad Es Fih yerli məhsulların xarici bazarlara çıxarılması üçün beynəlxalq e-ticarət platformaları və onlardan istifadə qaydaları barədə danışıblar. Seminarda, həmçinin rəqəmsal ticarətdə elektron imzadan istifadəyə dair təqdimat keçirilib, sahibkarların sualları cavablandırılıb.Qeyd edək ki, bu il AZPROMO və Beynəlxalq Ticarət Mərkəzi arasında imzalanmış Anlaşma Memorandumuna əsasən "Şərq Tərəfdaşlığı: Ticarətə hazır ol" layihəsi çərçivəsində Azərbaycanda kiçik və orta sahibkarların istehsal etdiyi məhsulların rəqabət qabiliyyətinin artırılması, yerli sahibkarlarla Avropa İttifaqı ölkələrinin iş adamları arasında əlaqələrin qurulması, istehsalçı və ixracatçı assosiasiyaların potensialının gücləndirilməsi nəzərdə tutulur.xeber100.com

İKT üzrə ikinci Nazirlər Toplantısı keçirilir

İstanbulda Türkdilli Dövlətlərin Əməkdaşlıq Şurasına (Türk Şurası) üzv ölkələrin informasiya-kommunikasiya texnologiyaları (İKT) üzrə ikinci Nazirlər Toplantısı işə başlayıb.Azərtac xəbər verir ki, toplantıda Azərbaycanı nəqliyyat, rabitə və yüksək texnologiyalar naziri Ramin Quluzadənin rəhbərliyi ilə nümayəndə heyəti təmsil edir.Nazir R.Quluzadənin tədbir çərçivəsində ikitərəfli görüşləri də nəzərdə tutulub.xeber100.com

Neftin qiyməti müxtəlif istiqamətlərdə dəyişib

Azərbaycan neftinin qiyməti bahalaşmaqda davam edir.Azərtac xəbər verir ki, “AzəriLayt” markalı neftin bir barrelinin qiyməti 0,03 dollar bahalaşaraq 66,23 dollar olub.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,24 dollar ucuzlaşaraq 56,96 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,21 dollar azalaraq 63,48 dollar təşkil edib.xeber100.com

Azərbaycan-Bosniya və Herseqovina işgüzar görüşü keçiriləcək

Noyabrın 15-də Bakıda Azərbaycan-Bosniya və Herseqovina işgüzar görüşü keçiriləcək.Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, tədbir Bosniya və Herseqovinanın iş adamlarından ibarət nümayəndə heyətinin Azərbaycana səfəri çərçivəsində baş tutacaq.İqtisadiyyat Nazirliyinin dəstəyi və AZPROMO-nun təşkilatçılığı ilə keçiriləcək işgüzar görüşdə sənayenin müxtəlif sahələrini təmsil edən Bosniya və Herseqovina şirkətləri iştirak edəcək.xeber100.com

“Azərişıq” ASC təlimlər təşkil edəcək

“Azərişıq” ASC elektroenergetikadan yazan jurnalistlər üçün təlimlər təşkil edəcək.ASC-nin mətbuat xidmətindən Azərtac-a bildirilib ki, təlimin keçirilməsində əsas məqsəd bu sahədə çalışan jurnalistlərin praktik bilik səviyyələrini genişləndirmək və onları maraqlandıran sualları cavablandırmaqdan ibarətdir.Təlimlər ASC-nin Tədris Mərkəzində səhmdar cəmiyyətin müəllim əməkdaşları tərəfindən aparılacaq. Noyabrın 18-19 və 25-26-da təşkil ediləcək təlimlərin sonunda iştirakçılara sertifikatlar veriləcək.xeber100.com

Bakı Metropolitenin gələcək inkişaf planına görə…

Bakı Metropolitenin gələcək inkişaf planına görə stansiyaların sayı 76-ya çatdırılacaq.Azərtac xəbər verir ki, bu sözləri "Bakı Metropoliteni" QSC-nin sədri Zaur Hüseynov Bakı metrosunun 50 illik yubileyi çərçivəsində keçirilən tədbirdə deyib.O bildirib ki, Bakı metrosunun gələcək inkişaf planına görə metronun mövcud 3 xəttinə (yaşıl, qırmızı, sarı) daha 2 xətt (sarı, mavi) əlavə olunaraq 5 xəttə çatdırılacaq. Həmçinin 76 stansiya, 120 kilometrlik metro xətti olacaq.xeber100.com

Bakı Nəqliyyat Agentliyinin məlumatı

Gələcəkdə Bakı ilə Sumqayıt arasında metrobus xətti açıla bilər.Azərtac xəbər verir ki, bu barədə Bakı Nəqliyyat Agentliyinin (BNA) baş direktoru Vüsal Kərimli jurnalistlərə açıqlamasında bildirib.O bildirib ki, BNA-nın gələcək planları arasında Bakı və Sumqayıt arasında metrobus xəttinin açılışıdır. Nəqliyyat sıxlığının aradan qaldırılması üçün bu xətt böyük rol oynaya bilər. Bu plan gələcəkdə təsdiq olunarsa həyata keçirilməsi mümkündür.xeber100.com