“Azərbaycan Hava Yolları” QSC çarter reysi yerinə yetirib

“Azərbaycan Hava Yolları” QSC (AZAL) tərəfindən aprelin 3-də İstanbuldan Bakıya çarter reysi yerinə yetirilib.QSC-dən Azərtac-a bildirilib ki, həmin reyslə Bakıya 106 Azərbaycan vətəndaşı çatdırılıb.Eyni zamanda, bu gün səhər saatlarında aviaşirkətin təyyarəsi ilə 69 sərnişinlə Londondan Bakıya reys həyata keçirilib.Bundan əlavə, dünən axşam Moskvadan (Vnukovo hava limanı) uçuş yerinə yetirən AZAL-ın təyyarəsi Heydər Əliyev Beynəlxalq Aeroportuna enib. Təyyarədə 123 sərnişin olub.Azərbaycana gələn bütün sərnişinlər mütləq qaydada karantinə yerləşdirilib.xeber100.com

Mərkəzi Bank aprelin 2-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) aprelin 2-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın aprelin 2-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

“Azərbaycan Xəzər Dəniz Gəmiçiliyi” QSC-nin məlumatı əsasında…

Nazirlər Kabinetinin “Azərbaycanda yeni koronavirus xəstəliyinin yayılmasının qarşısının alınmasına dair fəaliyyət planı”nın icrasını təmin etmək məqsədilə “Azərbaycan Xəzər Dəniz Gəmiçiliyi” QSC (ASCO) profilaktik tədbirləri davam etdirir.ASCO-dan Azərtac-a bildirilib ki, müəyyənləşdirilmiş qrafikə uyğun olaraq növbəti dezinfeksiya işləri “Akademik Topçubaşov, “Vasif Hüseynov”, “Salyut”, “SLV-363”, “Abşeronskaya-6”, “Bunkerovşik-7”, “İrgiz”, “Qaradağ-4”, “Andoqa”, “Alı Mustafayev”, “Atlet-2”, “Atlet-5”, “Taman”, “Barja-701”, “Socar-1”, “Kapitan Ağasıyev” gəmilərində aparılıb.Dezinfeksiya bu sahədə ixtisaslaşmış və müvafiq lisenziyaya malik şirkət tərəfindən həyata keçirilib. Proses ASCO-nun Sosial inkişaf və nəqliyyat şöbəsinin əməkdaşlarının nəzarəti ilə yerinə yetirilib.xeber100.com

“Azərbaycan Hava Yolları” QSC sosial videoçarx hazırlayıb

“Azərbaycan Hava Yolları” QSC-nin (AZAL) pilotları və təyyarə bələdçiləri ölkə vətəndaşlarının evdə qalmaları ilə bağlı sosial videoçarx hazırlayıb.QSC-dən Azərtac-a bildirilib ki, AZAL ölkəmizin hər bir vətəndaşına müraciət edərək karantin rejiminə riayət etməyə, yaxınları və tanışlarını, xüsusilə yaşlıları artıq təmasdan qorumağa çağırır.Videoçarxın əsas ismarıcı özümüzün və yaxınlarımızın əmin-amanlığı naminə evdə qalmaq və sağlamlığı qorumaqdan ibarətdir.xeber100.com

Bibiheybət istiqamətində tikinti-bərpa işləri davam etdirilir

Azərbaycan Avtomobil Yolları Dövlət Agentliyi (AAYDA) Bakı-Ələt-Qazax-Gürcüstan ilə dövlət sərhədi avtomobil yolunun Bibiheybət məscidi istiqamətində olan yolda tikinti-bərpa işlərini davam etdirir.AAYDA-dan Azərtac-a bildirilib ki, tikinti-bərpa işləri sözügedən ərazidə aparılan geoloji-kəşfiyyat işlərinin hesabatına uyğun Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin, Azərbaycan Avtomobil Yolları Dövlət Agentliyinin və xarici mütəxəssislərin iştirakı ilə hazırlanmış layihə əsasında aparılır. Sözügedən layihəyə uyğun olaraq, yamacın aşağı hissəsində svay əsaslı istinad divarının inşası yekunlaşdırılıb. Bunun üçün ərazidə svay vurma işləri aparılıb. Svaylar bir metr diametrində olmaqla 2 cərgə vurulub və üzərində 1,5 metr qalınlıqda monolit dəmir-beton tava inşa edilib. Tava üzərində 8 metr hündürlükdə istinad divarı tikilib.Bundan başqa, ərazidə yağış və qrunt sularının ərazidən kənarlaşdırılması üçün dəmir-beton küvetlər inşa edilib, yeni drenaj və yağış-kanalizasiya sistemi yaradılıb, istinad divarında su axınını təmin etmək üçün eninə istiqamətdə borular atılıb. Tikinti-bərpa işlərinin növbəti, sonuncu mərhələsi üzrə hazırda yolun hərəkət hissəsinin tam bərpası istiqamətində addımlar atılır. Bu məqsədlə yamacın doldurulması üçün əraziyə qrunt gətirilərək dolğu işləri görülür.Əraziyə dolğu üçün qruntun gətirilməsi ağır tonnajlı yük maşınları vasitəsilə təmin olunduğundan digər hərəkət iştirakçılarının təhlükəsizliyi məqsədilə sözügedən istiqamətdə avtonəqliyyat vasitələrinin hərəkəti bu həftənin sonunadək qısamüddətli məhdudlaşdırılıb. Avtonəqliyyat vasitələrinin hərəkəti köhnə yol ilə 20-ci sahə adlanan ərazidən keçməklə şəhər istiqamətinə doğru təmin olunub. Qeyd olunan işlərlə yanaşı, yamacın aşağısında olan mövcud istinad divarlarının əlavə bərkidilməsi üçün də svay vurma işləri görülür.Tikinti-bərpa işlərinin iyun ayınadək yekunlaşdırılması nəzərdə tutulub.xeber100.com

Bibiheybət məscidindən yeni yol ilə hərəkət müvəqqəti məhdudlaşdırılır

Bibiheybət məscidindən şəhər istiqamətinə nəqliyyatın yeni yol ilə hərəkəti müvəqqəti məhdudlaşdırılır.Azərbaycan Avtomobil Yolları Dövlət Agentliyindən Azərtac-a bildirilib ki, aparılan tikinti-bərpa işləri ilə əlaqədar olaraq Bibiheybət məscidindən şəhər istiqamətinə yeni yol ilə hərəkət müvəqqəti məhdudlaşdırılır. Avtonəqliyyat vasitələrinin hərəkəti köhnə yol ilə 20-ci sahə adlanan ərazidən keçməklə şəhər istiqamətinə doğru təmin olunacaq.Məhdudlaşma ərazidə tikinti-bərpa işləri aparılan bir-neçə gün ərzində qüvvədə olacaq.xeber100.com  

“Azəriqaz” İstehsalat Birliyi işləmək imkanlarını səfərbər edir

Məlum olduğu kimi Azərbaycan Respublikasının Hökuməti tərəfindən koronavirus (COVID-19) infeksiyasının Azərbaycan ərazisində yarada biləcəyi təhlükənin qarşısının alınması məqsədilə təxirəsalınmaz tədbirlər davam etdirilir. Xəstəlikdən vətəndaşların özünü daha ciddi qorumasına şərait yaratmaq məqsədilə bəzi dövlət qurumlarının əməkdaşları martın 29-dan aprelin 29-dək əməkhaqqı saxlanılmaqla növbədənkənar məzuniyyətə göndərilir. “Azəriqaz” İstehsalat Birliyi də Hökumətin tələb və tövsiyələrini nəzərə alaraq bir qrup işçi üçün növbədənkənar məzuniyyət qrafiki tərtib edib.“Azəriqaz” İstehsalat Birliyindən Azərtac-a bildirilib ki, qurumun strukturuna daxil olan bütün təşkilatların rəhbərləri və onların müavinləri, növbəli iş rejimi və ya iş qrafiki ilə işləyən işçilər növbədənkənar məzuniyyətə göndərilməyəcək. Lakin yaşı 60 yaşdan yuxarı olan şəxslər, öhdəsində azyaşlı uşağı olan qadınlar, onkoloji və ya ağciyər xəstəliyi olan şəxslər, özünün və ya ailə üzvlərindən birinin qrip, soyuqdəymə, halsızlıq və digər bu kimi halları olanlar, xroniki xəstəliyi olanlar növbədənkənar məzuniyyətə göndəriləcək. Bundan başqa məzuniyyət siyahısı tərtib edilərkən işə çıxarılması zəruri hesab edilməyən digər şəxslər, yəni evdən çalışması mümkün olan və ofisə gəlmədən də evdən işləyə bilən işçilərə üstünlük verilib. Yəni qurum sabahdan etibarən, daha az işçi qüvvəsi ilə maksimum işləmək imkanlarını səfərbər edir.Bu qərar təkcə ştat cədvəli ilə çalışanlara deyil, xidməti müqavilə ilə işə cəlb olunanlara da (başqa sözlə sosial yardım alan fərdi sahibkarlar) şamil olunur.xeber100.com

İqtisadiyyat Nazirliyinin məlumatına görə…

Baş Nazirin müvafiq tapşırığına uyğun olaraq, koronavirus (COVID-19) pandemiyasına yoluxma riskinin qarşısının alınması məqsədilə Hökumət Evində profilaktik və məhdudlaşdırıcı tədbirlər həyata keçirilir.İqtisadiyyat Nazirliyinin mətbuat xidmətindən Azərtac-a bildirilib ki, nazir Mikayıl Cabbarovun müvafiq əmri ilə nazirliyin strukturları üçün xüsusi iş rejimi müəyyən olunub. Nazirliyin Aparatının və strukturlarının yerləşdiyi inzibati binalara giriş-çıxış üçün xüsusi rejim tətbiq edilib. Bununla əlaqədar, nazirliyin Aparatının yerləşdiyi inzibati binada (Hökumət Evi) fəaliyyət göstərən dövlət qurumlarına və təşkilatlara müvafiq tövsiyə məktubları göndərilib.Eyni zamanda, Baş Nazirin müvafiq göstəriş-məktubuna əsasən, Hökumət Evində fəaliyyəti məhdudlaşdırılmayan qurumlarda iş həftəlik növbəli rejimdə həyata keçirilir.Bununla yanaşı, Hökumət Evində mütəmadi dezinfeksiya işləri görülür. Növbəti dezinfeksiya martın 27-də aparılacaq.xeber100.com

İqtisadiyyat Nazirliyinin məlumatına görə…

Koronavirus pandemiyasının (COVİD-19) yayılması təhlükəsi ilə bağlı məhdudlaşdırıcı tədbirlərin həyata keçirildiyini və obyektlərdə koronavirusa yoluxma halı qeydə alınarsa, həmin şəxslə (şəxslərlə) birlikdə işçilərin tam tərkibdə karantinə alınacağını nəzərə alaraq, iş fəaliyyəti məhdudlaşdırılmayan həyat əhəmiyyətli, eləcə də mühüm istehsal, emal və satış obyektlərinin fasiləsiz fəaliyyətini təmin etmək məqsədilə müəssisə və şirkət rəhbərlərinə işçilərin həftəlik növbə əsasında 50 faizinin işə cəlb edilməsi tövsiyə olunur.Azərtac xəbər verir ki, bu barədə İqtisadiyyat Nazirliyinin məlumatında bildirilir.Məlumatda deyilir: “Belə ki, obyektdə işləyən şəxsdə (şəxslərdə) koronavirusa yoluxma baş verərsə, həmin şəxslə (şəxslərlə) birlikdə olan digər işçilər tam tərkibdə karantinə alınmalı, müvafiq dezinfeksiya tədbirlərindən sonra işçilərin digər 50 faizi ilə obyektin fasiləsiz fəaliyyəti təmin edilməlidir”.xeber100.com

Beynəlxalq Aeroportundan reyslər ikinci terminaldan həyata keçiriləcək

Heydər Əliyev Beynəlxalq Aeroportundan yerinə yetirilən reyslərin sayının azalması ilə əlaqədar 24 mart saat 00:00-dan etibarən bütün reyslər ikinci terminaldan (Terminal 2) həyata keçiriləcək.Bu barədə Azərtac-a “Azərbaycan Hava Yolları” QSC-nin mətbuat xidmətindən bildirilib.Qeyd edək ki, koronavirus infeksiyasının (COVID-19) yayılması ilə mübarizə çərçivəsində “Azərbaycan Hava Yolları”nın bütün struktur bölmələri gücləndirilmiş rejimdə və dövlət strukturları ilə sıx əməkdaşlıqda işləyir.