“Light” markalı xam neft NYMEX birjasında 12,97 dollara satılır

“Light” markalı xam neftinin bir barrelinin qiyməti 12 dollara düşüb.Azərtac xəbər verir ki, hazırda “Light”ın bir barreli Nyu-Yorkun NYMEX birjasında 12,97 dollara satılır.Aprelin 15-nə olan məlumata görə, ABŞ-ın ən böyük neft anbarı olan “Cushing”də xam neft ehtiyatları son 3 həftədə təxminən 16 milyon barrel artaraq 55 milyon barrelə çatıb. Qiymətin kəskin ucuzlaşmasına səbəb də anbarların maksimum səviyyələrdə dolmasıdır.Xatırladaq ki, ABŞ neftinin qiyməti sonuncu dəfə 1999-cu ildə bu səviyyələrdə olub.xeber100.com

“Azərbaycan Dəmir Yolları” QSC-nin məlumatı

Nazirlər Kabinetinin qərarına əsasən, koronavirusun geniş yayılmasının qarşısının alınması məqsədi ilə ölkə ərazisində çevik və sistemli preventiv tədbirlərin davamı olaraq xüsusi karantin rejiminin 2020-ci il 20 aprel saat 00:00-dan 2020-ci il 4 may saat 00:00-dək uzadılmasına qərar verilib. Bununla əlaqədar Nazirlər Kabinetinin 2020-ci il 2 aprel tarixli 124 saylı qərarında qeyd edilən bütün tədbirlər, o cümlədən yük daşımaları istisna olmaqla, Azərbaycan ərazisinə yerüstü və hava nəqliyyatı yolu ilə giriş-çıxışa, yerli hava uçuşlarına tətbiq edilən məhdudiyyətlər həmin tarixədək qüvvədə saxlanılır.“Azərbaycan Dəmir Yolları” QSC-dən Azərtac-a bildiriblər ki, qərara əsasən, Bakı-Tbilisi- Bakı (Böyük Kəsiyə kimi), Bakı-Böyük Kəsik-Bakı, Bakı-Köçərli-Balakən-Bakı, Bakı-Astara-Horadiz-Bakı və Bakı-Gəncə-Bakı sərnişin qatarları həmin tarixədək hərəkətdə olmayacaq. Ölkədaxili və beynəlxalq istiqamətlərdə sərnişin daşımalarına qoyulan məhdudiyyət xüsusi göstərişədək tətbiq olunacaq.Xatırladaq ki, karantin müddətində fəaliyyəti zəruri olan müəssisələrin əməkdaşlarının gediş-gəlişinin daha səmərəli təşkili məqsədilə Abşeron dairəvi dəmir yolu xətti üzrə elektrik qatarları uyğun qrafiklə hərəkət edəcək.xeber100.com

Dövlət Gömrük Komitəsi məlumatına görə…

Cari ilin yanvar-mart aylarında Azərbaycana 6274 çeşiddə məhsul idxal olunub.Azərtac xəbər verir ki, bu barədə Dövlət Gömrük Komitəsi məlumat yayıb.Qeyd edək ki, üç ayda Azərbaycanda idxal əməliyyatlarının dəyəri 2 milyard 636,9 milyon ABŞ dolları olub.xeber100.com

İqtisadiyyat Nazirliyinin məlumatı əsasında…

İqtisadiyyat Nazirliyi Koronavirus (COVID-19) pandemiyası ilə əlaqədar maliyyə dəstəyi göstərilmiş sahibkarlıq subyektlərində işçi saylarının ixtisarına yol verilməməsi haqqında xəbərdarlıq edib. Bu barədə Azərtac-a İqtisadiyyat Nazirliyindən məlumat verilib.Xəbərdarlıqda deyilir: “Hörmətli vergi ödəyiciləri! Koronavirus (COVID-19) pandemiyasının yaratdığı mövcud şəraitdə məşğulluq məsələlərinə həssaslıqla yanaşılmalı, işçilərin ixtisarı və əməkhaqlarının azaldılması hallarına yol verilməməlidir.Pandemiya ilə əlaqədar dövlətdən maliyyə dəstəyi almış vergi ödəyiciləri tərəfindən işçi saylarının azaldılmaması ciddi nəzarətdə saxlanılır və belə hallara yol verildiyi təqdirdə həmin ödəyicilərə qarşı müvafiq tədbirlər görüləcək”.xeber100.com

Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) aprelin 16-na olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın aprelin 16-dan etibarən USD/AZN rəsmi məzənnəsi 1,7000 manat səviyyəsində müəyyən edilib.xeber100.com

Beynəlxalq Valyuta Fondunun məlumatı əsasında…

Beynəlxalq Valyuta Fondu (IMF) cari il və 2021-ci il üzrə neftin qiyməti ilə bağlı proqnozunu aşağı salıb.Azərtac xəbər verir ki, bu barədə fond məlumat yayıb. Bildirilir ki, IMF cari ildə neftin bir barrelinin orta qiymətinin 35,61 dollar, 2020-ci ildə isə 37,87 dollar/barrel olacağı proqnozlaşdırlır.Qeyd edək ki, IMF əvvəlki proqnozları 55-60 dollar/barrel civarında idi.xeber100.com

Bakı Fond Birjasında hərrac keçiriləcək

Aprelin 15-də Bakı Fond Birjasında (BFB) Azərbaycan Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notların həcmi 200 milyon manat, bir notun nominal dəyəri 100 manat, tədavül müddəti 28 gündür. Notlar mayın 13-də ödəniləcək.Hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) çox olmamalıdır. Notların buraxılışının 20 faizdən çox olmamaq şərtilə qeyri-rəqabətli sifarişlərin qəbul edilməsinə icazə verilir. Hərrac nəticəsində bağlanılan əqdlər üzrə hesablaşmalar T+1 rejimində həyata keçiriləcək.xeber100.com

Dezinfeksiya vasitələrinin satışı üçün avtomatlar quraşdırılıb

Polşanın Varşava və Krakov şəhərlərindəki küçələrdə maska, əlcək və dezinfeksiya vasitələrinin birbaşa kontaktsız satılması üçün avtomatlar quraşdırılıb.Azərtac xəbər verir ki, şəhər rəhbərliyi sosial məsafəni qorumaq, habelə daha az insanın iş üçün küçəyə çıxmasının qarşısını almaqdan ötrü bu addımı atdığını bildirib. Hələlik iki şəhərdə quraşdırılmasına baxmayaraq, yaxın günlərdə bu avtomatların daha bir neçə şəhərdə quraşdırılması planlaşdırılıb. Avtomatlarda maskanın qiyməti 8,8 zlot, yəni 2,11 dollardır.Polşa hökuməti aprelin 16-dan etibarən insanların sıx ola biləcəyi bütün ictimai yerlərdə maska taxılmasının icbari olması barədə qərar qəbul edib.Qeyd edək ki, Polşada koronavirusa 5742 yoluxma və 175 ölüm hadisəsi qeydə alınıb. Hökumət biznes sahələrində məhdudiyyətlərin aprelin 19-dək, məktəblərin, eləcə də dəmiryolu və hava nəqliyyatının fəaliyyətlərinin da daha iki həftə məhdudlaşdırılacağını elan edib.xeber100.com

OPEC və qeyri-OPEC ölkələrinin nazirləri online formatda görüşəcəklər

Bu gün Bakı vaxtı ilə saat 20.00-da OPEC və qeyri-OPEC ölkələrinin nazirləri online formatda görüşəcəklər.Energetika Nazirliyindən Azərtac-a bildirilib ki, görüş OPEC və qeyri-OPEC ölkələri nazirlərinin 9-cu iclasından irəli gələn məsələlər üzrə məsləhətləşmələr çərçivəsində baş tutacaq. Səudiyyə Ərəbistanının Energetika naziri şahzadə Əbdül Əziz bin Salmanın sədrliyi və Rusiyanın Energetika naziri Aleksandr Novakın həmsədrliyi ilə keçiriləcək görüşə OPEC və “Əməkdaşlıq Bəyannaməsi”ndə iştirak edən qeyri-OPEC ölkələrinin nazirləri qatılacaq. Azərbaycanın Energetika naziri Pərviz Şahbazov da “OPEC plus” ölkələri nazirlərinin müzakirələrində iştirak edəcək.Xatırladaq ki, aprelin 9-da OPEC və qeyri-OPEC ölkələri nazirlərinin iclasında mayın 1-dən 2022-ci ilin aprelinədək gündəlik neft hasilatının üç mərhələ üzrə müvafiq olaraq 10-8-6 mln.barrel həcmlərində azaldılması barədə qərar qəbul edilib.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,16 dollar ucuzlaşaraq 31,37 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,43 dollar artaraq 23,05 dollar təşkil edib.xeber100.com