Beynəlxalq Valyuta Fondunun məlumatı əsasında…

Beynəlxalq Valyuta Fondu (IMF) cari il və 2021-ci il üzrə neftin qiyməti ilə bağlı proqnozunu aşağı salıb.Azərtac xəbər verir ki, bu barədə fond məlumat yayıb. Bildirilir ki, IMF cari ildə neftin bir barrelinin orta qiymətinin 35,61 dollar, 2020-ci ildə isə 37,87 dollar/barrel olacağı proqnozlaşdırlır.Qeyd edək ki, IMF əvvəlki proqnozları 55-60 dollar/barrel civarında idi.xeber100.com

Bakı Fond Birjasında hərrac keçiriləcək

Aprelin 15-də Bakı Fond Birjasında (BFB) Azərbaycan Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notların həcmi 200 milyon manat, bir notun nominal dəyəri 100 manat, tədavül müddəti 28 gündür. Notlar mayın 13-də ödəniləcək.Hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) çox olmamalıdır. Notların buraxılışının 20 faizdən çox olmamaq şərtilə qeyri-rəqabətli sifarişlərin qəbul edilməsinə icazə verilir. Hərrac nəticəsində bağlanılan əqdlər üzrə hesablaşmalar T+1 rejimində həyata keçiriləcək.xeber100.com

Dezinfeksiya vasitələrinin satışı üçün avtomatlar quraşdırılıb

Polşanın Varşava və Krakov şəhərlərindəki küçələrdə maska, əlcək və dezinfeksiya vasitələrinin birbaşa kontaktsız satılması üçün avtomatlar quraşdırılıb.Azərtac xəbər verir ki, şəhər rəhbərliyi sosial məsafəni qorumaq, habelə daha az insanın iş üçün küçəyə çıxmasının qarşısını almaqdan ötrü bu addımı atdığını bildirib. Hələlik iki şəhərdə quraşdırılmasına baxmayaraq, yaxın günlərdə bu avtomatların daha bir neçə şəhərdə quraşdırılması planlaşdırılıb. Avtomatlarda maskanın qiyməti 8,8 zlot, yəni 2,11 dollardır.Polşa hökuməti aprelin 16-dan etibarən insanların sıx ola biləcəyi bütün ictimai yerlərdə maska taxılmasının icbari olması barədə qərar qəbul edib.Qeyd edək ki, Polşada koronavirusa 5742 yoluxma və 175 ölüm hadisəsi qeydə alınıb. Hökumət biznes sahələrində məhdudiyyətlərin aprelin 19-dək, məktəblərin, eləcə də dəmiryolu və hava nəqliyyatının fəaliyyətlərinin da daha iki həftə məhdudlaşdırılacağını elan edib.xeber100.com

OPEC və qeyri-OPEC ölkələrinin nazirləri online formatda görüşəcəklər

Bu gün Bakı vaxtı ilə saat 20.00-da OPEC və qeyri-OPEC ölkələrinin nazirləri online formatda görüşəcəklər.Energetika Nazirliyindən Azərtac-a bildirilib ki, görüş OPEC və qeyri-OPEC ölkələri nazirlərinin 9-cu iclasından irəli gələn məsələlər üzrə məsləhətləşmələr çərçivəsində baş tutacaq. Səudiyyə Ərəbistanının Energetika naziri şahzadə Əbdül Əziz bin Salmanın sədrliyi və Rusiyanın Energetika naziri Aleksandr Novakın həmsədrliyi ilə keçiriləcək görüşə OPEC və “Əməkdaşlıq Bəyannaməsi”ndə iştirak edən qeyri-OPEC ölkələrinin nazirləri qatılacaq. Azərbaycanın Energetika naziri Pərviz Şahbazov da “OPEC plus” ölkələri nazirlərinin müzakirələrində iştirak edəcək.Xatırladaq ki, aprelin 9-da OPEC və qeyri-OPEC ölkələri nazirlərinin iclasında mayın 1-dən 2022-ci ilin aprelinədək gündəlik neft hasilatının üç mərhələ üzrə müvafiq olaraq 10-8-6 mln.barrel həcmlərində azaldılması barədə qərar qəbul edilib.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,16 dollar ucuzlaşaraq 31,37 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,43 dollar artaraq 23,05 dollar təşkil edib.xeber100.com

Bakı Fond Birjasının məlumatı əsasında…

İpoteka istiqrazları üzrə faiz və nominal ödənişlər açıqlanıb.Bakı Fond Birjasından (BFB) Azərtac-a bildirilib ki, İpoteka və Kredit Zəmanət Fondu tərəfindən emissiya edilmiş AZ2027008681, AZ2027008682, AZ2029008680, AZ2030008687 İSİN-li istiqrazların emissiya prospektinə əsasən, istiqrazlar üzrə faiz ödənişləri günündə faiz ödənişi ilə yanaşı, istiqrazların nominal üzrə qalıq dəyərinin müəyyən bir hissəsinin (ipoteka örtüyünə daxil olan aktivlər üzrə əsas borc ödənişlərinə bərabər hissəsinin) ödənilməsi nəzərdə tutulub. Aprelin 8-də AZ2027008681, AZ2027008682, AZ2029008680, AZ2030008687 İSİN-li istiqrazlar üzrə növbəti faiz ödənişi emitent tərəfindən həyata keçirilib. Buna əsasən, həmin tarixdən etibarən sözügedən istiqrazların nominal üzrə qalıq məbləği 854.86 AZN təşkil edir.Növbəti faiz ödəniş dövründə 3 faizlik faiz gəliri 854.86 AZN məbləği əsasında hesablanacaq. Bakı Fond Birjasında AZ2027008681, AZ2027008682, AZ2029008680, AZ2030008687 İSİN-li istiqrazlar ilə ticarət edərkən istiqrazların baza qiymətinin 854.86 AZN olması nəzərə alınmalıdır.xeber100.com

Azərbaycanda gündəlik neft hasilatı 763,9 min barrel olub

Mart ayı üzrə Azərbaycanda gündəlik neft hasilatı 763,9 min barrel olub.Energetika Nazirliyindən Azərtac-a bildirilib ki, bunun 683,7 min barrelini xam neft, 80,2 min barrelini kondensat təşkil edib. Gündəlik 418,9 min barrel xam neft, 76,2 min barrel kondensat, 15,5 min barrel neft məhsulları ixrac edilib.Ötən il dekabrın 6-da OPEC və qeyri-OPEC nazirlərinin 7-ci iclasında qəbul edilmiş razılaşma çərçivəsində Azərbaycan gündəlik neft hasilatını 769 min barrel həcmində saxlamaq öhdəliyini artıqlaması ilə yerinə yetirib.Energetika Nazirliyi mart üzrə hasilat göstəriciləri ilə bağlı məlumatları OPEC-in Birgə Monitorinq Komitəsinin Müştərək Texniki Komissiyasına təqdim edib.Qeyd edək ki, “Əməkdaşlıq Bəyannaməsi”nin icrası 2020-cu ilin martın 31-də başa çatıb. Sabah OPEC və qeyri-OPEC ölkələri nazirlərinin videokonfrans formatında 9-cu iclası keçiriləcək.xeber100.com

“Azərenerji” ASC-nin məlumatı əsasında…

İlin 365 günü, 24 saat növbəli iş prinsipi ilə fəaliyyət göstərən və bir saniyə də olsun elektrik enerjisinin istehsalını, o cümlədən ötürülməsini dayandırmayan “Azərenerji” ASC koronavirus epidemiyası olmağına baxmayaraq işini fasiləsiz olaraq davam etdirir.ASC-dən Azərtac-a bildirilib ki, “Azərenerji” tabeliyindəki müəssisələrdə virusun yayılmasının qarşısının alınması ilə bağlı təxirəsalınmaz tədbirlər, dezinfeksiya işlərini həyata keçirməklə yanaşı, “#evdəqal” aksiyasına dəstək verərək növbəti videoçarx yayımlayıb.Videoçarxda əməkdaşların fasiləsiz olaraq növbəli iş prinsipi ilə çalışması fonunda əhaliyə “Biz sizin üçün işləyirik, siz bizim üçün evdə qalın!” müraciəti edilir.xeber100.com

Bakı Fond Birjasında qısamüddətli hərrac keçiriləcək

Aprelin 8-də Bakı Fond Birjasında (BFB) Azərbaycan Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notların həcmi 100 milyon manat, bir notun nominal dəyəri 100 manat, tədavül müddəti 28 gündür. Notlar mayın 6-da ödəniləcək.Hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) çox olmamalıdır. Notların buraxılışının 20 faizdən çox olmamaq şərtilə qeyri-rəqabətli sifarişlərin qəbul edilməsinə icazə verilir. Hərrac nəticəsində bağlanılan əqdlər üzrə hesablaşmalar T+1 rejimində həyata keçiriləcək.xeber100.com  

Rusiya Dəmir Yolları” şirkəti infrastruktur layihələrini dayandırıb

“Rusiya Dəmir Yolları” şirkəti İranda həyata keçirdiyi infrastruktur layihələrini dayandırıb.Azərtac xəbər verir ki, bu barədə şirkətin mətbuata açıqlamasında bildirilib. Qeyd edilib ki, şirkət İran dəmir yollarını elektrikləşdirmək üçün hazırlanmış birgə layihədən çıxır və ümid edir ki, bu, Rusiya və İran Dəmir Yolları idarələrinin əməkdaşlığına maneə yaratmaz. Layihəyə əsasən şirkət İranın Ramsar-İncə Burun dəmir yolu xəttində elektrik (elektrovoz) qatarların hərəkətini təmin etməli idi.“Rusiya Dəmir Yolları” Tehrandakı filialını bağladığını elan edib və İrandakı layihələrdən çıxmasının səbəbini açıqlamayıb. Lakin bildirilib ki, şirkət Hindistan, Serbiya və Kubada həyata keçirdiyi layihələri davam etdirəcək.Xatırladaq ki, “Rusiya Dəmir Yolları” şirkəti Şimal-Cənub Beynəlxalq Nəqliyyat Dəhlizinə daxil olan dəmir yolunun İrandan keçən hissəsində də elektrik işlərini həyata keçirməyə razılıq vermişdi.xeber100.com