“Azərbaycan Hava Yolları” QSC İrana uçuşları dayandırır

Mövcud epidemioloji vəziyyət ilə əlaqədar “Azərbaycan Hava Yolları” QSC İrana uçuşları dayandırır.QSC-dən Azərtac-a bildirilib ki, bu gün axşam “Buta Airways” aviaşirkəti İmam Xomeyni adına hava limanından sərnişinsiz qayıdaraq Bakı-Tehran istiqaməti üzrə son “J2-9005” nömrəli reysini yerinə yetirəcək.Həmçinin “İran Air” aviaşirkəti Heydər Əliyev Beynəlxalq Aeroportuna uçuşları dayandıracaq.xeber100.com

Mərkəzi Bankı vəsaitlərin cəlb edilməsi üzrə depozit hərracı keçirəcək

Martın 2-də Azərbaycan Mərkəzi Bankı (AMB) tərəfindən vəsaitlərin cəlb edilməsi üzrə depozit hərracı keçiriləcək.AMB-dən Azərtac-a bildirilib ki, hibrid hərracda 100 milyon manat məbləğində vəsaitin cəlbi nəzərdə tutulur. Depozit hərracının müddəti 14 gündür. "Bloomberg" ticarət sistemində keçiriləcək hərrac üzrə faiz dərəcələri 5,51-7,24 faiz təşkil edir.xeber100.com

Azərbaycan Beynəlxalq Françayzinq Forumu baş tutacaq

Martın 4-5-də Bakıda “Caspian Franchise” - Azərbaycan Beynəlxalq Françayzinq Forumu baş tutacaq.“Caspian Event Organisers” şirkətindən Azərtac-a bildirilib ki, “Caspian Franchise” ölkədə franşizaların alqı-satqısı sahəsində yeganə işgüzar platformadır. “Biznesin yarandığı yer” olaraq tədbir françayzinq haqda hərtərəfli məlumat almaq, uğurlu investisiya tapmaq və yeni biznesə başlamaq üçün əvəzolunmaz imkan yaradır. “Caspian Franchise” franşiza sahiblərini, sərmayəçilər və sahibkarları, iri holdinq nümayəndələrini və françayzinq üsulu ilə biznes fəaliyyətinə başlamaq niyyətində olan şəxsləri bir araya gətirəcək.“Caspian Franchise”ın məqsədi kiçik və orta biznes müəssisələrinə yeni fəaliyyət sahələrinin genişləndirilməsi və ya təşkilində köməklik göstərmək, Azərbaycanda françayzinqin inkişaf imkanlarını müzakirə etmək, eləcə də xaricdə biznesin inkişaf tendensiyaları ilə tanış olmaqdır. “Caspian Franchise” konfrans və sərgidən ibarət olacaq.Konfrans Azərbaycanda françayzinqin ən aktual problemlərini yerli və xarici mütəxəssislər və sahibkarlarla müzakirə etmək imkanı yaradacaq. İştirakçılar "Niyə özəl biznes deyil françayzinq?" sualına cavab alacaq, franşizada işləməyin hüquqi tərəflərini və bu sahədə uğurlu təcrübəsi olan biznes sahiblərinin praktiki məsləhətləri müzakirə edəcəklər.Sərgiyə isə dondurma, suşi, qəhvə, geyim, kuryer xidmətləri kimi istiqamətlərdə öz məhsul və xidmətlərini təqdim edən və müxtəlif ölkələri təmsil edən şirkətlər qatılacaq. Həmçinin daşınmaz əmlak agentliyi və franşiz tapmaq üçün konsaltinq xidmətləri göstərən şirkətlər yer alacaqlar. Sərginin qonaqları isə xarici françayzinq şirkətlərinin nümayəndələri ilə şəxsən görüşüb canlı ünsiyyət formatında təklif olunan franşizlə bağlı əsas məsələləri müzakirə edə biləcəklər.Tədbir Azərbaycan Respublikasının Kiçik və Orta Biznesin İnkişafı Agentliyinin təşkilati dəstəyi və iştirakı ilə keçiriləcək.xeber100.com

“Azercell” şirkəti savadlı kadrların yetişdirilməsinə dəstək verir

Azərbaycanda informasiya-kommunikasiya texnologiyalarının inkişafına daima töhfə verən “Azercell” şirkəti bu sahə üzrə savadlı kadrların yetişdirilməsinə xüsusi diqqət ayırır. Bu dəfə lider mobil operator ADA Universitetinin İnformasiya texnologiyaları və mühəndislik fakültəsində təhsil alan və fərqlənən tələbələr üçün təqaüd ayıraraq onların fərdi və peşəkar inkişafına dəstək olub. Tələbələr fevralın 21-i ADA Universitetində təşkil edilən “Akademik mükəmməllik günü”ndə təltif ediliblər. Beləliklə, 4 tələbə dünya şöhrətli azərbaycanlı alim və qeyri-səlis məntiq nəzəriyyəsinin banisi Lütfi Zadə adına təqaüdə layiq görülərək təhsil haqqından tamamilə azad olunublar. Əlavə olaraq, 22 tələbə 50, 23 tələbəsi isə 25 faiz təhsil güzəşti əldə edib.Xatırladaq ki, “Azercell Telekom” MMC 2013-cü ildən başlayaraq ADA Universitetinin fonduna maliyyə yardımı edir. Sosial layihələrin təşəbbüskarı və fəal iştirakçısı olan şirkət fəaliyyət dövrü ərzində bu istiqamətdə 19 milyon dollardan çox sərmayə yatırıb.xeber100.com  

“Azeri Light” markalı neftin bir barrelinin qiyməti 2,64 dollar ucuzlaşıb

Azərbaycan neftinin qiyməti ucuzlaşır.Azərtac xəbər verir ki, “Azeri Light” markalı neftin bir barrelinin qiyməti 2,64 dollar ucuzlaşaraq 57,57 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Güclü külək səbəbindən “Azərişıq” ASC gücləndirilmiş iş rejiminə keçib

Bir sıra rayonlarda təsirli olan güclü külək səbəbindən “Azərişıq” ASC gücləndirilmiş iş rejiminə keçib.ASC-dən Azərtac-a bildirilib ki, “Qərb” Regional Enerji Təchizatı və Satışı İdarəsinin (RETSİ) ərazisinə daxil olan Daşkəsən, Gədəbəy, Şəmkir, Tovuz, Ağstafa və Qazax rayonlarının, “Şimal” RETSİ-nə daxil olan Xaçmaz, Siyəzən və Şabran rayonları ərazisində güclü külək müşahidə edilir. Baş verə biləcək qəza və kəsintilərin qarşısını almaq üçün “Azərişıq” qabaqlayıcı tədbirlər görür. Hazırda ölkənin heç bir yerində elektrik enerjisi təchizatında problem yoxdur.“Azərişıq” istehlakçılardan xahiş edir ki, yaranan hər hansı çətinliklə bağlı 24 saat xidmət göstərən 199 saylı Çağrı mərkəzi ilə əlaqə saxlasınlar.xeber100.com

Bakı Nəqliyyat Agentliyinin məlumatı əsasında…

Bakı Nəqliyyat Agentliyi (BNA) Ukraynanın paytaxtı Kiyevdə keçirilən “Smart Building 2020” beynəlxalq ixtisaslaşmış sərgi-konfransında təmsil olunub.Agentlikdən Azərtac-a bildirilib ki, sayca 4-cü olan sərgi-konfransda BNA-nın nümayəndələri də iştirak edib. İki gün davam edən sərgi-konfransda “ağıllı şəhər” sistemləri və avtomatlaşdırma eləcə də, ağıllı həllər sahəsində əldə olunan son nailiyyətlər təqdim olunub.Sərgi çərçivəsində keçirilən görüşlərdə əsas diqqət şəhər yollarında piyada təhlükəsizliyi səviyyəsinin artırılmasına imkan verən texnologiyalara yönəldilib. Eyni zamanda, ukraynalı mütəxəssislərə Bakı şəhərinin nəqliyyat sisteminin modernləşdirilməsi ilə bağlı görülən işlər barədə ətraflı məlumat verilib. Qarşılıqlı maraq doğuran məsələlər barədə fikir mübadiləsi aparılıb.Qeyd edək ki, şəhər yollarında piyada təhlükəsizliyi səviyyəsinin artırılması Bakı Nəqliyyat Agentliyinin prioritetlərindəndir. Mütəmadi olaraq bu istiqamətdə layihələr həyata keçirilir. Eyni səviyyəli piyada keçidlərinin əlavə işıq effektlərindən istifadə olunmaqla işıqlandırılması bu sahədə icra olunan ən son layihələrdəndir.xeber100.com

İrana olan aviareyslərə məhdudiyyət tətbiq edilməyəcək

“Buta Airways” aviaşirkəti hazırda İran istiqamətində yerinə yetirilən uçuşların mövcud cədvəlinə dəyişiklik etməyi planlaşdırmır.Azərtac xəbər verir ki, bu barədə “Azərbaycan Hava Yolları” QSC-nin (AZAL) mətbuat xidməti məlumat yayıb.“Aşağıbüdcəli “Buta Airways” aviaşirkəti Bakı-Tehran-Bakı istiqamətində gündəlik uçuşlar həyata keçirir və ştat rejimində hazırkı cədvələ əsasən reyslər həyata keçirməyi planlaşdırır. Həmçinin bildirmək istəyirəm ki, Heydər Əliyev Beynəlxalq Aeroportunda və Azərbaycanın digər hava limanlarında “Iran Air” aviaşirkəti tərəfindən yerinə yetirilən reyslərə heç bir məhdudiyyət tətbiq olunmayacaq”, - deyə AZAL-ın prezidenti Cahangir Əsgərov bildirib.Heydər Əliyev Beynəlxalq Aeroportunun müvafiq qurumları ilə Dövlət Gömrük Komitəsi və Səhiyyə Nazirliyi birlikdə İrandan gələn reyslərdə sanitar-karantin nəzarətini gücləndirib və bu istiqamətdə əlavə tədbirlər görüləcək.xeber100.com

Dövlət Statistika Komitəsinin məlumatı əsasında…

Ötən il ölkə iqtisadiyyatında muzdla çalışan işçilərin orta aylıq nominal əməkhaqqı 2018-ci ilə nisbətən 16,6 faiz artaraq 634,8 manat təşkil edib.Dövlət Statistika Komitəsindən Azərtac-a bildirilib ki, əməkhaqqı neft-qaz sektorunda 3108,4 manat, qeyri neft-qaz sektorunda 579,1 manat olub. Dövlət müəssisələrində çalışan işçilərin əməkhaqları 531,2 manat, özəl müəssisələrdə isə 766,9 manat təşkil edib.Mədənçıxarma sənayesində, maliyyə və sığorta fəaliyyəti, peşə, elmi və texniki fəaliyyət, informasiya və rabitə, nəqliyyat, və anbar təsərrüfatı, dövlət idarəetməsi və müdafiə; sosial təminat, eləcə də tikinti sahələrində orta aylıq nominal əməkhaqqı ölkə üzrə orta göstəricidən yüksək olub.xeber100.com

Mərkəzi Bankı fevralın 24-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) fevralın 24-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın fevralın 24-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com