Dövlət Neft Fondunun iştirakı ilə hərrac keçirilib

Oktyabrın 31-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildirilib ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

“Light” markalı neftin qiyməti 0,31 dollar ucuzlaşıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,21 dollar geriləyərək 61,38 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,31 dollar ucuzlaşaraq 55,23 dollar təşkil edib.xeber100.com

“Light” markalı neftin bir barrelinin qiyməti 0,22 dollar ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,21 dollar geriləyərək 61,36 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,22 dollar ucuzlaşaraq 55,59 dollar təşkil edib.xeber100.com

Bakı Nəqliyyat Agentliyinin məlumatına görə…

Oktyabrın 29-dan 38 nömrəli müntəzəm marşrut xətti üzrə istismarda olan avtobusların bir qismi yenilənir.Bakı Nəqliyyat Agentliyindən Azərtac-a bildirilib ki, xətt üzrə sərnişindaşıma fəaliyyəti göstərən “General Avto Kompani” firması tərəfindən 10 ədəd yeni “Isuzu Citibus” markalı avtobus gətirilib. “Avro 5” standartlarına cavab verən bu avtobuslar sərnişinlərə göstərilən xidmətin keyfiyyətinin artırılmasına imkan verir.Yeni avtobuslardan fiziki imkanları məhdud şəxslər, eləcə də uşaq arabası ilə olan sərnişinlər rahat istifadə edə biləcək. Bunun üçün avtobuslarda xüsusi mexanizm quraşdırılıb.xeber100.com

İqtisadi əlaqələrin perspektivlərinə dair müzakirələr aparılıb

Azərbaycan və İsrail arasında iqtisadi əlaqələrin perspektivlərinə dair müzakirələr aparılıb.İqtisadiyyat Nazirliyinin mətbuat xidmətindən Azərtac-a bildirilib ki, nazir Mikayıl Cabbarov İsrailin Aliyah və İnteqrasiya (Absorbsiya) naziri Yoav Qalant və onun rəhbərlik etdiyi nümayəndə heyəti ilə görüşüb.Görüşdə Azərbaycan və İsrail arasında müxtəlif sahələrdə strateji əməkdaşlıq məsələləri, həmçinin iki ölkə arasında iqtisadi əlaqələrin mövcud vəziyyəti və gələcək perspektivləri müzakirə edilib.Görüş zamanı, həmçinin regional tərəfdaşlıq və qarşılıqlı maraq doğuran digər məsələlər ətrafında fikir mübadiləsi aparılıb.xeber100.com

BAKUTEL sərgisində ixtisaslaşmış bir neçə şirkət iştirak edəcək

Dekabrın 3-dən 6-dək Bakıda keçiriləcək BAKUTEL sərgisində İtaliyanın İKT sahəsində ixtisaslaşmış bir neçə şirkəti də iştirak edəcək.Azərtac xəbər verir ki, Azərbaycan-İtaliya Ticarət Palatası ITAZERCOM və İtaliyanın Azərbaycandakı səfirliyinin təşkilatçılığı ilə dəvət olunan şirkətlər İtaliyanın İKT, Aerospace və Cyber Security Innovation sahələri üzrə yeniliklərini ölkəmizdə tanıdacaqlar.Bu il 25-ci dəfə keçiriləcək sərginin məqsədi həmişə olduğu kimi beynəlxalq əməkdaşlığı genişləndirmək və gücləndirmək, xarici istehsalçılar və yerli alıcılar arasında işgüzar əlaqələri inkişaf etdirmək, qurumlar və iri yerli şirkətlərlə birbaşa münasibətlər yaratmaqla ölkənin bu sahədəki potensialını nümayiş etməkdir.xeber100.com

Nyu-Yorkun NYMEX birjasında “Light” markalı neftin qiyməti…

Dünya birjalarında neftin qiyməti yenidən bahalaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,35 dollar artaraq 62,02 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,43 dollar bahalaşaraq 56,66 dollar təşkil edib.xeber100.com

“World e-commerce Eurasia 2019” beynəlxalq forumu keçiriləcək

Azərbaycanda və regionda e-ticarət infrastrukturunun inkişaf etdirilməsi, bu mövzuda əlaqələrin genişləndirilməsi məqsədilə noyabrın 26-27-də Bakıda ilk dəfə “World e-commerce Eurasia 2019” beynəlxalq forumu keçiriləcək.Azərtac xəbər verir ki, “World e-commerce Forum”, “INNOLAND” İnkubasiya və Akselerasiya Mərkəzi və “My Broker” gömrük təmsilçiliyinin birgə təşkil edəcəyi beynəlxalq praktik forumda elektron ticarət, əsasən də elektron ixrac mövzusunda yerli istehsalçılara və biznes subyektlərinə dünyada son tətbiqlər, müasir trendlər və praktik həllər ilə bağlı region üzrə öndə gedən şirkət rəhbərləri, peşəkar mütəxəssislər və dövlət qurumlarının nümayəndələri tərəfindən məlumatlar veriləcək.Forumda Azərbaycan, Türkiyə, Rusiya və digər ölkələrdən onlayn mağazalar, e-ticarət ekosistemindəki bir çox xidmət göstərən şirkətlərin nümayəndələri iştirak edəcək.İki gün davam edəcək forum çərçivəsində təqdimatlar, dövlət və özəl sektorun mütəxəssisləri, həmçinin beynəlxalq və yerli təşkilatların səlahiyyətlilərinin iştirakı və professor İbrahim Kırcovanın təqdimatı ilə “Azerbaijan e-commerce workshop” mövzusunda araşdırma təlimi keçiriləcək.xeber100.com

Vyanada OPEC Nazirlər Şurasının 177-ci iclası keçiriləcək

OPEC və qeyri-OPEC ölkələri (“OPEC plus”) neft hasilatını daha çox azaldacaq.“Reuters” xəbər verir ki, OPEC dekabrdakı yığıncaqda istehsalın daha çox azaldılmasını qiymətləndirəcək.Qeyd edək ki, dekabrın 5-də Avstriyanın paytaxtı Vyanada OPEC Nazirlər Şurasının 177-ci iclası keçiriləcək. Dekabrın 4-də isə Vyanada OPEC və qeyri-OPEC ölkələrinin nazirlərinin Birgə Monitorinq Komitəsinin (JMMC) 17-ci iclası təşkil olunacaq.Azərbaycanda sentyabr ayı üzrə gündəlik neft istehsalı 755 min barrel olub. Gündəlik neft hasilatının 776 min barrel həcmində saxlanılmasına dair razılaşma çərçivəsində Azərbaycan hasilatı sutkada 20 min barrel azaltmaqla bağlı götürdüyü öhdəliyi tam yerinə yetirib. Cari ilin yanvar-sentyabr aylarında orta gündəlik neft hasilatı 767 min barrel olub.Xatırladaq ki, 2018-ci il dekabrın 7-də “OPEC plus” üzrə neft hasilatının gündəlik 1,2 milyon barrel azaldılması ilə bağlı imzalanmış “Əməkdaşlıq Bəyannaməsi”nin müddəti bu ilin iyulun 1-dən 2020-ci ilin ilk rübünün sonunadək uzadılıb.xeber100.com

“Brent” markalı neftin bir barrelinin qiyməti 0,27 dollar azalıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,27 dollar geriləyərək 59,15 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,19 dollar ucuzlaşaraq 53,59 dollar təşkil edib.xeber100.com