Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) sentyabrın 23-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın sentyabrın 23-dən etibarən USD/AZN rəsmi məzənnəsi 1,7000 manat səviyyəsində müəyyən edilib.xeber100.com

Dövlət Neft Fondunun iştirakı ilə hərrac keçirilib

Sentyabrın 19-da Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildirilib ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

“Azəriqaz” İstehsalat Birliyinin məlumatı əsasında…

“Sahil 2” ölçü qovşağından qidalanan “Qaz İxrac” İdarəsinə məxsus qaz xəttində qəza baş verdiyi üçün bu gün saat 10:30-dan etibarən Xəzər rayonunun Şüvəlan və Mərdəkan qəsəbələrinin bir hissəsinə təbii qazın verilişində fasilə yaranıb.Azərtac xəbər verir ki, bu barədə “Azəriqaz” İstehsalat Birliyi məlumat yayıb.xeber100.com

Bakı metrosunda qatarların hərəkətində gecikmələr olub

Sentyabrın 17-də Bakı metrosunda hər iki xətt (qırmızı və yaşıl) üzrə qatarların hərəkətində gecikmələr olub.“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov Azərtac-a bildirib ki, yeni qatarlarda qapılar avtomatlaşdırılmış sistemdə açılaraq bağlanır. Qapılar bağlanarkən hər hansı maneəyə rast gələrsə və ya sərnişinlər tərəfindən qapıların bağlanmasına imkan verilmədikdə bu proses davamlı təkrarlanır: “Qapılarla bağlı hal bir neçə dəfə təkrarlandıqda avtomatlaşdırılmış sistemdə dayanma müşahidə olunur. Belə olduqda proqram təminatını yenidən yükləmək məcburiyyəti yaranır və bu, 2 dəqiqə vaxt tələb edir”.B.Məmmədov əlavə edib ki, artıq iki gündür metroda böyük sıxlıq müşahidə olunur: “Dünən 800 mindən çox sərnişin metro ilə daşınıb. Yeni qatarlarda avtomatlaşdırılmış sistemə sərnişinlərin müdaxiləsi bu cür hallara səbəb olur”.xeber100.com

Mərkəzi Bank depozit hərracının nəticələrini açıqlayıb

Mərkəzi Bank vəsaitlərin cəlb edilməsi üzrə depozit hərracının nəticələrini açıqlayıb.Bankdan Azərtac-a bildirilib ki, sentyabrın 16-da Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 629,5 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 6,26 faiz təşkil edib.xeber100.com  

Azərbaycan-Almaniya biznes forumu keçiriləcək

Alman-Azərbaycan Xarici Ticarət Palatasının (“AHK-Azərbaycan”) təşkilatçılığı ilə sentyabrın 27-də Bakıda sənayenin inkişafı və infrastrukturun modernləşdirilməsi üzrə Azərbaycan-Almaniya biznes forumu keçiriləcək.“AHK-Azərbaycan”dan Azərtac-a bildirilib ki, forumun açılışında İqtisadiyyat nazirinin müavini Niyazi Səfərov, Almaniyanın ölkəmizdəki səfiri Volfgang Manig və Alman-Azərbaycan Xarici Ticarət Palatasının vitse-prezidenti Fərid İsayev çıxış edəcəklər. Biznes forumda Azərbaycanda maliyyə və biznes mühiti barədə impuls bölümündən əlavə, iqtisadi islahatların aparıcı qüvvəsi kimi nəqliyyat və infrastruktur, eləcə də kənd təsərrüfatı və qida sənayesi müzakirə olunacaq.Məqsəd alman şirkətləri və onların azərbaycanlı tərəfdaşlarının layihə və təkliflərini təqdim etmək, işgüzar əməkdaşlıq üçün mövcud imkanları müəyyən etməkdir. Forumun əsas mövzusunu maliyyə və biznes mühiti ilə yanaşı, nəqliyyat və infrastruktur sektorlarında islahatlar və tərəfdaşlıq üçün perspektivlər təşkil edir.Tədbirdə Azərbaycanın bir sıra nazir müavinləri, Almaniyanın Şərq Komitəsi və Şərqi Avropa İqtisadi Birliyinin nümayəndəsi, eləcə də ölkəmizdə fəaliyyət göstərən aparıcı alman şirkətlərinin baş icraçı direktorları da daxil olmaqla, Azərbaycan və Almaniya hökumətinin, biznes şirkətlərinin yüksək səviyyəli nümayəndələrinin iştirakı gözlənilir.xeber100.com

AZPROMO sahibkarlara müraciət edib

Azərbaycanda İxracın və İnvestisiyaların Təşviqi Fondu (AZPROMO) sahibkarlara müraciət edib.AZPROMO-dan Azərtac-a bildirilib ki, gələn il martın 25-27-də Kiyevdə “XXVI Beynəlxalq Turizm və UITT 2020” sərgisi keçiriləcək. Ölkəmizdə fəaliyyət göstərən sahibkarlar və iş adamları sərgidə iştiraka dəvət olunurlar.xeber100.com

Azərbaycan-Tacikistan Aqrobiznes Forumu keçiriləcək

Sentyabrın 18-də Bakıda Azərbaycan-Tacikistan Aqrobiznes Forumu keçiriləcək.Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən Azərtac-a bildiriblər ki, forumun keçirilməsində məqsəd Azərbaycan və Tacikistan arasında kənd təsərrüfatı sahəsində əməkdaşlığın mövcud vəziyyəti və gələcək perspektivlərinin müzakirəsi, hər iki ölkənin bu sahədə fəaliyyət göstərən biznes qurumları arasında əlaqələrin qurulması və təcrübə mübadiləsinin aparılmasıdır.Forumda Azərbaycan və Tacikistanın kənd təsərrüfatı sektoruna cavabdeh olan dövlət qurumları və biznes strukturlarının nümayəndələri, sahibkarlar iştirak edəcəklər.Kənd Təsərrüfatı Nazirliyinin tabeliyində Aqrar Tədarük və Təchizat ASC və Tacikistan Respublikasının Azərbaycandakı səfirliyinin birgə təşkilatçılığı ilə baş tutacaq forum Bakı Biznes Mərkəzində keçiriləcək.Əvvəlcə hər iki ölkənin kənd təsərrüfatının müvafiq sahələrində ixtisaslaşmış biznes strukturları tərəfindən təqdimatlar ediləcək, hər iki ölkə istehsalçılarının məhsullarından ibarət sərgi təşkil olunacaq, ikitərəfli (B2B) görüşlər keçiriləcək. Forum zamanı, hər iki ölkənin kənd təsərrüfatı məhsullarından ibarət sərgisi də təşkil olunacaq.Forumun ikinci hissəsində isə, Tacikistandan gəlmiş qonaqların Quba və Xaçmaz rayonlarına səfəri nəzərdə tutulur. Qonaqlar əvvəlcə Bakı Yağ Emalı Fabriki, daha sonra Xaçmaz Konserv Zavodu və Quba “ABAD Factory” İstehsalat Kompleksini ziyarət edəcək, müəssisələrin iş prosesi ilə yaxından tanış olacaqlar.xeber100.com

“Azeri Light” markalı neftin bir barrelinin qiyməti 2,22 dollar ucuzlaşıb

Azərbaycan neftinin qiyməti ucuzlaşır.Azərtac xəbər verir ki, “Azeri Light” markalı neftin bir barrelinin qiyməti 2,22 dollar geriləyərək 63,44 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

“Israel Aerospace Industries LTD” şirkətinin nümayəndəliyi açılıb

Azərbaycanda İsrailin “Israel Aerospace Industries LTD” şirkətinin nümayəndəliyi açılıb. Vergilər Nazirliyi şirkətin nümayəndəliyini dövlət qeydiyyatına alıb.Nazirlikdən Azərtac-a bildirilib ki, nümayəndəliyin hüquqi ünvanı Bakı şəhəri, Nəsimi rayonu, Moskva prospekti, ev 48, mənzil 22-dir. Şirkətin qanuni təmsilçisi isə İsrail vətəndaşı Braiman Zeevdir.xeber100.com