Əməkdaşlıq memorandumu imzalanıb

Akademik Milli Dram Teatrı və Bolqarıstan Milli Teatrı arasında əməkdaşlıq memorandumu imzalanıb.Teatrın mətbuat xidmətindən Azərtac-a bildirilib ki, memorandumu Bolqarıstan Milli Teatrının baş direktoru Marius Donkin və Akademik Milli Dram Teatrının direktoru Azər Paşa Nemətov imzalayıb.A.Nemətov və Marius Donkin memorandumun qarşılıqlı əməkdaşlıq baxımından böyük əhəmiyyət daşıdığını diqqətə çatdırıb.Qeyd olunub ki, əməkdaşlıq memorandumu Bolqarıstan və Azərbaycanın milli teatrları arasında real, məhsuldar və konkret əməkdaşlığın inkişaf etdirilməsi, yaradıcı və fərdi səviyyələrdə qarşılıqlı tanışlıq və fəaliyyəti, teatrlarda yeni incəsənət platformaları, ideya və formaların yaradılması və onların müzakirəsinin təşkil edilməsi vəzifəsini qarşıya qoyub.xeber100.com

Dövlət Film Fondunun məlumatına görə…

Bu gündən etibarən Bakı Dövlət, Azərbaycan Memarlıq və İnşaat və Bakı Slavyan universitetlərində sənədli kino həftəsinə başlanılıb.Dövlət Film Fondundan Azərtac-a bildirilib ki, kino həftəsi Azərbaycan kinosunun 120 illik yubileyinə həsr edilib.Mədəniyyət Nazirliyi və Dövlət Film Fondunun təşkilatçılığı ilə reallaşan kino həftəsi çərçivəsində sənədli film nümayişləri ilə yanaşı, tanınmış kino xadimləri ilə görüş və müzakirələr də təşkil olunacaq.xeber100.com

“Azerbaijan Fashion Week” moda həftəsinin açılışı olub

Noyabrın 1-də Muzey Mərkəzində “Azerbaijan Fashion Week” - ölkənin rəsmi moda həftəsinin 8-ci mövsümünün açılışı olub.Azərtac xəbər verir ki, açılış mərasimində çıxış edən layihənin art-direktoru Sayat Dossıbayev həftə boyu təqdim ediləcək geyimlərdən və keçiriləcək görüşlərdən söz açıb.Bildirilib ki, “Azerbaijan Fashion Week”in təşkilatçıları, Muzey Mərkəzi və şəxsən onun direktoru Liana Vəzirova ilə birgə əməkdaşlıqda, incəsənət fəzasında moda sintezinə qərar veriblər.“Azerbaijan Fashion Week”in 8-ci mövsümü çərçivəsində, ziyarətçilər üçün muzeyin ehtiyat rəflərində və şəxsi kolleksiyalarda olan, bir çoxu, heç vaxt geniş tamaşaçıya təqdim edilməmiş işlərdən yığılmış xüsusi ekspozisiya hazırlanıb. Bu ekspozisiya çərçivəsindətəqdim edilmiş bütün işlərdə dəb və stilin elementləri öz təcəssümünü tapıb.Muzey Mərkəzi Azərbaycan rəssamlarının, həmçinin “Kukla” Art-Qalereyasının sahibi Lalə Kazımovanın və Muzey Mərkəzinin direktoru Liana Vəzirovanın kolleksiyasından olan, müəllif kuklalarının geniş sərgisini təqdim edib.Azərbaycan dəb həftəsinin ikinci günündə “Azerbaijan Fashion Week” çərçivəsində “A.Sain”, “Elian Couture”, “Le Veine”, “Noora”, “Ayshan Habibova” və “Aya Bapani” kimi brendlər öz dəbli yaradıcılığını tamaşaçılara təqdim edəcək.xeber100.com

Opera və Balet Teatrı təqdim edir

Opera və Balet Teatrının yaradıcı kollektivi noyabrda tamaşaçılarının görüşünə maraqlı səhnə əsərləri ilə gəlib.Sənət ocağının noyabr ayı üçün nəzərdə tutduğu repertuarı təqdim edirik: 4 noyabr - “Don Kixot”; 10 noyabr - “Məhəbbət tanqosu”; 11 noyabr – “Leyli və Məcnun”; 14 noyabr - “Kənd namusu”; 17 noyabr - “Jizel”; 18 noyabr – “Zoluşka”; 21 noyabr - “Min bir gecə”; 24 noyabr - “Traviata”; 25 noyabr - “Düyməcik”; 28 noyabr - “Koroğlu”.xeber100.com    

Musiqili Teatr noyabr ayının repertuarını təqdim edir

Musiqili Teatr noyabr ayı üçün rəngarəng repertuar planını təsdiqləyib. Bu dəfə də sənət ocağının yaradıcı kollektivi maraqlı səhnə əsərləri ilə teatrsevərlərin görüşünə gələcək.Azərtac teatrın repertuarını təqdim edir: 2 noyabr - “İlk dəfə Bağdadda” (rus dilində); 3 noyabr - “Qoğalın macərası” (rus dilində), “Talelər qovuşanda”; 11 noyabr - “Meşə çaqqalsız olmaz”, “ Arşın mal alan”; 15 noyabr - “Yağış göbələyinin macərası”; 16 noyabr - “Yağış göbələyinin macərası”, “Nuri didə Ceyhun”; 17 noyabr - “O olmazın bu olsun”, “Toya bir gün qalmış”; 18 noyabr - “Qızıl cücə”, “Qoğalın macərası”, Qodonun intizarında”; 20 noyabr - “O olmasın bu olsun”; 23 noyabr - “Bir dəfə Bağdadda”; 24 noyabr - “Bremen musiqiçiləri və Pen”, “Hacı Qara”, “Mənim Günahım”; 25 noyabr - “Qoğalın macərası”, “Baladadaşın toy hamamı”; 30 noyabr - “O olmasın bu olsun”.xeber100.com

Təl-Əvivdə keçiriləcək mahnı müsabiqəsinin devizi elan edilib

Gələn il mayın 14-18-dək Təl-Əvivdə (İsrail) keçiriləcək “Eurovision-2019” mahnı müsabiqəsinin devizi elan edilib.Azərtac müsabiqənin rəsmi saytına istinadla xəbər verir ki, bu müsabiqənin devizi belə səslənir: “Dare to Dream” (“Arzularına sərbəstlik ver”). İsrail bu müsabiqəyə ev sahibliyi etmək hüququnu “Eurovision-2018” müsabiqəsində müğənni Netta Barzilayın qələbəsindən sonra qazanıb.Xatırladaq ki, “Eurovision-2019” müsabiqəsində Azərbaycanın da iştirak edəcəyi sentyabrın 18-də elan olunub.Azərbaycan İctimai Televiziyasının Musiqi, bədii və xüsusi layihələr departamentinin rəhbəri Leyla Quliyeva Azərtac-a müsahibəsində deyib: “Biz “Eurovision-2019” beynəlxalq mahnı müsabiqəsində iştirak etmək üçün sifariş vermişik. Bizim sifarişimiz qəbul edilib və 2019-cu ildə Təl-Əvivdə keçiriləcək müsabiqə Azərbaycanın iştirakını təsdiq edirik”.Onu da qeyd edək ki, Azərbaycan İctimai Televiziyası “Eurovision” mahnı müsabiqəsinin milli yayım kanalıdır.xeber100.com

Muzey Mərkəzində konsert proqramı təqdim ediləcək

Muzey Mərkəzində bəstəkar Tofiq Quliyevin xatirəsinə həsr olunmuş konsert proqramı təqdim ediləcək.Azərtac xəbər verir ki, bəstəkarın doğum günündə - noyabrın 7-də gerçəkləşəcək konsert proqramında Tofiq Quliyevin mahnıları, kino və tamaşalara yazdığı musiqilərdən parçalar səslənəcək. Konsert proqramının tərtibatçısı sənətşünaslıq üzrə fəlsəfə doktoru, dosent Nərgiz Hüseynovadır.Konsertin solistləri Üzeyir Hacıbəyli adına Bakı Musiqi Akademiyasının doktorantı, tenor Rüfət Piriyev və akademiyanın məzunu, soprano Güllübəyim Məmmədovadır. Konsertmeyster isə Qənirə Həsənovadır.xeber100.com

Gənc Tamaşaçılar Teatrı təqdim edir

Oktyabrın 28-də Gənc Tamaşaçılar Teatrında Migel de Servantesin “Don Kixot” əsəri əsasında eyniadlı tamaşanın premyerası olacaq.Teatrın mətbuat xidmətindən Azərtac-a bildirilib ki, yeni quruluşda təqdim olunacaq səhnə əsərinin quruluşçu rejissoru Azərbaycanın və Kalmıkiyanın Əməkdar incəsənət xadimi Bərham Osmanov, quruluşçu rəssamı Elşən Sərxanoğludur. Səhnə əsərinin plastik həlli Ceyhun Dadaşova aiddir.Tragikomediya janrında qurulan tamaşada dahi bəstəkar Qara Qarayevin “Don Kixot” simfonik qravürlərindən, həmçinin Qiya Kançelinin və digər bəstəkarların musiqilərindən istifadə olunub.Don Kixot rolunu Xalq artisti Qurban İsmayılov, Sanço Pansanı Əməkdar artist Şövqi Hüseynov canlandırırlar. Əsrlər öncə yazılmasına baxmayaraq bu gün üçün də aktual olan əsərin vasitəsilə yaradıcı heyət insana xas olan mərhəmət, sevgi, saflıq kimi duyğuları ifadə etməyə çalışacaq.xeber100.com

“Türk dünyasının ortaq dili ‒ naxışlar” simpoziumu keçiriləcək

Oktyabrın 25-27-də Bakıda “Keçə sənətində kəsişmə nöqtələri” mövzusunda üçüncü Beynəlxalq “Türk dünyasının ortaq dili ‒ naxışlar” simpoziumu keçiriləcək.Azərtac xəbər verir ki, Mədəniyyət Nazirliyi və Azərbaycan Xalça Muzeyinin təşkilatçılığı ilə üç gün davam edəcək simpozium konfrans, tematik sərgilər, ustad dərsləri, moda nümayişi və satış yarmarkasından ibarət olacaq. Azərbaycan, ingilis, rus və türk dillərində keçiriləcək tədbirə 22 ölkədən 83 iştirakçı qatılacaq.Simpozium çərçivəsində keçə sənəti nümunələrindən ibarət “Ənənəvi keçə sənəti” və “Keçə müasir incəsənətdə” sərgiləri təşkil ediləcək. Hər iki sərgidə azərbaycanlı ustalarla yanaşı, türk, rus, qırğız, macar, İsveç və digər ölkələri təmsil edən sənətkarların əl işləri nümayiş olunacaq.xeber100.com

XX Beynəlxalq musiqi festivalı keçirilib

Qazaxıstanın Karaqanda şəhərində XX Beynəlxalq “Музыкальная Сарыарка” musiqi festivalı keçirilib. Müxtəlif üslub və janrlarda musiqilərin səsləndirildiyi festivalda Qazaxıstanla yanaşı, Türkiyə, Rusiya, Qırğızıstan, Özbəkistan, Tatarıstan və Azərbaycan da iştirak edib. Ölkəmizi bu festivalda Musiqili Teatrın solisti Eleonora Mustafayeva təmsil edib. Konsertin sonunda Eleonora Mustafayeva və digər ifaçılar mükafatlandırılıb. E. Mustafayeva Musiqili Teatrda oktyabrın 27-də Faiq Sücəddinov və Tamara Vəliyevanın “Mən dəyərəm min cavana” tamaşasında Gülnaz, noyabrın 3-də Rauf Hacıyevin “Talelər qovuşanda” komediyasında isə Nərgiz rolunda çıxış edəcək.xeber100.com