Opera və Balet Teatrı dekabr ayının repertuarını açıqlayıb

Opera və Balet Teatrının yaradıcı kollektivi dekabrda tamaşaçılarının görüşünə maraqlı səhnə əsərləri ilə gələcək.Azərtac sənət ocağının dekabr ayı üçün nəzərdə tutduğu repertuarı təqdim edir: 1 dekabr - “Tamahlar” , “Bolero” 2 dekabr - “Şah İsmayıl” 8 dekabr - “Trubadur” 9 dekabr –“Romeo və Cülyetta”, “Şəhrizad” 15 dekabr - “Karmen” 22 dekabr – Manon Lesko” ( premyera) 23 dekabr - “Jizel” 26, 30 dekabr- “Şelkunçik”.xeber100.com

II “ZİMA” estrada mahnıları festivalı keçiriləcək

Bakıda II “ZİMA” uşaq estrada mahnıları festivalı keçiriləcək. Festivalın təşkilatçısı “Beat Group”dur.Azərtac xəbər verir ki, artıq festivalla bağlı hazırlıqlara başlanılıb və yaşı 6-dan 16-dək olan uşaqlar üçün əlavə kastinq elan edilib. Bunun üçün hər hansı bir dildə ən sevimli mahnını oxuyaraq videoya çəkmək və onu (050) 238 08 08 “WhatsApp” nömrəsinə göndərmək lazımdır.Müraciət təsdiqlənəndən sonra təşkilatçılar “ZİMA”nın potensial iştirakçısı ilə əlaqə saxlayacaq və onu canlı dinləmələrə dəvət edəcəklər. Festival gələn ilin fevralın 16-da Heydər Əliyev Sarayında keçiriləcək və şəhərin mədəni tədbirləri sırasında parlaq bir hadisə olacaq.xeber100.com

Opera və Balet Teatrı təqdim edir

Noyabrın 24-də Opera və Balet Teatrında C.Verdinin “Traviata” operası nümayiş ediləcək.Tamaşanı idarə etmək üçün gənc və istedadlı rusiyalı dirijor, beynəlxalq müsabiqələr laureatı Denis Vlasenko dəvət olunub.Teatrın mətbuat xidmətindən bildirilib ki, səhnə əsərində əsas rollardan biri - Violetta partiyasında Moskva “Novaya opera” teatrının aparıcı solisti, vokalçıların beynəlxalq müsabiqələrinin laureatı Mariya Buynosova, Alfred rolunda isə Ukrayna Milli Operasının aparıcı solisti, Xalq artisti Andrey Romanenko çıxış edəcəklər. Operada, həmçinin Xalq artistləri Əli Əsgərov və Əkrəm Poladov, Əməkdar artistlər Cahangir Qurbanov, Tural Ağasıyev, Səbinə Vahabzadə və teatrın aparıcı solisti Nina Makarova da rol alıblar.xeber100.com

“Visla” Polşa filmləri festivalı keçiriləcək

Bakıda noyabrın 22-dən 28-dək 3-cü “Visla” Polşa filmləri festivalı keçiriləcək.Azərtac xəbər verir ki, festival çərçivəsində tamaşaçılar polşalı rejissorların “Varşava döyüşü. 1920”, “Gecə danışıqları”, “Ədalətli”, “Şəhər 44”, “Sevgi vergisi” və digər filmləri izləyə biləcəklər.“Landmark”da hər gün saat 19-da başlanacaq seanslarda ekran əsərləri ingilis və rus altyazıları ilə göstəriləcək.xeber100.com

Əməkdaşlıq memorandumu imzalanıb

Akademik Milli Dram Teatrı və Bolqarıstan Milli Teatrı arasında əməkdaşlıq memorandumu imzalanıb.Teatrın mətbuat xidmətindən Azərtac-a bildirilib ki, memorandumu Bolqarıstan Milli Teatrının baş direktoru Marius Donkin və Akademik Milli Dram Teatrının direktoru Azər Paşa Nemətov imzalayıb.A.Nemətov və Marius Donkin memorandumun qarşılıqlı əməkdaşlıq baxımından böyük əhəmiyyət daşıdığını diqqətə çatdırıb.Qeyd olunub ki, əməkdaşlıq memorandumu Bolqarıstan və Azərbaycanın milli teatrları arasında real, məhsuldar və konkret əməkdaşlığın inkişaf etdirilməsi, yaradıcı və fərdi səviyyələrdə qarşılıqlı tanışlıq və fəaliyyəti, teatrlarda yeni incəsənət platformaları, ideya və formaların yaradılması və onların müzakirəsinin təşkil edilməsi vəzifəsini qarşıya qoyub.xeber100.com

Dövlət Film Fondunun məlumatına görə…

Bu gündən etibarən Bakı Dövlət, Azərbaycan Memarlıq və İnşaat və Bakı Slavyan universitetlərində sənədli kino həftəsinə başlanılıb.Dövlət Film Fondundan Azərtac-a bildirilib ki, kino həftəsi Azərbaycan kinosunun 120 illik yubileyinə həsr edilib.Mədəniyyət Nazirliyi və Dövlət Film Fondunun təşkilatçılığı ilə reallaşan kino həftəsi çərçivəsində sənədli film nümayişləri ilə yanaşı, tanınmış kino xadimləri ilə görüş və müzakirələr də təşkil olunacaq.xeber100.com

“Azerbaijan Fashion Week” moda həftəsinin açılışı olub

Noyabrın 1-də Muzey Mərkəzində “Azerbaijan Fashion Week” - ölkənin rəsmi moda həftəsinin 8-ci mövsümünün açılışı olub.Azərtac xəbər verir ki, açılış mərasimində çıxış edən layihənin art-direktoru Sayat Dossıbayev həftə boyu təqdim ediləcək geyimlərdən və keçiriləcək görüşlərdən söz açıb.Bildirilib ki, “Azerbaijan Fashion Week”in təşkilatçıları, Muzey Mərkəzi və şəxsən onun direktoru Liana Vəzirova ilə birgə əməkdaşlıqda, incəsənət fəzasında moda sintezinə qərar veriblər.“Azerbaijan Fashion Week”in 8-ci mövsümü çərçivəsində, ziyarətçilər üçün muzeyin ehtiyat rəflərində və şəxsi kolleksiyalarda olan, bir çoxu, heç vaxt geniş tamaşaçıya təqdim edilməmiş işlərdən yığılmış xüsusi ekspozisiya hazırlanıb. Bu ekspozisiya çərçivəsindətəqdim edilmiş bütün işlərdə dəb və stilin elementləri öz təcəssümünü tapıb.Muzey Mərkəzi Azərbaycan rəssamlarının, həmçinin “Kukla” Art-Qalereyasının sahibi Lalə Kazımovanın və Muzey Mərkəzinin direktoru Liana Vəzirovanın kolleksiyasından olan, müəllif kuklalarının geniş sərgisini təqdim edib.Azərbaycan dəb həftəsinin ikinci günündə “Azerbaijan Fashion Week” çərçivəsində “A.Sain”, “Elian Couture”, “Le Veine”, “Noora”, “Ayshan Habibova” və “Aya Bapani” kimi brendlər öz dəbli yaradıcılığını tamaşaçılara təqdim edəcək.xeber100.com

Opera və Balet Teatrı təqdim edir

Opera və Balet Teatrının yaradıcı kollektivi noyabrda tamaşaçılarının görüşünə maraqlı səhnə əsərləri ilə gəlib.Sənət ocağının noyabr ayı üçün nəzərdə tutduğu repertuarı təqdim edirik: 4 noyabr - “Don Kixot”; 10 noyabr - “Məhəbbət tanqosu”; 11 noyabr – “Leyli və Məcnun”; 14 noyabr - “Kənd namusu”; 17 noyabr - “Jizel”; 18 noyabr – “Zoluşka”; 21 noyabr - “Min bir gecə”; 24 noyabr - “Traviata”; 25 noyabr - “Düyməcik”; 28 noyabr - “Koroğlu”.xeber100.com    

Musiqili Teatr noyabr ayının repertuarını təqdim edir

Musiqili Teatr noyabr ayı üçün rəngarəng repertuar planını təsdiqləyib. Bu dəfə də sənət ocağının yaradıcı kollektivi maraqlı səhnə əsərləri ilə teatrsevərlərin görüşünə gələcək.Azərtac teatrın repertuarını təqdim edir: 2 noyabr - “İlk dəfə Bağdadda” (rus dilində); 3 noyabr - “Qoğalın macərası” (rus dilində), “Talelər qovuşanda”; 11 noyabr - “Meşə çaqqalsız olmaz”, “ Arşın mal alan”; 15 noyabr - “Yağış göbələyinin macərası”; 16 noyabr - “Yağış göbələyinin macərası”, “Nuri didə Ceyhun”; 17 noyabr - “O olmazın bu olsun”, “Toya bir gün qalmış”; 18 noyabr - “Qızıl cücə”, “Qoğalın macərası”, Qodonun intizarında”; 20 noyabr - “O olmasın bu olsun”; 23 noyabr - “Bir dəfə Bağdadda”; 24 noyabr - “Bremen musiqiçiləri və Pen”, “Hacı Qara”, “Mənim Günahım”; 25 noyabr - “Qoğalın macərası”, “Baladadaşın toy hamamı”; 30 noyabr - “O olmasın bu olsun”.xeber100.com

Təl-Əvivdə keçiriləcək mahnı müsabiqəsinin devizi elan edilib

Gələn il mayın 14-18-dək Təl-Əvivdə (İsrail) keçiriləcək “Eurovision-2019” mahnı müsabiqəsinin devizi elan edilib.Azərtac müsabiqənin rəsmi saytına istinadla xəbər verir ki, bu müsabiqənin devizi belə səslənir: “Dare to Dream” (“Arzularına sərbəstlik ver”). İsrail bu müsabiqəyə ev sahibliyi etmək hüququnu “Eurovision-2018” müsabiqəsində müğənni Netta Barzilayın qələbəsindən sonra qazanıb.Xatırladaq ki, “Eurovision-2019” müsabiqəsində Azərbaycanın da iştirak edəcəyi sentyabrın 18-də elan olunub.Azərbaycan İctimai Televiziyasının Musiqi, bədii və xüsusi layihələr departamentinin rəhbəri Leyla Quliyeva Azərtac-a müsahibəsində deyib: “Biz “Eurovision-2019” beynəlxalq mahnı müsabiqəsində iştirak etmək üçün sifariş vermişik. Bizim sifarişimiz qəbul edilib və 2019-cu ildə Təl-Əvivdə keçiriləcək müsabiqə Azərbaycanın iştirakını təsdiq edirik”.Onu da qeyd edək ki, Azərbaycan İctimai Televiziyası “Eurovision” mahnı müsabiqəsinin milli yayım kanalıdır.xeber100.com