“Sərhədsiz kino” silsiləsindən filmlərin təqdimatı başlayır

Mayın 29-dan etibarən Mədəniyyət və İncəsənət Universitetində ana dilimizdə ekranlaşdırılmış İran filmləri təqdim olunacaq.Azərtac xəbər verir ki, “Sərhədsiz kino” silsiləsindən filmlərin təqdimatı mayın 31-dək davam edəcək. Tanınmış iranlı kinorejissor Rıza Siami həmkarlarının lentə aldıqları ekran əsərləri ilə bağlı bunları deyib: “Kinosevərlər üç gün davam edəcək nümayişlərdə gənc rejissorların ərsəyə gətirdikləri 14 qısametrajlı filmə baxa biləcəklər. Təbriz, Ərdəbil və Urmiyadan olan rejissorların Azərbaycan dilində ekranlaşdırdığı filmlər təqdim ediləcək. Onlardan dördü sənədli, onu isə bədii filmdir”.xeber100.com

Xalq Cümhuriyyətinin yaradılmasının 100-cü ildönümü münasibətilə

Mayın 25-də Musiqili Teatrda yazıçı-dramaturq Əli Əmirlinin “Nuri-didə Ceyhun” əsəri əsasında səhnələşdirilən eyniadlı tamaşa təqdim olunacaq.Teatrın mətbuat xidmətindən bildirilib ki, Azərbaycan Xalq Cümhuriyyətinin yaradılmasının 100-cü ildönümü münasibətilə nümayiş etdiriləcək səhnə əsərinin quruluşçu rejissoru Mehriban Ələkbərzadədir.Səhnə əsərində Üzeyir Hacıbəyli, Soltan Hacıbəyov və Niyazinin musiqilərindən istifadə olunacaq.xeber100.com

Nizami Kino Mərkəzində “Çempion” filminin təqdimatı olacaq

Nizami Kino Mərkəzində “Çempion” sənədli filminin təqdimatı olacaq. Filmin yaradıcı heyətindən aldığımız məlumata görə, dövlət sifarişi ilə "Azərbaycanfilm” kinostudiyasında çəkilən film sambo üzrə 9 dəfə dünya çempionu olmuş Ceyhun Məmmədovun həyat və fəaliyyəti üzərində qurulub. Filmin quruluşçu rejissoru Zamin Məmmədov, operatoru Tariverdi Tariverdiyev, musiqi tərtibatçısı İsmayıl Dadaşov, icraçı prodüseri İlqar Musayev, prodüseri Müşfiq Hətəmovdur.Xatırladaq ki, filmin təqdimatı mayın 24-də keçiriləcək.xeber100.com

Mahnı Teatrında təqdimat mərasimi keçirilib

Mahnı Teatrında “Cəfər Cabbarlı mükafatı”nın təqdimat mərasimi keçirilib.AZərtac xəbər verir ki, Cəfər Cabbarlının ev-muzeyinin direktoru, mükafat komissiyasının sədri Qəmər Seyfəddinqızı bu mükafatın muzeyin layihəsi əsasında “BP Azerbaijan” şirkətinin sponsorluğu ilə 2001-ci ildə təsis olunduğunu bildirib. Mükafatın Cəfər Cabbarlı teatrının və yaradıcılığının səhnə təcəssümü, tədqiqi və təbliği sahəsində müstəsna işlərə, əsərlərə, Azərbaycan ədəbiyyatının və teatrının, estetik fikrinin inkişafında xüsusi hadisə olan bədii nümunələrə görə teatr xadimlərinə və dram yazarlarına təqdim edildiyini söyləyib.Qeyd edilib ki, 2018-ci ilin “Cəfər Cabbarlı mükafatı” Azərbaycan Respublikasının Prezidenti yanında QHT-lərə Dövlət Dəstəyi Şurasının yardımı ilə “Cəfər Cabbarlı adına mədəniyyət, elm və təhsilin inkişafına yardım” İctimai Birliyinin “Təhsil müəssisələrində Ermənistan-Azərbaycan, Dağlıq Qarabağ münaqişəsi mövzusuna həsr olunan əsərlərin, vətənpərvərlik ideyalarının təbliği” layihəsi əsasında həyata keçirilib.Bildirilib ki, “Cəfər Cabbarlı mükafatı” ədibin yaradıcılığının zənginliyi və incəsənətin müxtəlif sahələrindəki əvəzsiz xidmətləri nəzərə alınmaqla müxtəlif nominasiyalar üzrə müəyyənləşdirilib, ədəbiyyat, teatr və kino, jurnalistika, ədəbiyyatşünaslıq sahələri üzrə çalışan yaradıcı insanlara, ədəbiyyat və incəsənət xadimlərinə verilir.Sonra ilin “Cəfər Cabbarlı mükafatı” ziyalılara təqdim edilib.xeber100.com  

Pantomima Teatrı iyun ayının repertuarını açıqlayıb

Pantomima Teatrının səhnəsində iyun ayı maraqlı səhnə əsərləri nümayiş olunacaq.Azərtac teatrın repertuarını təqdim edir: 2 iyun - “Ağ bığlılar” 3 iyun - “Fəlakət və İnsan” (maarifləndirici uşaq tamaşası), “Ora- Bura” 9 iyun - “Vuvana” 10 iyun - “Pantomima buketi” (uşaqlar üçün) , “Dejavü” 16 iyun - “Qoca və Mələk” 17 iyun - “Fəlakət və İnsan”, “İt gəzdirən xanım” 23 iyun - “6+1 nömrəli palata” (yeni tamaşa) 24 iyun- “Pantomima buketi”, “Mənim balığımsan” 30 iyun- “Underground”.xeber100.com

Rusiya Böyük Teatrında “Traviata” əsəri nümayiş etdiriləcək

İyunun 20-dən 23-dək Rusiya Dövlət Akademik Böyük Teatrında Cüzeppe Verdinin “Traviata” əsəri nümayiş etdiriləcək.Azərtac teatrın saytına istinadla xəbər verir ki, səhnə əsərində Violetta Valeri obrazını iyunun 20-də və 22-də Azərbaycanın Əməkdar Artisti Dinara Əliyeva (soprano) ifa edəcək.Dinara Əliyeva 2009-cu ildən Rusiyada Böyük Teatrın solistidir. O, dünyanın məşhur opera teatrı səhnələrində və konsert zallarında çıxış edib. İfaçının 2010-cu ildə Bakıda məşhur tenor Plasido Dominqo ilə birgə konserti olub. Onun C.Verdinin anadan olmasının 200 illiyi münasibətilə Fransanın Kolmar və Çexiyanın Praqa şəhərlərində “GalaVerdi” adlı solo konsertləri böyük uğurla keçib. 2015-ci ildə Moskvada Dinara Əliyevanın “Opera Art” Birinci Beynəlxalq Musiqi Festivalı keçirilib.xeber100.com

“YARAT” Müasir İncəsənət Mərkəzi təqdim edir

Mayın 26-da “YARAT” Müasir İncəsənət Mərkəzində “Əmək, istirahət və xəyallar: 1960-1980-ci illər Azərbaycan ustadlarının gözləri ilə” adlı sərgi açılacaq.“YARAT”dan Azərtac-a bildirilib ki, sərgidə Azərbaycanın görkəmli fırça ustaları Səttar Bəhlulzadə, Maral Rəhmanzadə, Tağı Tağıyev, Mikayıl Abdullayev, Böyükağa Mirzəzadə, Oqtay Sadıqzadə, Cavad Mircavadov, Əşrəf Murad, Mahmud Tağıyev, Nadir Əbdürrəhmanov, Xalidə Səfərova, Rasim Babayev, Nadir Qasımov, Toğrul Nərimanbəyov, Gennadi Brijatyuk, Kamal Əhməd, Ucal Haqverdiyev, İqor Juk, Eldar Qurban, Tahir Salahov, Fərhad Xəlilov, Altay Sadıqzadə və Qəyyur Yunusun əsərləri nümayiş etdiriləcək.2019-cu il yanvarın 6-dək davam edəcək sərginin kuratoru Suad Qarayeva-Maleki, tədqiqatçısı Fərəh Ələkbərlidir.xeber100.com

Opera və Balet Teatrı təqdim edir

İyunun 16-da Opera və Balet Teatrında Adolf Adanın “Jizel” baleti növbəti dəfə səhnəyə qoyulacaq.Teatrın mətbuat xidmətindən bildirilib ki, səhnə əsərində əsas rolları Rusiya Dövlət Akademik Böyük Opera və Balet Teatrının aparıcı solistləri, balet artistlərinin beynəlxalq müsabiqələrinin laureatları Mariya Vinoqradova (Jizel) və David Motta Soares (qraf Albert) ifa edəcəklər.Səhnə əsərində rusiyalı balet ustaları ilə yanaşı, Opera və Balet Teatrının solistləri - Ayan Eyvazova (Mirta) və Timur Oduşev (Hans) də iştirak edəcəklər.Balet Əməkdar Artist Əyyub Quliyev tərəfindən idarə olunacaq.xeber100.com  

“Jara” Beynəlxalq Musiqi Festivalında

2018-ci il iyulun 26-dan 29-dək Bakıda “Sea Breeze Resort” istirahət mərkəzində keçiriləcək “Jara” Beynəlxalq Musiqi Festivalında 81 ifaçının iştirakı təsdiqlənib. Bu məlumat http://zhara.az/ saytında yerləşdirilib.Azərtac festivalın “facebook” səhifəsinə istinadla xəbər verir ki, iyulun 26-da təqdim ediləcək qala-konsertdə EMİN, Qriqori Leps, Filip Kirkorov, Sergey Lazarev, Timati, Ani Lorak, LOBODA, Aleksey Çumakov, A`Studio, Slava, Qlyuk’oza, Aleksandr Panayotov, Anna Sedokova, Monatik, NK, Qradusı, Maks Barskix, Yeqor Krid, Yuliya Kovalçuk, Feduk, MOT, L`ONE, Burito, Brandon Stone, Pitsa, Alekseyev, Vremya i Steklo, DoReDos, Therr Maitz, Mişa Marvin, Nyusha, Artik & Asti və başqaları çıxış edəcəklər. İyulun 27-də Leonid Aqutin, Vladimir Presnyakov və Valeriyanın yubiley gecələri keçiriləcək. İyulun 28-də “Leninqrad” qrupu çıxış edəcək. İyulun 29-da Valeri Meladze və Lyubov Uspenskayanın yaradıcılıq gecəsi təşkil olunacaq. Həmin günlərdə digər musiqiçilər də çıxış edəcəklər.Festivalın təşkilatçıları müğənni və bəstəkar Emin Ağalarov, Rusiyanın Əməkdar Artisti Qriqori Leps, “Russkoye radio”nun və “Qızıl qrammofon” mükafatının təsisçisi Sergey Kojevnikovdur.xeber100.com

46-cı İstanbul Musiqi Festivalı keçiriləcək

Mayın 23-dən iyunun 12-dək Türkiyədə 46-cı İstanbul Musiqi Festivalı keçiriləcək.Azərtac festivalın saytına istinadla xəbər verir ki, azərbaycanlı violonçel ifaçısı, beynəlxalq müsabiqələr laureatı Camal Əliyev iyunun 8-də festival çərçivəsində Müqəddəs Antoni kilsəsində keçiriləcək konsertdə çıxış edəcək. Konsertdə, həmçinin Alican Süner (skripka), Can Çakmur (piano) iştirak edəcəklər.İstanbul Mədəniyyət və İncəsənət Fondu tərəfindən təşkil olunan festivalın builki mövzusu “Ailə əlaqələri” adlanır.xeber100.com