“Dahi” serialının ikinci seriyasından fraqment yayılıb

“National Geographic”in çəkdiyi “Dahi” serialının ikinci seriyasından fraqment yayılıb.Xarici KİV-lər xəbər verir ki, “National Geographic”in antologiyasının ikinci filmi olan “Dahi”də məşhur ispan rəssamı Pablo Pikassoya həsr olunub. Rəssamı digər tanınmış ispaniyalı aktyor Antonio Banderas canlandıracaq.Qeyd edək ki, hər iki məşhur - Banderas və Pikasso İspaniyanın Malaqa şəhərindəndir.Serialın yaradıcılarının fikrincə Banderas təbii seçimdir. Onun aktyor kimi geniş diapazonu, orijinallığı dahi Pikassonun həyatını canlandırmağa kömək edəcək.Kubizm cərəyanının yaradıcısı olan Pikasso uzun sürən yaradıcılıq həyatında 20 min əsər yaradıb. Ekspertlərin məlumatına görə, əsərləri 100 milyonlarla dollara satılan Pikasso dünyanın ən bahalı rəssamıdır.Qeyd edək ki, 10 bölümdən ibarət olan birinci film Uolter Ayzekstonun bioqrafiq kitabı əsasında çəkilmiş “Eynşteyn: həyatı və Kainat” filmidir. Eynşteynin kamil dövrünü Ceffri Raş, gənclik vaxtını Conni Flinn canlandırıb.xeber100.com

Nizami Kino Mərkəzi təqdim edir

Nizami Kino Mərkəzində 20 Yanvar faciəsi ilə əlaqədar repertuar dəyişdirilib.Kino Mərkəzindən Azərtac-a bildirilib ki, kinoteatrda nümayişdə olan filmlər yığışdırılıb. Sabah saat 15:00-da “Nabat” filmi nümayiş olunacaq. Filmin nümayişi pulsuzdur.Qeyd edək ki, C.Cabbarlı adına "Azərbaycanfilm" kinostudiyasında dövlət sifarişi ilə çəkilən "Nabat" filmi Qarabağ müharibəsindən bəhs edir. Filmin quruluşçu rejissoru Elçin Musaoğludur.Filmin baş qəhrəmanı Nabat xala Qarabağın müharibə ərazisində olan dağ kəndlərindən birində yaşayır. Kəndin olan-qalan sakinləri növbəti güclü atəş yağışından sonra tamamilə evlərini tərk edir. Nabat isə xəstə həyat yoldaşını və oğlunun məzarını qoyub heç yana getmir. Hər axşam bu qəhrəman qadın kəndin məscidində və bütün evlərdə neft lampaları yandırır. Hər gecə yanan lampaların işığını görən ermənilər uzun müddət kəndə girməyə qorxurlar.Film Azərbaycan qadınının şücaətini, dözümlülüyünü, qəhrəmanlığını bir daha təsdiq edir.xeber100.com

20 Yanvar faciəsinə həsr edilmiş sərgi açılıb

Bakı Xətai Sənət Mərkəzində “Azadlıq aşiqləri günü-20 Yanvar” adlı respublika uşaq rəsm müsabiqəsinin yekun sərgisi açılıb.Azərtac xəbər verir ki, sərgi Mədəniyyət və Turizm Nazirliyi, Xətai Rayon İcra Hakimiyyəti, Azərbaycan Rəssamlar İttifaqı, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə gerçəkləşib.15 yaşadək uşaq və yeniyetmələr arasında keçirilən müsabiqə xalqımızın azadlıq mübarizəsi və qan yaddaşı olan 20 Yanvar hadisələrini bir daha xatırlamaq məqsədi daşıyır. Müsabiqəyə 300-ə yaxın uşaq 400-dən çox əsərlə qatılıb. Sərgidə 110 uşağın 120-dək sənət əsəri nümayiş edilib. Sonda qaliblər mükafatlandırılıb.xeber100.com

“Nasimi Passion” əsərinin lent yazısı nümayiş olunub

Yanvarın 17-də Azərbaycan Bəstəkarlar İttifaqında 20 Yanvar faciəsi qurbanlarının xatirəsinə həsr olunmuş anım tədbiri keçirilib. Tədbirdə ötən il aprelin 7-də Hollandiyanın “Amsterdam Royal Concertgebouw” konsert sarayında ölkənin kral simfonik orkestrinin, xorunun və solistlərinin müşayiəti ilə görkəmli bəstəkar Firəngiz Əlizadənin təqdim olunan “Nasimi Passion” əsərinin lent yazısı nümayiş olunub. Qeyd edək ki, Azərbaycan Respublikası Prezidenti Administrasiyasının rəhbəri Ramiz Mehdiyevin Sərəncamı ilə təsdiq olunmuş “20 Yanvar faciəsinin iyirmi səkkizinci ildönümünün keçirilməsi ilə bağlı tədbirlər planı”na əsasən təşkil edilən mərasimdə Milli Məclisin deputatları, mədəniyyət və incəsənət xadimləri, o cümlədən xarici səfirliklərin nümayəndələri iştirak ediblər.Tədbirdə Bəstəkarlar İttifaqının sədri Firəngiz Əlizadə xalqımızın başına gətirilən müsibətlərdən danışıb və 20 Yanvar faciəsinin Azərbaycanın qəhrəmanlıq salnaməsində önəmli yer tutduğunu qeyd edib.Daha sonra F.Əlizadə “Nasimi Passion” əsərinə toxunaraq seçdiyi mövzudan və Azərbaycanın böyük mütəfəkkiri İmadəddin Nəsimi yaradıcılığından danışıb. Dahi mütəfəkkirin Yaxın Şərq ədəbiyyatına gətirdiyi mütərəqqi ideyalar və fəlsəfi düşüncə tərzindən söz açıb.Tədbirdə çıxış edən digər natiqlər də 20 Yanvar faciəsinin xalımızın tarixində əbədiyaşarlığından və bu qanlı hadisənin bəstəkarlarımızın əsərlərində öz əksini tapmasından söz açıblar.xeber100.com

Opera və Balet Teatrının məlumatı

Fevralın 18-də Opera və Balet Teatrında bəstəkar Fikrət Əmirovun “Min bir gecə” baleti təqdim olunacaq.Teatrın mətbuat xidmətindən Azərtac-a məlumat verilib ki, bu dəfə səhnə əsərində əsas partiyaları Əməkdar Artist Nigar İbrahimova, solistlər Anar Mikayılov və Cəmilə Kərimova canlandıracaq.Balet Əməkdar Artist, dirijorların beynəlxalq müsabiqəsi laureatı Əyyub Quliyev tərəfindən idarə ediləcək.xeber100.com

Rus Dram Teatrı təqdim edir

2 fevral Rus Dram Teatrının səhnəsində Nil Saymonun pyesi əsasında hazırlanmış “Sonuncu ehtiraslı gənc” tamaşası nümayiş etdiriləcək.Azərtac xəbər verir ki, tamaşanın bədii rəhbəri Yuri Baliyev, rejissoru teatrın aktyoru İlkin Mehdiyevdir. Rollarda Əbdülqəni Əliyev (“Yuğ” teatrından), Natəvan Hacıyeva (Rus Dram Teatrından) çıxış edəcəklər.Ötən ilin dekabr ayında Sankt-Peterburqda Gənc Tamaşaçılar Teatrının səhnəsində oynanılmış bu tamaşa böyük maraqla qarşılanıb. Müstəqil və qeyri-dövlət layihəsinin iştirakçıları 24-cü “Milad paradı” Beynəlxalq Teatr Festivalının diplomu ilə təltif ediliblər.xeber100.com

Akademik Milli Dram Teatrı təqdim edir

Azərbaycan Dövlət Akademik Milli Dram Teatrında 20 Yanvar faciəsinin 28-ci ildönümü münasibətilə “Qarabağnamə” tamaşası nümayiş olunacaq.Teatrın mətbuat xidmətindən Azərtac-a bildirilib ki, İlyas Əfəndiyevin “Hökmdar və qızı” əsəri əsasında hazırlanan tamaşanın rejissoru Mərahim Fərzəlibəyov, quruluşçu rəssamı İsmayıl Məmmədovdur.Səhnə əsərində XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından bəhs edir.O dövrdə xanlıqlara bölünmüş Azərbaycana yiyələnmək istəyən Rusiya və İranla siyasi əlaqələri və dostluq münasibətlərini bərqərar etməyə çalışan İbrahim xan erməni fitnəkarlığının qurbanı olur.xeber100.com  

“YARAT” Müasir İncəsənət Mərkəzi təqdim edir

“YARAT” Müasir İncəsənət Mərkəzinin budəfəki qonağı tanınmış idman ustası, məşhur kikboksçu Zabit Səmədov olacaq.Azərtac xəbər verir ki, yanvarın 17-də idmançı ilə reallaşacaq görüş zamanı o, idman təcrübəsi və nailiyyətləri barədə qonaqlara məlumat verəcək, onu qələbəyə aparan həyat yolundan danışacaq.Eyni zamanda, idmançı “YARAT”da nümayiş olunan “Dağılaraq zirvələrə doğru qalxırıq” adlı sərgisi ilə tanış olacaq, təəssüratlarını bölüşəcək.İdmançı ilə görüş arzusunda olan hər kəs tədbirdə iştirak edə bilər.xeber100.com

“Çölçü” filmi beynəlxalq mükafata layiq görülüb

Rejissor Şamil Əliyevin “Çölçü” filmi “Cult critic movie awards” bu ilin yanvar mövsümünün “Ən yaxşı bədii film” mükafatına layiq görülüb.Filmin rejissorunun verdiyi məlumata görə, mükafatın təqdimetmə mərasimi bu ilin ortalarında Hindistanın Kolkata şəhərində keçiriləcək.Qeyd edək ki, Mədəniyyət və Turizm Nazirliyinin sifarişi ilə “Azərbaycanfilm” kinostudiyasında istehsal olunmuş film bir sıra beynəlxalq festivallarda nümayiş olunaraq mükafatlara layiq görülüb. Xatırladaq ki, “Çölçü” filminin ssenari müəllifi Vidadi Həsənov, quruluşçu operatoru Rafiq Quliyev, quruluşçu rəssamları Rafiq Nəsirov və İbrahim Aminovdur. Rollarda Vidadi Həsənov, Bəhruz Vaqifoğlu, Cavidan Məmmədov və başqaları çəkilib.xeber100.com

Rəssamlar İttifaqında rəsm əsərlərindən ibarət sərgi açılacaq

Yanvarın 16-da Rəssamlar İttifaqının V. Səmədova adına sərgi salonunda Məlik Məmmədyarovun rəsm əsərlərindən ibarət sərgi açılacaq.Azərtac xəbər verir ki, Rəssamlar İttifaqının təşkilatçılığı ilə reallaşacaq sərgidə ziyarətçilər fırça ustasının 30-dən çox işinə baxa biləcək.Beş gün davam edəcək sərgidə rəssamın müxtəlif mövzulu sənət əsərləri nümayiş olunacaq.xeber100.com