Rus Dram Teatrı yanvar repertuarını açıqlayıb

Rus Dram Teatrı 2018-ci ilin yanvar repertuarını açıqlayıb.Azərtac teatrın repertuarını təqdim edir: 5 yanvar – “Əli və Nino”; 6 yanvar – “Məhəbbətlə zarafat etmirlər”; 7 yanvar – “Məmə” (premyera); 12 yanvar – “Afina axşamları”; 13 yanvar – “Xalam bundu” 14 yanvar – “Senyor Todero-xuliqan”; 18 yanvar – “Yeddi gözəl”; 21 yanvar – “Qürur və qərəz”; 25 yanvar – “Artistin taleyi”; 26 yanvar – “Peterburqlu sələmçi”; 27 yanvar – “Sanset bulvarı”; 28 yanvar – “Mərasim”. Uşaqlar üçün: 6 yanvar – “Durnabalığının buyruğu ilə”; 13 yanvar – “Çar Saltan, knyaz Qvidon və Qu quşu şahzadəsi haqqında nağıl”; 14 yanvar – “Atam, anam və mən; 21, 29-31 yanvar – “Üç donuz balası, Qırmızı papaq və boz canavarlar”; 27-28 yanvar – Moskva teatrının qastrolu. “Morozko”. Böyüklər üçün tamaşalar saat 19:00-da, uşaqlar üçün tamaşalar isə saat 12:00 və 15.00-da başlanır.xeber100.com

Pantomima Teatrı yanvar repertuarını təqdim edir

Pantomima Teatrı növbəti ilin ilk ayı maraqlı tamaşalarla çıxış edəcək.Azərtac teatrın yanvar repertuarını təqdim edir: 6 yanvar - “Dejavü”; 7 yanvar - “Mənim balığımsan”; 13 yanvar - “Pantomima buketi”; 14 yanvar - “Fəlakət və İnsan” (uşaq tamaşası), “6+1 № Palata”; 21 yanvar - “Ağ bığlılar”; 27 yanvar – “Underground”; 28 yanvar - “Fəlakət və İnsan” (uşaq tamaşası), “Ora-Bura”. Böyüklər üçün tamaşalar saat 18:00-da, uşaqlar üçün saat 14:00-da nümayiş olunacaq.xeber100.com  

“Məhəbbət səfiri” sənədli filminin təqdimatı keçiriləcək

Dekabrın 27-də Bakıda “Məhəbbət səfiri” sənədli filminin təqdimatı keçiriləcək.Hindistanın Azərbaycandakı səfirliyindən Azərtac-a bildiriblər ki, film məşhur hind aktyoru, dünyada sülh, məhəbbət və qardaşlıq carçısı kimi tanınan Dharmendranın həyatına və yaradıcılığına həsr olunub.Sənədli filmin baş qəhrəmanı Dharmendra (əsl adı Dharam Sinqh Deol) həm də prodüser və siyasətçidir. Hindistan kinematoqrafiya sənətinə verdiyi töhfələrə görə o, bu ölkənin üçüncü ən yüksək mülki mükafatı olan Padma Bhuşan, həmçinin bir neçə mükafata layiq görülüb. Aktyor bir çox ekran əsərində, o cümlədən “Daş və Çiçək”, “Sevimli Raca”, “Qisas və Qanun”, “Cəngəlliklər kralı”, “Əbədi məhəbbət nağılı”, “Əlibaba və qırx quldur”, “Üç muşketyor kimi”, “Samrat” və digər məşhur filmlərdə çəkilib.xeber100.com

“Muğam və mənəviyyat” adlı layihənin növbəti konserti təşkil edilib

Beynəlxalq Muğam Mərkəzində “Muğam və mənəviyyat” adlı layihənin növbəti konserti təşkil edilib.Muğam Mərkəzindən Azərtac-a bildirilib ki, konsert “Mədəniyyət” kanalı və Beynəlxalq Muğam Mərkəzinin birgə layihəsi əsasında gerçəkləşib.Konsertdə Xalq Artisti Gülyanaq Məmmədova, xanəndələr Ehtiram Hüseynov, Kamilə Nəbiyeva, Fəraməz Gərmrudi tərəfindən xalq və bəstəkar mahnıları, habelə muğam və təsniflər səsləndirilib.Tədbirdə xanəndələri Əməkdar Artist, tarzən Əliağa Sədiyevin bədii rəhbərliyi ilə “Könül” instrumental ansamblı müşayiət edib.xeber100.com

“İslam sivilizasiya və mədəniyyətinin vəhdəti” adlı sərgi açılacaq

Dekabrın 25-də İran İslam Respublikasının ölkəmizdəki səfirliyinin Mədəniyyət Mərkəzində “İslam sivilizasiya və mədəniyyətinin vəhdəti” adlı sərgi açılacaq. Sərgi Azərbaycan Rəssamlar İttifaqı, İranın ölkəmizdəki səfirliyinin mədəniyyət mərkəzi, Fələstinin ölkəmizdəki səfirliyi və Türkiyə səfirliyinin mədəniyyət və tanıtım müşavirliyinin dəstəyi ilə reallaşacaq.Bu barədə Azərtac-a sərginin layihə rəhbəri Elnurə İsgəndərova məlumat verib. “Təşkilatçısı rəssam Aygün İsgəndərova olan sərgidə 150 fırça ustasının 200-dək sənət əsəri nümayiş olunacaq. “İslam Həmrəyliyi İli” çərçivəsində reallaşacaq sərgi bir gün davam edəcək. Sonda fırça ustaları diplom və sertifikatlarla təltif olunacaqlar”, - deyə E. İsgəndərova söyləyib.xeber100.com

Opera və Balet Teatrının məlumatı

Opera və Balet Teatrında bəstəkar Qara Qarayev və bəstəkar Fərəc Qarayevin musiqisi əsasında “Qoyya” baletinin quruluşu üzərində fəal iş aparılır.Teatrın rəhbərliyi tamaşanın quruluşunu həyata keçirmək üçün adlı-sanlı mədəniyyət xadimlərindən ibarət beynəlmiləl yaradıcı heyəti sənət ocağına dəvət edib.Teatrdan bildirilib ki, baletin quruluşçu xoreoqrafı Estoniyanın Əməkdar artisti Vasili Medvedyevdir.Tamaşanın quruluşçu rəssamı Dmitri Çerbadji, libretto müəllifi türkiyəli yazıçı Yana Temiz, xormeysteri Sevil Hacıyevadır.Görkəmli bəstəkar Qara Qarayevin 100 illiyi çərçivəsində nümayiş olunacaq səhnə əsərinin premyerası gələn il fevralın 3-nə nəzərdə tutulur.xeber100.com

“YARAT” Müasir İncəsənət Mərkəzi təqdim edir

Dekabrın 23-də “YARAT” Müasir İncəsənət Mərkəzində “Müsbət proqressiv valideyn” adlı maarifləndirici təlim keçiriləcək.Azərtac xəbər verir ki, Ülviyyə Tağızadənin müəllifi olduğu layihə çərçivəsində reallaşacaq tədbir rus dilində təşkil ediləcək. Müəllifin fikrincə, valideynlər təcrübəli olsalar belə, öz biliklərini daim mükəmməlləşdirməlidirlər. Ailələrdə valideynlər və uşaqlar arasında baş verən xırda münaqişələr bəzən ciddiyə alınmadığı təqdirdə sonradan zəncirvari təkrarlanmağa başlayır. Təlim-tərbiyədə səhvlərə yol verilməməsi üçün valideynlər üçün kurslar mövcuddur. Həmin bu kurslar layihənin məğzini təşkil edir.Qeyd edək ki, 2017-ci ildə Londonda yaranan layihə ABŞ, Böyük Britaniya və Avstraliya kimi ölkələrdə təhsildə uğurla tətbiq olunur.xeber100.com

Oskar mükafatı uğrunda mübarizə aparacaq filmlərin siyahısı açıqlanıb

ABŞ Kinematoqrafiya Sənət və Elm Akademiyası Oskar mükafatının əsas nominasiyası uğrunda mübarizə aparacaq filmlərin geniş siyahısını açıqlayıb.Rusiya KİV-ləri xəbər verir ki, "İlin ən yaxşı filmi" nominasiyası üzrə 341 film təqdim olunub.Mükafata əsas namizədlərin sırasında “Möcüzə-qadın”, “Ülgüc üzərində qaçış 2049”, “Karib dənizinin quldurları: Ölülər nağıl danışmır”, “Dünkerk”, “Kinqsman: Qızıl üzük” və başqa filmlər yer alıb.Qeyd edək ki, Oskar mükafatının təqdimetmə mərasimi gələn il martın 4-də Los-Ancelesdə keçiriləcək.xeber100.com

Qısametrajlı bədii film layihələri müsabiqəsində

Dekabrın 19-da Nizami Kino Mərkəzində qısametrajlı bədii film layihələri müsabiqəsində iştirak etmək arzusunda olan ssenarist, prodüser və rejissorları maraqlandıran məsələlərlə əlaqədar təşkilatçılarla görüş keçirilib.Azərtac xəbər verir ki, tədbirdə Azərbaycan Mədəniyyət və Turizm Nazirliyinin kinematoqrafiya şöbəsinin sektor müdiri Yusif Şeyxov, şöbənin əməkdaşı Elşad Əliyev çıxış edərək müsabiqə barədə məlumat veriblər. Bildirilib ki, müsabiqədə film istehsalı ilə məşğul olan müstəqil kino şirkətləri iştirak edə bilərlər. Müstəqil fəaliyyət göstərən gənc müəlliflər müsabiqədə iştirak etmək üçün layihələrini prodüser mərkəzlərinə təqdim etməlidirlər. Kino layihəsinin prodüseri və rejissoru 35 yaşadək kinematoqrafçılar olmalıdır. Müsabiqə üçün sənədlər eyni deviz altında olan iki bağlı zərfdə gələn il aprelin 20-dək nazirliyə təqdim edilməlidir. Birinci zərfdə çəkilişi rəqəmli daşıyıcıda nəzərdə tutulan, istənilən növ, janr və formatda az büdcəli qısametrajlı bədii filmin ədəbi ssenarisi, adları qeyd edilmədən filmin rejissoru və prodüserinin gələcək film haqqında bir səhifəlik şərhləri, layihənin təxmini smeta dəyəri və istehsalı haqqında məlumat daxil ediləcək. Üzərində eyni deviz qeyd edildiyi ikinci bağlı zərfdə müsabiqə iştirakçısı olan kino şirkətinin adı, dövlət qeydiyyatı haqqında şəhadətnamənin surəti, poçt və bank rekvizitləri, həmçinin rejissor, ssenari müəllifi və prodüserin adları, əlaqə telefonları qeyd olunur. Sənədlər paketi tam olmadığı halda layihə buraxılmır.xeber100.com  

Milli Dram Teatrının təqdimatında

Azərbaycan Dövlət Akademik Milli Dram Teatrının yaradıcı heyəti hazırladığı yeni səhnə əsərini tamaşaçılara təqdim edib.Azərtac xəbər verir ki, “Qətibə İnanc” adlı ikihissəli səhnə əsəri görkəmli Azərbaycan yazıçısı Məmməd Səid Ordubadinin “Qılınc və qələm” romanının motivləri əsasında Çingiz Ələsgərli tərəfindən yeni səhnə versiyasında işlənib.Xalq Artisti Mərahim Fərzəlibəyovun quruluşunda təqdim olunan tamaşa Gəncə hakimi Əmir İnancın qızı Qətibə İnancın Şeyx Nizamiyə olan məhəbbətindən bəhs edir. Şeyx tərəfindən məhəbbəti rədd ediləndən sonra Qətibə İnancda hamıya qarşı nifrət yaranır. Bu nifrətinə görə Qətibə sevmədən Məhəmməd Cahan Pəhləvana ərə gedir.Qeyd edək ki, ilk dəfə 1977-ci ildə görkəmli rejissor Tofiq Kazımov “Qılınc və qələm” əsərini tamaşaya hazırlayıb.xeber100.com