“Yeni il gəlir” adlı konsert proqramı təqdim olunacaq

Dekabrın 21-də Heydər Əliyev Sarayında tanınmış müğənnilərin ifasında “Yeni il gəlir” adlı konsert proqramı təqdim olunacaq.Sarayın mətbuat xidmətindən Azərtac-a bildiriblər ki, “Mədəniyyət” kanalı ilə birgə təşkil olunacaq konsertdə Xalq artistləri Mənsum İbrahimov, Nazpəri Dostəliyeva, Nəzakət Teymurova, Aygün Bayramova, Gülyaz Məmmədova, Gülyanaq Məmmədova, Zaur Rzayev, Əməkdar artistlər Zakir Əliyev, Babək Niftəliyev, Manana, Ədalət Şükürov, Bəyimxanım Vəliyeva, Ehtiram Hüseynov və başqaları iştirak edəcəklər.xeber100.com

Mədəniyyət və turizm nazirliyinin məlumatı

Dekabrın 7-də Mədəniyyət və turizm naziri Ə.Qarayev TÜRKSOY-un baş katibi Düsen Kaseinovun rəhbərlik etdiyi nümayəndə heyəti ilə görüşüb.Nazirlikdən Azərtac-a bildirilib ki, TÜRKSOY-un nümayəndə heyəti Molla Pənah Vaqifin 300 illik yubileyi və Kabardin-Balkar şairi Qaysın Quliyevin 100 illiyinə həsr olunmuş tədbirlərdə iştirak etmək məqsədilə ölkəmizə gəlib.Qonaqları salamlayan nazir Əbülfəs Qarayev TÜRKSOY-un fəaliyyətinin bütövlükdə türkdilli xalqların birliyinə xidmət etdiyini deyib. Bildirib ki, türk mədəniyyətini, xalqlarımızın milli adət-ənənələrini beynəlxalq aləmə birlikdə çıxarmalıyıq.Düsen Kaseinovu yenidən təşkilatın rəhbəri seçilməyi münasibətilə təbrik edən nazir qurumun səmərəli fəaliyyətinin bundan sonra da davamlı olacağına ümidvar olduğunu diqqətə çatdırıb. Vurğulayıb ki, UNESCO və ISESCO ilə də sıx əməkdaşlıq edən TÜRKSOY müxtəlif beynəlxalq forumlarda yaxından iştirak edir, türkdilli xalqların mədəniyyətinin təbliğini həyata keçirir: “2017-ci il təşkilat üçün çox aktiv il olmuşdur. Çoxsaylı tədbirlər həyata keçirilmiş, görkəmli şəxsiyyətlərin yubiley tədbirləri, mədəniyyət paytaxtları elan olunmuş şəhərlərdə türk tarixinin araşdırılması istiqamətində, türk xalqları arasında dostluq və qardaşlıq əlaqələrinin möhkəmlənməsinə yönəlmiş tədbirlər reallaşdırılmışdır”.xeber100.com

“Çölçü” filmi beynəlxalq film festivalının qalibi olub

Rejissor Şamil Əliyevin “Çölçü” filmi Hindistanın Kəlküttə şəhərində keçirilən “Cult” beynəlxalq film festivalında “Qızıl tülkü” mükafatının qalibi olub.Cəfər Cabbarlı adına “Azərbaycanfilm” kinostudiyasından bildirilib ki, Mədəniyyət və Turizm Nazirliyinin sifarişi ilə kinostudiya tərəfindən istehsal edilmiş “Çölçü” filminin ssenari müəllifi Vidadi Həsənov, quruluşçu operatoru Rafiq Quliyev, quruluşçu rəssamları Rafiq Nəsirov və İbrahim Aminovdur.Rollarda Vidadi Həsənov, Bəhruz Vaqifoğlu, Cavidan Məmmədov və başqaları çəkilib.xeber100.com

MDB ölkələrinin XII Forumu keçiriləcək

Dekabrın 11-də Moskvada MDB-nin iştirakçısı olan ölkələrin yaradıcı və elmi ziyalılarının XII Forumu açılacaq. Forum çərçivəsində “Birlik Ulduzları” mükafatı laureatlarının təltif edilməsi mərasimi keçiriləcək. Azərbaycanın Xalq Rəssamı Fərhad Xəlilov da təltif edilənlər sırasındadır.MDB ölkələrinin Dövlətlərarası Humanitar Əməkdaşlıq Fondunun (DHƏF) mətbuat xidmətindən Azərtac-a bildiriblər ki, Azərbaycan, Belarus, Qazaxıstan, Moldova, Tacikistan, Türkmənistan, Özbəkistan, Ukrayna, Ermənistan və Rusiya nümayəndələri Forumda iştirak etmək üçün Moskvaya gələcəklər. RF Hökuməti sədrinin müavini Olqa Qolodets və RF Prezidentinin Beynəlxalq mədəni əməkdaşlıq üzrə xüsusi nümayəndəsi Mixail Şvıdkoy tədbirdə iştirak edəcəklər.“MDB-də ailə dəyərlərinin və ənənələrinin möhkəmlənməsində və dəstəklənməsində humanitar əməkdaşlığın rolu” Forumun əsas mövzusu olacaq. Əlaqədar sessiyalarda peşə fəaliyyəti ilə bağlı qarşılıqlı əlaqələrin müxtəlif aspektləri, o cümlədən təhsil və gənclər siyasəti sahəsində əməkdaşlıq, habelə MDB məkanında qarşıdan gələn Mədəniyyət İlinə hazırlıq məsələləri nəzərdən keçirilib.Forum MDB DHƏF-in dəstəyi ilə keçiriləcək.xeber100.com

TÜRKSOY-un Daimi Şurasının 35-ci toplantısı keçirilir

Qazaxıstanın Türküstan şəhərində TÜRKSOY-un mədəniyyət nazirləri Daimi Şurasının 35-ci toplantısı keçirilir.Mədəniyyət və Turizm Nazirliyindən Azərtac-a bildirilib ki, toplantıda Milli Məclisinin deputatı, Azərbaycanda Atatürk Mərkəzinin müdiri, akademik Nizami Cəfərov, nazirliyin rəsmiləri Yaşar Əliyev və Tamerlan Axundov iştirak edirlər.İclasda TÜRKSOY-un 2017-ci il üzrə fəaliyyətinin yekunları, 2018-ci il üçün fəaliyyət proqramı, növbəti ildə TÜRKSOY təqvimində yer alması təklif edilən tarixi şəxsiyyətlər, habelə TÜRKSOY mədəniyyət paytaxtı elan olunacaq şəhərlər və digər məsələlərin müzakirəsi nəzərdə tutulur.Toplantı çərçivəsində “Türküstan-türk dünyasının mədəniyyət paytaxtı-2017” mədəniyyət ilinin bağlanış mərasimi də keçiriləcək.xeber100.com

UNESCO-nun Hökumətlərarası Komitəsinin 12-ci sessiyası işə başlayıb

Koreya Respublikasının Jeju adasında UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin 12-ci sessiyası işə başlayıb.Dekabrın 9-dək davam edəcək sessiyada ölkəmizi Azərbaycan Respublikasının UNESCO yanında daimi nümayəndəliyinin rəhbəri Anar Kərimov, Mədəniyyət və Turizm Nazirliyinin beynəlxalq əməkdaşlıq şöbəsinin müdiri Vasif Eyvazzadə, UNESCO üzrə Milli Komissiyanın nümayəndəsi və milli ekspertlər təmsil edir.İclas çərçivəsində 2016-cı ildə Efiopiyanın paytaxtı Əddis-Əbəbə şəhərində keçirilən 11-ci sessiyanın hesabatının, cari 12-ci sessiyanın gündəliyinin, eləcə də Qeyri-Maddi Mədəni İrsin Qorunması üzrə Konvensiyanın katibliyinin hesabatının qəbul edilməsi gözlənilir. Sessiya çərçivəsində QHT-lərin Forumu keçiriləcək, 2018-ci il üçün Qiymətləndirici Orqanın tərkibi təyin ediləcək, eləcə də Qeyri-Maddi Mədəni İrs Fondunun resurslarının 2018-2019-cu illərdə istifadəsi planının layihəsi, üzv dövlətlərin Konvensiyanın həyata keçirilməsi ilə bağlı hesabatları və təcili qorunmaya ehtiyacı olan qeyri-maddi mədəni irs siyahısına daxil edilmiş faylların vəziyyəti müzakirə olunacaq.Sessiyada ölkələrin təqdim etdiyi qeyri-maddi mədəni irs nümunələri-namizədlik faylları, eləcə də Azərbaycanın “Dolma” milli faylı və İran İslam Respublikası ilə birgə təqdim etdiyi “Kamança” çoxmillətli faylının UNESCO-nun Qeyri-Maddi Mədəni İrs üzrə reprezentativ siyahısına daxil edilməsi haqqında qərar verilməsi gözlənilir.xeber100.com

Xeyriyyə sərgisi və yarmarkası keçirilib

Qazaxıstanın paytaxtı Astanada ənənəvi olaraq Yeni il qabağı xeyriyyə sərgisi və yarmarkası keçirilib.Azərtac xəbər verir ki, Qazaxıstanda Akkreditə Olunmuş Diplomatik Korpus Rəhbərlərinin Xanımları Klubunun təşəbbüsü və səfirliklərin təşkilatçılığı ilə hər il keçirilən aksiyada 54 ölkənin səfirliyi iştirak edir.Azərbaycanın Qazaxıstandakı səfirliyi bu il keçirilən aksiyada ilk dəfə olaraq ölkəmizi təmsil edib.Xeyriyyə yarmarkasında xüsusilə Azərbaycandan gətirilən məhsullar, Astanada hazırlanmış milli mətbəximizin ləziz xörəkləri və şirniyyatları, mətbəximizə aid müxtəlif təamlar böyük marağa səbəb olub. Eləcə də Azərbaycan şərabları, nar şirəsi və digər məhsullarımız ən çox satılanlar sırasında olub.Şəhər sakinlərinə və qonaqlara Azərbaycan suvenirləri, simvolik hədiyyələri, milli kulinariyamıza aid olan şəkərbura, paxlava və digər şirniyyat növləri təqdim olunub. Azərbaycanın müxtəlif növ çay məhsulları sərginin ən diqqətdə olan məhsulları sırasına aid edilib. Meyvələrdən hazırlanan mürəbbələr, müxtəlif şirələr və kompotlar yalnız Azərbaycan səfirliyinin hazırladığı stenddə nümayiş olunub ki, bu da yarmarka iştirakçılarının daha çox diqqətini çəkib.xeber100.com

“YARAT” Müasir İncəsənət Mərkəzi təqdim edir

Dekabrın 7-də “YARAT” Müasir İncəsənət Mərkəzində rejissor Elvin Mirzəyevin “Axına qarşı” adlı yeni eksperimental tamaşası təqdim olunacaq.Azərtac xəbər verir ki, tamaşa istedadlı gənclərin aktyorluq potensialını üzə çıxarmaq məqsədilə “YARAT Teatr Klubu”nda hazırlanıb.Tamaşada kastinqdən uğurla keçən Mədəniyyət və İncəsənət Universitetinin tələbələri və həvəskar aktyorlar iştirak edəcək.Tamaşa 5 klassik əsər (Nizami Gəncəvinin "Yedi Gözəl", Vilyam Şekspirin “Romeo və Cülyetta”, Herman Hessenin “Siddhartha”, yunan mifi “Orfey və Evridika” və Mixail Bulqakovun “Ustad və Marqarita”) əsasında hazırlanıb.xeber100.com

“İpək Yolu” festivalı keçiriləcək

Almaniyanın Höte İnstitutu dekabrın 5-də Almaniya, Türkiyə, Gürcüstan, Qazaxıstan və Azərbaycandan olan tanınmış musiqiçilərin iştirakı ilə “Bakı İpək Yolu” festivalı təşkil edəcək.Bu barədə Azərtac-a Almaniyanın Azərbaycandakı səfirliyindən məlumat veriblər.Festival çərçivəsində Bakıda caz konsertləri, musiqi seminarları, eləcə də müxtəlif sərgilər təşkil ediləcək.Tədbirə qatılan incəsənət xadimlərinin təmsil etdikləri ölkələr tarixi İpək Yolunun bir hissəsini təşkil edir. Almaniyada formalaşmış ideyaya görə bu yol nəinki məhsul, eləcə də Şərq ilə Qərb arasında incəsənət və ideya mübadiləsi üçün əlverişli imkandır.Tədbirlər “Kapellhaus”, Şirvanşahlar Sarayı, “Rotunda Jazz Club” və “Chamber&Organ Music Hall”da keçiriləcək. Konsertlərə giriş sərbəstdir.Festival dekabrın 14-dək davam edəcək.xeber100.com

“Azərbaycanfilm” kinostudiyasının məlumatına görə…

“Qırmızı bağ” və “İçəri şəhər” bədii filmləri Çində keçirilən 4-cü “İpək Yolu” beynəlxalq film festivalında nümayiş olunub.Cəfər Cabbarlı adına “Azərbaycanfilm” kinostudiyasından Azərtac-a verilən məlumata görə, kinostudiya və “Weit Media” kino şirkətinin birgə istehsalı olan “Qırmızı bağ” filminin ssenari müəllifi Mirbala Səlimli, quruluşçu operatoru Maksim Drozdov, quruluşçu rəssam Leonid Karpov, bəstəkar Salman Qəmbərov, prodüserləri Müşfiq Hətəmov və Timur Vaynşteyndir.Rollarda Maqsud Məmmədov, Gülzar Qurbanova, Taleh Badıyev və başqaları çəkiliblər.Kinostudiyanın istehsalı olan “İçəri şəhər” filminin isə ssenari müəllifləri Təhminə Rafaella və İlqar Safat, quruluşçu operatoru Luka Koassin, quruluşçu rəssam Bütünay Haqverdiyev, prodüseri Müşfiq Hətəmovdur. Rolları Təhminə Rafaella, Mehriban Zəki, Firdovsi Atakişiyev, Elmira Şabanova və başqaları canlandırıblar.Filmi festivalda rejissor İlqar Safat və aktrisa Mehriban Zəki təmsil ediblər.Qeyd edək ki, hər iki film Mədəniyyət və Turizm Nazirliyinin sifarişi ilə lentə alınıb.xeber100.com